[1] اَخابین نسلئندن سامئره‌ده یتمئش نفر شاهزاده وار ائدی. یِیهو یئزرِعِل باشچیلارینا، آغساقّاللارا و او آداملارا کی، اَخابین نسلئندن اولان اوشاقلارینی قورویوردولار، مکتوبلار یازیب سامئره‌یه گؤندَ‌ردی. او بله یازدی:
[2] «آغانیزین شاهزاده‌لری سئزئن یانینیزدادیر، دؤیوش عارابالارینیز و آتلارینیز، قالالی شهرئنئز و سئلاحلارینیز وار. بو مکتوب سئزه چاتاندا،
[3] آغانیزین شاهزاده‌لرئندن لاپ یاخشیسینی، لاپ لایئقئنی سچئن و اونو آتاسینین تختئنده اوتوردون و آغانیزین نسلی اوچون ووروشون.»
[4] آمّا اونلار چوخ قورخوب ددئلر: «باخین، ائکی پادشاه اونون قاباغیندا دایانا بئلمه‌دی، بئز نجه دایاناجاغیق؟»
[5] سارای ریئسی، شهر باشچیسی، آغساقّاللار و اوشاقلاری قورویانلار یِیهویا خبر گؤندَ‌رئب ددئلر: «بئز سنئن قوللارینیق و بئزه ددئیئن هر شیی اده‌رئک، هچ کسی ده پادشاه اتمیه‌جیئک. سنئن نظرئنده نه یاخشی‌دیر، اونو ات.»
[6] یِیهو ائکئنجی مکتوبوندا اونلارا بله یازدی: «اگر سئز منئمله راضی اولوب سؤزومه قولاق آسیرسینیز، آغانیزین اوغوللارینین باشلارینی گؤتوروب صاباح بو واخت یئزرِعِله، یانیما گلئن.» یتمئش نفر شاهزاده اونلاری تربئیه ادن شهرئن بؤیوک آداملارینین یانیندا قالیردیلار.
[7] مکتوب اونلارا چاتاندا اونلار یتمئش نفر شاهزاده‌نی توتوب اؤلدوردولر و باشلارینی سبدلره قویوب یئزرِعِله، یِیهویا گؤندَردئلر.
[8] قاصئد گلدی و اونا خبر ورئب ددی: «شاهزاده‌لرئن باشلارینی گتئرئبلر.» یِیهو ددی: «اونلاری ائکی قالاق ادئب دروازانین گئرئشئنده سحره قدر قویون.»
[9] سحر واختی یِیهو باییرا چیخدی و قالخیب بوتون خالقا ددی: «سئزئن تقصئرئنئز یوخدور. باخ، آغامین ضئدّئنه من قصد حاضیرلادیم و اونو من اؤلدوردوم. لاکئن بونلارین هامیسینی کئم قیردی؟
[10] بئلئن کی، اَخابین نسلئنئن ضئدّئنه ربّئن ددئیی سؤزلردن هچ بئری هدر گده بئلمز. رب اؤز قولو ائلیا واسئطه‌سی‌ائله ددئیی ائشی ادئبدئر.»
[11] بله‌جه یِیهو یئزرِعِلده، اَخابین ساراییندا اولان آداملاردان صاغ قالانلارین هامیسینی-اونون بوتون بؤیوکلرئنی، یاخین آداملارینی و کاهئنلرئنی قیردی، اونون بئر آدامینی دا صاغ بوراخمادی.
[12] یِیهو قالخیب سامئره‌یه طرف یولا دوشدو. یولدا چوبانلارا عایید اولان بِیت‌عِقِدّن کچنده،
[13] یهودا پادشاهی اَخَزیانین قوحوملارینا راست گلدی و اونلاردان سوروشدو: «سئز کئمسئنئز؟» اونلار جاواب وردئلر: «بئز اَخَزیانین قوحوملاری‌ییق. گلمئشئک کی، پادشاهین اؤولادلارینی و آنا ملکه‌نئن اؤولادلارینی سالاملایاق.»
[14] یِیهو ددی: «بونلاری دئری توتون.» اونلاری دئری توتدولار و بو قیرخ ائکی نفر آدامی بِیت عِقِد قویوسونون یانیندا اؤلدوردولر. یِیهو اونلاردان هچ بئرئنی صاغ بوراخمادی.
[15] یِیهو اورادان گدنده، رِکاب اوغلو یِهونادابا راست گلدی کی، اونون گؤروشویونه گلئردی. و اونو سالاملاییب ددی: «منئم اوره‌یئم نجه سنئنله دوزدور، آیا سنئن اوره‌یئن ده منئمله بله‌دئر؟» یِهوناداب جاواب وردی: «بلی.» یِیهو ددی: «اگر اِله‌دئر، اَلئنی منه ور.» او، اَلئنی یِیهویا وردی و یِیهو اونو اؤز عاراباسینا قالدیردی.
[16] سونرا ددی: «منئمله گل و رب اوچون گؤرستدئیئم قِیرتی گؤر.» اونو یِیهونون آراباسینا مئندئرئب آپاردیلار.
[17] یِیهو سامئره‌یه گلدی و ربّئن ائلیایا ددئیی سؤزو کئمی، اَخابین سامئره‌ده قالان بوتون آداملارینی کامئل قیریب محو اتدی.
