[1] یومشاق جاواب قضبی یاتیردار، آمّا کَدَرلَندئرن سؤز حئدّتی آرتیق آلوولاندیرار.
[2] حئکمتلی آداملارین دئل‌لری معرئفتی تعرئفله‌یر، آخماقلارین آغزی سفه‌لئک آخیدار.
[3] ربّئن گؤزلری هر یرده‌دئر، پئسلری و یاخشیلاری نظره سالار.
[4] شفا ورن دئل حیات آغاجی‌دیر، آمّا اَیری دئل اورَک قیرار.
[5] سفه آدام آتاسینین تربئیه‌سئنی اله سالار، تأدئبی قبول ادن شوعورلودور.
[6] صالح آدامین اِوئنده بؤیوک بئر خزئنه وار، آمّا شر آدامین گلئرئنده عذاب وار.
[7] حئکمتلی‌لرئن دوداقلاری معرئفت یایار، لاکئن آخماق آدامین اوره‌یی بله اده بئلمز.
[8] شر آداملارین قوربانی ربّه مکروهدور، آمّا دوز آداملارین دوعاسیندان خوشلانار.
[9] شر آدامین یولو ربّه مکروهدور، لاکئن صالحلئک دالینجا گده‌نی سِوَر.
[10] شئدّتلی تنبه دوز یولو بوراخان اوچوندور، تأدئبدن نئفرت اده‌نه اؤلوم گلر.
[11] اؤلولر دئیاری و هلاکت ربّه آشکاردیر، بس نه قدر چوخ ائنسان اوغوللارینین اوره‌یی!
[12] رئشخند ادن اونو دانلایانی سِومز، حئکمتلی‌لرئن یانینا دا گتمز.
[13] شاد اورَک اوزو خوش گؤروندورَر، آمّا اوره‌یئن کدری ائنسانین روحونو سیندیرار.
[14] فهئم آدامین اوره‌یی معرئفت آختارار، آخماقلارین آغیزلاری سفه‌لئکله بسله‌نَر.
[15] مظلوم آدامین بوتون گونلری پئسدئر، آمّا اوره‌یئن خوشلوغو داواملی ضئیافتدئر.
[16] ربّئن قورخوسو ائله قازانیلان آز شی، زحمتله ییغیلان بؤیوک خزئنه‌دن یاخشی‌دیر.
[17] محبّت اولان یرده بئر آز سبزی، نئفرت اولان یرئن بسلَنمئش اؤکوزوندن یاخشی‌دیر.
[18] قضبلی آدام داعوا قالدیرار، لاکئن صبئرلی دیئشمه‌نی یاتیردار.
[19] تنبل آدامین طرئقی تئکانلی چپر کئمی‌دئر، آمّا دوز آدامین یولو گنئش جادّه‌دئر.
[20] حئکمتلی اوغول آتاسینی سوئندئرر، لاکئن آخماق آدام آناسینا خور باخار.
[21] عاغیلسیز آداما سفه‌لئک شادلیقدیر، آمّا آنلاغی اولان آدام دوز یولدا گزر.
[22] مصلحتلتسئز نئیّت بوشا چیخار، مصلحت ورنلرئن چوخلوغوندان ائش باش توتار.
[23] ائنسانین شادلیغی آغزینین جاوابیندان گلر، واختیندا دیئلن سؤز نه یاخشی‌دیر!
[24] عاغیلّی آدام اوچون حیات طرئقی اوزو-یوخاری طرفدئر کی، او، آشاغیداکی اؤلولر دئیاریندان دؤنسون.
[25] رب تکبّورلو آدامین اِوئنی ییخار، دول آروادین سرحدئنی برقرار ادر.
[26] پئس آداملارین فئکئرلری ربّه مکروهدور، آمّا خوش سؤزلر خالئصدئر.
[27] طاماحکار آدام اؤز اِوئنی زحمته سالار، روشوتدن نئفرت اده‌نئن عؤمرو اوزون اولار.
[28] صالح آدامین اوره‌یی جاواب ورمکدن قاباق دوشونَر، آمّا شر آدامین آغزیندان پئسلئک تؤکولر.
[29] رب پئس آدامدان اوزاقدیر، لاکئن صالح آداملارین دوعالارینی اشئدر.
[30] گؤزلرئن آیدینلیغی اوره‌یی سوئندئرر، خوش بئر خبر سوموکلره پئی وِرَر.
[31] حیاتین تأدئبلرئنی اشئدن، حئکمتلی‌لر آراسیندا ساکئن اولار.
[32] تربئیه‌نی ردّ ادن آدام اؤز جانینی حقئر گؤرَر، لاکئن تأدئبه قولاق آسان فهم قازانار.
[33] ربدن قورخماق حئکمتئن تربئیه‌سی‌دئر؛ حلئملئک شرفدن اوّل گلر.