[1] یاقِه اوغلو آگورون سؤزلری، اونون کلامی. بو آدام بله ددی: یورولموشام، ای تاری، یورولموش و تؤکنمئشم.
[2] چونکی هر کسدن داها چوخ عاغیلسیزام، ائنسان آنلاغی منده یوخدور.
[3] نه حئکمت اؤیرندئم، نه ده موقدّس اولانین معرئفتی منده وار.
[4] گؤیلره کئم چیخیب و انئب؟ یلی کئم اوووجونا ییغیب؟ سولاری کئم پالتارا بوکوب؟ یرئن بوتون نهایتلرئنی کئم قوروب؟ آدی نه‌دئر؟ اوغلونون آدی نه‌دئر؟ اگر بئلئرسن؟
[5] تارینین هر سؤزو خالئصدئر. اونا پناه آپاران آداملارا، او، سئپردئر.
[6] اونون سؤزلرئنه علاوه اتمه، یوخسا سنی تأدئب ادر و یالانچی چیخارسان.
[7] سندن ائکی شی ائسته‌دئم: من اؤلمه‌دن اونلاری مندن اسئرگمه.
[8] بوش و یالان سؤزلری مندن اوزاقلاشدیر؛ منه نه یوخسوللوق ور، نه ده ثروت. آنجاق منه لازیم اولان چؤره‌یی ور؛
[9] مبادا دویوب سنی ائنکار ادئم، و دیئم: «رب کئمدئر؟!» یا دا یوخسول اولوب اوغورلوق ادئم، و تاریمین آدینی باتیریم.
[10] بئر قولا آغاسینین یانیندا بؤهتان آتما، مبادا لعنتلنه‌سن و سن تقصئرکار تاپیلاسان.
[11] اله آدام وار کی، آتاسینا لعنت ادر، و آناسینا خیئر-دوعا اتمز.
[12] اله آدام وار کی، اؤز نظرئنده تمئزدئر، لاکئن گئنه ده نجئسلئیئندن یویولماییب.
[13] آدام وار کی، گؤزلری نه تکبّورلودور! کئرپئکلری نجه یوخاری قالخیب!
[14] آدام وار کی، یر اوزوندن مظلوملاری، ائنسانلار آراسیندان مؤحتاجلاری اودماق اوچون دئشلری قیلینج کئمی‌دئر، و چنه‌لری بیچاق کئمی.
[15] سولویون ائکی قیزی وار کی، باغیریرلار: «ور، ور.» اوچ شی وار کی، دویماز، دؤرد شی ده وار کی، «بسدئر» دمز.
[16] اؤلولر دئیاری، سونسوز بطن، سودان دویمایان تورپاق، و «بسدئر» دمه‌ین اود.
[17] آتاسینی رئشخند ادن، و آناسینا ائطاعت اتمه‌یه حقارتله باخانین گؤزونو، وادئنئن قارغالاری اویار، و کرکس بالالاری اونو یئیَر.
[18] منئم اوچون آغلیمدان کنار اوچ شی وار، بلی، دؤرد شی کی، اونلاری آنلامیرام:
[19] هاوادا قارتالین طرزی، قایا اوستونده ائلانین طرزی، دهنزئن اورتاسیندا گمئنئن طرزی، و قیزلا اولان کئشئنئن طرزی.
[20] زئناکار بئر آروادین یولو بودور: یئیر و آغزینی سئلئب دئیر: «نه پئسلئک اتمئشم؟!»
[21] اوچ شیدن یر تئتره‌یر، بلی، دؤرد شیئن آلتیندا تاب گتئره بئلمز:
[22] پادشاهلیق ادن قولدان، یمکدن دویان آغیلسیز آدامدان،
[23] اَره گدن سوئلمز آرواددان، و خانیمینین یرئنه اوتوران کنئزدن.
[24] دؤرد شی وار کی، یر اوزونده کئچئکدئر، آمّا چوخ دا حئکمتلی:
[25] قاریشقالار، قووّتلی اولمایان خالقلار، لاکئن یئیه‌جکلرئنی یایدا حاضیرلایارلار،
[26] قایا دووشانلاری قووّتسئز بئر عئدّه‌دئرلر، لاکئن اِولرئنی قایا ائچئنده تئکرلر.
[27] چیئرتگه‌لرئن پادشاهلاری اولماز، لاکئن هامیلاری دسته-دسته قاباغا گدرلر.
[28] کَرتَنکَله ال‌له بله توتولار، آمّا پادشاهلار سارایلاریندا تاپیلار.
[29] اوچ شی وار کی، یرئشی یاخشی‌دیر، بلی، دؤرد شی وار کی، گدئشی گؤزلدئر:
[30] شئر کی، حیوانلار آراسیندا قودرتلی‌دئر، و هچ بئرئسئنئن قاباغیندان گری دؤنمز.
[31] طمطراقلا گدن خوروز، هم ده تَکه، و قوشونونون قاباغیندا چیخان پادشاه.
[32] اگر تربئیه‌سئزلئک ادئب اؤزونو اوجالدیبسان، یا دا حئیله ائشله‌دئبسن، الئنی آغزینا قوی.
[33] چونکی نجه سودو سیخاندا قایماق بورنو سیخاندا قان چیخار، قضبی سیخاندا دا داعوا.