[1] Yî-ha he su̍k-ko-sṳt-chi ke thiàu-li; liá chi he chṳ-sṳn ke.
[2] Oi chhai chi-thàn pet-phién, chhiu-he chhṳ̀ sêu-fa-chi thèu-sâng ke thi-fông, chhṳ̀ su̍k-ko-sṳt-chi ke thèu-sâng, chiông hiet hia chhai chi-thàn si chû-vì.
[3] Chhiòn-phu ke yù, chhiu-he kûi-thiàu phì ke mî, pâu-tén puk-nui ke yù,
[4] lióng-chak yêu-é lâu yêu-é mien-táng ke yù, kôn ke mióng-yù, lûng-chúng oi piong chhai chi-thàn táng.
[5] Chi-sṳ̂ oi chhai chi-thàn táng chiông chhiòn-phu ke yù sêu-hien pûn Song-chú; liá he su̍k-ko-sṳt-chi.
[6] Chi-sṳ̂ kâ-chhu̍k chûng só-yû ke nàm-ngìn chhiòn-phu cho-tet sṳ̍t liá-chúng chi-ngiuk, chúng-he yit-thin oi chhai sṳn ke só-chhai sṳ̍t, yîn-vi liá chi he chṳ-sṳn ke.
[7] Su̍k-chhui-chi lâu su̍k-ko-sṳt-chi ke thiàu-li yû yit hong he khiung-yong ke: chi-ngiuk oi kûi chú-chhṳ̀ su̍k-chhui-lî ke chi-sṳ̂.
[8] Sêu-fa-chi thèu-sâng ke phì oi kûi chú-chhṳ̀ chi-lî ke chi-sṳ̂.
[9] Su-chi, mò-lun he yung lù-è phoi ke, yung chiên-phàn chiên ke, ya-he yung chhién vo̍k-thèu pet ke, chhiòn-phu oi kûi chú-chhṳ̀ chi-lî ke chi-sṳ̂.
[10] Chúng-he sâng ke su-chi, mò-lun he kiâu-yù ke ya-he châu ke, lûng-chúng oi kûi-pûn Â-lùn-chhu̍k só-yû ke chi-sṳ̂; kì-têu oi phìn-kiûn fûn-phi liá-têu chi-vu̍t.
[11] Yî-ha he yû-koân hiong Song-chú hien phìn-ôn-chi ke thiàu-li.
[12] Na-he yû-ngìn vi-tó oi kám-chhia Song-chú lòi-hien phìn-ôn-chi, chhù-liáu liá kám-chhia-chi yî-ngoi, hàn-oi hien vù-kau ke piáng: chhiu-he yu-mien-fún kiâu kám-lám-yù cho ke phûn-piáng, kò kám-lám-yù ke pho̍k-piáng, lâu yu-mien-fún kiâu kám-lám-yù ke piáng.
[13] Kì hàn-oi hien yit-si̍t-é yû-kau ke piáng.
[14] Kì oi tui liá-têu piáng tông-chûng kok nâ yit-chak cho thi̍t-phe̍t ke lî-vu̍t hien-pûn Song-chú. Liá lî-vu̍t oi pûn ke chiông phìn-ôn-chi ke hiet hia chhai chi-thàn si chû-vì ke chi-sṳ̂.
[15] Vi-tó kám-chhia Song-chú só hien ke phìn-ôn-chi ke chi-ngiuk, oi chhai hien-chi tông-ngit sṳ̍t-thet, cho-m̀-tet liù-to thi-ngi chêu-sṳ̀n.
[16] Só-hien ke phìn-ôn-chi na-he vi-tó vàn-ngien ya-he kâm-sîm hien ke chi, chi-ngiuk oi chhai hien-chi tông-ngit lòi sṳ̍t, chúng-he só chhûn-tó ke cho-tet liù-to thi-ngi ngit chang sṳ̍t.
[17] Na-he to thi-sâm ngit hàn yû chhûn-tó ke chi-ngiuk, yit-thin oi sêu-thet.
[18] Na-he chhai thi-sâm ngit hàn sṳ̍t phìn-ôn-chi ke ngiuk, Song-ti chhiu m̀ chiap-su kì só-hien ke chi; kì só-hien ke m̀ son-cho chi. Liá sên-ngì he mò chhiang-li ke; mò-lun má-ngìn sṳ̍t liá-chúng chi-ngiuk, chhiu oi sṳ̀n-tâm chhṳ-kâ ke chhui.
[19] Na-he chi-ngiuk chiap-chhiuk lî-ngì song mò chhiang-li ke tûng-sî ya-he ngìn, chhiu cho-m̀-tet sṳ̍t, oi sêu-thet. Lî-ngì song thin-vì chhiang-li ke ngìn, mò-lun má-ngìn, chhiòn-phu cho-tet sṳ̍t chi-ngiuk.
