[1] Hâ-poi he chi-sṳ̂ lâu Li-vi-ngìn ke miàng-tân; kì-têu chhiòn-phu he lâu Sat-lâ-thiet ke lai-é Só-lò-pâ-pak pin thai-chi-sṳ̂ Yâ-sû-â khiung-ha tui liù-mòng chón-lòi ke ngìn.
[2] Chi-sṳ̂ yû: Sî-lòi-ngâ, Yâ-li-mí, Yî-sṳ̂-lâ, Â-mâ-li-ngâ, Mâ-lu̍k, Ha̍p-thut,
[3] Sṳ-kâ-nì, Li-fèn, Mí-li-ma̍t,
[4] Yi̍t-tô, Khiun-tun, Â-pí-ngâ,
[5] Mí-ngâ-mìn, Mâ-tí-ngâ, Piak-kâ,
[6] Sṳ-mâ-ngâ, Yok-ngâ-li̍p, Yâ-thai-ngâ,
[7] Sat-lu, Â-muk, Hî-le̍t-kâ lâu Yâ-thai-ngâ. Liá-têu ngìn chhai Yâ-sû-â sṳ̀-thoi he chi-sṳ̂ tông-chûng ke liâng-chhiu.
[8] Li-vi-ngìn yû: Fu-chit chú-chhong kám-chhia sṳ̂-kô ke Yâ-sû-â, Pîn-nui, Kap-me̍t, Sṳ-li-pí, Yù-thai, Mâ-thâ-nì;
[9] chhai sṳ̂-pân tú fu-chit tui-chhong ke yû Pat-pu-kâ, Vû-nì, lâu kì-têu ke thùng-sṳ Li-vi-ngìn.
[10] Yâ-sû-â he Yok-ngâ-kîm ke â-pâ; Yok-ngâ-kîm he Yî-li-â-sṳ̍t ke â-pâ; Yî-li-â-sṳ̍t he Yâ-hò-yâ-thai ke â-pâ;
[11] Yâ-hò-yâ-thai he Yok-nâ-tân ke â-pâ; Yok-nâ-tân he Ap-thu-â ke â-pâ.
[12] Yok-ngâ-kîm cho thai-chi-sṳ̂ ke sṳ̀, hâ-poi ke chi-sṳ̂ he chi-sṳ̂ chûng-chhu̍k ke chhu̍k-chóng: Sî-lòi-ngâ-chhu̍k ke Mí-lâ-ngâ, Yâ-li-mí-chhu̍k ke Ha̍p-nâ-nì-ngâ,
[13] Yî-sṳ̂-lâ-chhu̍k ke Mí-sû-làn, Â-mâ-li-ngâ chhu̍k ke Yok-ha̍p-nàn,
[14] Mí-li-kú-chhu̍k ke Yok-nâ-tân, Sṳ-pâ-nì-chhu̍k ke Yok-sit,
[15] Ha̍p-lìm-chhu̍k ke Ap-nâ, Mí-lâ-yok-chhu̍k ke Hî-le̍t-khái,
[16] Yi̍t-tô-chhu̍k ke Sat-kâ-li-â, Khiun-tun-chhu̍k ke Mí-sû-làn,
[17] Â-pí-ngâ-chhu̍k ke Se-kî-li, Mí-nâ-mìn-chhu̍k ke mêu-ngìn, Mô-â-tí-chhu̍k ke Pí-le̍t-thai,
[18] Piak-kâ-chhu̍k ke Sâ-mû-â, Sṳ-mâ-ngâ-chhu̍k ke Yok-nâ-tân,
[19] Yok-ngâ-li̍p-chhu̍k ke Mâ-thi̍t-nâi, Yâ-thai-ngâ-chhu̍k ke Vû-sî,
[20] Sat-lòi-chhu̍k ke Kâ-lòi, Â-muk-chhu̍k ke Hî-pak,
[21] Hî-le̍t-kâ-chhu̍k ke Ha̍p-sâ-pí-ngâ, Yâ-thai-ngâ-chhu̍k ke Nâ-thán-ngia̍p.
[22] Chhai Yî-li-â-sṳ̍t, Yâ-hò-yâ-thai, Yok-ha̍p-nàn, Ap-thu-â cho thai-chi-sṳ̂ ke sṳ̀, Li-vi kâ-chhu̍k lâu chi-sṳ̂ kâ-chhu̍k ke chhu̍k-chóng yû ki-liu̍k hâ-lòi. Liá ki-liu̍k he chhai Thai-liù-sṳ cho Pô-sṳ̂ fòng-ti sṳ̀ vàn-sṳ̀n ke.
