[1] Chui-siên chhiâm-miàng ke he Ha̍p-kâ-li-â ke lai-é — sén-chóng Nì-hî-mí, yèn-heu he Hî-tí-kâ, hâ-poi ke chhiu-he khì-thâ ke ngìn.
[2] Chi-sṳ̂ yû: Sî-lòi-ngâ, Â-sat-li-ngâ, Yâ-li-mí,
[3] Pâ-sṳ̂-fu-ngí, Â-mâ-li-ngâ, Mâ-kî-ngâ,
[4] Ha̍p-thut, Sṳ-pâ-nì, Mâ-lu̍k,
[5] Ha̍p-lìm, Mí-li-ma̍t, Ngò-pâ-tí-â,
[6] Tan-yî-lî, Khiun-tun, Pâ-liu̍k,
[7] Mí-sû-làn, Â-pí-ngâ, Mí-ngâ-mìn,
[8] Mâ-sî-â, Piak-kâi, Sṳ-mâ-ngâ.
[9] Li-vi-ngìn yû: Â-san-nì ke lai-é Yâ-sû-â, Hî-nâ-tha̍t chûng-chhu̍k ke Pîn-nui, hàn-yû Kap-me̍t,
[10] Sṳ-pâ-nì, Hò-thi-ngâ, Kî-li-thâ, Pí-lòi-ngâ, Ha̍p-nàn,
[11] Mí-kâ, Li-ha̍p, Ha̍p-sâ-pí-ngâ,
[12] Sat-khat, Sṳ-li-pí, Sṳ-pâ-nì,
[13] Hò-thi-ngâ, Pâ-nì, Pí-nì-nú.
[14] Ngìn-mìn ke liâng-chhiu yû: Pâ-liu̍k, Pâ-ha̍p-Mô-ap, Yî-làn, Sat-thú, Pâ-nì,
[15] Pu-nì, Ap-kap, Pí-pai,
[16] Â-tô-nì-ngâ, Pí-kiet-ngá-yî, Â-tên,
[17] Â-thi̍t, Hî-sî-kâ, Ap-sok,
[18] Hò-thi-ngâ, Ha̍p-sun, Pí-soi,
[19] Ha̍p-lâ, Â-nâ-thut, Nì-pai,
[20] Mat-pí-ap, Mí-sû-làn, Hî-sit,
[21] Mí-sṳ-sat-phe̍t, Sat-tuk, Ap-thu-â,
[22] Pí-lâ-thì, Ha̍p-nàn, Â-nai-ngâ,
[23] Hò-se-â, Ha̍p-nâ-nì-ngâ, Ha̍p-sut,
[24] Ha̍p-lò-het, Pí-li-ha̍p, Sok-pak,
[25] Li-fèn, Ha̍p-sâ-nâ, Mâ-sî-ngâ,
[26] Â-hî-ngâ, Ha̍p-nàn, Â-nàn,
[27] Mâ-lu̍k, Ha̍p-lìm, Pâ-nâ.
[28] Ngài liá-têu Yî-set-lie̍t-ngìn: chi-sṳ̂, Li-vi-ngìn, sṳn-thien sú-ví, sṳn-thien kô-sú, sṳn-thien kûng-ngìn, chhiu lâu yit-chhiet he̍t chhai ngài-têu thú-thi ke ngoi-chhu̍k-ngìn fûn-khôi. Ngài liá-têu chûn-chhiùng Song-ti fap-li̍t ke ngìn, ngài-têu ke pû-ngiòng lâu só-yû mìn-pha̍k sṳ-lî ke se-ngìn-è,
[29] chhai liá-vi lâu ngài-têu ke liâng-chhiu khiung-ha fat-sṳ, na-he vì-poi chhiu voi su chu-chú. Ngài-têu yit-thin oi cheu Song-ti thûng-ko Kì ke phu̍k-ngìn Mô-sî só-su ke fap-li̍t lòi sên-fa̍t. Ngài-têu oi thâng-chhiùng Song-chú — ngài-têu ke Chú pûn ngài-têu ke min-lin; ngài-têu oi chûn-sú Kì só-yû ke fap-li̍t lâu kûi-thin.
