[1] بئر گون پیغمبرلر اؤولادلاری اِلئشَعه شئکایت اتدئلر: «باخ، ائندی سنئن یانیندا قالدیغیمیز یر بئزه چوخ داردیر.
[2] قوی اوردون چایینین کنارینا گِدَک، هَره‌مئز بئر آغاج کسئب گتئرَک و قالماق اوچون اورادا اؤزوموزه یِر دوزَ‌لدَک.» اِلئشَع ددی: «گدئن.»
[3] اونلاردان بئری ددی: «خاهئش ادئرم، سن ده بو قوللارینلا گل.» اِلئشَع ددی: «گله‌رم.»
[4] و اونلارلا گتدی. اونلار اوردون چایینین قیراغینا گلدئلر و آغاج کَسمیه باشلادیلار.
[5] اونلاردان بئری آغاج کَسَنده بالتانین دمئری سویا دوشدو. او قیشقیریب ددی: «وای، آغام! اونو بورج آلمیشدیم.»
[6] تاری آدامی سوروشدو: «هارایا دوشدو؟» او، اِلئشَعه دوشَن یری گؤرستدی. اِلئشَع بئر بوداق کَسئب اورایا آتدی و دمئر سویون اوزونه چیخدی.
[7] اِلئشَع ددی: «اونو گؤتور.» آدام اَلئنی اوزادیب اونو توتدو.
[8] اَرام پادشاهی ائسرایئلئن ضئدّئنه موحارئبه ادئردی. او اعیانلاری ائله مصلحتله‌شئب ددی: «فئلان و بَهمان یرده اوردوگاه قورارام.»
[9] تاری آدامی ائسرایئل پادشاهینا خبر گؤندَ‌رئب ددی: «موواظئب اول کی، او یردن کچمیه‌سن، چونکی اَراملی‌لار اورایا اِنئرلر.»
[10] ائسرایئل پادشاهی تاری آدامینین ددئیی یره خبر گؤندَ‌ردی. بله‌جه پادشاه اونون خبردارلیق اتدئیی یرلرده دفه‌لرله اؤزونو قورودو.
[11] اَرام پادشاهی بوندان چوخ قضبلَندی و اعیانلارینی چاغیریب اونلاردان سوروشدو: «منه دیئن گؤرَک، بئزئمکئلردن ائسرایئل پادشاهینا طرفدار اولان کئمدئر؟»
[12] اعیانلاردان بئری ددی: «هچ کئم، آغام پادشاه. ائسرایئلده اولان پیغمبر اِلئشَعدئر کی، ائسرایئل پادشاهینا یاتاق اوتاغیندا ددئیئن سؤزلری بئلدئرئر.»
[13] پادشاه ددی: «گدئن گؤرون، او هارادادیر کی، من آدام گؤندَ‌رئب اونو توتوم.» پادشاها دیئلدی: «او، دوتاندادیر.»
[14] پادشاه اورایا آتلار، دؤیوش عارابالاری و چوخلو قوشون گؤندَ‌ردی و اونلار گجه ائکن گلئب شهری موحاصئره‌یه آلدیلار.
[15] تاری آدامینا خئدمت ادن سحر تزدن دوروب باییرا چیخدی و گؤردو کی، شهرئن اطرافینی قوشون، آتلار و دؤیوش عارابالاری موحاصئره‌یه آلیب. او، تاری آدامینا ددی: «وای، آغام، نه اده‌جیئک؟»
[16] اِلئشَع جاواب وردی: «قورخما، چونکی بئزئمله اولانلار، اونلارلا اولانلاردان چوخدورلار.»
[17] سونرا اِلئشَع دوعا ادئب ددی: «یارب، اونون گؤزلرئنی آچ کی، گؤرسون.» رب نؤکرئن گؤزلرئنی آچدی و او گؤردو کی، داغ آتلار و اودلو دؤیوش عارابالاری ائله دولودور. اونلار اِلئشَعی اَحاطه‌یه آلمیشدیلار.
[18] قوشون اونا طرف اِنَنده، اِلئشَع ربّه دوعا ادئب ددی: «لوطفن بو آداملاری کور ات.» اِلئشَعئن سؤزونه گؤره رب اونلاری کور اتدی.
