[1] Liá-ha sàng-chhiòng yí-kîn siû-kien hó lé, sàng-mùn ya ôn-hó lé; sṳn-thien sú-ví, sṳ̂-pân chhui-yèn, lâu khì-thâ Li-vi-ngìn ke kûng-chok ya chhiòn-phu fûn-phai hó-se lé.
[2] Só-yî ngài phai lióng-ke ngìn kam-tuk kón-lî Yâ-lu-sat-lâng ke sṳ; kì-têu he ngài ke hiûng-thi Ha̍p-nâ-nì lâu sàng-pó ke kôn-chóng Ha̍p-nâ-nì-ngâ. Ha̍p-nâ-nì-ngâ he yit-ke chûng-sîm ke ngìn, yu kin-vi Song-ti yàng-ko chung-ngìn.
[3] Ngài fûn-fu kì-têu, thiên hàn-màng kông, cho-m̀-tet khôi Yâ-lu-sat-lâng ke sàng-mùn; ngit-thèu lo̍k-sân, sú-ví lì-khôi yî-chhièn, oi koân sàng-mùn, chhôn-hó. Ngài ya fûn-fu kì-têu oi tui Yâ-lu-sat-lâng ngìn-mìn tông-chûng chṳ́-phai sú-ví, yit phu-fun ngìn khon-sú thi̍t-phe̍t ke thi-tiám, khì-thâ ke chhiu chhai chhṳ-kâ vuk-hâ chû-vì sùn-lò.
[4] Yâ-lu-sat-lâng-sàng yu-thai yu-fat, chúng-he he̍t chhai sàng-tú ke ngìn mò tô, vuk-sa hí-hó ke ya mò tô.
[5] Song-ti kám-thung ngài seu-si̍p mìn-chung lâu kì-têu ke liâng-chhiu pin kôn-chóng, tên-ki kì-têu ke kâ-phú. Ngài chhìm-tó thi-yit phî pûn-ngìn chok-hi yu chón-lòi ke ngìn ke ki-liu̍k. Hâ-poi chhiu-he ngài chhìm-tó ke chṳ̂-liau:
[6] Chhin-tô liù-mòng ke ngìn lì-khôi Pâ-pí-lùn-sén, chón-to Yâ-lu-sat-lâng lâu Yù-thai, tak-ke ngìn chón-hi chhṳ-kâ ke kâ-hiông. Liá-têu ngìn lâu kì-têu vuk-hâ ke ngìn, chhṳ-chhiùng pûn Nì-pu-kap-nì-sat-vòng chok-chéu yî-lòi, yit-chhṳ̍t liù-mòng chhai Pâ-pí-lùn.
[7] Kì-têu ke liâng-chhiu he Só-lò-pâ-pak, Yâ-sû-â, Nì-hî-mí, Â-sat-li-ngâ, Lâ-ma̍t, Nâ-ha̍p-mâ-nì, Ma̍t-tí-kói, Pit-sân, Mí-sṳ̂-pí-lie̍t, Pí-kiet-ngá-yî, Nì-fèn, Pâ-nâ.
[8] Hâ-poi he Yî-set-lie̍t tak chûng-chhu̍k tui liù-mòng chón-lòi ke ngìn-su thúng-kie: Pâ-liu̍k chûng-chhu̍k lióng-chhiên yit-pak chhit-sṳ̍p ngi-miàng; Sṳ-fap-thì-ngâ chûng-chhu̍k sâm-pak chhit-sṳ̍p ngi-miàng; Â-lâ chûng-chhu̍k liuk-pak ńg-sṳ̍p ngi-miàng; Pâ-ha̍p-Mô-ap chûng-chhu̍k (Yâ-sû-â lâu Yok-ap ke heu-thoi) lióng-chhiên pat-pak yit-sṳ̍p pat-miàng; Yî-làn chûng-chhu̍k yit-chhiên lióng-pak ńg-sṳ̍p si-miàng; Sat-thú chûng-chhu̍k pat-pak si-sṳ̍p ńg-miàng; Sat-kói chûng-chhu̍k chhit-pak liuk-sṳ̍p miàng; Pîn-nui chûng-chhu̍k liuk-pak si-sṳ̍p pat-miàng; Pí-pai chûng-chhu̍k liuk-pak ngi-sṳ̍p pat-miàng; Ap-kap chûng-chhu̍k lióng-chhiên sâm-pak ngi-sṳ̍p ngi-miàng; Â-tô-nì-kôn chûng-chhu̍k liuk-pak liuk-sṳ̍p chhit-miàng; Pí-kiet-ngá-yî chûng-chhu̍k lióng-chhiên làng liuk-sṳ̍p chhit-miàng; Â-tên chûng-chhu̍k liuk-pak ńg-sṳ̍p ńg-miàng; Â-thi̍t chûng-chhu̍k (Hî-sî-kâ ke heu-thoi) kiú-sṳ̍p pat-miàng; Ha̍p-sun chûng-chhu̍k sâm-pak ngi-sṳ̍p pat-miàng; Pí-soi chûng-chhu̍k sâm-pak ngi-sṳ̍p si-miàng; Ha̍p-li chûng-chhu̍k yit-pak yit-sṳ̍p ngi-miàng; Kî-phiên chûng-chhu̍k kiú-sṳ̍p ńg-miàng.
