[1] حئکمت اؤز اِوئنی تئکئب، یدّی سوتونونو یونوب.
[2] اَتئنی کسئب، شرابینی حاضیرلاییب، سوفره‌سئنی ده سالیبدیر.
[3] کنئزلرئنی گؤندَ‌رئب، شهرئن اوجا یرلرئندن چاغیتدیریر:
[4] «ساده اولان هر کس، قوی بورایا دؤنسون.» آغیلسیز اولانا دا دیئر:
[5] «گل چؤره‌یئمدن یه، حاضیرلادیغیم شرابدان ائچ.
[6] ساده‌‌لئیئنی بوراخ و یاشا، آنلاق یولوندا گت.
[7] رئشخند ادن آدامی تأدئب ادن، اؤزونو روسوایچیلیغا سالار، شر آدامی دانلایان اؤزونه خجالت گتئرر.
[8] رئشخند ادن آدامی دانلاما، یوخسا سندن نئفرت ادر. حئکمتلی آدامی دانلا، سنی سور.
[9] حئکمتلی آداما نصئحت ور، داها حئکمت آلاجاقدیر. صالح بئر آداما اؤیرت، علمی داها آرتاجاق.
[10] ربدن قورخماق حئکمتئن باشلانیشی‌دیر، موقدّس اولانی تانیماق آنلاق‌دیر.
[11] چونکی گونلرئن منئم واسئطمله چوخالاجاق، و عؤمرونه ائل‌لر آرتاجاق.
[12] اگر حئکمت آلاسان، اؤزون اوچون آلارسان. اگر رئشخند اده‌سن، ضررئنی آنجاق اؤزون چکرسن.»
[13] آخماق آرواد های-کویلودور، جاهئلدئر، هچ شی بئلمز.
[14] اِوئنئن قاپیسی یانیندا اوتورار، کتئل اوسته شهرئن اوجا یرلرئنده اَیله‌شر کی،
[15] یولدان کچنلری، طرئقلری دوز اولانلاری چاغیرسین:
[16] «ساده اولان هر کس، قوی بورایا دؤنسون.» عاغیلسیز اولانا دا دیئر:
[17] «اوغورلانمیش سو شئرئندئر، گئزلی ییئلن چؤره‌یئن آیری بئر لذّتی وار.»
[18] لاکئن بئلمز کی، اورادا اؤلولر وار، قوناقلاری اؤلولر دئیارینین دئبئنده‌دئر.