[1] اِلئشَع اوغلونو دئرئلتدئیی آروادلا دانیشیب اونا ددی: «قالخ اؤز اِو اَهلئنله بئرلئکده گت و قالا بئله‌جیئن یرده قال. چونکی رب آجلیق گؤندَ‌رمیه قرار ورئب و یدّی ائل اؤلکه‌ده آجلیق اولاجاق.»
[2] آرواد قالخیب تاری آدامینین ددئیی کئمی اتدی و اِو اَهلی ائله بئرلئکده گدئب فئلئسطلی‌لرئن اؤلکه‌سئنده یدّی ائل قالدی.
[3] یدّی ائلدن سونرا، آرواد فئلئسطلی‌لرئن اؤلکه‌سئندن قاییتدی. او، اِوئنی و زمئسئنی ائسته‌مک اوچون پادشاهین یانینا گتدی.
[4] او واخت پادشاه تاری آدامینین نؤکری گِخَزی ائله دانیشیب اونا دیئردی: «خاهئش ادئرم، اِلئشَعئن اتدئیی بوتون بؤیوک ائشلری منه دانیش.»
[5] او، اِلئشَعئن اؤلونو نجه دئرئلتدئیئنی پادشاها دانیشدیغی واخت، اوغلو دئرئلَن آرواد دا اِوئنی و زمئسئنی ائسته‌مک اوچون پادشاها یالوارماغا باشلادی. گِخَزی ددی: «آغام پادشاه، بو اله او آرواددیر، اِلئشَعئن دئرئلتدئیی اوغلو دا باخ، بودور.»
[6] پادشاه آرواددان سوروشاندا او، پادشاها هر شیی دانیشدی. پادشاه اونا بئر سارای خئدمتچئسی ورئب ددی: «اونون هر شیئنی قایتار، اؤلکه‌نی ترک اتدئیی گوندن ائندئیه قدر زمئسئنئن یتئردئیی بوتون محصولو اونا ور.»
[7] اِلئشَع دَمَشقه گلدی. اَرام پادشاهی بِن‌هَدَد ناخوش ائدی. اونا خبر ورئب ددئلر: «تاری آدامی بورایا گلئب.»
[8] پادشاه خَزااِله ددی: «اَلئنده بئر هدئیّه گؤتوروب تاری آدامینین گؤروشویونه گت و اونون واسئطه‌سی‌ائله ربدن سوروش: ”آیا بو ناخوشلوقدان صاغالاجاغام؟“»
[9] خَزااِل اونون گؤروشویونه گتدی. اَلئنده‌کی هدئیّه ائله بئرلئکده دَمَشقئن بوتون یاخشی شیلرئندن قیرخ دَوه یوکو هدئیّه گؤتوروب گلدی و اونون قاباغیندا دوروب ددی: «اوغلون اَرام پادشاهی بِن‌هَدَد منی سنئن یانینا گؤندَ‌رئب دیئر: ”آیا بو ناخوشلوقدان صاغالاجاغام؟“»
[10] اِلئشَع اونا ددی: «گت، اونا دِه کی، ”حَتمن صاغالاجاقسان.“ لاکئن رب منه گؤرسه‌دئب کی، او قطعن اؤله‌جک.»
[11] تاری آدامی خَزااِله او قدر گؤزونو دئکدی کی، خَزااِل اوتاندی. تاری آدامی سونرا آغلادی.
[12] خَزااِل سوروشدو: «آغام نه اوچون آغلاییر؟» او جاواب وردی: «اونا گؤره کی ائسرایئل اؤولادلارینا سنئن اده‌جیئن پئسلئیی بئلئرم: اونلارین قالالارینا اود ووراجاقسان، جاوانلارینی قیلینجلا اؤلدوره‌جکسن، اوشاقلارینی داشلارا چیرپاجاقسان و بویلو آروادلارین قارینلارینی ییرتاجاقسان.»
[13] خَزااِل سوروشدو: «بو ائت قولون کئمدئر کی، بو بؤیوک ائشی اتسئن؟» اِلئشَع جاواب وردی: «رب منه گؤرسه‌دئب کی، سن اَرام اوستونده پادشاه اولاجاقسان.»
