[1] پادشاه خئزقئیا بونو اشئدنده پالتارینی جیردی و چولا بورونوب ربّئن معبدئنه گئردی.
[2] سونرا سارای ریئسی اِلیاقئمی، مئرزه شِبنایی و کاهئنلرئن آغساقّال‌لارینی چولا بورونموش حالدا آموص اوغلو پیغمبر اِشَعیانین یانینا گؤندَ‌ردی.
[3] اونلار اِشَعیایا ددئلر: «خئزقئیا بله دیئر: ”بو گون دارلیق، تحقئر و روسوایچیلیق گونودور، چونکی اوشاقلارین دوغولماسی واختی چاتیب، آنجاق دوغماغا گوج یوخدور.
[4] بلکه سنئن تارین رب رَبشاقِه‌نئن سؤزلرئنی اِشئدَر، او آدامین سؤزلرئنی کی، اونون آغاسی آشور پادشاهی اونو گؤندَ‌رئب کی، یاشایان تارینی تحقئر اتسئن. و تارین رَب، اشئتدئیی سؤزلری توبئخ اِدَر. اونا گؤره ده قالانلار اوچون دوعا ات.“»
[5] بله‌جه خئزقئیا پادشاهین نؤکرلری اِشَعیانین یانینا گلدئلر.
[6] اِشَعیا اونلارا ددی: «آغانیزا دیئن کی، رب بله دیئر: ”اشئتدئیئن آشور پادشاهینین نؤکرلرئنئن سؤزلرئندن کی، اونونلا منه کوفر اتدئلر، قورخما.
[7] باخ، من اونون ائچئنه اِله بئر روح قویاجاغام کی، بئر خبر اشئدئب اؤز اؤلکه‌سئنه قاییداجاق و اؤز اؤلکه‌سئنده اونو قیلینجلا اؤلدورتدوره‌جیم.“»
[8] رَبشاقِه گری قاییدیب آشور پادشاهینین لئبنا شهری اوستونه هوجوم اتدئیئنی گؤردو. چونکی پادشاهین لاکئشدن گری چکئلدئیئنی اشئتمئشدی.
[9] آشور پادشاهینا خبری چاتدی کی، «کوش پادشاهی تئرحاقا سنئن اوستونه ووروشماغا گلئب.» او، خئزقئیانین یانینا تزه‌دن قاصئدلر گؤندَ‌رئب ددی:
[10] «یهودا پادشاهی خئزقئیایا بله دیئن: ”قویما بِل باغلادیغین تارین سنی آلدادیب دسئن: اورشلئم آشور پادشاهینین اَلئنه ورئلمه‌یه‌جک.
[11] باخ، اشئدئبسن کی، آشور پادشاهلاری بوتون اؤلکه‌لره نه ادئبلر، اونلاری نجه بوسبوتون وئران ادئبلر. مگر سن قورتولا بئله‌جکسن؟
[12] آتالاریمین محو اتدئکلری مئلّتلرئن، حتّا گوزانین، خارانین، رِصِفئن و تِلَسّاردا اولان عِدِنلی‌لرئن آللاهلاری مگر اونلاری قورتاردی؟
[13] هانی خَمات پادشاهی، اَرپاد پادشاهی؟ هانی لاعئرئن، سِفَروَیئمئن، هِنَعئن و عئوّانین پادشاهی؟“»
[14] خئزقئیا مکتوبو قاصئدلرئن اَلئندن آلیب اوخودو. او، ربّئن معبدئنه قالخیب، مکتوبو ربّئن قاباغیندا یره سَردی.
[15] خئزقئیا ربّئن قاباغیندا دوعا ادئب ددی: «ای کَرّوبلار اوستونده اَیلَشَن ائسرایئلئن تاریسی رب! بوتون دونیا پادشاهلیقلارینین تاریسی آنجاق سنسن. گؤیو و یری سن یارادیبسان.
[16] یارب، قولاق ور و اشئت. گؤزونو آچ و گؤر یارب، سَنخِرئبئن سؤزلرئنه قولاق آس کی، وار اولان تارییا کوفر اتمک اوچون گؤندَ‌رئب.
[17] یارب، دوغرودور، آشور پادشاهلاری مئلّتلری و اونلارین تورپاقلارینی محو ادئبلر،
[18] آللاهلارینی اودا آتدیلار. چونکی اونلار تاری دیئلدئلر، ائنسانلار اونلاری آغاج و داشدان دوزَلتمئشدئلر. اونا گؤره ده آرادان گتدئلر.
[19] ائندی ای تاریمیز رب، یالواریرام، بئزی اونون اَلئندن قورتار و بوتون دونیا پادشاهلیقلاری بئلسئنلر کی، یارب، سن، فقط سن تاریسان!»
