[1] ائکی ائل تامام کچندن سونرا فئرعون بله بئر یوخو گؤردو: او، نئل چایینین ساحئلئنده دایانمیشدی.
[2] باخ، چایدان یدّی بَسلَنمئش و کؤک ائنَک چیخدی. اونلار قامیشلیق ائچئنده اوتلاماغا باشلادیلار.
[3] اونلاردان سونرا نئل چاییندان یدّی ائنَک چیخدی کی، حالدان دوشموش و آریق ائدئلر. اونلار چایین ساحئلئنده‌کی ائنکلرئن یانیندا دایاندیلار.
[4] حالدان دوشموش و آریق ائنَکلر، بَسلَنمئش و کؤک اولان یدّی ائنه‌یی یدئلر. او واخت فئرعون یوخودان اویاندی.
[5] سونرا یاتیب ائکئنجی دفه بو یوخونو گؤردو: بئر ساپلاقدان یدّی دولو و یاخشی سونبول چیخدی.
[6] آمّا اونلاردان سونرا یدّی سونبول بئتدی کی، اؤلوشکه‌مئش و شرق کوله‌یئندن یانمیش ائدئلر.
[7] اؤلوشکه‌مئش سونبوللر یدّی دولو و بؤیوک سونبولو اودّولار. او واخت فئرعون اویاندی؛ بو، بئر یوخو ائدی.
[8] سحر اویاندیقدا اونون جانی پرئشان ائدی. خبر گؤندَ‌رئب مئصئرئن بوتون سِحربازلارینی و بئلئجئلرئنی چاغیردی. فئرعون اونلارا اؤز یوخوسونو دانیشدی، آمّا اونلارین آراسیندا فئرعونون یوخوسونو یوزان بئر آدام تاپیلمادی.
[9] باش ساقی فئرعونا بله ددی: «من بو گون اؤز گوناهیمی یادیما سالدیم:
[10] بئر دفه فئرعون قوللارینا قضبلَندی و منئمله باش چؤرکچئنی زئندانا، کشئکچئلر ریئسئنئن اِوئنه سالدی.
[11] بئز بئر گجه ائکئمئز ده یوخو گؤردوک، یوخولاریمیزین هر بئرئسئنئن اؤز معناسی وار ائدی.
[12] اورادا بئزئمله، بئر عئبرانی جاوان وار ائدی کی، کشئکچئلر ریئسئنئن قولو ائدی. بئز بو باره‌ده اونونلا دانیشدیق، او دا یوخولاریمیزی یوزدو، هر بئرئمئزه یوخوسونون معناسینی تشرئح اتدی.
[13] او بئزه نجه یوزدو، اِله ده اولدو: من اؤز وظئفه‌مه قایتاریلدیم، لاکئن باش چؤرکچی آسدیریلدی.»
[14] فئرعون آدام گؤندَ‌رئب یوسئفی چاغیرتدی. اونو تز زئنداندان چیخارتدیلار. او، باشینی قیرخیب پالتارینی دیئشدی و فئرعونون حوضورونا گلدی.
[15] فئرعون یوسئفه ددی: «بئر یوخو گؤرموشم، آنجاق اونو یوزان یوخدور. من سنئن باره‌نده اشئتمئشم کی، بئر یوخو اشئتدئکده، اونو یوزا بئلئرسن.»
[16] یوسئف فئرعونا جاواب وردی: «بو مندن دیئل، تاری فئرعونون خیئرئنه جاواب وره‌جک.»
[17] فئرعون یوسئفه ددی: «یوخومدا گؤردوم کی، نئل چایینین ساحئلئنده دورموشام.
[18] باخ، چایدان یدّی کؤک و بَسلَنمئش ائنَک چیخدی. اونلار قامیشلیق ائچئنده اوتلاماغا باشلادیلار.
[19] اونلاردان سونرا آیری یدّی ائنَک چیخدی کی، آریق، چئرکئن، و حالسیز ائدئلر. بوتون مئصئر اؤلکه‌سئنده بونلار کئمی آریق ائنَک گؤرمه‌مئشم.
