[1] رِمَلیا اوغلو پِقَخئن پادشاهلیغینین اون یدّئنجی ائلئنده، یوتام اوغلو آخاز یهودا اوستونده پادشاه اولدو.
[2] آخاز، پادشاه اولدوغو واخت، ائیئرمی یاشیندا ائدی و اورشلئمده اون آلتی ائل پادشاهلیق اتدی. او، تاریسی ربّئن گؤزونده دوغرو اولان ائشلر اتمه‌دی، نجه کی، آتاسی داوود اتمئشدی.
[3] آخاز ائسرایئل پادشاهلارینین یولو ائله گتدی و حتّا اوغلونو دا اوددا قوربان اتدی، نجه کی، ربّئن ائسرایئل اؤولادلارینین قاباغیندان قوودوغو مئلّتلرئن ائیرنج عمل‌لری ائدی.
[4] او، پرستئشگاهلاردا، تپه‌لر اوستونده و بول یارپاقلی هر آغاج آلتیندا قوربان گتئرئب بوخور یاندیریردی.
[5] او واخت اَرام پادشاهی رِصئن و ائسرایئل پادشاهی رِمَلیا اوغلو پِقَخ اورشلئمئن اوستونه هوجوم گتئردئلر و آخازی موحاصئره‌یه آلدیلار، لاکئن اونو مغلوب اده بئلمه‌دئلر.
[6] او واخت اَرام پادشاهی رِصئن، اِلاتی اَراما قایتاردی و یهودالی‌لاری اِلاتدان قوووب چیخارتدی. اِدوملولار اِلاتا گلدئلر و بو گونه قدر اورادا یاشاییرلار.
[7] آخاز آشور پادشاهی تئگلَت‌پئلِسِرئن یانینا قاصئدلر گؤندَ‌رئب ددی: «من سنئن قولون و اوغلونام. گل، منی اوستومه هوجوم ادن اَرام و ائسرایئل پادشاهلارینین اَلئندن قورتار.»
[8] آخاز ربّئن معبدئنده و سارایین خزئنه‌لرئنده تاپیلان قیزیل-گوموشو گؤتوروب آشور پادشاهینا هدئیّه گؤندَ‌ردی.
[9] بونا گؤره ده آشور پادشاهی اونا قولاق آسدی: دَمَشقه هوجوم ادئب اورانی آلدی، اهالئسئنی قئره اسئر آپاردی و رِصئنی اؤلدوردو.
[10] آخاز پادشاه آشور پادشاهی تئگلَت‌پئلِسِرئن گؤروشویونه دَمَشقه گتدی. او، دَمَشقده اولان قوربانگاهی گؤردو، قوربانگاهین بوتون قورولوشونو و تصوئرئنی کاهئن اورئیایا گؤندَ‌ردی.
[11] کاهئن اورئیا پادشاه آخازین دَمَشقدن گؤندَردئیی بوتون شیلره گؤره بئر قوربانگاه دوزَلتدی. کاهئن اورئیا، پادشاه دَمَشقدن قاییدانا قدر بونو اتدی.
[12] پادشاه دَمَشقدن قاییتدیقدا، قوربانگاهی گؤردو. یاخینلاشیب قوربانگاهین اوستونه قالخدی.
[13] قوربانگاهین اوستونده اؤز یاندیرما قوربانینی و تاخیل تقدئمئنی یاندیردی، تؤکمه تقدئمئنی تؤکدو و باریش قوربانلارینین قانینی اورایا سَپدی.
[14] ربّئن قاباغیندا اولان بورونج قوربانگاهی معبدئن قاباق طرفئندن، اؤز قوربانگاهی ائله ربّئن معبدی آراسیندان گتئردی و اونو اؤز قوربانگاهینین شئمال طرفئنه قویدو.
[15] آخاز پادشاه کاهئن اورئیایا امر ادئب ددی: «سحرئن یاندیرما قوربانینی، آخشامین تاخیل تقدئملرئنی، پادشاهین یاندیرما قوربانینی و تاخیل تقدئملرئنی، بوتون اؤلکه خالقینین یاندیرما قوربانینی، تاخیل تقدئمئنی و تؤکمه تقدئمئنی بؤیوک قوربانگاهین اوستونده یاندیر. یاندیرما قوربانلارینین و آیری قوربانلارین بوتون قانینی اونون اوستونه سَپ. آنجاق بورونج قوربانگاه مصلحتلَشمک اوچون منئم اولاجاق.»
[16] کاهئن اورئیا دا آخاز پادشاهین امر اتدئیی هر شیی یرئنه یتئردی.
[17] آخاز پادشاه پایالارین یان لؤوحه‌لرئنی کَسئب پایالارین اوستوندن لَیَن‌لری گؤتوردو. حوووضو آلتیندا اولان بورونج اؤکوزلرئن اوستوندن قالدیریب، بئر داش سَکئنئن اوستونه قویدو.
[18] ربّئن معبدئندن سَبّت گونو اوچون معبدده دوزَ‌لدئلمئش اوستو اؤرتولو یولو، و پادشاهین باییرداکی گئرئش یرئنی آشور پادشاهیندان اؤتری گؤتوردو.
[19] آخازین اتدئیی قالان ائشلری باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟
[20] آخاز اؤلوب آتالاری ائله یاتدی و داوودون شهرئنده، آتالارینین یانیندا باسدیریلدی. اونون یرئنه اوغلو خئزقئیا پادشاه اولدو.