[18] یِیهو بوتون خالقی ییغیب اونلارا ددی: «اَخاب بَعَله آز سجده اتدی، آنجاق یِیهو اونا چوخ سجده اده‌جک.
[19] ائندی بَعَلئن بوتون پیغمبرلرئنی، اونو پرستئش ادنلرئن هامیسینی، اونون بوتون کاهئنلرئنی منئم یانیما چاغیرین؛ هچ کس قالماسین، چونکی بَعَله بؤیوک قوربانیم وار. کئم گلمَسه، صاغ قالمایاجاق.» آنجاق یِیهو بورادا حئیله ائشلَتدی کی، بَعَلی پرستئش ادنلری محو اتسئن.
[20] یِیهو ددی: «بَعَل اوچون تقدئس اولونموش بئر ییغین چاغیرین.» اونلار ییغین چاغیردیلار.
[21] یِیهو ائسرایئلئن هر طرفئنه خبر گؤندَ‌ردی. بَعَلی پرستئش ادنلرئن هامیسی گلدی، گلمه‌یَن بئر نفر ده قالمادی. اونلار بَعَل معبدئنه گئردئلر و بَعَل معبدی آغزیناجاق آداملا دولدو.
[22] یِیهو پالتارلارا باخان آداما ددی: «بَعَله پرستئش ادنلرئن هامیسی اوچون عَبا ور.» بو آدام دا اونلار اوچون عَبا وردی.
[23] یِیهو رِکاب اوغلو یِهونادابلا بئرلئکده بَعَل معبدئنه گئرئب بَعَلی پرستئش ادنلره ددی: «آختاریب باخین، بورادا ربّی پرستئش ادن بئر نفر سئزئنله اولماسین، فقط بَعَلی پرستئش ادنلر اولسون.»
[24] سونرا اونلار قوربانلار و یاندیرما قوربانلاری گتئرمک اوچون قاباغا گلدئلر. یِیهو باییردا هشتاد آدام قویموشدو و اونلارا دمئشدی: «اَلئنئزه وردئیئم بو آداملاردان بئری کئمدن قاچیب قورتارسا، او آدام عوضئنده اؤز جا‌نینی وره‌جک.»
[25] یاندیرما قوربانلاری گتئرئلمه‌سی آخیرا چاتاندا، یِیهو کشئکچئلره و ریئسلره ددی: «ائچه‌ری گئرئب اونلاری قیرین، هچ کس چیخا بئلمه‌سئن.» کشئکچئلر و ریئسلر اونلاری قیلینجدان کچئردئب قیردیلار و مِیئتلرئنی باییرا آتدیلار. سونرا بَعَل معبدئنئن ائچه‌ری اوتاغینا گئردئلر.
[26] بَعَل معبدئنئن تئمثال سوتونلارینی چیخاردیب یاندیردیلار.
[27] بله‌جه بَعَله قویولان سوتونو ییخدیلار. بَعَل معبدئنی ده داغیدیب آیاق یولو اتدئلر، اورا بو گونه قدر ده بله‌دئر.
[28] بله‌جه، یِیهو ائسرایئلدن بَعَلئن کؤکونو کَسدی.
[29] آنجاق یِیهو نِباط اوغلو یَروبعامین ائسرایئله اتدئردئیی گوناهلاردان، حتّا بِیت ائلده و داندا اولان قیزیل دانالاری پرستئش اتمکدن اَل چکمه‌دی.
[30] رب یِیهویا ددی: «سن گؤزومده دوغرو اولان ائشلر گؤرمَکله یاخشی اِله‌دئن و منئم اوره‌یئمده اولان هر شیه گؤره اَخابین آداملاری ائله رفتار اتدئن. بونا گؤره ده دؤردونجو نسلئنه قدر سنئن اؤولادلارین ائسرایئل تختئنده اوتوراجاق.»
[31] آنجاق یِیهو دئقّت اتمه‌دی کی، بوتون قلبی ائله ائسرایئلئن تاریسی ربّئن قانونو ائله یاشاسین؛ او یَروبعامین ائسرایئله اتدئردئیی گوناهلاردان اَل چکمه‌دی.
[32] رب او دؤورده ائسرایئل تورپاغینی کَسئب کئچئلتمَیه باشلادی. خَزااِل بوتون ائسرایئل حودودلاریندا اونلاری مغلوب اتدی:
[33] اوردون چایینین شرق طرفئنده‌کی جادلی‌لارا، رِعوبئنلی‌لره و مِنَسّه‌لی‌لره عایید اولان بوتون گئلعاد تورپاغینی کی، اَرنون دره‌سئنئن کناریندا اولان عَروعِردن گئلعادا و باشانا قدردئر.
[34] یِیهونون قالان ائشلری، اتدئیی هر شی و اونون بوتون قودرتی باره‌ده مگر ائسرایئل پادشاهلارینین سالنامه‌لر کئتابیندا یازیلماییبدیر؟
[35] یِیهو اؤلوب آتالاری ائله یاتدی و اونو سامئره‌ده باسدیردیلار. اونون یرئنه اوغلو یِهوآخاز پادشاه اولدو.
[36] یِیهونون سامئره‌ده ائسرایئل اوستونده پادشاهلیق اتدئیی مودّت ائیئرمی سکّئز ائل ائدی.