[1] یعقوب کَنَعان تورپاغیندا کی، آتاسی اورادا قرئب اولاراق قالمیشدی، یاشادی.
[2] یعقوبون تارئخچه‌سی بله‌دئر: یوسئف اون یدّی یاشیندا بئر جاوان ائدی. او اؤز قارداشلاری، آتالارینین آروادلاری بئلحا‌نین و زئلپانین اوغوللاری ائله بئرلئکده سورو اوتاریردی. یوسئف اونلارین پئس ائشلری باره‌ده خبرلری آتاسینا چاتدیردی.
[3] ائسرایئل یوسئفی بوتون او اوغوللاریندان چوخ سِوئردی، چونکی یوسئف اونون قوجالیق واختینین اوغلو ائدی. او، یوسئفه اَلوان پالتار تئکدئردی.
[4] قارداشلاری گؤردولر کی، آتالاری اونلارین هامیسیندان چوخ یوسئفی سِوئر. بونا گؤره ده یوسئفدن نئفرت اتدئلر و اونونلا آرتیق یاخشی رفتار اتمه‌دئلر.
[5] بئر دفه یوسئف یوخو گؤردو و اونو قارداشلارینا نقل اتدی. بوندان سونرا اوندان داها چوخ نئفرت اتمَیه باشلادیلار.
[6] یوسئف اونلارا ددی: «لوطفن گؤردویوم بو یوخویا قولاق آسین:
[7] بئز زمئنئن اورتاسیندا دَرز باغلاییردیق؛ باخ، منئم دَرزئم قالخیب دئک دوردو، آمّا سئزئن دَرزلرئنئز منئم دَرزئمی اَحاطه‌یه آلیب اونا سجده اتدئلر.»
[8] قارداشلاری اونا ددئلر: «دوغرودان، سن بئزه پادشاه اولاجاقسان، حؤکمرانلیق اده‌جکسن؟» اونلار یوسئفدن یوخولارینا و سؤزلرئنه گؤره داها چوخ نئفرت اتدئلر.
[9] یوسئف آیری بئر یوخو گؤردو و اونو قارداشلارینا ددی: «باخ، گئنه بئر یوخو گؤردوم؛ گؤردوم کی، گون، آی و اون بئر اولدوز منه سجده ادئردئلر.»
[10] او، یوخوسونو آتاسینا و قارداشلارینا دانیشاندا، آتاسی اونو دانلاییب ددی: «بو گؤردویون یوخو نه دمکدئر؟ دوغرودان دا، من، آنان و قارداشلارین سنه یِره اَیئلئب، تعظئم اده‌جیئک؟»
[11] قارداشلاری اونا پاخیلّیق اتدئلر، آمّا آتاسی بو سؤزو یاددا ساخلادی.
[12] بئر گون یوسئفئن قارداشلاری آتالارینین سوروسونو اوتارماق اوچون شِکِمه گتدئلر.
[13] ائسرایئل یوسئفه ددی: «مگر قارداشلارین شِکِمده سورو اوتارمیرلار؟ گل سنی ده اونلارین یانینا گؤندَ‌رئم.» یوسئف آتاسینا ددی: «گتمَیه حاضیرام.»
[14] ائسرایئل گئنه اونا ددی: «گت گؤر، آیا قارداشلارین یاخشیدیر، سورو سالاماتدیر؟ سونرا منه خبر گتئر.» بله‌جه اونو خِبرون دره‌سئندن یولا سالدی. یوسئف گلئب شِکِمه چاتدی.
[15] چؤلده گَزَرکَن بئر نفر اونا راست گلدی. بو آدام اوندان سوروشدو: «نه آختاریرسان؟»
[16] او ددی: «قارداشلاریمی آختاریرام. منه دِه گؤروم، اونلار سورونو هارادا اوتاریرلار؟»
[17] او آدام ددی: «بورادان گتدئلر، چونکی من اشئتدئم کی، دیئرلر: ”دوتانا گدک.“» یوسئف قارداشلارینین دالینجا دوشدو و اونلاری دوتاندا تاپدی.