[20] آریق و حالسیز ائنَکلر اَوّلکی یدّی کؤک ائنه‌یی یدئلر.
[21] لاکئن کؤک ائنَکلری اولدوقلاری حالدا، اونلاری یدئکلری حله ده بئلئنمئردی، چونکی اوّلکی کئمی حله ده آریق ائدئلر. او واخت اویاندیم.
[22] گئنه یوخومدا گؤردوم کی، بئر ساپلاقدان یدّی دولو و یاخشی سونبول چیخدی.
[23] اونلاردان سونرا سولغون، اؤلوشکه‌مئش و شرق کوله‌یئندن یانمیش یدّی سونبول بئتدی.
[24] اؤلوشکه‌مئش سونبوللر یدّی یاخشی سونبولو اودّولار؛ بونلاری سحربازلارا دانیشدیم، آمّا هچ کسن تاپیلمادی کی، معناسینی منه آچیقلاسین.»
[25] یوسئف فئرعونا ددی: «فئرعونون یوخولارینین بئر معناسی وار. تاری فئرعونا گؤرسه‌دئب کی، عنقرئب نه اده‌جک.
[26] یدّی بَسلَنمئش ائنَک یدّی ائلدئر، یدّی دولو سونبول ده یدّی ائلدئر؛ یوخولارین معناسی بئردئر.
[27] اونلاردان سونرا چیخان یدّی آریق، حالسیز ائنَک و شرق کوله‌یئندن یانمیش بوش یدّی سونبول ده یدّی ائلدئر؛ یدّی ائل آجلیق اولاجاق.
[28] فئرعونا دِمَک ائسته‌دئیئم سؤزلر بونلاردیر. تاری فئرعونا گؤرسه‌دئب کی، عنقرئب نه اده‌جک.
[29] بوتون مئصئر تورپاغیندا یدّی ائل بؤیوک بوللوق اولاجاق.
[30] بوندان سونرا یدّی ائل آجلیق گله‌جک. مئصئر اؤلکه‌سئنده اولان بوتون بوللوق یاددان چیخاجاق و آجلیق اؤلکه‌نی اَلدن سالاجاق.
[31] اؤلکه‌ده‌کی بوللوق اوندان سونرا گلن آجلیق اوزوندن گؤرونمیه‌جک، چونکی آجلیق چوخ آغیر اولاجاق.
[32] فئرعون یوخونو ائکی دفه گؤروب، چونکی تاری بله قرارا گلئب و تزلئکله بو ائشی گؤره‌جکدئر.
[33] ائندی قوی فئرعون آغیلّی و بصئرتلی بئر آدام آختارسین، اونو مئصئر اؤلکه‌سئنه باشچی تعیئن اتسئن.
[34] فئرعون امر اتسئن کی، اؤلکه‌ده مأمورلار قویولسون و یدّی ائل بوللوق زامانی مئصئر تورپاغینین محصوللارینین بِشده بئرئنی ییغسین.
[35] قوی اونلار اوغورلو اولان بو ائللرئن بوتون محصوللارینی توپلاسینلار و تاخیلی آذوقه اولاراق شهرلرده فئرعونون نظارتی آلتیندا ییغیب ساخلاسینلار.
[36] بو آذوقه مئصئر تورپاغینا گلن یدّی ائل آجلیق دؤورو اوچون احتئیاط اولاجاق، مبادا اؤلکه اهالئسی آجلیقدان قیریلسین.»
[37] بو سؤزلر فئرعونون و اونون اعیانلارینین خوشونا گلدی.
[38] فئرعون اعیانلارینا ددی: «مگر بو آدام کئمی بئرئنی تاپا بئله‌جیئک کی، اونون کئمی تارینین روحونا مالئک اولسون؟»
[39] سونرا فئرعون یوسئفه ددی: «ائندی کی، تاری سنه بوتون بو شیلری بئلدئردی، دِمه‌لی، سنئن کئمی آغیلّی و بصئرتلی آدام یوخدور.
