[1] اوغلوم، اگر منئم سؤزلرئمی قبول اده‌سن، اگر وردئیئم امرلری اوره‌یئنده ساخلایاسان،
[2] اله کی، حئکمته قولاق آسیب، اوره‌یئنی فراست الئنه وره‌سن.
[3] هم ده اگر آنلاق اوچون باغیریب، فراست اوچون سسئنی اوجالداسان.
[4] اگر اونو گوموش کئمی، گئزله‌دئلمئش بئر خزئنه کئمی آختاراسان؛
[5] او زامان ربدن قورخماغی آنلایارسان و تارینی تانییارسان.
[6] چونکی حئکمتی رب ورئر، معرئفت و فراست اونون آغزیندان گلئر.
[7] صالح ائنسانلار اوچون شوعور ساخلاییر، دوغرولوقلا گزنلر اوچون سئپردئر.
[8] عدالت یولونو قورویور، مؤمئنلرئنئن یولونو حئفظ ادئر.
[9] او زامان صالحلئک و عدالتی، ائنصاف و هر یاخشی یولو آنلایارسان.
[10] چونکی حئکمت اوره‌یئنه گئرر، جانین معرئفتدن خوشلانار،
[11] دوشونجه سنی حئفظ ادر، فراست سنی قورویار.
[12] اله کی، سنی پئس آدامین یولوندان، ترسه دانیشان آدامین الئندن قورتارار.
[13] او آداملاردان کی، دوز یوللاری بوراخیب، قارانلیق یوللاریندا گزئرلر.
[14] او آداملاردان کی، پئس ائشلردن سوئنئرلر، پئس آدامین ترسه سؤزلرئندن کف ادئرلر.
[15] او آداملاردان کی، یوللاری اَیری‌دئر، یوللاری دولاشیقدیر.
[16] اله کی، سنی عئفّتسئز آرواددان، اونون آلداتان یومشاق سؤزلرئندن قورتارار.
[17] او آرواددان کی، جاوانلیغیندا گدن اَری بوراخیر، تارینین عهدئنی یاددان چیخاردیر.
[18] چونکی اونون اِوی اؤلومه، اونون یوللاری اؤلولره گدئر.
[19] یانینا گدنلردن هچ بئری دؤنه بئلمز، حیات طرئقلرئنه ده آرتیق چاتا بئلمز.
[20] بله‌جه، یاخشی آداملارین یولوندا گزر‌سن، صالحلرئن طرئقلرئنی توتارسان.
[21] چونکی صالح ائنسانلار یرده ساکئن اولاجاقلار، کامئل ائنسانلار اوندا قالاجاقلار.
[22] لاکئن پئس آداملار یر اوزوندن کسئله‌جک، خائنلرئن ده کؤکو قوپاریلاجاق.