[26] Chón-to ngièn-hiông ke ngìn-su thúng-kie: Pak-li-hèn lâu Nì-thò-fap-ngìn yit-pak pat-sṳ̍p pat-miàng; Â-nâ-thut-ngìn yit-pak ngi-sṳ̍p pat-miàng; Pak-Â-sṳ̂-mâ-fut-ngìn si-sṳ̍p ngi-miàng; Kî-lie̍t-Yâ-lìm, Kî-fî-lâ lâu Pí-liu̍k-ngìn chhit-pak si-sṳ̍p sâm-miàng; Lâ-mâ lâu Kâ-pâ-ngìn liuk-pak ngi-sṳ̍p yit-miàng; Me̍t-mâ-ngìn yit-pak ngi-sṳ̍p ngi-miàng; Pak-thi̍t-li lâu Ngie-ngìn yit-pak ngi-sṳ̍p sâm-miàng; nang-ngoi yit-ke Nì-pô ke heu-thoi ńg-sṳ̍p ngi-miàng; nang-ngoi yit-ke Yî-làn ke heu-thoi yit-chhiên lióng-pak ńg-sṳ̍p si-miàng; Ha̍p-lìm-ngìn sâm-pak ngi-sṳ̍p miàng; Yâ-li-kô-ngìn sâm-pak si-sṳ̍p ńg-miàng; Lò-tet, Ha̍p-thi lâu Â-nò-ngìn chhit-pak ngi-sṳ̍p yit-miàng; Sî-nâ-ngìn sâm-chhiên kiú-pak sâm-sṳ̍p miàng.
[39] Chi-sṳ̂ chûng-chhu̍k chón-lòi ke ngìn-su thúng-kie: Yâ-thai-ngâ chûng-chhu̍k (Yâ-sû-â ke heu-thoi) kiú-pak chhit-sṳ̍p sâm-miàng; Yîm-ma̍k chûng-chhu̍k yit-chhiên làng ńg-sṳ̍p ngi-miàng; Pâ-sṳ̂-fu-ngí chûng-chhu̍k yit-chhiên lióng-pak si-sṳ̍p chhit-miàng; Ha̍p-lìm chûng-chhu̍k yit-chhiên làng yit-sṳ̍p chhit-miàng.
[43] Li-vi chûng-chhu̍k chón-lòi ke ngìn-su thúng-kie: Yâ-sû-â lâu Kap-me̍t chûng-chhu̍k (Hò-tha̍t-vî-ngâ ke heu-thoi) chhit-sṳ̍p si-miàng;
[44] sṳn-thien kô-sú (Â-sat ke heu-thoi) yit-pak si-sṳ̍p pat-miàng;
[45] sṳn-thien sú-ví (Sâ-liùng, Â-thi̍t, Tha̍t-mùn, Â-kuk, Ha̍p-tí-thai lâu Sok-pai ke heu-thoi) yit-pak sâm-sṳ̍p pat-miàng.
[46] Sṳn-thien kûng-ngìn ke chûng-chhu̍k chón-lòi ke yû: Sî-ha̍p, Ha̍p-sû-pâ, Tap-pâ-ngò, Kî-liu̍k, Sî-â, Pâ-tun, Li-pâ-nâ, Ha̍p-kâ-pâ, Sat-mâi, Ha̍p-nàn, Kit-tet, Kâ-ha̍p, Li-â-ngâ, Li-sun, Nì-kô-thai, Kâ-san, Vû-sat, Pâ-sî-â, Pí-soi, Mí-vû-nèn, Nì-phû-sîm, Pâ-puk, Ha̍p-kú-pâ, Ha̍p-fut, Pâ-sé-li̍t, Mí-hî-thai, Ha̍p-sâ, Pâ-khô, Sî-sî-lâ, Tap-mâ, Nì-se-â, Ha̍p-thì-fap.
