[1] لئیه‌نئن یعقوبا دوغدوغو قیزی دئنا، چیخدی کی، او اؤلکه‌نئن قیزلارینی گؤرسون.
[2] او اؤلکه‌نئن آغاسی خئولی خَمورون اوغلو شِکِم، دئنانی گؤرونجه اونو توتوب اونونلا زورلا یاتدی.
[3] اونون قلبی یعقوبون قیزی دئنایا باغلاندی. شِکِم قیزی سِودی و اونونلا خوش دانیشدی.
[4] شِکِم آتاسی خَمورا ددی: «بو قیزی منه آرواد آل.»
[5] یعقوب قیزی دئنا‌نین زورلاندیغینی اشئتدی، آمّا اوغوللاری چؤلده‌کی سورولری یانیندا اولدوقلاری اوچون، اونلار گلنه قدر ساکئت قالدی.
[6] شِکِمئن آتاسی خَمور، یعقوبون یانینا گتدی کی، اونونلا دانیشسین.
[7] یعقوبون اوغوللاری بونو اشئدئب چؤلدن گلدئلر. اونلار ناراحات اولوب چوخ قضبلندئلر. چونکی شِکِم یعقوبون قیزی ائله یاتاراق ائسرایئلئن حیثئیّتئنی آیاق آلتینا قویموشدو. بله بئر ائش اولمامالی ائدی.
[8] خَمور اونلارا بله ددی: «اوغلوم شِکِمئن قلبی قیزینیزا باغلانیب. خاهئش ادئرم، قیزی منه وره‌سئنئز کی، اونا آرواد اولسون.
[9] قوحوم اولون؛ اؤز قیزلارینیزی بئزه آرواد ورئن، بئزئم قیزلاریمیزی اؤزونوزه آلین.
[10] یاشایین، اؤلکه ده سئزئن ائختئیارینیزدادیر. بورادا یاشایین، تئجارت ادئن و مولک صاحئبی اولون.»
[11] شِکِم قیزین آتاسینا و قارداشلارینا ددی: «سئزئن گؤزلرئنئزده لوطف تاپماق اوچون مندن نه ائستیه‌سئنئز، وره‌رم.
[12] مندن چوخلو باشلیق و هدئیّه ائسته‌یئن، منه ددئیئنئز هر شیی وره‌رم. آنجاق قیزی آرواد اولماق اوچون منه ورئن.»
[13] یعقوبون اوغوللاری شِکِمه و اونون آتاسی خَمورا حئیله ائله جاواب وردئلر، چونکی شِکِم باجیلاری دئنا‌نین ناموسونا توخونموشدو.
[14] اونلارا ددئلر: «بئز بونو اده بئلمه‌رئک، باجیمیزی ختنه اولونمامیش بئر آداما اَره وره بئلمه‌رئک. بو بئزئم اوچون روسوایچیلیق اولار.
[15] آنجاق بئر شرطله سئزئنله راضی اولوروق: بوتون کئشئلرئنئز ختنه ادئلئب بئزئم کئمی اولسالار،
[16] اؤز قیزلاریمیزی سئزه اَره وره‌رئک، سئزئن قیزلارینیزی اؤزوموزه آلاریق و سئزئنله یاشاییب، بئر خالق اولاریق.
[17] اگر بئزه قولاق آسمایاسینیز و ختنه اولونمایاسینیز، قیزیمیزی گؤتوروب گده‌جیئک.»
[18] اونلارین سؤزلری خَمورون و اوغلو شِکِمئن خوشونا گلدی.
[19] جاوان اوغلان بو ائشی فورَن اتدی، چونکی یعقوبون قیزی چوخ خوشونا گلمئشدی. شِکِم آتاسینین اِوئنده لاپ حؤرمتلی آدام ائدی.
[20] خَمور و اوغلو شِکِم اؤز شهرلرئنئن دروازاسینا گلدئلر و شهرئن آداملارینا بله ددئلر:
[21] «بو آداملار بئزه دوستلوق گؤرسدئرلر. قوی بو اؤلکه‌ده یاشاییب تئجارت اتسئنلر. باخ، بو اؤلکه اونلار اوچون کئفایت قدر گِنئشدئر. اونلارین قیزلارینی اؤزوموزه آرواد آلاریق، اؤز قیزلاریمیزی دا اونلارا اَره وره‌رئک.
[22] بو آداملار آنجاق بئر شرطله یاشاماغا و بئر خالق اولماغا راضی اولورلار کی، بئزئم ده بوتون کئشئلرئمئز، اونلار کئمی ختنه اولونسونلار.
[23] مگر اونلارین سورولری، مولکلری و بوتون حیوانلاری بئزئم اولمایاجاق؟ گلئن اونلارلا راضیلاشاق و اونلار یاشاسینلار.»
[24] شهرئن دروازاسیندان کچن هر کس خَمورا و اوغلو شِکِمه قولاق آسدی؛ شهرئن بوتون کئشئلری ختنه اولوندو.
[25] اوچونجو گون اونلار حله ده آغری چَکَرکَن، دئنا‌نین قارداشلاری، یعقوبون اوغوللاریندان ائکئسی، شمعون و لاوی، قیلینجلارینی گؤتوروب شوبهه قالدیرمادان شهره گئردئلر و بوتون کئشئلری قیلینجدان کچئرتدئلر.
[26] خَمورو و اوغلو شِکِمی ده اؤلدوردولر. دئنانی شِکِمئن اِوئندن گؤتوروب گتدئلر.
[27] یعقوبون باشقا اوغوللاری اؤلَنلرئن یانینا گلدئلر و شهری غارت اتدئلر، چونکی باجیلارینین ناموسونا توخونموشدولار.
[28] اونلارین قویون-کِچئلرئنی، مال-حیوانلارینی، اِششَکلرئنی، شهرده و چؤلده‌کی اولان هر شیی گؤتوردولر.
[29] بوتون ماللارینی، اوشاقلارینی و آروادلارینی اسئر آپاردیلار، اونلارین اِولرئنده اولان هر شیی غارت اتدئلر.
[30] یعقوب شمعونا و لاوئیه ددی: «اؤلکه‌ده یاشایان کَنَعانلی‌لاردان و پِرئزلئلردن منه ضئدّ نئفرت قالدیریب منی بلایا سالدینیز. بئز ساییجا آزیق، اگر منئم ضئدّئمه بئرله‌شئب هوجوم اده‌لر، اؤزوم ده عایئلَمله بئرلئکده هلاک اولاجاغام.»
[31] آمّا اونلار ددئلر: «مگر بئزئم باجیمیزلا بئر فاحئشه کئمی رفتار اتمه‌لی ائدی؟»