[1] یعقوب بئلدی کی، مئصئرده تاخیل وار. او اؤز اوغوللارینا ددی: «نه اوچون بئربئرئنئزه باخیرسینیز؟»
[2] سؤزونه داوام وردی: «باخ، من اشئتدئم کی، مئصئرده تاخیل وار، گدئب اورادان بئزئم اوچون تاخیل آلین کی، اؤلمه‌یئب یاشایاق.»
[3] یوسئفئن اون قارداشی تاخیل آلماق اوچون مئصئره گتدئلر.
[4] آمّا یعقوب یوسئفئن قارداشی بنیامئنی، قارداشلاری ائله بئرلئکده گؤندَ‌رمه‌دی، چونکی فئکئرله‌شئردی کی، اونون باشینا بئر بلا گله بئلر.
[5] تاخیل آلماغا گلنلر آراسیندا، ائسرایئلئن اوغوللاری دا وار ائدی، چونکی کَنَعان تورپاغیندا دا آجلیق حاکئم ائدی.
[6] یوسئف اؤلکه‌نئن باشچیسی ائدی و اؤلکه‌نئن بوتون اهالئسئنه ده تاخیلی اؤزو ساتیردی. یوسئفئن قارداشلاری گلئب اونون حوضوروندا اوزلرئنی یره قویوب سجده اتدئلر.
[7] یوسئف قارداشلارینی گؤروب تانیدی، لاکئن اونلارلا یاد آدام کئمی رفتار ادئب برک دانیشدی. یوسئف اونلاردان سوروشدو: «هارادان گلئبسئنئز؟» اونلار جاواب وردئلر: «ارزاق آلماق اوچون کَنَعان تورپاغیندان گلمئشئک.»
[8] یوسئف قارداشلارینی تانیدی، آمّا اونلار یوسئفی تانیمادیلار.
[9] یوسئف قارداشلاری باره‌ده گؤردویو یوخولاری خاطیرلاییب، اونلارا ددی: «سئز جاسوسسونوز. گلئبسئنئز کی، اؤلکه‌نئن ضعئف یرلرئنی اؤیرَنه‌سئنئز.»
[10] قارداشلاری اونا ددئلر: «خیر، ای آغامیز، قوللارین آنجاق ارزاق آلماق اوچون گلئبلر.
[11] بئز هامیمیز بئر آدامین اوغوللاری‌ییق. بئز دوز آداملاریق. قوللارین جاسوس دیئللر.»
[12] آمّا یوسئف اونلارا ددی: «خیر، سئز گلئبسئنئز کی، اؤلکه‌نئن ضعئف یرلرئنی اؤیرَنه‌سئنئز.»
[13] اونلار ددئلر: «بئز قوللارین اون ائکی قارداشیق و کَنَعان تورپاغیندا بئر آدامین اوغوللاری‌ییق. کئچئک قارداشیمیز ائندی آتامیزین یانیندادیر، لاکئن بئر قارداشیمیز یوخا چیخیب.»
[14] یوسئف اونلارا ددی: «هر شی من ددئیئم کئمئدئر: سئز جاسوسسونوز،
[15] آمّا من سئزی بله ائمتاحان اده‌جیم: فئرعونون جانینا آند اولسون کی، کئچئک قارداشینیز بورایا گلمسه، سئز بورادان گده بئلمیه‌جکسئنئز.
[16] آرانیزدان بئر نفری گؤندَ‌رئن کی، قارداشینیزی گتئرسئن، لاکئن سئز بورادا ساخلاناجاقسینیز. او واخت سئزئن دوز دیئب-دِمه‌دئیئنئز بئلئنه‌جک. یوخسا فئرعونون جانینا آند اولسون کی، سئز جاسوسسونوز.»
[17] یوسئف اوچ گون اونلاری زئنداندا ساخلادی.
[18] اوچونجو گون یوسئف اونلارا ددی: «ددئیئمه عمل ادئب جانینیزی قورتارین، چونکی من تاریدان قورخورام.
[19] اگر سئز دوز آدامسینیز، قوی قارداشلارینیزدان بئری حبس اولوندوغونوز یرده قالسین، او بئرئنئز گدئب، عایئله‌لرئنئزه تاخیل آپارین کی، آجلیقدان قورتارسینلار.
[20] سونرا کئچئک قارداشینیزی منئم یانیما گتئرئن. بله‌جه سؤزلرئنئزئن دوز اولدوغو بئلئنَر و سئز اؤلمزسئنئز.» قارداشلار بله ده اتدئلر.