[57] Só-lò-mùn phu̍k-ngìn ke chûng-chhu̍k chón-lòi ke yû: Só-thai, Só-fî-lie̍t, Pí-lu-thai, Ngâ-lâ, Tha̍t-khûn, Kit-tet, Sṳ-fap-thì-ngâ, Ha̍p-thi, Pô-het-lie̍t-Ha̍p-sṳ̂-pâ-yîm lâu Â-mùn.
[60] Sṳn-thien kûng-ngìn ke heu-thoi lâu Só-lò-mùn phu̍k-ngìn ke heu-thoi, tui liù-mòng chón-lòi ke chúng ngìn-su chúng-khiung sâm-pak kiú-sṳ̍p ngi-miàng.
[61] Su̍k Thi-lòi-ngâ, Tô-pí-ngâ lâu Nì-kô-thai chûng-chhu̍k ke yû liuk-pak si-sṳ̍p ngi-miàng. Kì-têu tui Thi̍t-Mí-lâ, Thi̍t-Ha̍p-sat, Kî-liu̍k, Â-tun, lâu Yîm-ma̍k-sàng chón-lòi; chúng-he kì-têu mò fap-thu chṳn-mìn chhṳ-kâ he Yî-set-lie̍t-ngìn ke heu-thoi.
[63] Chhìm m̀-tó chhu̍k-phú lòi chṳn-mìn kì-têu chú-siên ke chi-sṳ̂ chûng-chhu̍k yû: Ha̍p-pâ-ngâ, Ha̍p-kô-sṳ̂, Pâ-sî-lòi. (Pâ-sî-lòi chi-sṳ̂ chûng-chhu̍k ke chú-siên thó Kî-lie̍t-ngìn Pâ-sî-lòi-chhu̍k ke yit-ke fu-ngìn-kâ, chhiu yung kiâ chhông-mîn-ló chûng-chhu̍k ke miàng.) Yîn-vi kì-têu mò fap-thu chṳn-mìn kì-têu ke chú-siên he má-ngìn, son-cho mò chhiang-li, só-yî cho-m̀-tet cho chi-sṳ̂.
[65] Yù-thai-ngìn ke sén-chóng lâu kì-têu kóng, cho-m̀-tet sṳ̍t hien-pûn Song-ti ke sṳ̍t-vu̍t, chhṳ̍t-to yû chi-sṳ̂ yung vû-lìn lâu thú-mìn kié-kiet liá ngì-mun.
[66] Chón-lòi ke chúng ngìn-su si-van lióng-chhiên sâm-pak liuk-sṳ̍p miàng; kì-têu ke nàm-ńg phu̍k-ngìn chhit-chhiên sâm-pak sâm-sṳ̍p chhit-miàng; nàm-ńg kô-sú lióng-pak si-sṳ̍p ńg-miàng; mâ-é chhit-pak sâm-sṳ̍p liuk-chak; lò-è lióng-pak si-sṳ̍p ńg-chak; lo̍k-thò si-pak sâm-sṳ̍p ńg-chak; lì-è liuk-chhiên chhit-pak ngi-sṳ̍p chak.
[70] Chhin-tô ngìn pông-chhu fu siû-cháng sṳn-thien ke fi-yung; kì-têu ke fung-hien ki chhai hâ-poi: Sén-chóng: Vòng-kîm pat kûng-kîn, lî-ngì yung ke vón ńg-sṳ̍p chak, chi-sṳ̂ lî-fu̍k ńg-pak sâm-sṳ̍p liâng. Ke-têu chhu̍k-chóng: Vòng-kîm yit-pak liuk-sṳ̍p pat kûng-kîn, ngiùn-è yit-chhiên lióng-pak ńg-sṳ̍p kûng-kîn. Khì-thâ ke ngìn-mìn: Vòng-kîm yit-pak liuk-sṳ̍p pat kûng-kîn, ngiùn-è yit-chhiên yit-pak si-sṳ̍p kûng-kîn, chi-sṳ̂ lî-fu̍k liuk-sṳ̍p chhit-liâng.
[73] Só-yû ke Yî-set-lie̍t-ngìn, pâu-hàm chi-sṳ̂, Li-vi-ngìn, sṳn-thien sú-ví, sṳn-thien kô-sú, chhin-tô ngìn-mìn, lâu sṳn-thien kûng-ngìn tén-tén, chhiòn-phu chón Yù-thai chhṳ-kâ ke kâ-hiông ôn-thin hâ-lòi.