[23] Chúng-he, ki chhai kôn-fông ki-liu̍k song ke Li-vi kâ-chhu̍k chhu̍k-chóng chṳ́-yû to Yî-li-â-sṳ̍t ke sûn-é Yok-ha̍p-nàn ke sṳ̀-thoi.
[24] Li-vi-ngìn ke chhu̍k-chóng he Ha̍p-sâ-pí-ngâ, Sṳ-li-pí, Yok-sû-â, Pîn-nui, Kap-me̍t, lâu kì-têu khiung-ha sṳ-fung ke hiûng-thi, yit-pân tui yit-pân, cheu sṳ̀n-ngìn — Thai-ví-vòng ke chṳ́-sṳ, yit-chhong yit-fò chan-mî, kám-chhia Song-ti.
[25] Fu-chit khon-sú sṳn-thien mùn sùn-thèu chhông-khu ke sú-ví: Mâ-thâ-nì, Pat-pu-kâ, Ngò-pâ-tí-â, Mí-sû-làn, Tha̍t-mùn, Â-kuk.
[26] Liá-têu ngìn he Yok-sat-tha̍t ke sûn-é, Yâ-sû-â ke lai-é Yok-ngâ-kîm sṳ̀-thoi ke ngìn, ya he sén-chóng Nì-hî-mí lâu kîn-ho̍k chôn-kâ chi-sṳ̂ Yî-sṳ̂-lâ sṳ̀-thoi ke ngìn.
[27] Tông Yâ-lu-sat-lâng sàng-chhiòng kí-hàng fung-hien-lî ke sṳ̀, Li-vi-ngìn tui kì-têu he̍t ke só-chhai pûn-ngìn chhiáng chón-hi Yâ-lu-sat-lâng chhâm-kâ fung-hien tién-lî. Kì-têu yung kám-chhia ke sṳ̂-kô, chhê-é, su-khìm lâu chhit-hièn-khìm fôn-fôn hí-hí lòi khin-chuk.
[28] Chhong-kô ke Li-vi kâ-chhu̍k tui Yâ-lu-sat-lâng chû-vì ke thi-khî, Nì-thò-fap fu-khiun ke chhûn-chông,
[29] pin tui Pak-Kit-kap, Kâ-pâ, Ap-mâ-fut án-tô thi-fông chhi-si̍p, yîn-vi chhong-kô ke ngìn chhai Yâ-lu-sat-lâng si chû-vì vi chhṳ-kâ kien-li̍p chhûn-chông.
[30] Chi-sṳ̂ lâu Li-vi-ngìn vi chhṳ-kâ lâu mìn-chung, sàng-mùn, sàng-chhiòng chú-chhṳ̀ kiet-chhiang ke ngì-sṳt.
[31] Ngài seu-si̍p Yù-thai ke liâng-chhiu sông sàng-chhiòng táng, ham kì-têu tai-liâng lióng thai-chhui mìn-chung yù-hàng tîn sàng, kám-chhia Song-ti. Yit-chhui hiong-yu, chhai sàng-chhiòng táng Lá-sap-mùn chhièn-chin.
[32] Chhai kì-têu ke heu-poi yû Hò-sâ-ngâ lâu Yù-thai liâng-chhiu ke yit-pan.
[33] Yu yû Â-sat-li-ngâ, Yî-sṳ̂-lâ, Mí-sû-làn,
[34] Yù-thai, Phien-ngâ-mén, Sṳ-mâ-ngâ lâu Yâ-li-mí.
[35] Hàn-yû ke-têu phùn la̍p-pá chi-sṳ̂ ke chṳ́-sûn, pin Sat-kâ-li-â; kì he Yok-nâ-tân ke lai-é, Sṳ-mâ-ngâ ke sûn-é. Kì ke chú-siên pâu-hàm Â-sat chûng-chhu̍k ke Mâ-thâ-nì, Mí-kâi-â lâu Sat-khat.
[36] Sat-kâ-li-â ke heu-poi thèn-tén khiung-ha sṳ-fung ke hiûng-thi: yû Sṳ-mâ-ngâ, Â-sat-li, Mí-lâ-lòi, Kî-lâ-lòi, Mâ-ngie, Nâ-thán-ngia̍p, Yù-thai lâu Ha̍p-nâ-nì. Kì-têu chhiòn-phu nâ-tén sṳ̀n-ngìn — Thai-ví-vòng só-thàn ke-chúng ngo̍k-hi. Kîn-ho̍k chôn-kâ Yî-sṳ̂-lâ thu liá-chhui chhièn-chin.
