[1] ائسحاق قوجالمیشدی و گؤزلری او قدر ضعئف ائدی کی، آرتیق گؤره بئلمئردی. بؤیوک اوغلو عئسویو یانینا چاغیریب ددی: «اوغلوم.» عئسو اونا ددی: «بویورون.»
[2] ائسحاق ددی: «باخ، من آرتیق قوجالمیشام، نه زامان اؤله‌جَیئمی بئلمئرم.
[3] ائندی سئلاحینی، یعنی اوخدانینی و کامانینی گؤتور، چؤله گت و منئم اوچون حیوان شئکار ات.
[4] سونرا دا منه خوشلاندیغیم لذّتلی یمه‌یئنی حاضیرلا و منه گتئر کی، ییئم و اؤلمه‌مئشدن قاباق سنه برکت ورئم.»
[5] ائسحاق اوغلو عئسو ائله دانیشارکَن رئبقا اشئدئردی. عئسو چؤله گتدی کی، حیوان شئکار ادئب اِوه گتئرسئن.
[6] رئبقا اوغلو یعقوبا بله ددی: «باخ، من اشئتدئم کی، آتان قارداشین عئسویا بو سؤزلری ددی:
[7] منئم اوچون شئکار اَتی گتئر، منه لذّتلی یمک حاضیرلا کی، یِیئم و اؤلومومدن قاباق ربّئن حوضوروندا سنه برکت ورئم.
[8] اوغلوم، ائندی سنه امر اده‌جَیئم سؤزلره قولاق آس:
[9] بو ساعات سورویه گدئب، اورادان منه ائکی یاخشی کِچی بالاسی گتئر. اونلاردان آتانین خوشلادیغی کئمی لذّتلی یمک حاضیرلایاجاغام.
[10] سن ده اونو آتانا گتئرَرسن کی، یِسئن و اؤلوموندن قاباق سنه برکت ورسئن.»
[11] یعقوب آناسی رئبقایا ددی: «باخ، قارداشیم عئسو توکلو بئر آدامدیر، لاکئن من توکسوزم.
[12] بئردن آتام منه اَلئنی سورتر و او زامان اونون گؤزونده آلداتان اولارام. اوندا اوستومه برکت یوخ، لعنت گتئره‌رم.»
[13] آناسی اونا ددی: «سنه اولوناجاق لعنت منه گلسئن، اوغلوم. آنجاق سؤزومه قولاق آس: گت، اونلاری منه گتئر.»
[14] یعقوب گدئب کِچی بالالارینی گؤتوردو و آناسینا گتئردی، آناسی دا اونون آتاسینین خوشلادیغی کئمی لذّتلی یمک حاضیرلادی.
[15] رئبقا بؤیوک اوغلو عئسونون اِوده ساخلادیغی لاپ گؤزل پالتارینی گؤتوروب، کئچئک اوغلو یعقوبا گیئندئردی.
[16] اونون اَللرئنه و بوینونون توکسوز یرئنه کِچی بالالارینین دَرئسئنی باغلادی.
[17] سونرا حاضیرلادیغی لذّتلی یمک و چؤره‌یی اوغلو یعقوبون اَلئنه وردی.
[18] یعقوب آتاسینین یانینا گلئب ددی: «آتام.» آتاسی ددی: «بورادایام. سن کئمسن، اوغلوم؟»
[19] یعقوب آتاسینا ددی: «سنئن ائلک اوغلون عئسویام. ددئیئن کئمی اتدئم. قالخ اوتور و گتئردئیئم شئکار اَتئندن یِه کی، منه برکت وره‌سن.»
[20] ائسحاق اوغلونا ددی: «نجه اولدو کی، بله تز شئکار تاپدین، اوغلوم؟» او ددی: «سنئن تارین رب منه اوغور وردی.»
[21] ائسحاق یعقوبا ددی: «یاخین گل کی، سنه اَل سورتوم، اوغلوم. بئلئم کی، آیا دوغرودان اوغلوم عئسوسان یا یوخ؟»
[22] یعقوب آتاسی ائسحاقا یاخینلاشدی. ائسحاق اَلئنی اونا سورتوب ددی: «سَس یعقوبون سَسی‌دئر، لاکئن اَللر عئسونون اَللرئدئر.»
[23] ائسحاق اونو تانیمادی، چونکی اونون اَللری قارداشی عئسونون اَللری کئمی توکلو ائدی. ائسحاق یعقوبا برکت وردی.
[24] او سوروشدو: «آیا دوغرودان سن اوغلوم عئسوسان؟» یعقوب ددی: «بلی.»
[25] ائسحاق ددی: «اوغلوم، گتئردئیئن شئکار اَتئنی قاباغیما قوی، ییئم، سونرا دا سنه برکت وره‌رم.» یعقوب یمه‌یئنی اونون قاباغینا قویدو و او یدی. یعقوب اونا شراب گتئردی و او ائچدی.
[26] آتاسی ائسحاق یعقوبا ددی: «ائندی یاخینلاش و منی اؤپ، اوغلوم.»