[21] اونلار بئربئرلرئنه ددئلر: «دوغرودان دا، بئز قارداشیمیزین موقابئلئنده تقصئرکاریق. او بئزه یالواردیغی واخت چکدئیی اذئیّتی گؤردوک، لاکئن اونا قولاق آسمادیق. بونا گؤره ده باشیمیزا بو بلا گلدی.»
[22] رِعوبئن اونلارا بله جاواب وردی: «مگر من دمه‌دئم اوشاغا پئسلئک اتمه‌یئن، لاکئن سئز منه قولاق آسمادینیز. ائندی اونون قانینا گؤره جزا چکئرئک.»
[23] قارداشلار بئلمئردئلر کی، یوسئف اونلارین سؤزلرئنی باشا دوشور، چونکی ترجومه‌چی واسئطه‌سی‌ائله دانیشیردیلار.
[24] یوسئف اونلارین یانیندان قیراغا چکئلئب آغلادی. سونرا قارداشلارینین یانینا قاییدیب اونلارلا صؤحبت اتدی. آرالاریندان شَمعونو گؤتوروب قارداشلارینین گؤزو قاباغیندا اونون اَل-قولونو باغلادی.
[25] یوسئف امر اتدی کی، اونلارین چوواللاری تاخیللا دولدورولسون، هر بئرئنئن وردئیی پول دا اؤز چووالینا قویولسون و اونلارا یول اوچون آذوقه ورئلسئن. بله ده ادئلدی.
[26] قارداشلار تاخیللارینی اِششَکلرئنئن بِلئنه یوکله‌یئب، اورادان گتدئلر.
[27] اونلاردان بئری گجه قالدیغی یرده اِششه‌یئنه یِم ورمک اوچون چووالینی آچاندا، اؤز پولونو گؤردو؛ پول چووالین آغزیندا ائدی.
[28] او، قارداشلارینا ددی: «پولوم اؤزومه قایتاریلیب، باخین، او، چووالیمین ائچئنده‌دئر.» قارداشلارین اوره‌یی ائضطئرابا دوشدو و تئتره‌یه-تئتره‌یه بئربئرلرئنه ددئلر: «تاری بئزئم باشیمیزا نه ائش گتئردی؟»
[29] اونلار کَنَعان تورپاغینا، آتالاری یعقوبون یانینا گلدئلر و باشلارینا گلن بوتون حکایتلری اونا ددئلر:
[30] «او اؤلکه‌نئن باشچیسی اولان آدام برک دانیشدی، بئزی اؤلکه‌یه گلن جاسوسلار حساب اتدی.
[31] اونا ددئک: ”بئز دوز آداملاریق، جاسوس دیئلئک.
[32] بئز بئر آتانین اوغوللاری، اون ائکی قارداشیق. بئر قارداشیمیز یوخا چیخیب، لاپ کئچئیی ده ائندی کَنَعان تورپاغیندا آتامیزین یانیندادیر.“
[33] او اؤلکه‌نئن باشچیسی اولان آدام بئزه ددی: ”سئزئن دوز آدام اولدوغونوزو بوندان بئله‌جیم: قارداشلارینیزدان بئرئنی یانیمدا قویون و تاخیل گؤتوروب گدئن کی، عایئله‌لرئنئزی آجلیقدان قورتاراسینیز.
[34] سونرا کئچئک قارداشینیزی یانیما گتئرئن. او زامان سئزئن جاسوس یوخ، دوز آدام اولدوغونوزو بئله‌جیم. او واخت قارداشینیزی سئزه تحوئل وره‌جیم و اؤلکه‌ده آلیش-وِرئش اده بئلرسئنئز.“»
[35] قارداشلار چوواللارینی بوشالدارکن گؤردولر کی، هر کسئن چووالیندا پول کئسه‌سی وار. اؤزلری و اونلارین آتاسی پول کئسه‌لرئنی گؤرَ‌نده قورخدولار.
[36] آتالاری یعقوب اونلارا ددی: «سئز منی اؤولادسیز قویدونوز. یوسئف یوخ، شَمعون یوخ، بِنیامئنی ده آپاراجاقسینیز. ائسته‌یئرسئنئز بوتون بونلاری منئم باشیما گتئره‌سئنئز.»
[37] رِعوبئن آتاسینا بله ددی: «اگر اونو سنئن یانینا گتئرمه‌سم، ائکی اوغلومو اؤلدورَرسن. اونو منئم ائختئیاریما ور، من ده اونو سنه قایتارارام.»
[38] یعقوب ددی: «اوغلوم سئزئنله گتمه‌یه‌جک، چونکی اونون قارداشی اؤلوب و تک قالیب. اگر گتدئیئنئز یولدا اونون باشینا بئر بلا گلسه، منئم آغ ساچلی باشیمی کَدَر ائچئنده اؤلولر دئیارینا اندئره‌جکسئنئز.»