[1] پیغمبر اِلئشَع پیغمبر اؤولادلاریندان بئرئنی چاغیریب اونا ددی: «بِلئنی باغلا و بو یاغ قابینی اَلئنه آلیب راموت-گئلعادا گت.
[2] اورایا چاتینجا نئمشی اوغلو یِهوشافاط اوغلو یِیهونو تاپ. گئرئب اونو قارداشلارینین آراسیندان چاغیر و ائچه‌ری اوتاغا آپار.
[3] یاغ قابینی گؤتور و یاغی اونون باشینا تؤکوب دِه: ”رب بله دیئر: سنی مَسح اتمئشم کی، ائسرایئل اوستونده پادشاه اولاسان.“ سونرا قاپینی آچیب قاچ و اورادا دورما.»
[4] پیغمبرئن نؤکری اولان بو جاوان اوغلان راموت-گئلعادا گتدی.
[5] اورایا گلئب گؤردو کی، قوشون باشچیلاری بورادا اوتوروبلار. او ددی: «ای سردار، سنه سؤزوم وار.» یِیهو سوروشدو: «آرامیزدان کئمه؟» نؤکر جاواب وردی: «سنه، ای سردار.»
[6] یِیهو قالخیب ائچه‌ری گئردی. نؤکر یاغی اونون باشینا تؤکوب ددی: «ائسرایئلئن تاریسی رب بله دیئر: ”سنی ربّئن خالقی اوستونده، بلی ائسرایئل اوستونده پادشاه اولماغا مَسح اتمئشم.
[7] آغان اَخابین نسلئنی قیریب محو اده‌جکسن کی، قوللاریم پیغمبرلرئن و ربّئن بوتون قوللارینین قان قئصاصینی ائزِبِلدن آلیم.
[8] بوتون اَخاب نسلی محو اولاجاق: ائسرایئلده اَخابدان بوتون کئشئلری، ائستر قول اولسون، ائستر آزاد، کَسئب آتاجاغام.
[9] اَخابین نسلئنی نِباط اوغلو یَروبعامین نسلی و اَخئیا اوغلو بَعشانین نسلی کئمی اده‌جیم.
[10] ائزِبِلی یئزرِعِل زمئسئنده ائتلر یئیه‌جک و اونو باسدیران اولمایاجاق.“» سونرا او، قاپینی آچیب قاچدی.
[11] یِیهو چیخیب آغاسینین نؤکرلرئنئن یانینا گلدی. اونلاردان بئری یِیهودان سوروشدو: «خیئر اولا؟ بو دَلی سنئن یانینا نه اوچون گلدی؟» یِیهو اونلارا ددی: «اونون نجه آدام اولدوغونو و نه دئیه‌جیئنی یاخشی بئلئرسئنئز.»
[12] اونلار ددئلر: «یالان دیئرسن! اونون نه ددئیئنی بئزه بئلدئر.» یِیهو ددی: «منه فئلان و بَهمان ددی. ددی کی، رب بله دیئر: ”سنی ائسرایئل اوستونده پادشاهلیق اوچون مَسح اتمئشم.“»
[13] هامی تِز قالخیب اؤز پالتارینی گؤتوردو و اونلاری پئلّه‌کَنئن اوستونه، یِیهونون آیاغی آلتینا سَردی. اونلار کَره‌نای چالیب ددئلر: «یِیهو پادشاهدیر!»
[14] نئمشی اوغلو یِهوشافاط اوغلو یِیهو، یورامین ضئدّئنه قصد حاضیرلادی. بو واخت یورام بوتون ائسرایئللی‌لرله راموت-گئلعادی اَرام پادشاهی خَزااِلئن هوجوموندان موحافئظت ادئردئلر.
[15] آنجاق یورام پادشاه یئزرِعِله قاییتمیشدی کی، خَزااِلئن ضئدّئنه ووروشارکن اَراملی‌لارین اونا ووردوقلاری یارالاردان صاغالسین. یِیهو ددی: «اگر سئز منئمله راضیسینیز، قوی شهری هچ کس ترک اتمه‌سئن کی، بو خبر یئزرِعِله گدئب چاتماسین.»
[16] یِیهو عارابایا مئنئب یئزرِعِله گتدی، چونکی یورام اورادا یاتیردی. یهودا پادشاهی اَخَزیا گلمئشدی کی، یورامی گؤرسون.
[17] یئزرِعِلده بورج اوستونده دوران گؤزَتچی، یِیهونون اورایا یاخینلاشان فوجونو گؤروب ددی: «بئر فوج گؤرورَم.» یورام ددی: «بئر آتلی گؤتوروب اونلارین پئشوازینا گؤندَر کی، سوروشسون: ”خیئر اولا؟“»
[18] بئر آتلی یِیهونون پئشوازینا چیخدی و اونا ددی: «پادشاه بله دیئر: ”خیئر اولا؟“» یِیهو ددی: «خیئردن سنه نه؟ دؤن، دالیمجا گل.» گؤزَتچی خبر گؤندَ‌ردی: «قاصئد اونلارین یانینا گلدی، آنجاق گری قاییتمادی.»