[19] اِلئشَع اونلارا ددی: «یول بو دیئل، شهر ده بو دیئل. دالیمجا گلئن، سئزی، آختاردیغینیز آدامین یانینا آپاریم.» اِلئشَع اونلاری سامئره‌یه گتئردی.
[20] اونلار سامئره‌یه گئرَنده اِلئشَع ددی: «یارب، اونلارین گؤزلرئنی آچ کی، گؤرسونلر.» رب اونلارین گؤزلرئنی آچدی و اونلار گؤردولر کی، سامئره‌نئن اورتاسیندادیرلار.
[21] ائسرایئل پادشاهی اونلاری گؤرنده اِلئشَعدن سوروشدو: «منئم آتام، اونلاری قیریب محو اِدئم؟»
[22] اِلئشَع جاواب وردی: «اونلاری قیرمایاجاقسان. مگر قیلینجین و اوخ-کامانینلا اسئر اتدئیئن آداملاری قیرارسان؟ اونلارین قاباغینا چؤرک و سو قوی کی، یِیئب-ائچسئنلر و سونرا اؤز آغالارینین یانینا گتسئنلر.»
[23] او، اَراملی‌لار اوچون بؤیوک بئر ضئیافت وردی و اونلار یِیئب-ائچَندن سونرا اونلاری گؤندَ‌ردی و اونلار اؤز آغالارینین یانینا گتدئلر. اَراملی‌لارین دسته‌لری بئر داها ائسرایئل تورپاغینا گلمه‌دئلر.
[24] بئر مودّت سونرا اَرام پادشاهی بِن‌هَدَد بوتون قوشونونو ییغیب چیخدی و سامئره‌نی موحاصئره‌یه آلدی.
[25] سامئره‌ده بؤیوک بئر آجلیق اولدو. شهری او قدر موحاصئره‌ده ساخلامیشدیلار کی، بئر اِششَک هشتاد شِکِل گوموشه و بئر کابین دؤردده بئری قدر گؤیرچئن پِیئنی بش شِکِل گوموشه ساتیلیردی.
[26] بئر دفه ائسرایئل پادشاهی قالا دووارینین اوستوندن کچنده بئر آرواد فریاد ادئب اونا ددی: «آغام پادشاه، کؤمک ات!»
[27] پادشاه ددی: «رب سنه کؤمک اتمه‌سه، من سنه نجه کؤمک ادئم؟ خرمندن یوخسا اوزوم سیخاندان؟»
[28] سونرا پادشاه اوندان سوروشدو: «نه ائسته‌یئرسن؟» او جاواب وردی: «بو آرواد منه دمئشدی: ”سن اؤز اوغلونو ور، بو گون یئیَک، منئم اوغلومو دا صاباح یئیه‌رئک.“
[29] اوغلومو پئشئرئب یِدئک. او گونون صاباحی اونا ددئم: ”اؤز اوغلونو ور، یئیَک.“ آمّا او، اوغلونو گئزلَدئب.»
[30] پادشاه آروادین سؤزلرئنی اشئدنده پالتارینی جیردی. او بو واخت قالا دووارینین اوستوندن کچئردی و خالق گؤردو کی، اونون اَینئنده چول وار.
[31] پادشاه ددی: «اگر بو گون شافاط اوغلو اِلئشَعئن باشی چئینی اوستونده قالسا، تاری منه بله و بوندان داها بَتَرئنی اله‌سئن.»
[32] اِلئشَع اؤز اِوئنده اوتورموشدو، آغساقّاللار دا اونون یانیندا اَیلَشمئشدئلر. پادشاه حوضوروندان بئر قاصئد گؤندَ‌ردی. آمّا قاصئد اونون یانینا گلمه‌دن قاباق اِلئشَع آغساقّاللارا ددی: «آیا گؤرورسونوز بو قاتئل منئم باشیمی کَسمک اوچون نجه آدام گؤندَ‌رئب؟ باخین قاصئد گلنده قاپینی باغلایین و اونو ائچه‌ری بوراخمایین. مگر اونون دالیسیجا آغاسینین دا آیاق سَسلری گلمئر؟»
[33] اِلئشَع حله اونلارلا دانیشارکَن، قاصئد اونون یانینا گلئب ددی: «باخ، بو بلانی گؤندَ‌رَن ربدئر. نه اوچون داها ربدن کؤمک گؤزلَیَک؟»