[1] اوغلوم، اگر قونشون اوچون ضامئن اولوبسان، اگر یاد بئر آدام اوچون اَل ورئبسن،
[2] اگر اؤز آغزینین سؤزلری ائله تله‌یه دوشوبسن، اگر آغزیندان چیخان سؤزلرله توتولوبسان،
[3] اوندا، اوغلوم، بونو ات و اؤزونو قورتار، چونکی قونشونون الئنه دوشوبسن: گت، اؤزونو آلچالت، قونشونا یالوار.
[4] گؤزلرئنه یوخو گئرمه‌سئن کئرپئکلرئن یوخودان قاماشماسین.
[5] اؤزونو اووچو الئندن جیران کئمی، قوشباز الئندن قوش کئمی قورتار.
[6] قاریشقانین یانینا گت، ای تنبل! اونون یوللارینا دئقّت ات، حئکمت آل.
[7] باشی اوسته نه ارباب وار، نه ناظئر، نه ده حؤکمدار.
[8] آمّا گئنه ده اؤز چؤره‌یئنئن احتئیاطینی یایدا گؤرور، بئچئن واختی یئیه‌جیئنی ییغیر.
[9] نه واختا کئمی یاتاجاقسان، ای تنبل؟ نه واخت یوخوندان اویاناجاقسان؟
[10] بئر آز یات، بئر آز یوخولا، بئر آز الی ال‌اوسته قویوب اوزان،
[11] گؤر یوخسوللوق نجه حرامی کئمی، احتئیاج نجه سئلاحلانمیش بئر آدام کئمی سنه هوجوم چکر.
[12] یاراماز آدام، شر آدام، اَیری دانیشان بئر آغیزلا گزر.
[13] گؤزلری ائله گؤز وورار، آیاقلاری ائله ائشاره ادر، بارماقلاری ائله گؤرسه‌در.
[14] ترسه‌لئک اونون اوره‌یئنده‌دئر، دائم شر قورار، داعوا سالار.
[15] اونا گؤره ده، بلا قفئلدن باشینا گلر، بئردن سینار، اونا علاج اولماز.
[16] ربّئن زَهله‌سی آلتی شیدن گدئر، بلی، یدّی شی وار کی، جانی اونلاردان ائکراه ادئر:
[17] تکبّورله باخان گؤزلر، یالان دانیشان دئل، ناحاق قانی تؤکن ال‌لر،
[18] قَرَضله دوشونَن اورَک، پئس ائشلر دالینجا قاچان آیاقلار،
[19] آغزیندان آنجاق یالان چیخان یالانچی شاهئد، قارداشلار آراسینا نئفاق سالان آدام.
[20] اوغلوم، آتانین امرئنه عمل ات، آنانین وردئیی تعلئمی بوراخما.
[21] اونلاری دائم اوره‌یئنئن باشینا باغلا؛ اونلاری بوینونا تاخ.
[22] گزدئیئن زامان، اونلار سنه یول گؤرسه‌در، یاتان زامان سنی حئفظ ادر، اویانان زامان سنئنله دانیشار.
[23] چونکی بو امر چیراق‌دیر، بو تعلئم ائشیقدیر، ائنسانی ائصلاح ادن مذمّتلر حیات یولودور کی،
[24] سنی پئس آرواددان، زئناکار آروادین یومشاق دئلئندن ساخلار.
[25] قویما اوره‌یئن اونون گؤزل‌لئیئنه چکئلسئن؛ قویما سنی کئرپئکلری ائله یاخالاسین.
[26] چونکی زانئیه بئر آرواد، آخیردا سنی گئرده بئر چؤره‌یه بله مؤحتاج سالار، اَرلی بئر آرواد ائنسانین قئیمتلی جانی دالینجادیر.
[27] مگر اولار کی، کئشی اودو قوینوندا گؤتورسون و پالتاری یانماسین؟!
[28] مگر اولار کی، بئر کئشی کؤز کؤمور اوستونده گزسئن، آمّا آیاقلاری قوورولماسین؟
[29] قونشوسونون آروادی ائله یاخینلیق ادن آدامین دا حالی بله‌دئر؛ او آروادا توخونان کئشی جزاسیز قالماز.
[30] قارنینی دویورماق اوچون آج اوغرو اگر اوغورلاسا، کئمسه اونو قیناماز.
[31] لاکئن توتولسا، یدّی‌قات عوض ورمه‌لی‌دئر؛ بوتون اِو-اشئیئنی ورمه‌لی‌دئر.
[32] اَرلی بئر آروادلا زئنا ادن کئشی عاغیلسیزدیر. بونو ادن آدام، اؤزونو محو ادئر.
[33] یارالانیب خجالت آلتیندا اَرئیَر بو روسوایچیلیق هچ واخت سئلئنمز.
[34] چونکی قیرت اَری قضبلندئرر، اونون اوچون ده، ائنتئقام گونونده یومشالماز.
[35] هچ بئر عوض قبول اتمز، روشوتئنی نه قدر آرتیراسان، راضی اولماز.