<zabūr 128

[1] ziyārat kā gīt. mubārak hai wuh jo rab kā ḳhauf mān kar us kī rāhoṅ par chaltā hai.

[2] yaqīnan tū apnī mehnat kā phal khāegā. mubārak ho, kyūṅki tū kāmyāb hogā.

[3] ghar meṅ terī bīwī angūr kī phaldār bel kī mānind hogī, aur tere beṭe mez ke irdgird baiṭh kar zaitūn kī tāzā shāḳhoṅ kī mānind hoṅge.

[4] jo ādmī rab kā ḳhauf māne use aisī hī barkat milegī.

[5] rab tujhe koh-e-siyyūn se barkat de. wuh kare ki tū jīte jī yarūshalam kī ḳhushhālī dekhe,

[6] ki tū apne potoṅ-nawāsoṅ ko bhī dekhe. isrāīl kī salāmatī ho!