[1] شراب رئشخند ادندئر، کفلندئرن ائچکی های-کویلودور، اونونلا مست اولان هچ کس حئکمت آلماز.
[2] پادشاهدان گلن دهشت آصلان نعره‌سئنه بنزه‌ر؛ اونو قیزدیران اؤز جانینی ائتئرر.
[3] دیئشمه‌دن گری چکئلمک ائنسانا عئزّتدئر، هر سفه داعوا باشلایا بئلر.
[4] تنبل آدام پاییز واختی جوت سورمز؛ اونا گؤره ده بئچئن واختی آختاریب بئر شی تاپماز.
[5] ائنسانین نئیّتلری درئن سولارا اوخشار، فراستلی آدام اونو چکئب چیخاردار.
[6] ائنسانلارین چوخو اؤزلرئنئن صالح اولدوقلارینی جار چکر، آمّا امئن آدامی کئم تاپا بئلر؟
[7] صالح آدام اؤز کامالیندا یاشایار، اوغوللاری اؤزوندن سورا نه بختوردئرلر!
[8] حؤکم تختئنده اوتوران پادشاه، بوتون پئسلئیی گؤزلری ائله آییرار.
[9] کئم دئیه بئلر: «اوره‌یئمی تمئزله‌مئشم، گوناهیمدان سئلئنمئشم؟»
[10] فرقلی چکی داشلاری و فرقلی اؤلچولر، ائکئسی ده ربّه مکروهدور.
[11] بئر اوغلان عمللری ائله، اتدئیی ائشلرئن تمئز و صالح اولماغی ائله اؤزونو تانیدار.
[12] اشئدن قولاق و گؤرن گؤز، ائکئسئنی ده رب یارادیب.
[13] یوخونو سِومه، یوخسا یوخسول اولارسان؛ گؤزلرئنی آچ، چؤرکله دویارسان.
[14] ساتین آلان «دَیَری یوخدور» دئیر، آمّا آلیب گدندن سونرا، اؤزونه فخر ادر.
[15] قیزیل وار، یاقوت دا چوخ وار، آمّا معرئفتلی دوداقلار دَیَرلی جواهئردئر.
[16] یاد آروادا ضامئن اولاندان دا گِری آل، اونو قرئبلر اوچون گئروو ساخلا.
[17] کلکله اله گلن چؤرک شئرئن اولار، لاکئن سورا آدامین آغزی قوملا دولار.
[18] هر فئکئر مشورتله برقرار اولار، موحارئبه‌نی تدبئرله ات.
[19] سؤز گزدئرن سئرّلری آچیب یایار، اونا گؤره ده، هرزه دانیشان آداملا آشنالیق اتمه.
[20] آتاسینی، یا دا آناسینی لعنت ادن آدامین چیراغی قارانلیق واختی سؤنه‌جکدئر.
[21] واختیندان اوّل اله گلن مئراث، آخیریندا برکتلی اولماز.
[22] دمه: «پئسلئیئن عوضئنی وره‌جیم»، ربّی گؤزله و او، سنی خئلاص ادر.
[23] فرقلی چکی داشلاری ربّه مکروهدور، آلداتان تره‌زی یاخشی دیئل.
[24] کئشئنئن قدملری ربدندئر، بس نجه بئر آدام اؤز یولونو آنلایا بئلر؟
[25] ائنسانا تله‌دئر کی، بئر شیی تعجئلله وقف اتسئن، سورا اتدئیی نذئرلری دوشونسون.
[26] حئکمتلی بئر پادشاه شر آداملاری سووورار، دیئرمان داشینی اونلارین اوستوندن چکر.
[27] ائنسانین روحو ربّئن چیراغی‌دیر، قارنین لاپ درئن یرلرئنی تفتئش ادر.
[28] صالحلئک و وفا پادشاهی حئفظ ادر، تختئنی صالحلئکله ساخلار.
[29] جاوان آداملارین عئزّتی اونلارین قووّتلری‌دئر، قوجا آداملارین زئنتی اونلارین آغارمیش ساچلاریدیر.
[30] یارالایان ووروشلار پئسلئیی تمئزله‌یر، ضربه‌لر قارنین لاپ درئن یرلرئنه اِنَر.