[30] Ngài-têu m̀ lâu he̍t chhai ngài-têu thú-thi ke ngoi-chhu̍k ngìn thûng-fûn.
[31] Na-he he̍t chhai liá-vi ke ngoi-chhu̍k ngìn chhai ôn-sit-ngit ya-he khì-thâ ke sṳn-ngit tai ńg-kuk ya-he phe̍t ke tûng-sî lòi mai-pûn ngài-têu, ngài-têu m̀ hiong kì-têu mâi. Tù-tó thi-chhit ngièn, ngài-têu m̀ kâng-chung thú-thi, ya m̀ thó-chón só-yû ke chai.
[32] Tak-ngièn, ngài-têu tak-sà oi fung-hien ńg kûng-khiet ngiùn-è, pông-chhu fu Song-ti sṳn-thien ke fi-yung.
[33] Ngài-têu oi fu-chit sṳn-thien kin-pai só-yung ke kiûng-piáng, tak-ngit ke su-chi, tak-ngit ke sêu-fa-chi, ôn-sit-ngit ke sṳn-chi, tak ngie̍t chhû-yit lâu khì-thâ chiet-khì ke tak-chúng sṳn-chi, vi Yî-set-lie̍t su̍k-chhui ke chi, lâu sṳn-thien só sî-yeu ke yit-chhiet tûng-sî.
[34] Ngài liá-têu ngìn, chi-sṳ̂, lâu Li-vi-ngìn oi cheu fap-li̍t ke kûi-thin, tak-ngièn chhû-chhiâm kiet-thin nai chûng-chhu̍k yin-kôi fu-chit kiûng-kip chhèu, lòi sêu sên-ngì hien-pûn Song-chú — ngài-têu ke Song-ti.
[35] Tak-ngièn, ngài-têu oi chiông thi-song chui-siên sû-sṳ̀n ke nùng-chok-vu̍t lâu su-táng chui-siên sû-sṳ̀n ke súi-kó tai-to Song-chú ke sṳn-thien.
[36] Ngài-têu tak-sà oi cheu fap-li̍t só siá ke chiông thèu-thôi ke lai-é tai-to sṳn-thien, kâu-pûn sṳ-fung Song-ti ke chi-sṳ̂, hien-pûn Song-ti; ya oi chiông thèu-thôi ke ngiù-yòng tai-hi hien-pûn Song-ti.
[37] Tak-ngièn, ngài-têu oi chiông ke yung chui-siên sû-sṳ̀n ke nùng-chok-vu̍t cho ke mien-thòn tai-to sṳn-thien chi-sṳ̂ ke-vi; ya oi chiông sîn-chiú, kám-lám-yù, lâu tak-chúng súi-kó hien-song. Ngài-têu oi chiông thú-thi sû-sṳ̀n ke sṳ̍p-fûn chṳ̂-yit tai-pûn Li-vi-ngìn, yîn-vi Li-vi-ngìn chhai ngài-têu ke nùng-chhûn sû sṳ̍p-fûn chṳ̂-yit fung-hien.
[38] Sû sṳ̍p-fûn chṳ̂-yit fung-hien ke sṳ̀, Â-lùn heu-thoi ke-têu chi-sṳ̂ tông-chûng oi yû yit-sà lâu Li-vi-ngìn khiung-ha, yèn-heu, Li-vi-ngìn tui sû-lòi ke sṳ̍p-fûn chṳ̂-yit fung-hien tông-chûng nâ-chhut sṳ̍p-fûn chṳ̂-yit lòi, sung-ngi̍p sṳn-thien chhông-khu cho sṳn-thien ke fi-yung.
[39] Yî-set-lie̍t-ngìn lâu Li-vi-ngìn yu oi chiông hien chhut-lòi ke ńg-kuk, sîn-chiú, kám-lám-yù sung-ngi̍p piong sṳn-thien hi-mén ke chhông-khu, chhiu-he chhṳ̍t-pân ke chi-sṳ̂, sṳn-thien sú-ví, lâu sṳn-thien kô-sú he̍t ke só-chhai. Ngài-têu chhie̍t-tui m̀-voi m̀ ku ngài-têu Song-ti ke sṳn-thien.