[1] Song-chú min-lin Mô-sî lâu Â-lùn
[2] hiong Yî-set-lie̍t-ngìn siên-pu yî-ha ke thiàu-li. Thi-song só-yû ke chéu-chhu tông-chûng, ngì-têu cho-tet sṳ̍t liá-têu:
[3] Fàm kiok-thài fûn-cho lióng-phan, yu voi to-chhó ke thung-vu̍t, ngì-têu chhiòn-phu cho-tet sṳ̍t.
[4] Chúng-he ngì-têu cho-m̀-tet sṳ̍t lo̍k-thò, fôn, ya-he thu-é, oi chiông liá-têu son-cho mò chhiang-li ke thung-vu̍t; yîn-vi kì-têu sûi-yèn voi to-chhó, chúng-he kiok-thài mò fûn-phan.
[7] Chû-é ya cho-m̀-tet sṳ̍t, oi chiông kì son-cho mò chhiang-li ke thung-vu̍t; yîn-vi chû-é sûi-yèn kiok-thài fûn-phan, chúng-he mò to-chhó.
[8] Liá-têu thung-vu̍t ke ngiuk ngì-têu cho-m̀-tet sṳ̍t, lièn miâ kì-têu ke sṳ̂-thí ya cho-m̀-tet; kì-têu son-cho mò chhiang-li ke thung-vu̍t.
[9] Fàm chhai súi-tú, hói-tú, hò-pa tî-poi ke, ngì-têu cho-tet sṳ̍t liá-têu: Yû ǹg-yi̍t yû-lìn ke ǹg-lui, ngì-têu chhiòn-phu cho-tet sṳ̍t;
[10] chúng-he mò ǹg-yi̍t mò-lìn ke ǹg-lui, ngì-têu cho-m̀-tet sṳ̍t.
[11] Ngì-têu oi chiông kì-têu son-cho mò chhiang-li ke, cho-m̀-tet sṳ̍t kì-têu ke ngiuk, lièn miâ kì-têu ke sṳ̂-thí ya cho-m̀-tet.
[12] Fàm chhai súi-tú mò ǹg-yi̍t, mò-lìn ke ǹg-lui, ngì-têu oi chiông kì-têu son-cho mò chhiang-li ke.
[13] Yî-ha ke tiâu-é son-cho mò chhiang-li, ngì-têu chhiòn-phu cho-m̀-tet sṳ̍t: ên-tiâu, thut-ên, yeu-phò, yên, lia̍p-ên, vû-â lâu kì khiung-lui ke, thò-niâu, hiêu, hói-êu, ên-chhiok lâu kì khiung-lui ke, chhṳ̂-hiêu, lù-chhṳ̀, meu-thèu-tiâu, kok-chhṳ̂, thi-fù, tiâu, kon-niâu, pha̍k-ho̍k lâu kì khiung-lui ke, tai-ngim, lâu phi̍t-phò.
[20] Fàm-he yû yi̍t-kap ke khûn-chhùng, chhù-liáu voi-thiau ke, chhiòn-phu he mò chhiang-li ke.
[22] Ngì-têu cho-tet sṳ̍t chhó-máng, thú-kiéu-è, ya-he thai chhó-máng.
[23] Chúng-he khì-thâ yû yi̍t-kap, voi-phà ke se khûn-chhùng, ngì-têu oi chiông kì-têu son-cho mò chhiang-li ke.
[24] Yî-ha thung-vu̍t ke sṳ̂-thí, má-ngìn miâ-tó, má-ngìn chhiu-voi mò chhiang-li to lìm-am-é: só-yû kiok-thài mò fûn-phan, mò to-chhó, lâu yû kiok-phàn ke si-kiok thung-vu̍t. Thûng-tó kì-têu sṳ̂-thí ke ngìn, yit-thin oi chiông sâm-fu sé-chhiang, chúng-he kì hàn-he mò chhiang-li to lìm-am-é.
[29] Thi-song phà ke, oi son-cho mò chhiang-li ke, yû liá-têu: Chhièn-chhú, ló-chhú, kiéu-mà-sà lâu kì khiung-lui ke, piak-sà, thai-si-yí, sân-kiéu-thai, sà-yî, lâu pien-set-liùng.
