[1] بئر حؤکمدارلا یمک یمه‌یه اوتوردوغون زامان، قاباغیندا اولانا یاخشی دئقّت ات.
[2] اگر ائشتاهالی بئر آدامسان، بوغازینا بیچاق قوی.
[3] اونون دادلی یمکلرئنه هوسلَنمه، چونکی آلداتان خورکدئر.
[4] ثروت قازانماق اوچون اؤزونو یورما؛ بو فئکئردن دوش!
[5] گؤزونو ثروته دئکه‌سن، یوخ اولار، اؤزونه قانادلار دوزَ‌لدئب، قارتال کئمی گؤیلره اوچار.
[6] خسئس آدامین خوره‌یئنی یمه؛ اونون دادلی یمکلرئنه ده هوسلَنمه؛
[7] چونکی اوره‌یئنده هر شیئن حسابینی ادر. سنه دئیر: «یه، ائچ»، لاکئن اوره‌یی دئلی ائله بئر دیئل.
[8] یدئیئن تئکه‌نی قوساجاقسان، ددئیئن شئرئن سؤزلر بادا گده‌جک.
[9] آخماق آدامین قولاغینا بئر شی دمه، چونکی سؤزلرئنده اولان عاغیلا حقارتله باخاجاق.
[10] قدئمکی سرحد داشینین یرئنی دیئشمه، یتئملرئن زمئلرئنه ده گئرمه؛
[11] چونکی اونلارین قیّومو قودرتلی‌دئر؛ سنئنله اولان موناقئشه‌یه، او، باخار.
[12] اوره‌یئنی تربئیه‌یه، قولاقلارینی معرئفت سؤزلرئنه ور.
[13] تربئیه‌نی اوشاقدان کسمه، چونکی تربئیه آغاجی اونو اؤلدورمز.
[14] سن اونو آغاجلا وور کی، جانینی اؤلولر دئیاریندان قورتاریرسان.
[15] اوغلوم، اگر اوره‌یئن حئکمت آلسا، منئم ده اوره‌یئم سوئنر.
[16] دوداقلارین دوز دئین زامان، بلی، ائچئم ده شادلاناجاق.
[17] اوره‌یئن گوناهکارلارا حسد آپارماسین، آنجاق ربّئن قورخوسوندا یاشا.
[18] مادام کی، آخیر-عاقئبت وار، اومئدئن کسئلمه‌یه‌جک.
[19] اشئت اوغلوم و حئکمت آل؛ یولدا اوره‌یئنی دوز ات.
[20] شرابلا کفلی اولانلارلا، یا دا ات قارینپاسی اولانلارلا قاتیشما؛
[21] چونکی کفلئلر و قارینپالار یوخسول‌لوغا دوشرلر، باش گئجَلمه‌سی آدامی جیرجیندیرا گیئندئرر.
[22] سنی ووجودا گتئرن آتانا قولاق آس، آنانا قوجا اولدوغو زامان خور باخما.
[23] حقئقتی آل و اونو ساتما؛ حئکمتی، تربئیه‌نی، و آنلاغی دا آل.
[24] صالح آدامین آتاسی کف اده‌جک، حئکمتلی اوشاغی اولان دا سوئنه‌جکدئر.
[25] قوی آتان و آنان سوئنسئن، قوی سنی بو دونیایا دوغان کف اتسئن.
[26] اوغلوم، اوره‌یئنی منه ور، قوی گؤزلرئن یوللاریما باخسین.
[27] چونکی عئفّتسئز بئر آرواد درئن بئر چالادیر، توولایان آرواد دا دار قویودور.
[28] قولدور کئمی کمئن قورار، ائنسانلار آراسیندا خائنلری آرتیرار.
[29] کئمدئر یاسلی؟ کئمدئر دردلی؟ داعوالار کئمئن وار؟ شئکایت کئمئن وار؟ سببسئز یارالار کئمئن وار؟ قیزارمیش گؤزلر کئمئن وار؟
[30] شرابدان اؤتری اوزون مودّت اوتورانلارین، قاریشدیریلمیش شرابین دالینجا آختارانلارین،
[31] شرابین قیرمیزی اولماسینا، قدحده پاریلداماسینا، یومشاق آشاغی آخماسینا باخما.
[32] آخیردا ائلان کئمی سانجار، افعی کئمی زهرله‌یر.
[33] گؤزلرئن قرئبه شیلر گؤرَر، اوره‌یئن ترسه شیلر دانیشار.
[34] بلی، آچیق دهنزده یاتان کئمی اولارسان، حتّا گمی دئره‌یئنئن باشیندا یاتان کئمی اولارسان. دئیرسن:
[35] «منی دؤیدولر، لاکئن آغری چکمه‌دئم؛ منی ووردولار، لاکئن آنلامادیم. نه زامان اویاناجاغام کی، شرابی گئنه آختاریم؟!»