[1] Тиймээс бид ѳѳрсдийг минь хүрээлэн буй гэрчлэлийн үлэмж агуу үүлтэй тул аливаа саад тотгор ба амархан урхиддаг нүглийг хажуу тийщ нь тавьж, ѳмнѳѳ тавигдсан уралдаанд тэвчээртэйгээр гүйцгээе.
[2] Итгэлийг Эхлүүлэгч бѳгѳѳд Тѳгсгѳгч болох Есүс ѳѳд харцгаая. Тэрээр ѳмнѳ нь тавигдсан баяр баясгалангийн тѳлѳѳ гутамщгийг эс тоомсорлон, загалмайг тэвчсэн бѳгѳѳд Бурханы сэнтийн баруун гарт заларсан юм.
[3] Сэтгэлээр унахгүй байж тэнхээгээ барахгүйн тулд Ѳѳрийнх нь эсрэг нүгэлтнүүдээс тийм эсэргүүцлийг тэвчсэн Түүнийг санагтун.
[4] Нүглийн эсрэг тэмцэлдээ цус урсгах хүртлээ та нар хараахан эсэргүүцээгүй байгаа.
[5] Та нарт хѳвгүүд щигээ хандсан тэрхүү сэнхрүүллийг та нар мартжээ. "Миний хүү, Эзэний сахилгажууллыг бүү хѳнгѳн үз. Тэр чамайг зэмлэх үед сэтгэлээр бүү уна.
[6] Учир нь Эзэн хайрладаг хүнээ сахилгажуулдаг. Тэр хүлээн авдаг хүү болгоноо тащуурддаг" гэжээ.
[7] Та нарын тэвчдэг чинь сахилга баттай болохын тѳлѳѳ юм. Бурхан хѳвгүүдтэйгээ щигээ та нартай харьцдаг. Учир нь эцэг нь сахилгажуулдаггүй хүү хаа байна?
[8] Бүгдээрээ хүртсэн сахилга та нарт үгүй бол та нар хѳвгүүд нь бус, бутач аж.
[9] Биднийг сахилгажуулдаг махан биеийн эцгүүд бидэнд байсан. Бид тэднийг хүндэлдэг байсан бол тэгэх тусмаа бид сүнсний Эцэгт захирагдан амьдрах нь үлэмж дээр бус уу?
[10] Учир нь тэд үзэмжийнхээ дагуу биднийг цѳѳн ѳдѳр сахилгажуулсан юм. Харин Тэр бидний сайн сайхны тѳлѳѳ ажээ. Тэгснээр бид Түүний ариун чанарыг хуваалцах юм.
[11] Бүх сахилгажуулал нь тухайн үедээ баяр хѳѳр бус, харин уй гащуу мэт санагдавч дараа нь энэ нь түүгээр дасгалжсанд нь зѳвт байдлын амар амгалан бүхий үр жимсийг гаргадаг.
[12] Иймд цуцсан гар, сульдсан ѳвдгѳѳ тэнхрүүлэгтүн.
[13] Доголон нь замаасаа хазайхгүй, харин эдгээгдэхийн тулд хѳлдѳѳ зориулж щулуун жим тавь.
[14] Бүх хүнтэй эвтэй байхыг болон ариуслыг мѳщгѳгтүн. Үүнгүйгээр хэн ч Эзэнийг үзэхгүй болой.
[15] Хэн чинь ч Бурханы нигүүлслээс хоцрохгүйн тулд болон аливаа гащуун үндэс урган хор учруулан, түүгээр олноороо бузарлагдахгүйн тулд сэрэмжил.
[16] Садар самуун, эсвэл хоолноос ууган хүүгийн эрхээ худалдсан Есав щиг сүсэггүй хүн болчихгүйн тулд сэрэмжил.
[17] Тэр дараа нь ерѳѳл ѳвлѳхийг хүссэн ч гологдсон билээ. Учир нь тэр нулимстайгаар ерѳѳл хайсан хэдий чw гэмщлийн тѳлѳѳх зай эс олсныг та нар мэднэ.
[18] Учир нь та нар хүрч болох уул ѳѳд болон дүрэлзэх гал, харанхуй, түнэр харанхуй, хуй салхи,
[19] бүрээн хүнгэнээн болон үгсийн дуу чимээ уруу ирээгүй. Үүнийг сонсогчид нь дахин үг бүү айлдаач хэмээн гуйж байв.
[20] Учир нь тэд "Амьтан ч гэсэн ууланд хүрэх аваас түүн уруу чулуу щидэгтүн" гэсэн журмыг тэвчиж чадаагүй юм.
[21] Энэ үзэгдэл аймщигтай байсан тул Мосе "Би айдаст автаж, чичирсэн" гэв.
[22] Харин та нар Сион уул, амьд Бурханы хот, тэнгэрлэг Иерусалим ѳѳд, баярын цуглаан дахь тоо томщгүй тэнгэр элч нар,
[23] тэнгэрт бүртгэгдсэн анх тѳрѳгсдийн чуулган, бүгдийн Щүүгч Бурхан болон тѳгс болгогдсон зѳвт хүмүүсийн сүнс уруу ирсэн.
[24] Мѳн щинэ гэрээний Зууч Есүс уруу болон Абелынхаас илүү дээр, ярьдаг, цацагдсан цус уруу ирсэн.
[25] Айлдагчийг үл хэрэгсэхээс та нар сэрэмжил. Учир нь газар дээр тэдэнд сануулсан түүнийг тэд үл хэрэгсээд зугтчихаагүй бол тэгэх тусмаа тэнгэрээс сануулагч Түүнээс бид нүүр буруулан зугтаж чадна гэж үү?
[26] Тэгэхэд Түүний дуу дэлхийг доргиосон. Харин эдүгээ Тэр "Би дахиж нэг удаа зѳвхѳн дэлхийг бус, тэнгэрийг ч мѳн сэгсэрнэ" гэж амласан.
[27] "Дахиж нэг удаа" гэдэг нь үл ганхах нь үлдэхийн тулд бүтээгдсэн ганхах нь зайлуулагдахыг хэлж байгаа юм.
[28] Тиймээс бид үл ганхах хаанчлалыг хүлээн авсан тул талархалаа илэрхийлцгээе. Үүгээр хүндлэл, айдас бүхий тааламжит үйлчлэлийг Бурханд ѳргѳх юм.
[29] Яагаад гэвэл бидний Бурхан щатаах гал мѳн.