[37] Chhai Chhièn-súi-mùn ke-vi, kì-têu tui Thai-ví-sàng ke sa̍k-ton-é yit-chhṳ̍t hàng sông-hi, kîn-ko Thai-ví vòng-kiûng ke chhiòng-táng, yèn-heu chón-to sàng tûng-phién ke Súi-mùn ke-vi.
[38] Thi-ngi chhui kám-chhia ke ngìn hiong-chó hàng, sun-tén sàng-chhiòng táng chhièn-chin, ngài lâu nang-ngoi yit-pan ke mìn-chung thèn kì-têu. Ngài-têu kîn-ko Lù-lèu, lòi-to Fat-chhiòng,
[39] yu hàng-ko Yî-fap-lièn-mùn, Yâ-sâ-nâ-mùn, Ǹg-mùn, Ha̍p-nàm-ngia̍p-lèu, Pak-lèu, chhṳ̍t-to Yòng-mùn. Ngài-têu hàng-to Sú-ví-mùn chhiu kiet-suk yù-hàng.
[40] Án-ngiòng, kám-chhia Song-ti ke lióng-chhui ngìn lòi-to sṳn-thien ke-vi. Chhù-liáu lâu ngài khiung-ha ke liâng-chhiu yî-ngoi,
[41] ngài liá-chhui hàn pâu-hàm yî-ha phùn-tén la̍p-pá ke chi-sṳ̂: Yî-li-â-kîm, Mâ-sî-ngâ, Mí-nâ-mìn, Mí-kâi-ngâ, Yî-li-yok-nâi, Sat-kâ-li-â, Ha̍p-nàm-nì-â.
[42] Kì-têu heu-poi yû Mâ-sî-ngâ, Sṳ-mâ-ngâ, Yî-li-â-sat, Vû-sî, Yok-ha̍p-nàn, Mâ-kî-ngâ, Yî-làn, Yî-chhia. Yî-sṳ̂-lâ-hî-ngâ tai-liâng sṳ̂-pân thai-sâng chhong-kô.
[43] Ke-ngit, ngài-têu kí-hàng sṳn-thai ke hien-chi; mìn-chung chhiòn-phu fî-sòng fôn-hí, yîn-vi Song-ti sṳ́ kì-têu thai-thai khoai-lo̍k. Fu-ńg lâu se-ngìn-è ya chhâm-kâ khin-chuk. Yâ-lu-sat-lâng fôn-hí khoai-lo̍k ke sâng chhin-yén chhiu thâng tet-tó.
[44] Ke-sṳ̀, yû-têu ngìn su-phai chóng chhông-khu, chhiu-he piong tak-ngièn sîn-chhut ke ńg-kuk, súi-kó lâu sṳ̍p-fûn chṳ̂-yit fung-hien ke só-chhai. Liá-têu ngìn oi fu-chit tui tak-sàng fu-khiun ke thièn-chông, sû-si̍p fap-li̍t kûi-thin pûn chi-sṳ̂ lâu Li-vi-ngìn ke fung-hien lî-vu̍t. Yù-thai só-yû ke ngìn-mìn chhiòn-phu tông mân-yi chi-sṳ̂ lâu Li-vi-ngìn ke sṳ-fung,
[45] yîn-vi kì-têu yû sú fu̍k-sṳ Song-ti ke lî-ngì lâu kiet-chhiang ke lî-ngì. Sṳn-thien sṳ̂-pân lâu sṳn-thien sú-ví ya cheu Thai-ví-vòng lâu kiâ lai-é Só-lò-mùn ke kûi-thin chṳp-hàng ngim-vu.
[46] Tui Thai-ví-vòng lâu yîm-ngo̍k-kâ Â-sat ke sṳ̀-thoi yî-lòi, sṳ̂-pân yit-chhṳ̍t he liâng-thô chhong-kô siung-chan, kám-chhia Song-ti ke ngìn.
[47] Só-lò-pâ-pak sṳ̀-thoi lâu Nì-hî-mí sṳ̀-thoi, Yî-set-lie̍t-ngìn tak-ngit chiông fung-hien lî-vu̍t sung-pûn sṳn-thien sṳ̂-pân lâu sú-ví. Yu pûn Li-vi-ngìn yin-tông tet ke fung-hien lî-vu̍t; Li-vi-ngìn chai pûn Â-lùn ke-têu chi-sṳ̂ yin-tông tet ke yit-fun.