[40] سن منئم سارای آداملاریما باشچیلیق اده‌جکسن و بوتون خالقیم سنئن امرئنله ائداره اولوناجاق. من آنجاق تختده سندن بؤیوک اولاجاغام.»
[41] فئرعون یوسئفه ددی: «باخ، سنی بوتون مئصئر اؤلکه‌سئنه باشچی تعیئن اتدئم.»
[42] فئرعون اؤز مؤهورونو بارماغیندان چیخاردیب، یوسئفئن بارماغینا تاخدی، اونا ائنجه کتان پالتار گیئندئردی و بوینونا قیزیل زنجئر آسدی.
[43] فئرعون یوسئفی اؤزونون ائکئنجی عاراباسینا مئندئردی و موقابئلئنده «دئز چؤکون!» دیئب باغیریردیلار. بله‌جه او، یوسئفی بوتون مئصئر اؤلکه‌سئنه باشچی قویدو.
[44] فئرعون یوسئفه ددی: «من فئرعونام. بوتون مئصئر اؤلکه‌سئنده هچ کس سنسئز اَلئنی و یا آیاغینی تَرپَتمیه‌جک.»
[45] فئرعون یوسئفئن آدینی صافِنات‌پَنِه‌آخ قویدو و اون شهرئنئن کاهئنی پوتی‌فِرانین قیزی آسِنَتی اونا وردی کی، اونون آروادی اولسون. یوسئف چیخدی کی، مئصئر اؤلکه‌سئنی گَزسئن.
[46] یوسئف مئصئر پادشاهی فئرعونون حوضوروندا اولارکن، اوتوز یاشیندا ائدی. یوسئف فئرعونون حوضوروندان چیخیب، بوتون مئصئر اؤلکه‌سئنی گَزدی.
[47] یدّی بوللوق ائلئنده تورپاق بول-بول محصول وردی.
[48] یوسئف یدّی ائلده مئصئر تورپاغیندا ییغیلمیش بوتون محصولو بئر یره ییغدی. او، محصولو شهرلره قویدو. هر شهرئن اطرافیندا اولان زَمئده، یِتئشَن محصولو او شهرده ساخلادی.
[49] یوسئف دهنز قومو قدر چوخ تاخیل ییغدی و داها اونو حسابلامادی، چونکی سایی-حسابی یوخ ائدی.
[50] آجلیق ائللرئندن قاباق یوسئفئن ائکی اوغلو اولدو؛ اونلاری یوسئفه اون شهرئن کاهئنی پوتی فِرانین قیزی آسِنَت دوغدو.
[51] یوسئف ائلک اوغلونون آدینی مِنَسّه قویدو، چونکی دمئشدی: «تاری بوتون زحمتئمی و آتامین اِوئنده‌کئلرئن هامیسینی یادیمدان چیخارتدیردی.»
[52] ائکئنجی اوغلونون آدینی اِفرایئم قویدو، چونکی ددی: «تاری اذئیّت چکدئیئم تورپاقدا منی ثمره‌لی اتدی.»
[53] مئصئر تورپاغیندا یدّی ائل بوللوق قورتاردی.
[54] یوسئفئن ددئیی کئمی یدّی ائل آجلیق باشلادی. بوتون اؤلکه‌لرده آجلیق اولدو، لاکئن مئصئر تورپاغینین هر یرئنده ارزاق وار ائدی.
[55] بوتون مئصئر اَهالئسی آجلیق چکنده، چؤرک اوچون فئرعونا فریاد اتدئلر. فئرعون بوتون مئصئرلی‌لره ددی: «یوسئفئن یانینا گدئن، اونون ددئیئنی ادئن.»
[56] بوتون یر اوزونده آجلیق اولدو. یوسئف محصول اولان بوتون آنبارلاری آچیب، مئصئرلی‌لره تاخیل ساتیردی. مئصئر تورپاغیندا آجلیق گوجلَندی.
[57] بوتون اؤلکه‌لرئن آداملاری تاخیل آلماق اوچون مئصئره، یوسئفئن یانینا گلدئلر، چونکی بوتون یر اوزونده شئدّتلی آجلیق وار ائدی.