[27] او یاخینلاشیب آتاسینی اؤپدو. ائسحاق اونون پالتارینین ائیسئنی حئسّ اتدی و اونا برکت ورئب ددی: «باخ اوغلومون ائیسی، ربّئن برکت وردئیی چؤلون ائیسی کئمئدئر.
[28] تاری سنه گؤیلرئن شِحئنی، تورپاغین شئره‌سئنی، بول بوغدا و چوخلو تزه شراب ورسئن.
[29] خالقلار سنه قوللوق اتسئنلر، مئلّتلر سنه باش اَیسئنلر. اؤز قارداشلارینا آغا اولاسان، آنانین اوغوللاری سنه باش اَیسئنلر. سنه لعنت ادنلره لعنت گلسئن، سنه برکت ورنلر برکت آلسینلار.»
[30] ائسحاق یعقوبا برکت ورئب قورتاراندان سونرا، یعقوب آتاسی ائسحاقین یانیندان چیخار-چیخماز قارداشی عئسو شئکاردان قاییتدی.
[31] عئسو دا لذّتلی یمک حاضیرلاییب آتاسینا گتئردی و اونا ددی: «آتام قالخیب، اوغلونون گتئردئیی شئکار اَتئندن یسئن و منه برکت ورسئن.»
[32] آتاسی ائسحاق اوندان سوروشدو: «سن کئمسن؟» او جاواب وردی: «من ائلک اوغلون عئسویام.»
[33] ائسحاقین جانینا چوخ تئتره‌مه دوشدو و ددی: «بس اوندا حیوان شئکار ادئب منه گتئرن کئم ائدی کی، سن گلمه‌مئشدن قاباق هر شیدن یدئم و اونا برکت وردئم؟ آرتیق برکت اونونکو اولاجاق.»
[34] عئسو آتاسینین سؤزلرئنی اشئدنده اوجادان و آجی سَسله فریاد ادئب ددی: «آی آتا، منه ده برکت ور.»
[35] ائسحاق ددی: «قارداشین حئیله ائله گلئب سنئن برکتئنی آلدی.»
[36] عئسو ددی: «اونو ناحاق یِره یعقوب چاغیرمیرلار کی؟ بونونلا ائکی دفه‌دئر کی، منی آلدادیر: قاباق ائلک اوغوللوق حاقّیمی آلدی، باخ، ائندی ده برکتئمی آلیب.» سونرا سوروشدو: «بس منه برکت ساخلاماییبسان؟»
[37] ائسحاق عئسویا جاواب وردی: «اونو سنه آغا اتدئم، بوتون قارداشلارینی اونا قول اولاراق وردئم، بوغدا و تزه شرابلا اونو تأمئن اتدئم. بس سنه نه ادئم، اوغلوم؟»
[38] عئسو آتاسینا ددی: «مگر سنده آنجاق بئر برکت وار، آتا؟ منه ده برکت ور، آتا، منه ده.» عئسو هؤنکوروب آغلادی.
[39] آتاسی ائسحاق اونا بله جاواب وردی: «یاشادیغین یِر، تورپاغین شئره‌سئندن، یوخاریدا گؤیلرئن شِحئندن اوزاق اولاجاق.
[40] قیلینجینلا یاشاییب، قارداشینا قوللوق اده‌جکسن. آمّا آزاد اولماق ائسته‌ینده اونون یوغونو بوینوندان قیریب آتاجاقسان.»
[41] آتاسی یعقوبا برکت وردئیئنه گؤره، عئسو قارداشینا کئن باغلادی. او اؤز-اؤزونه ددی: «آتامین ماتم گونلری یاخینلاشیر. او زامان قارداشیم یعقوبو اؤلدوره‌رم.»
[42] بؤیوک اوغلو عئسونون ددئیی سؤزلر رئبقانین قولاغینا چاتدی. بونا گؤره ده خبر گؤندَ‌رئب کئچئک اوغلو یعقوبو چاغیردی و اونا ددی: «باخ قارداشین عئسو سنی اؤلدورمک قصدی ائله اؤزونه تسلّی ورئر.
[43] اوغلوم، ائندی سؤزومه قولاق آس: قالخیب خارانا، قارداشیم لابانین یانینا قاچ.
[44] قارداشینین حئرصی سویویانا قدر، بئر مودّت لابانین یانیندا قال،
[45] او زاماناجاق کی، قارداشینین سنه اولان قضبی سؤنسون و اونا اتدئیئنی یادیندان چیخارتسین. اوندا من خبر گؤندَ‌رئب سنی اورادان چاغیرارام. نه اوچون بئر گونده ائکئنئزدن ده محروم اولوم؟»
[46] سونرا رئبقا ائسحاقا ددی: «خئتلی قیزلارین اَلئندن حیاتیمدان بزدئم. اگر یعقوب دا بله‌جه بو اؤلکه‌نئن قیزلاریندان، اؤزونه خئتلی آرواد آلسا، حیاتیم داها نَیه یارایاجاق؟»