[20] Chúng-he lî-ngì song mò chhiang-li ke ngìn, na-he sṳ̍t hien-pûn Song-chú phìn-ôn-chi ke ngiuk, yit-thin oi chiông kì tui Song-ti ke chṳ́-mìn chûng chhù-miàng.
[21] Na yû-ngìn chiap-chhiuk lî-ngì song mò chhiang-li ke tûng-sî — mò-lun he ngìn, ya-he thèu-sâng, ya-he ngim-hò mò chhiang-li ke tûng-sî — yèn-heu hàn sṳ̍t hien-pûn Song-chú phìn-ôn-chi ke ngiuk, yit-thin oi chiông kì tui Song-ti ke chṳ́-mìn chûng chhù-miàng.
[22] Song-chú fûn-fu Mô-sî
[23] chiông yî-ha ke thiàu-li siên-pu pûn Yî-set-lie̍t-ngìn. Ngiù, mièn-yòng lâu sân-yòng ke yù chhiòn-phu cho-m̀-tet sṳ̍t.
[24] Chhṳ-yèn sí-thet ya-he pûn yâ-chhu ngâu-sí ke thung-vu̍t ke yù ya cho-m̀-tet sṳ̍t, chúng-he cho-tet cho phe̍t ke yung-thù.
[25] Mò-lun má-ngìn sṳ̍t sêu-hien pûn Song-chú thèu-sâng ke yù, yit-thin oi chiông kì tui Song-ti ke chṳ́-mìn chûng chhù-miàng.
[26] Mò-lun ngì-têu he̍t chhai nai-vi, fî-khìm ke hiet ya-he chéu-chhu ke hiet chhiòn-phu cho-m̀-tet sṳ̍t.
[27] Má-ngìn sṳ̍t-hiet, yit-thin oi chiông kì tui Song-ti ke chṳ́-mìn chûng chhù-miàng.
[28] Song-chú fûn-fu Mô-sî
[29] chiông yî-ha ke thiàu-li siên-pu pûn Yî-set-lie̍t-ngìn. Mò-lun má-ngìn hien phìn-ôn-chi, kì yit-thin oi chiông yit phu-fun chi-ngiuk hien-pûn Song-chú cho lî-vu̍t.
[30] Kì oi chhîn-sú chiông liá-têu lî-vu̍t tai-lòi hien-pûn Song-chú cho fó-chi. Kì oi tai thèu-sâng ke yù lâu hiûng-phù-ngiuk lòi, chiông hiûng-phù-ngiuk yèu kí-ha cho yèu-chi hien-pûn Song-chú.
[31] Chi-sṳ̂ oi chiông yù piong chhai chi-thàn táng lòi sêu; chúng-he hiûng-phù-ngiuk oi pûn Â-lùn lâu kì ke chṳ́-sûn.
[32] Yu heu-thúi oi pûn ke fu-chit hien phìn-ôn-chi ke yù lâu hiet ke chi-sṳ̂ cho lî-vu̍t.
[34] Phìn-ôn-chi chûng ke hiûng-phù-ngiuk lâu yu heu-thúi, he Song-chú tui Yî-set-lie̍t-ngìn chûng nâ chhut-lòi su-pûn chi-sṳ̂ Â-lùn lâu kì ke chṳ́-sûn ke yit-chúng thi̍t-phe̍t lî-vu̍t. Yî-set-lie̍t-ngìn yit-thin oi chiông liá-têu kûi-pûn ke-têu chi-sṳ̂. Liá he yún-yén m̀-voi kói-pien ke kûi-thin.
[35] Liá-têu chi-ngiuk he tui Â-lùn lâu kì ke chṳ́-sûn su sat-li̍p cho chi-sṳ̂ sṳ-fung Song-chú ke-ngit chhiu chṳ́-thin pûn kì-têu ke.
[36] Ke yit-ngit, Song-chú min-lin Yî-set-lie̍t-ngìn chiông liá-têu chi-ngiuk pûn-pûn ke-têu chi-sṳ̂. Yî-set-lie̍t-ngìn yit-thin oi yún-yén chûn-sú liá thiàu-li.
[37] Yî-song ki-chai ke chhiu-he yû-koân sêu-fa-chi, su-chi, su̍k-chhui-chi, su̍k-ko-sṳt-chi, sat-li̍p chi-sṳ̂, lâu phìn-ôn-chi ke thiàu-li.
[38] Song-chú chhai khóng-yâ ke Sî-nai-sân chiông liá-têu thiàu-li fûn-fu Mô-sî. Ke-ngit, Mô-sî min-lin Yî-set-lie̍t-ngìn hiong Song-chú hien-chi.