[20] او واخت آموص اوغلو اِشَعیا خئزقئیایا خبر گؤندَ‌رئب ددی: «ائسرایئلئن تاریسی رب بله دیئر: ”آشور پادشاهی سَنخِرئب باره‌ده منه اتدئیئن دوعانی اشئتدئم.“
[21] اونون ضئدّئنه ربّئن ددئیی سؤز بودور: ”باکئره صَحیون قیزی، سنه خور باخیب لاغ ادئر، اورشلئم قیزی، سنئن آرخانجا باشینی تَرپه‌دئب.
[22] کئمی سؤیوب کوفر ادئبسن؟ کئمئن ضئدّئنه سَسئنی قالدیریبسان؟ کئمه لووغالیقلا باخیبسان؟ ائسرایئلئن موقدّسئنه!
[23] قاصئدلرئنئن واسئطه‌سی‌ائله ربّی تحقئر ادئبسن: دیئبسن: چوخلو دؤیوش عارابالاریملا داغلارین زئروه‌سئنه، لوبنانین لاپ اوزاق یرلرئنه چیخدیم. اوجا سئدر آغاجلارینی، سچمه شام آغاجلارینی کَسدئم، لاپ آخیر مسکنئنه، ثمره‌لی یاشیل مِشه‌لرئنه چیخدیم.
[24] قویو قازدیم و اؤزگه سولارینی ائچدئم، مئصئرئن بوتون چایلارینی آیاغیمین دابانی ائله قوروتدوم.
[25] مگر اشئتمه‌یئبسن؟ من بونو چوخ قاباق اتدئم. قدئمدن بَری اونون نقشه‌سئنی چکدئم. ائندی یرئنه یتئرمئشم کی، سن قالالی شهرلری وئرانه‌لئیه چِوئره‌سن.
[26] بونا گؤره بو شهرلرئن ساکئنلری ضعئف ائدئلر، هراسا، خجالته دوشدولر. یِتئشمه‌مئشدن اوّل یاندیریلان چؤل اوتو کئمی، گؤیَرتی کئمی، دامدا بؤیومه‌دن یانیب گِدن اوت کئمی اولدولار
[27] سنئن اوتوروشونو، گئرئشئنی-چیخیشینی، منئم ضئدّئمه اولان حئدّتئنی بئلئرم.
[28] منئم ضئدّئمه حئدّتلَندئیئنه گؤره، لووغالیغین قولاغیما چاتدیغینا گؤره، حالقامی بورنونا و جئلووومو آغزینا تاخاجاغام، سنی گلدئیئن یوللا گری قایتاراجاغام.
[29] سنئن اوچون علامت بو اولاجاق؛ بو ائل و گلن ائل اؤزو یِتئشَن بارینی ییئن، آمّا اوچونجو ائل اَکئن ادئن، بئچئن ادئن، اوزوم باغلاری سالیب اونلارین بهره‌سئنی ییئن.
[30] یهودا نسلئندن خئلاص اولوب قالانلار، گئنه آشاغی‌یا طرف کؤک سالاجاقلار، یوخارییا طرف بهره وره‌جکلر.
[31] چونکی قالانلار اورشلئمدن، خئلاص اولانلار صَحیون داغیندان چیخاجاقلار. قوشونلار ربّئنئن قیرتی بونو اده‌جک.“
[32] بونا گؤره رب آشور پادشاهی باره‌ده بله دیئر: ”او بو شهره گئرمیه‌جک، اورایا اوخ آتمایاجاق، موقابئلئنه قالخانلا چیخمایاجاق، قاباغیندا تورپاق قالاغی قورمایاجاق.
[33] آنجاق گلدئیی یوللا گری قاییداجاق، و بو شهره گئرمیه‌جکدئر.“ رب بله بویورور.
[34] ”من بو شهری اؤزوم اوچون، قولوم داوودون خاطئرئنه قورویوب خئلاص اده‌جیم.“»
[35] او گجه ربّئن مَله‌یی چیخیب آشور اوردوگاهیندا یوز هشتاد بش مئن نفری قیردی. سحر اِرکَن قالخیب گؤردولر کی، اونلارین هامیسی اؤلدورولوب.
[36] آشور پادشاهی سَنخِرئب گری چکئلئب گتدی و نِینَوادا قالدی.
[37] او اؤز آللاهی نئسروکون معبدئنده پرستئش اِدَرکَن، اوغوللاری اَدرَم‌مِلِک و شَرِ‌سِر اونو قیلینجلا اؤلدوردولر و آرارات اؤلکه‌سئنه قاچدیلار. سَنخِرئبئن یرئنه اوغلو اِسَرخَدّون پادشاه اولدو.