[1] یعقوب اوغوللارینی چاغیریب ددی: «ییغیلین، گله‌جکده باشینیزا گلنلری سئزه دانیشیم:
[2] ای یعقوب اوغوللاری، ییغیلیب اشئدئن، آتانیز ائسرایئله قولاق آسین:
[3] ای رِعوبئن، ائلک اوغلوم، گوجومون و قودرتئمئن منبعی سنسن. لیاقتئن هامیدان اوستوندور، قووّتئن هامیدان چوخدور.
[4] آمّا او سو کئمی اویناقدیر، آرتیق اوستون اولمایاجاقسان. چونکی آتا یاتاغینی نجئس ادئب، اورایا چیخدین.
[5] شَمعونلا لاوی قارداشدیر، قیلینجلاری قدّارلیق سئلاحلاری‌دیر.
[6] ای جانیم، اونلارین مجلئسئنه گتمه، ای شرفئم، اونلارین جَمئنده اولما. چونکی اونلار قضبله‌نَنده قتل اتدئلر، جانلاری ائسته‌دئکجه اؤکوزلری سَقَط اتدئلر.
[7] لعنت اولسون وحشی قضبلرئنه، لعنت اولسون قدّار حئدّتلرئنه. اونلاری یعقوب اوغوللارینین آراسیندا داغیداجاغام، ائسرایئل اؤلکه‌سئنده سپه‌لیه‌جیم.
[8] ای یهودا، قارداشلارین سنی مدح اده‌جکلر، اَلئن دوشمنلرئنئن بوینوندا اولاجاق، آتانین اوغوللاری، حوضوروندا سجده اده‌جکلر.
[9] یهودا بئر آصلان بالاسی‌دیر، ای اوغلوم، شئکاردان دؤنوب بئر شئر کئمی یِره اَیئلئرسن، دئشی آصلان کئمی تورپاغا یاتیرسان. کئم سنی یرئندن قالدیرا بئلر؟
[10] پادشاهلیق عصاصی یهودادان گتمَیه‌جک، حؤکمدارلیق عصاصی اونون نسلئندن ائتمَیه‌جک؛ او واختا قدر کی عصانین صاحئبی گلسئن. او واخت خالقلار اوندان ائطاعت اده‌جکلر.
[11] اِششَه‌یئنی اوزوم آغاجینا، اِششَک بالاسینی لاپ سچمه بئر تَنه‌یه باغلایاجاق. پالتارینی شرابدا، کؤینه‌یئنی اوزوم قانیندا یویاجاق.
[12] گؤزلری شرابدان دا پارلاق اولاجاق، دئشلری سوددن ده آغ اولاجاق.
[13] زِبولون دهنز قیراغیندا یاشایاجاق، اورا گمئلره لنگرگاه اولاجاق، اَراضئسی صئدونون یانیناجاق اوزاناجاق.
[14] قویون آغیللاری آراسیندا یاتان یئسّاکار بئر قووّتلی اِششه‌یه اوخشار.
[15] او، دئنجَلمک اوچون یاخشی بئر یر گؤرَ‌نده، چئینئنی یوک داشیماق اوچون اَیَر، قوللوق ادر.
[16] دان ائسرایئل قبئله‌لرئندن بئری اولاراق، اؤز خالقینا حؤکم اده‌جک.
[17] دان یول اوستونده بئر ائلان، طرئقده بئر افعی اولاجاق؛ اله بئر افعی کی، آتین توپوغوندان سانجیر، اوستونه مئنَن آرخاسی اوسته ییخیلیر.
[18] یارب! من سنئن خئلاصینی گؤزله‌یئرم.
[19] جاد تالانچیلارین هوجومونا دوشه‌جک، لاکئن اونلاری توپوغوندان ووراجاق.
[20] آشِرئن یئیه‌جیی وارلی اولاجاق، شاهانه لذّتلی یمکلر یتئره‌جک.
[21] نَفتالی آزاد ادئلمئش بئر مارالدیر، گؤزل بالالار وره‌جک.
[22] یوسئف بارلی بئر آغاج، چشمه قیراغیندا میوه‌لی بئر آغاجدیر، بوداقلاری دووارین اوستوندن آشار.
[23] اوخچولار اونا گوجلو هوجوم اتدئلر، دوشمنچئلئک ادئب اوستونه اوخ یاغدیردیلار.
[24] آمّا یعقوبون قووّتلی تاریسی اَلئندن، (کی، چوبان و ائسرایئلئن قایاسی اوراداندیر) اونون کامانی مؤحکم، قوللاری قووّتلی اولدو.
[25] سنه کؤمک ادن، آتانین تاریسی‌دیر، سنه برکت ورن، قادئری‌موطلقدئر. یوخاریدا گؤیلرئن برکتلری ائله، درئنلئکده اولان سو منبعلرئنئن برکتی ائله، دؤشلرئن و بطنلرئن برکتی ائله سنه برکت وره‌جک.
[26] آتانین برکت ورمه‌سی داغلارین برکتلرئندن داها اوجادیر؛ ابدی قالان تپه‌لرئن گؤزل‌لئیئنه چاتار. قوی برکتلرئم یوسئفئن باشیندا، قارداشلار آراسیندا باشچی اولانین اوستونده اولسون.
[27] بِنیامئن آجگؤز بئر قورددور، سحر شئکارینی یئیَر، آخشام قنئمت پایلار.»
[28] بونلارین هامیسی ائسرایئلئن اون ائکی قبئله‌سی‌دئر. آتالاری اونلارا برکت وِرَرکَن بو سؤزلری ددی و هر بئرئنه، اؤزونه موناسئب برکت وردی.
[29] سونرا یعقوب اوغوللارینا وصئیّت ادئب ددی: «من اؤلوب خالقیما قوشولاجاغام. منی آتالاریمین یانیندا، خئتلی عِفرونون زمئسئنده اولان ماغارادا باسدیرین.
[30] او ماغارا ماکپِلا زمئسئنده، کَنَعان تورپاغیندا اولان مَمرِه‌نئن موقابئلئنده‌دئر. ائبراهئم او ماغارانی قبئر دوزَلتمک اوچون خئتلی عِفروندان زمئسی ائله بئرلئکده ساتین آلمیشدی.
[31] ائبراهئمله آروادی سارا و ائسحاقلا آروادی رئبقا اورادا باسدیریلمیشدیلار. من لئیه‌نی دا اورادا باسدیردیم.
[32] همئن زمی ائله اوراداکی ماغارا خئتلی‌لردن ساتین آلینیب.»
[33] یعقوب اوغوللارینا وصئیّت ادئب قورتاراندا، آیاقلارینی یاتاغینا ییغاراق آخیر نَفَسئنی چکدی و اؤلوب خالقینا قوشولدو.