[1] Na-he yû-ngìn hien-ngiù cho phìn-ôn-chi, kì yit-thin oi sién mò khiet-tiám ke ngiù-kú ya-he ngiù-chhṳ, hien chhai Song-chú mien-chhièn.
[2] Kì oi chiông sú piong chhai thèu-sâng ke thèu-nà táng, chhai sṳn-chong-phùng mùn-héu chiông kì chhṳ̀-thet. Â-lùn-chhu̍k ke chi-sṳ̂ oi chiông sên-ngì ke hiet hia chhai chi-thàn si chû-vì.
[3] Ke-ngìn oi tui phìn-ôn-chi chûng chún-phi hien-pûn Song-chú ke fó-chi; kì oi chiông pâu-tén puk-nui lâu puk-nui mien-táng ke yù,
[4] lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi.
[5] Â-lùn ke chṳ́-sûn oi chiông liá-têu piong chhai chi-thàn ke chhèu-fó táng, chhiu-he chhai sêu-fa-chi táng-kô khiung-ha sêu. Liá fó-chi ke hiông-mi he Song-chú só fôn-hí ke.
[6] Na-he kì oi tui yòng-khiùn chûng sién yit-chak yòng hien-pûn Song-chú cho phìn-ôn-chi, kì yit-thin oi sién mò khiet-tiám ke yòng-kú ya-he yòng-mà.
[7] Na-he kì hien se mièn-yòng pûn Song-chú,
[8] kì oi chiông sú piong chhai thèu-sâng ke thèu-nà táng, chhai sṳn-chong-phùng chhièn chiông kì chhṳ̀-sí. Â-lùn ke chṳ́-sûn oi chiông sên-ngì ke hiet hia chhai chi-thàn si chû-vì.
[9] Ke-ngìn oi tui phìn-ôn-chi chûng chún-phi hien-pûn Song-chú ke fó-chi; kì oi chiông yù, tui vá liùng-kut ke thi-fông kot hâ-lòi ke kûi-thiàu phì ke yòng-mî, pâu-tén puk-nui lâu chhai puk-nui mien-táng ke yù,
[10] lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi.
[11] Chi-sṳ̂ oi chiông liá-têu chhiòn-phu piong chhai chi-thàn táng lòi sêu, chhiu-chhiong sṳ̍t-vu̍t yit-yong, cho fó-chi hien-pûn Song-chú.
[12] Na-he kì hien sân-yòng pûn Song-chú,
[13] kì oi chiông sú piong chhai thèu-sâng ke thèu-nà táng, chhai sṳn-chong-phùng chhièn chiông kì chhṳ̀-sí. Â-lùn ke chṳ́-sûn oi chiông sên-ngì ke hiet hia chhai chi-thàn si chû-vì.
[14] Ke-ngìn oi tui liá sên-ngì chún-phi hien-pûn Song-chú ke fó-chi; kì oi chiông pâu-tén puk-nui lâu puk-nui mien-táng ke yù,
[15] lióng-chak yêu-é lâu yêu-é mien-táng ke yù, pin kôn mien-táng ke mióng-yù kot hâ-lòi.
[16] Chi-sṳ̂ oi chiông liá-têu chhiòn-phu piong chhai chi-thàn táng lòi sêu, chhiu-chhiong sṳ̍t-vu̍t yit-yong, cho chhîn-hiông ke fó-chi. Só-yû ke yù he su̍k Song-chú ke.
[17] Ngì-têu mò-lun he̍t chhai nai-vi, chhie̍t-tui cho-m̀-tet sṳ̍t yù lâu hiet. Liá he ngì-têu sṳ-sṳ thoi-thoi yún-yén oi chûn-sú ke min-lin.