[1] یعقوب باشینی قالدیریب گؤردو کی، عئسو دؤرد یوز نفر آداملا بئرلئکده گلئر. او، اوشاقلارینی لئیه، راحئل و ائکی کنئزئنئن آراسینا بؤلدو:
[2] کنئزلرله اونلارین اوشاقلارینی قاباغا، لئیه ائله اونون اوشاقلارینی اورتایا، راحئلله یوسئفی ده آرخایا قویدو.
[3] اؤزو ده اونلارین قاباغینا کچدی و قارداشینا یاخینلاشاندا یدّی دفه یره اَیئلدی.
[4] عئسو یعقوبون پئشوازی اوچون قاچیب اونو قوجاقلادی و بوینونا ساریلیب اؤپدو. اونلار آغلاشدیلار.
[5] عئسو باشینی قالدیریب آروادلاری و اوشاقلاری گؤرَ‌نده ددی: «بو یانینداکی‌لار کئم؟» یعقوب ددی: «تارینین سنئن قولونا لوطف اتدئیی اوشاقلاردیر.»
[6] اوّل کنئزلرله اوشاقلاری یاخینلاشیب تعظئم اتدئلر،
[7] سونرا لئیه ائله اوشاقلاری یاخینلاشیب تعظئم اتدئلر، آخیردا دا یوسئفله راحئل یاخینلاشیب تعظئم اتدئلر.
[8] عئسو سوروشدو: «راست گلدئیئم او بئری دسته‌نی نه اوچون گؤندَ‌رمئشدئن؟» یعقوب ددی: «آغامین گؤزونده لوطف تاپماق اوچون.»
[9] عئسو ددی: «منئم سوروم چوخدور، قارداشیم، سنده اولان سنئن اولسون.»
[10] یعقوب ددی: «یوخ، خاهئش ادئرم، ائندی اگر گؤزونده لوطف تاپمیشام، مندن بو هدئیّه‌‌نی گؤتور. چونکی سنئن اوزونو گؤرنده تارینین اوزونو گؤرموش ساندیم، منی لوطفله قبول اتدئن.
[11] خاهئش ادئرم، سنه گتئرئلن هدئیّه‌‌نی گؤتور. چونکی تاری منه لوطف اتدی و ائندی منئم هر شیئم وار.» یعقوب تأکئد اتدئکدن سونرا عئسو هدئیّه‌‌نی گؤتوردو.
[12] عئسو ددی: «کؤچ ادئب گِدَک. من سئزئن قاباغینیزدا گده‌جیم.»
[13] یعقوب اونا ددی: «آغام بئلئر کی، اوشاقلار ضعئفدئر، یانیمدا اولان قویون-کچی و مال-حیوان دا سودده‌دئر. سورولری بئر گون چوخ سورسه‌لر، هامیسی تلف اولار.
[14] خاهئش ادئرم، آغام قولوندان قاباقدا گتسئن، من ده سورولرئن و اوشاقلارین یرئشئنه گؤره یاواش یاواش گله‌جیم. سِعئره‌ده آغاما یتئشه‌رم.»
[15] عئسو ددی: «منئمله اولان آداملارین بعضئسئنی قویوم کی، سنئنله قالسین.» یعقوب ددی: «بو نه‌یه لازیمدیر؟ من آنجاق ائسته‌یئرم کی، آغامین گؤزونده لوطف تاپیم.»
[16] عئسو او گون یولا دوشوب سِعئره قاییتدی.
[17] یعقوب سوکّوتا کؤچوب، اؤزونه اِو تئکدی و سوروسونه طؤوله‌لر دوزَلتدی. اونا گؤره ده بو یِرئن آدینی سوکّوت قویدولار.
[18] یعقوب پَدّان‌اَرامدان قاییتدیقدان سونرا، صاغ-سالامات شِکِم شهرئنه کی، کَنَعان تورپاغیندا ائدی، گلدی و شهرئن موقابئلئنده ساکئن اولدو.
[19] او، چادیرینی قوردوغو یِر پارچاسینی، شِکِمئن آتاسی خَمورون اوغوللاریندان یوز پارچا گوموشله ساتین آلدی.
[20] یعقوب اورادا بئر قوربانگاه قوروب، آدینی اِل اِلوهِه ائسرایئل قویدو.