[1] مَمرِه پالیدینین یانیندا رب ائبراهئمه گؤروندو؛ بو زامان ائبراهئم ناهار واختینین ائستئسئنده چادیرین گئره‌جه‌یئنده اوتورموشدو.
[2] او زامان کی، گؤزلرئنی قالدیریب باخدی، قاباغیندا اوچ آدام دایانمیشدیلار. اونلاری گؤرن آن، چادیرین گئره‌جه‌یئندن، اونلارین پئشوازینا قاچدی و یِره قدر اَیئلئب ددی:
[3] «ای آغام، اگر ائندی گؤزونده لوطف تاپمیشام، قولونون یانیندان کچئب گتمه.
[4] ائندی قوی بئر آز سو گتئرئلسئن کی، آیاقلارینیزی یویوب، آغاج آلتیندا دئنجَله‌سئنئز.
[5] ائندی کی، قولونوزون گؤروشویونه گلئبسئنئز، قویون سئزه بئر تئکه چؤرک گتئرئم کی، جانینیزا قووّت گلسئن. اوندان سونرا گدرسئنئز.» اونلار ددئلر: «ددئیئن کئمی ات.»
[6] ائبراهئم چادیرا، سارانین یانینا قاچیب ددی: «تِز اول، اوچ ”سه‌آ“ نارین اون گؤتوروب خمئر ات و فطئر پئشئر.»
[7] ائبراهئم مال-حیوانا طرف قاچدی. اورادان کؤرپه و بَسلنمئش بئر بوزوو گؤتوروب نؤکرئنه وردی کی، تز پئشئرئب حاضیرلاسین.
[8] ائبراهئم قاتیغی، سودو و حاضیرلادیغی بوزووو گؤتوروب اونلارین قاباغینا قویدو، اؤزو ده آغاجین آلتیندا، اونلارین یانیندا دوردو. اونلار دا یدئلر.
[9] سونرا ائبراهئمه ددئلر: «آروادین سارا هارادادیر؟» ائبراهئم ددی: «بورادا چادیردادیر.»
[10] اونلاردان بئری ددی: «گلن ائل بو واخت گئنه ده سنئن یانینا گله‌جیم. باخ، آروادین سارانین بئر اوغلو اولاجاق.» سارا اونون آرخاسیندا، چادیرین گئره‌جه‌یئنده قولاق آسیردی.
[11] ائبراهئم و سارا آرتیق قوجالیب یاشلی اولموشدولار. سارا آی‌باشی عادتئندن کسئلمئشدی.
[12] او، اوره‌یئنده گولوب ددی: «قوجالدیغیم حالدا مگر منه بله شادلیق اوز وره بئلر؟! آغام دا قوجادیر.»
[13] رب ائبراهئمه ددی: «سارا نه اوچون گولوب ددی ”قوجالدیقدان سونرا مگر من دوغرودان دا اوشاق دوغا بئله‌رم؟“
[14] رب اوچون مگر لاپ چتئن بئر شی وار؟ گلن ائل ددئیئم واخت من گئنه سنئن یانینا قاییداجاغام و سارانین بئر اوغلو اولاجاقدیر.»
[15] سارا قورخدوغو اوچون یالان دیئب، ددی: «گولمه‌دئم.» لاکئن رب ددی: «خیر، گولدون.»
[16] او آداملار قالخیب اورادان سودوما طرف باخدیلار. ائبراهئم اونلارلا بئرلئکده گتدی کی، اونلاری یولا سالسین.
[17] او واخت رب ددی: «من مگر اده‌جه‌یئم شیی ائبراهئمدن گئزلده‌جیم؟
[18] حئقئقتن، ائبراهئمدن بؤیوک و گوجلو بئر مئلّت حاصئل اولاجاق و اونون واسئطه‌سی‌ائله یِر اوزونون بوتون مئلّتلری برکت آلاجاقدیر.
[19] چونکی من اونو سچمئشم کی، صالحلئک و عدالت عمل‌لرئنی یتئرمکله اوغلوللارینا و اؤزوندن سونراکی نسلئنه امر اتسئن کی، ربّئن یولو ائله گتسئنلر. رب ده ائبراهئم باره‌ده ددئیی سؤزو یرئنه یتئرسئن.»
[20] رب گئنه ددی: «سودوم و گومورانین ضئدّئنه قالخان فریاد، حقئقتن بؤیوک و اورانین اَهلئنئن گوناهی چوخ آغیردیر.
[21] بونا گؤره ده آشاغی اِنئب باخاجاغام کی، منه چاتان فریادین دوغرو اولوب-اولمادیغینی بئلئم.»
[22] او آداملار اورادان دؤنوب سودوما گتدئلر، آمّا ائبراهئم حله ده ربّئن حوضوروندا دورموشدو.
[23] ائبراهئم یاخین گلئب ددی: «مگر سن دوغرودان صالح آدامی دا پئس آداملا بئرلئکده محو اده‌جکسن؟
[24] اگر بو شهرده اَلّی نفر صالح آدام اولسا، سن گئنه ده اورانی محو اده‌جکسن؟ اَلّی نفر صالح آدامین خاطئرئنه بو یِره رحم اتمیه‌جکسن؟
[25] بو ائشی اتمک سندن ائراقدیر، سن صالح آدامی پئس آداملا بئرلئکده اؤلدورمزسن کی، ائکئسئنئن ده عاقئبتی بئر اولسون. بو سندن ائراقدیر. مگر بوتون دونیانین حاکئمی ائنصافلا رفتار اتمز؟»
[26] رب ددی: «اگر سودوم شهرئنده اَلّی نفر صالح آدام تاپسام، اونلارین خاطئرئنه بوتون بو یِره رحم اده‌جیم.»
[27] ائبراهئم جاواب وردی: «من گرچی توز و کول کئمی بئر شِیَم، آمّا باخ، بونو ربّه دمیه جسارت ادئرم:
[28] اَلّی نفردن بش نفر آز صالح آدام تاپیلسا، آیا بش نفر اَسکئک اولدوغو اوچون بوتون شهری محو ادرسن؟» رب ددی: «اگر اورادا قیرخ بش نفر تاپسام، شهری محو اتمیه‌جیم.»
[29] ائبراهئم گئنه اونا ددی: «اگر اورادا قیرخ نفر تاپیلسا، نجه؟» رب ددی: «قیرخ نفرئن ده خاطئرئنه بونو اتمه‌رم.»
[30] ائبراهئم ددی: «منئم چوخ دانیشدیغیم اوچون رب قضبلنمه‌سئن: اگر اورادا اوتوز نفر تاپیلسا، نجه؟» رب ددی: «اگر اورادا اوتوز نفر ده تاپیلسا، بونو اتمه‌رم.»
[31] ائبراهئم ددی: «باخ، من گئنه ده ربّه بونو دِمه‌یی جسارت ادئرم: اورادا ائیئرمی نفر تاپیلسا، نجه؟» رب ددی: «ائیئرمی نفرئن ده خاطئرئنه اورانی محو اتمه‌رم.»
[32] ائبراهئم ددی: «رب قضبلنمه‌سئن؛ من آخیر دفه دانیشاجاغام: اورادا اون نفر تاپیلسا، نجه؟» رب ددی: «اون نفرئن ده خاطئرئنه اورانی محو اتمه‌رم.»
[33] رب ائبراهئمله صؤحبتئنی بئتئرئب گتدی. ائبراهئم ده اؤز یرئنه قاییتدی.