[19] پادشاه ائکئنجی آتلینی گؤندَ‌ردی. او دا یِیهونون یانینا گلئب ددی: «پادشاه بله دیئر: ”خیئر اولا؟“» یِیهو ددی: «خیئردن سنه نه؟ دؤن، دالیمجا گل.»
[20] گؤزَتچی ددی: «قاصئد اونلارین یانینا گلدی، آنجاق گری قاییتمادی. عارابا سورمه‌یی نئمشی اوغلو یِیهونون سورمه‌یئنه اوخشاییر، چونکی او، دَلی کئمی سورور.»
[21] او واخت یورام ددی: «عارابامی قوش.» اونون عاراباسینی قوشدولار. ائسرایئل پادشاهی یورام و یهودا پادشاهی اَخَزیا اؤز عارابالاریندا یِیهونون پئشوازینا چیخدیلار و اونونلا یئزرِ‌عِللی نابوتون زمئسئنده راستلاشدیلار.
[22] یورام یِیهونو گؤرنده سوروشدو: «خیئر اولا، یِیهو؟» یِیهو جاواب وردی: «آنان ائزِبِلئن زئناکارلیغی و جادوگرلئکلری بو قدر چوخ اولدوغو حالدا، نجه خیئر اولا بئلر؟»
[23] یورام عاراباسینی دؤندَ‌رئب قاچدی و اَخَزیایا ددی: «خیانت، ای اَخَزیا!»
[24] یِیهو اوخ-کامانینی بوتون قووّتی ائله چکدی و یورامی کوره‌یئندن ووردو. اوخ اونون اوره‌یئندن کچئب چیخدی و او اؤز عاراباسینا ییخیلدی.
[25] یِیهو سرکرده‌سی بئدقَره ددی: «اونو گؤتوروب یِئزرِعِللی نابوتون زمئسئنه آت. یادینا سال، من سنئنله بئرلئکده اونون آتاسی اَخابین دالینجا گِدَرکَن، رب اونون ضئدّئنه بله دمئشدی:
[26] رب دیئر: ”دوغرودان دا من دونَن نابوتون و اونون اوغوللارینین قانینی گؤرموشم.“ رب دیئر: ”سندن بو زمئده قئصاص آلاجاغام.“ ائندی ربّئن سؤزونه گؤره اونو گؤتور و زمئیه آت.»
[27] یهودا پادشاهی اَخَزیا بونو گؤردوکده بِیت‌حَگّان یولو ائله قاچدی. یِیهو اونو تعقئب ادئب ددی: «اونو دا وورون.» یئبلِعام یانیندا اولان گور یولوندا اونو عارابادا ووردولار. لاکئن او، مِگئدّویا قاچیب اورادا اؤلدو.
[28] نؤکرلری اونو عارابا ائله اورشلئمه گتئردئلر و داوودون شهرئنده، آتالارینین یانیندا، اؤز قبئرئنده باسدیردیلار.
[29] اَخاب اوغلو یورامین پادشاهلیغینین اون بئرئنجی ائلئنده، اَخَزیا یهودا اوستونده پادشاه اولدو.
[30] یِیهو یئزرِعِله گلدئکده، ائزِبِل بونو اشئتدی. گؤزلرئنه سورمه چکئب باشینا بَزَک ووردو و پنجره‌دن بویلانیب باخدی.
[31] یِیهو دروازادان گئرَنده، ائزِبِل سوروشدو: «خیئر اولا، زئمری، ای آغاسینی اؤلدورَن آدام؟»
[32] یِیهو اوزونو پنجره‌یه طرف قالدیریب ددی: «کئم منئم طرفداریمدیر، کئم؟» ائکی-اوچ سارای خئدمتچئسی بویلانیب اونا باخدیلار.
[33] یِیهو ددی: «اونو آشاغی آتین.» ائزِبِلی آشاغی آتدیلار. اونون قانینین بئر آزی دووارا و آتلارین اوستونه سیچرادی و آتلار اونون جسدئنی آیاق آلتیندا تاپدالادیلار.
[34] یِیهو ائچه‌ری گئردی و یِیئب-ائچدی. و ددی: «بو لعنته گلمئش آروادی گؤتورون و باسدیرین، چونکی پادشاه قیزی‌دیر.»
[35] اونلار ائزِبِلی باسدیرماق اوچون گتدئلر. آنجاق اونون کلّه‌سئندن، آیاقلاریندان و اوووجلاریندان باشقا هچ نه تاپمادیلار.
[36] گری قاییدیب یِیهویا خبر وردئلر. یِیهو ددی: «بو ربّئن سؤزودور کی، قولو تئشبِلی ائلیا واسئطه‌سی‌ائله بله دمئشدی: ”یئزرِعِل زمئسئنده ائزِبِلئن اَتئنی ائتلر یئیه‌جکلر.
[37] ائزِبِلئن جسدی یئزرِعِل زمئسئنه تؤکولموش پِیئن کئمی اولاجاق و هچ کس دئیه بئلمیه‌جک کی، بو ائزِبِلدئر.“»