[1] Maqaan mootota biyya warra Israa'eloonni biyya Yordaanos irraa gara ba'a-biiftuutti, dachaa Aarnonii hamma tulluu Hermoonitti, guutummaa Arabaayi gara ba'a-biiftuutiin rukutanii qabatanii kanatti fufee jira;
[2] Sihoon mootiin Amoorotaa mandara Heshboon keessa jiraate; inni mandara Aro'er isa qarqara dachaa Aarnonii, dachaa sana keessa walakkaa Giil'aadii kaasee, hamma laga Yaaboq isa daarii ijoollee Amoonitti;
[3] karaa gara ba'a-biiftuu Arabaayii hamma galaana Kenerootitti; karaa Bet-Yeshiimoot immoo hamma galaana Arabaayii fi galaana soogiddaatti; karaa mirgaatiin immoo hamma tulluu Phiisgaa jalaatti mo'ee ture.
[4] Haftee warra Refaa'otaa keessaa Oog mootiin Baashaan isa mandara Ashtaarotii fi Edraayin jiraachaa ture; biyyi mootummaa isaa immoo,
[5] tulluu Hermoonii fi Saalkaan guutummaa biyya Baashaanii hamma daarii Geshuurotaatii fi Ma'akaatotaatti; walakkaa Giil'aadii hamma daarii Sihoon mootii Heshboonitti ture.
[6] Yeroo Museen garbichi Waaqayyoo fi Israa'eloonni isaan rukutan, Museen garbichi Waaqayyoo immoo biyya isaanii sanyii Ruubenii fi sanyii Gaadiif, sanyii Minaasee isa walakkaa gosaatiifis kennee ture.
[7] Mootonni biyya warra Iyaasuunii fi Israa'eloonni laga Yordaanos irraa gara lixa-biiftuutti, Ba'aal-Gaadi isa dachaa Liibaanon keessa jiru jalqabee hamma tulluu Halaak isa gara Se'iiritti ol ka'utti mo'anii qabatan warra kanatti fufanii jiranii dha; Iyaasuun yommus warri Israa'el biyya isaanii akka hirmaata gosa gosa isaaniitti qabeenya isaanii akka godhataniif in kenneef.
[8] Biyyi inni isaaniif kennes, biyya gaaraa, biyya dachaa, Arabaayi, biyya irraan-gadee tullootaa, biyya lafa onaa, biyya gara mirgaa, biyya Heetotaa, biyya Amoorotaa, biyya Kana'aanotaa, biyya Pheriizotaa, biyya Hiiwotaa fi Yibusootaa ture.
[9] Mootiin Yerikoo tokko, mootiin Aayi isa Bet'el bukkee jiru tokko;
[10] mootiin Yerusaalem tokko, mootiin Kebroon tokko;
[11] mootiin Yarmuut tokko, mootiin Laakiish tokko;
[12] mootiin Egloon tokko, mootiin Gezer tokko;
[13] mootiin Debiir tokko, mootiin Geder tokko;
[14] mootiin Hormaa tokko, mootiin Araad tokko;
[15] mootiin Liibnaa tokko, mootiin Adulaam tokko;
[16] mootiin Maqedaa tokko, mootiin Bet'el tokko;
[17] mootiin Taafu'aa tokko, mootiin Hefer tokko;
[18] mootiin Afeq tokko, mootiin Lashaaron tokko;
[19] mootiin Maadon tokko, mootiin Hazoor tokko;
[20] mootiin Shimroon tokko, mootiin Meron tokko, mootiin Akshaaf tokko;
[21] mootiin Ta'anaa tokko, mootiin Megidoo tokko;
[22] mootiin Qedeesh tokko, mootiin Yoqnaam isa tulluu Qarmelos jalaa tokko;
[23] mootiin Door inni gaara Door gubbaa tokko, mootiin saba Galiilaa tokko;
[24] mootiin Tiirzaa tokko; walumatti mootota soddomii tokko turan.