[1] سارا یوز ائیئرمی یدّی ائل یاشادی؛ او بو قدر عؤمور سوردو.
[2] سارا کَنَعان تورپاغیندا اولان قئریَت‌اَربَعده، یعنی خِبروندا اؤلدو. ائبراهئم یاس توتوب آغلاماقدان اؤتری سارانین اؤلوسونون باشینا گتدی.
[3] ائبراهئم مِیئتئن یانیندان قالخیب خئتلی‌لره ددی:
[4] «من سئزئن آرانیزدا قرئب و قوناغام. یانینیزدا قبئر دوزَلتمک اوچون منه یِر ساتین کی، اؤز مِیئتئمی گؤتوروب اورادا باسدیریم.»
[5] خئتلی‌لر ائبراهئمه جاواب وردئلر:
[6] «ای آغام، بئزه قولاق آس: سن آرامیزدا گوجلو بئر سَروَرسن. اؤز میئتئنی قبئرلرئمئزئن لاپ یاخشیسیندا باسدیر؛ مِیئتی باسدیرماق اوچون بئزدن هچ کس قبئرئنی سندن قییماز.»
[7] ائبراهئم قالخیب او اؤلکه‌نئن خالقینا کی، خئتلی‌لر ائدئلر، تعظئم اتدی.
[8] سونرا اونلارلا دانیشیب ددی: «اگر سئز منئم مِیئتئمی باسدیرماغا راضیسینیز، منه قولاق آسین: منئم اوچون زوخَر اوغلو عِفروندان خاهئش ادئن کی،
[9] زمئسئنئن آخیریندا مالئک اولدوغو ماکپِلا ماغاراسینی منه ساتسین، سئزئن حوضورونوزدا اونو منه تام دَیَری ائله قبئر دوزَلتمَک اوچون ساتسین.»
[10] عِفرون خئتلی‌لرئن آراسیندا اوتورموشدو. خئتلی عِفرون بوتون خئتلی‌لرئن حوضوروندا کی، شهر دروازاسینین یانینا ییغیلمیشدیلار، ائبراهئمه بله جاواب وردی:
[11] «یوخ، آغام، منه قولاق آس: من زمئنی و اورادا اولان ماغارانی سنه ورئرم، اؤز خالقیمین آداملاری حوضوروندا اونو سنه ورئرم؛ گت مِیئتئنی باسدیر.»
[12] ائبراهئم او اؤلکه‌نئن خالقینا تعظئم اتدی.
[13] سونرا او اؤلکه‌نئن خالقینین یانیندا عِفرونا بله ددی: «خاهئش ادئرم، منه قولاق آس: زمئنئن دَیَرئنی ورئرم، اونو مندن گؤتور، قوی من ده اؤز مِیئتئمی اورادا باسدیریم.»
[14] عِفرون ائبراهئمه جاواب وردی:
[15] «ای آغام، منه قولاق آس: تورپاغین قئیمتی دؤرد یوز شِکِل گوموشدور؛ منئمله سنئن آراندا بو نه‌دئر؟ گتئر، مِیئتئنی باسدیر.»
[16] ائبراهئم عِفرونون سؤزونو قبول ادئب، خئتلی‌لرئن یانیندا عِفرونون ددئیی کئمی تاجئرلرئن تَره‌زی داشلارینا موطابئق دؤرد یوز شِکِل گوموش چکدی.
[17] بله‌جه ممرِه‌نئن موقابئلئنده اولان ماکپِلا کی، عفرونون زمئسی ائدی و اوراداکی ماغارا، زَمئده و اونون اَراضئسئنده اولان بوتون آغاجلار
[18] خئتلی‌لرئن حوضوروندا، شهر دروازاسیندا ییغیلانلارین قاباغیندا ائبراهئمئن مولکو اولدو.
[19] بوندان سونرا ائبراهئم آروادی سارانی ماکپِلا زمئسئنئن ماغاراسیندا کی، کَنَعان تورپاغیندا اولان مَمرِه‌نئن (یعنی خِبرونون) موقابئلئنده‌دئر، باسدیردی.
[20] بله‌جه خئتلی‌لر زمئنی و اورادا اولان ماغارانی ائبراهئمه مولک وردئلر کی، اورادا قبئر دوزَ‌لتسئن.