[18] قارداشلاری اونو اوزاقدان گؤردولر و اونلارین یانلارینا چاتمامیش، قرار وردئلر کی، اونو اؤلدورسونلر.
[19] قارداشلار بئربئرلرئنه ددئلر: «باخ، یوخو گؤره‌نئمئز گلئر.
[20] ائندی گلئن اونو اؤلدوروب بئر قویویا آتاق، سونرا دا دئیَک کی، وحشی حیوان اونو پارچالاییب. او واخت گؤره‌رئک، یوخولاری نجه دوغرو چیخیر.»
[21] رِعوبئن بونو اشئدئب، یوسئفی اونلارین اَلئندن قورتارماق اوچون ددی: «گلئن اونون جانینی آلمایاق.»
[22] رِعوبئن اونلارا ددی: «قان تؤکمه‌یئن، اونو چؤلده اولان بو قویویا آتین، لاکئن اونا توخونمایین.» بونو اونا گؤره دیئردی کی، یوسئفی قارداشلارینین اَلئندن قورتاریب آتاسینین یانینا قایتارسین.
[23] یوسئف قارداشلارینین یانینا چاتاندا اونلار یوسئفئن اَینئنه گیدئیی اَلوان پالتاری زورلا چیخارتدیلار.
[24] اؤزونو ده گؤتوروب قویویا آتدیلار. قویو بوش ائدی، اورادا سو یوخ ائدی.
[25] قارداشلار چؤرک یمک اوچون اوتوردولار. اونلار باشلارینی قالدیراندا گؤردولر کی، گئلعاددان ائسماعئللی‌لرئن بئر کاروانی گلئر. اونلارین دوه‌لری کتئره، بالزام و عطرئیّاتلا یوکلَنمئشدی و بونلاری مئصئره آپاریردیلار.
[26] یهودا قارداشلارینا ددی: «اگر قارداشیمیزی اؤلدوروب قتلئن اوستونو باسدیراق، بونون نه خیئری اولار؟
[27] گلئن اونو ائسماعئللی‌لره ساتاق و اونا توخونمایاق، چونکی قارداشیمیزدیر، بئز همن قاندانیق.» قارداشلاری اونون سؤزو ائله راضیلاشدیلار.
[28] اورادان مئدیان تاجئرلری کچنده، یوسئفی قویودان چیخاردیب ائسماعئللی‌لره ائیئرمی گوموشه ساتدیلار. اونلار دا یوسئفی مئصئره آپاردیلار.
[29] رِعوبئن قویویا طرف قاییدیب گؤردو کی، یوسئف قویودا یوخدور. او، پالتارینی جیردی.
[30] سونرا قارداشلارینین یانینا قاییدیب ددی: «اوشاق یوخدور، بس من هارایا گدئم؟»
[31] اونلار یوسئفئن پالتارینی گؤتوردولر و بئر اِرکَک کِچی کسئب، پالتاری قانا باتیردیلار.
[32] سونرا قارداشلار بو اَلوان پالتاری گؤتوروب، آتالارینا گتئردئلر و ددئلر: «بئز بونو تاپدیق: گؤر، اوغلونون پالتاری‌دیر یا یوخ؟»
[33] او، پالتاری تانییب ددی: «بو، اوغلومون پالتاری‌دیر؛ اونو وحشی بئر حیوان یِیئب، یوسئف حقئقتن پارچالانیب.»
[34] یعقوب اؤز پالتارینی جیردی و بلئنه چول باغلادی؛ او، اوزون مودّت اوغلو اوچون یاس توتدو.
[35] بوتون اوغوللاری و قیزلاری اونا تسلّی ورمک اوچون ییغیشدیلار، لاکئن او تسلّی تاپماق ائستمه‌یئب ددی: «ماتمله اوغلومون یانینا-اؤلولر دئیارینا اِنه‌جیم.» بله‌جه آتاسی اونون اوچون آغلادی.
[36] مئدیانلی‌لار یوسئفی مئصئرده فئرعونون بئر اعیانینا-اونون کشئکچئلر ریئسی پوطئفَره ساتدیلار.