[14] خَزااِل اِلئشَعی ترک ادئب آغاسینین یانینا گلدی. آغاسی اوندان سوروشدو: «اِلئشَع سنه نه ددی؟» او جاواب وردی: «منه ددی کی، سن قطعن صاغالاجاقسان.»
[15] او گونون صاباحی خَزااِل بئر اؤرتوک گؤتوروب سویا باتیردی، آغاسینین اوزونون اوستونه چکدی و او، اؤلدو. اونون یرئنه خَزااِل پادشاه اولدو.
[16] ائسرایئل پادشاهی اَخاب اوغلو یورامین پادشاهلیغینین بشئنجی ائلئنده، یِهوشافاط یهودا پادشاهی اولاندا، اونون اوغلو یِهورام دا پادشاه اولماغا باشلادی.
[17] او، پادشاه اولدوغو واخت، اوتوز ائکی یاشیندا ائدی و اورشلئمده سکّئز ائل پادشاهلیق اتدی.
[18] او دا، اَخاب نسلئنئن اتدئیی کئمی، ائسرایئل پادشاهلارینین یولو ائله گتدی، چونکی اَخابین قیزی اونون آروادی ائدی؛ یِهورام ربّئن گؤزونده پئس اولان ائشلر اتدی.
[19] آمّا رب اؤز قولو داوودون خاطئرئنه ائسته‌مئردی کی، یهودانی محو اتسئن. چونکی وعده ورمئشدی کی، داوودا و اونون نسلئنه همئشه‌لئک بئر چیراق ورسئن.
[20] اونون دؤورونده اِدوملولار عوصیان قالدیریب یهودانین اسارتی آلتیندان چیخدیلار و اؤزلرئنه بئر پادشاه قویدولار.
[21] او واخت یِهورام بوتون دؤیوش عارابالاری ائله بئرلئکده صاعئره گتدی. گجه ائکن قالخیب اونو هر طرفدن اَحاطه ادن اِدوملولاری و عارابا سرکرده‌لرئنی قیردی، لاکئن قوشونو اؤز چادیرلارینا قاچدی.
[22] بله‌جه اِدوملولار بو گونه قدر یهودانین ضئدّئنه عوصیان قالدیردیلار. همئن واخت لئبنا شهری ده عوصیان قالدیردی.
[23] یِهورامین قالان ائشلری، و اتدئیی هر شی باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟
[24] یِهورام اؤلوب آتالاری ائله یاتدی و داوودون شهرئنده، آتالارینین یانیندا باسدیریلدی. اونون یرئنه اوغلو اَخَزیا پادشاه اولدو.
[25] ائسرایئل پادشاهی اَخاب اوغلو یورامین پادشاهلیغینین اون‌ائکئنجی ائلئنده، یِهورام اوغلو اَخَزیا یهودا اوستونده پادشاه اولدو.
[26] اَخَزیا، پادشاه اولدوغو واخت، ائیئرمی ائکی یاشیندا ائدی و اورشلئمده بئر ائل پادشاهلیق اتدی. آناسینین آدی عَتَلیا، ائسرایئل پادشاهی عومری‌نئن نوه‌سی ائدی.
[27] اَخَزیا دا اَخاب نسلئنئن یولو ائله گتدی و اونلار کئمی ربّئن گؤزونده پئس اولان ائشلر اتدی، چونکی اَخاب نسلئنئن کوره‌کَنی ائدی.
[28] او، اَخاب اوغلو یوراملا بئرلئکده راموت-گئلعادا گتدی کی، اَرام پادشاهی خَزااِلئن ضئدّئنه ووروشسون. اَراملی‌لار یورامی یارالادیلار.
[29] یورام پادشاه یئزرِعِله قاییتدی کی، راموت-گئلعاددا اَرام پادشاهی خَزااِلئن ضئدّئنه ووروشارکن، اَراملی‌لارین اونا ووردوقلاری یارالاردان صاغالسین. یهودا پادشاهی یِهورام اوغلو اَخَزیا یئزرِعِله گلدی کی، اَخاب اوغلو یورامی گؤرسون، چونکی او، یارالی ائدی.