[31] Thi-song phà ke, liá-têu chhiòn-phu oi son-cho mò chhiang-li ke. Má-ngìn miâ kì-têu ke sṳ̂-thí, má-ngìn chhiu mò chhiang-li to lìm-am-é.
[32] Kì-têu ke sṳ̂-thí tiet chhai má-ke tûng-sî táng-kô, mò-lun he su-é cho ke, pu-é cho ke, phì-è cho ke, ya-he mà-pu-thoi, mò-lun yung-thù he má-ke, chhiòn-phu son-he mò chhiang-li. Oi chiông liá-ke tûng-sî chim chhai súi-tú; kì son-he mò chhiang-li to lìm-am-é, yî-heu chhiu chhiang-li lé.
[33] Kì-têu ke sṳ̂-thí na tiet-lo̍k nài-cho ke vo̍k-thèu tú, vo̍k-thèu tú ke tûng-sî chhiu mò chhiang-li; ngì-têu oi chiông vo̍k-thèu tá-lan.
[34] Phìn-sòng cho-tet sṳ̍t ke tûng-sî, na vun-tó ke vo̍k-thèu ke súi, chhiu mò chhiang-li; phìn-sòng cho-tet lîm ke tûng-sî, na chông chhai ke vo̍k-thèu tú, ya-son mò chhiang-li.
[35] Kì-têu ke sṳ̂-thí mò-lun tiet chhai má-ke tûng-sî táng-kô, liá tûng-sî chhiu mò chhiang-li; mò-lun he fûng-lù ya-he cho-thèu chhiòn-phu oi tá-lan.
[36] Sûi-yèn kok-chúng tûng-sî yit pen-tó kì-têu ke sṳ̂-thí chhiu mò chhiang-li, chúng-he chhièn-súi lâu pî-thòng súi hàn-he chhiang-li ke.
[37] Liá-têu thung-vu̍t ke sṳ̂-thí na tiet chhai oi chung ke chúng-chṳ́ táng-kô, chúng-chṳ́ hàn-he chhiang-li ke.
[38] Chúng-he chúng-chṳ́ na-he lìm-ko súi, yû sṳ̂-thí ya tiet chhai táng-kô, liá chúng-chṳ́ chhiu mò chhiang-li lé.
[39] Cho-tet sṳ̍t ke thung-vu̍t na-he sí-thet, má-ngìn miâ-tó kì chhiu son-he mò chhiang-li to lìm-am-é.
[40] Ngìn sṳ̍t-tó kì ke ngiuk, yit-thin oi chiông sâm-fu sé-chhiang, chúng-he kì hàn-he mò chhiang-li to lìm-am-é. Só-yû pân sṳ̂-thí ke, ya oi sé-chhiang sâm-fu, chúng-he kì hàn-he mò chhiang-li to lìm-am-é.
[41] Thi-mien ke se phà-chhùng, mò-lun he yung tú-sṳ́ phà ke, yung si-chak kiok hàng ke, ya-he yung tô-kiok hàng ke chhiòn-phu son-cho mò chhiang-li ke, ngì-têu cho-m̀-tet sṳ̍t.
[43] Ngì-têu cho-m̀-tet sṳ̍t liá-têu phà-chhùng lòi tá-lá-sap chhṳ-kâ pien-cho mò chhiang-li.
[44] Ngài he Song-chú — ngì-têu ke Song-ti; ngì-têu oi chiông chhṳ-kâ fûn-phe̍t vì-sṳn, sàng-cho sṳn-kiet, yîn-vi Ngài he sṳn-kiet ke. Ngì-têu cho-m̀-tet yîn-vi liá-têu phà-chhùng lòi tá-lá-sap chhṳ-kâ.
[45] Ngài he Song-chú; Ngài thu ngì-têu chhut Âi-khi̍p, oi cho ngì-têu ke Song-ti. Ngì-têu oi sṳn-kiet, yîn-vi Ngài he sṳn-kiet ke.
[46] Yî-song he yû-koân thung-vu̍t, tiâu-lui, ǹg-lui lâu phà-chhùng-lui ke thiàu-li.
[47] Ngì-têu yit-thin oi fûn-phe̍t chhiang-li ya-he mò chhiang-li ke, cho-tet sṳ̍t ya-he cho-m̀-tet sṳ̍t ke sâng-vu̍t.