[1] ای اوغوللار، آتا وردئیی تربئیه‌نی اشئدئن. دئقّت ادئن کی، معرئفت آنلاغینی آلاسینیز.
[2] چونکی سئزه علم اؤیرَ‌دئرم؛ تعلئمئمی بوراخمایین.
[3] آتامین اِوئنده اوشاق اولاندا، آنامین گؤزونده عزئز اولاندا، بئری-بئردانه اولاندا،
[4] آتام منه تعلئم ورئب ددی: «قوی اوره‌یئن سؤزلرئمی برک توتسون. وردئیئم امرلری یرئنه یتئر کی، عؤمرون اوزون اولسون.
[5] حئکمت قازان، آنلاق قازان! سنه ددئیئم سؤزلری نه یاددان چیخارت، نه ده اونلاردان دؤن!
[6] حئکمتی بوراخما، او، سنی حئفظ ادر. اونو سو، سنی ساخلار.
[7] حئکمتئن باشلانیشی بودور؛ حئکمتی قازان، بوتون قازاندیقلاریندا فهم قازان.
[8] حئکمته دَیَر ور؛ سنی اوجالدار. اگر اونو قوجاقلایاسان، سنی شرفه چاتدیرار.
[9] سنئن باشینا فیض چَلَنگی قویار، عئزّت تاجینی سنه وِرَر.»
[10] اشئت، اوغلوم، سؤزلرئمی قبول ات، عؤمرونون ائل‌لری چوخالار.
[11] من سنه حئکمت یولوندا تعلئم ورمئشم. سنی دوز یوللاردا هئدایت اتمئشم.
[12] گزنده یولونو بئر شی کسمز، قاچان زامان دا سوروشمزسن.
[13] وردئیئم تربئیه‌نی برک توت، اونو بوراخما. اونو ساخلا، چونکی سنئن حیاتیندیر.
[14] پئس آداملارین یولونا گئرمه، شر آدامین یولوندا دا گتمه.
[15] اوندان اوزاق قال، اوندا سفره چیخما. اوندان دؤن، کچئب-گت.
[16] چونکی شر آداملار پئسلئک اتمسه‌لر، یاتا بئلمزلر. کئمسه‌نی ییخماسالار، یوخولاری آپارماز.
[17] چونکی شرارت چؤره‌یئنی ییئرلر، قدّارلیق شرابینی ائچئرلر.
[18] آمّا صالح آدامین یولو، سحر ائشیغی کئمی‌دئر کی، گون اورتا واختینا گده-گده داها چوخ ائشیقلانیر.
[19] شر آداملارین یولو ظولمتدئر. بئلمئرلر کی، اونلاری بودره‌دن نه‌دئر.
[20] اوغلوم، سؤزلرئمه دئقّت ات، ددئکلرئمه قولاق آس.
[21] قویما اونلار گؤزونون قاباغیندان آیریلسین. اونلاری اوره‌یئنئن ائچئنده ساخلا.
[22] چونکی اونلاری تاپانلار، حیات و جان‌صاغلیغی تاپار.
[23] هر شیدن چوخ، بوتون جهدله اؤز اوره‌یئنی حئفظ ات، چونکی حیات چشمه‌سی اودور.
[24] اَیری دانیشان آغیزی اؤزوندن آت، آزمیش دوداقلاری اؤزوندن اوزاقلاشدیر.
[25] قوی گؤزلرئن ائره‌لئیه باخسین، کئرپئکلرئن دوپّه‌دوز قاباغینا دئکئلسئن.
[26] آیاغینی قویدوغون طرئقی یاخشی آراشدیر، بوتون یوللارین برقرار اولار.
[27] نه صاغا دؤن، نه سولا. آیاغینی پئسلئکدن چک.