[1] Tông Yî-sṳ̂-lâ phu̍k chhai Song-ti sṳn-thien chhièn khì-tó, kieu-chṳ̂, sṳ̀n-ngin liá-têu chhui ke sṳ̀, yû yit thai-khiùn Yî-set-lie̍t-ngìn, pâu-hàm nàm-ńg lâu se-ngìn-è, chhi-si̍p vì-tén kì, sông-sîm thai-kieu.
[2] Yî-làn chûng-chhu̍k Yâ-hiet ke lai-é Sṳ-kâ-nì tui Yî-sṳ̂-lâ kóng: “Ngài-têu thó ngoi-chhu̍k ke fu-ńg cho pû-ngiòng, tet-chhui ngài-têu ke Song-ti; sûi-yèn án-ngiòng, Yî-set-lie̍t hàn-yû hî-mong.
[3] Liá-ha, ngài-têu yit-thin oi hiong ngài-têu ke Song-ti li̍p-yok: Oi chiông liá-têu fu-ngìn-kâ lâu kì-têu ke se-ngìn-è sung-chéu. Ngài-têu oi thâng-chhiùng ngì lâu ke-têu kin-chhung Song-ti min-lin ke ngìn ke khien-va. Ngài-têu oi cheu Song-ti ke fap-li̍t só yêu-khiù ke lòi hàng.
[4] Hong-hí-lòi, fu liá-ke chit-ngim. Ngài-têu voi pông-chhu ngì; oi yû yúng-hi lòi vàn-sṳ̀n liá-sṳ!”
[5] Só-yî, Yî-sṳ̂-lâ oi chi-sṳ̂, Li-vi-ngìn, lâu Yî-set-lie̍t chung-ngìn ke-têu liâng-chhiu fat-sṳ, pó-chṳn oi cheu Sṳ-kâ-nì ke kien-ngi hi cho. Kì-têu chhiu cheu án-ngiòng fat-sṳ.
[6] Chiap-tén, Yî-sṳ̂-lâ tui sṳn-thien thèu-chhièn ngi̍p-hi Yî-li-â-sṳ̍t ke lai-é Yok-ha̍p-nàn ke kiên-tú, chhai ke-vi, kì m̀-sṳ̍t, ya m̀-lîm, vi liù-mòng chón-lòi ngìn-mìn ke chhui ôi-sông kûi am-pû.
[7] Ke-têu mìn-kiên liâng-chhiu phai-ngìn to chhiòn Yâ-lu-sat-lâng lâu Yù-thai, oi ham só-yû liù-mòng chón-lòi ke ngìn to Yâ-lu-sat-lâng chhi-si̍p. Na-he yû-ngìn chhai sâm-ngit nui mò to, oi mu̍t-sû kì ke chhòi-sán; kì oi tui fi-chung tông-chûng chhù-miàng.
[9] Sâm-ngit nui, chhiu-he to thi kiú-ngie̍t ngi-sṳ̍p ngit, só-yû he̍t chhai Yù-thai lâu Phien-ngâ-mén thi-fông ke ngìn chhiòn-phu to Yâ-lu-sat-lâng, si̍p-ha̍p chhai Song-ti sṳn-thien ke kóng-chhòng. Ke-ngit, lo̍k tông thai-yí, yîn-vi thiên-hi ke koân-he lâu liá si̍p-fi ke ngiàm-chhung, tak-sà ngìn chhiòn-phu pi̍t-pi̍t-chhat.
[10] Chi-sṳ̂ Yî-sṳ̂-lâ khî hí-lòi, tui kì-têu kóng: “Ngì-têu yû chhui lé, thó ngoi-chhu̍k fu-ńg, chen-kâ Yî-set-lie̍t ke chhui.
[11] Liá-ha, ngì-têu oi hiong Song-chú — ngì-têu chú-siên ke Song-ti ngin-chhui, cho Kì fôn-hí ke sṳ, oi lâu he̍t chhai ngài-têu thú-thi ke ngoi-chhu̍k ngìn thôn-chhie̍t koân-he, lì-khôi ngì-têu ke ngoi-chhu̍k pû-ngiòng.”
[12] Mìn-chung thai-sâng en-kóng: “Ngì ngióng-pân kóng, ngài-têu chhiu ngióng-pân cho!”
[13] M̀-ko, kì-têu yu kóng: “Fi-chung án-tô, yí yu án-thai, ngài-têu cho-m̀-tet kín khî chhai ngoi-poi. Liá m̀-he yit-lióng ngit nèn phan-hó ke sṳ, yîn-vi yû tông-tô ngìn fam-tó liá-chhui.
[14] Chhiáng ngài-têu ke kôn-chóng liù chhai Yâ-lu-sat-lâng vi fi-chung chhú-lî liá-khien sṳ; hêm ke-têu thó ngoi-chhu̍k pû-ngiòng ke ngìn, chhai chṳ́-thin ke sṳ̀-kiên, lâu kì sàng-tú ke liâng-chhiu pin sṳ́m-phan-kôn khiung-ha lòi. Án-ngiòng, Song-ti chhiu m̀-voi vi liá-sṳ chai fat-khién.”
[15] Thai-kâ chhiòn-phu chan-sṳ̀n, chṳ́-yû Â-sat-het ke lai-é Yok-nâ-tân lâu Thi̍t-ngá ke lai-é Ngâ-ha̍p-chhia lióng-sà fán-tui; kì-têu yû Mí-sû-làn lâu Li-vi-ngìn Sâ-pí-thai chṳ̂-chhṳ̀.
[16] Tui liù-mòng chón-lòi ke ngìn chhiu cheu án-ngiòng cho, só-yî chi-sṳ̂ Yî-sṳ̂-lâ chhiu tui chhu̍k-chóng chûng chṳ́-miàng kí-sà chhut-lòi, ki-hâ kì-têu ke miàng. Sṳ̍p-ngie̍t chhû-yit, liá-têu ngìn khôi-sṳ́ thiàu-chhà,
[17] to châng-ngie̍t chhû-yit, kì-têu chiông só-yû thó ngoi-chhu̍k se-moi-é ke ngìn chhiòn-phu thiàu-chhà chhîn-chhú.
[18] Yî-ha he thó ngoi-chhu̍k se-moi-é ke ngìn: Chi-sṳ̂ (yung chûng-chhu̍k phài-lie̍t): Yok-sat-tha̍t ke chṳ́-sûn, Yâ-sû-â lâu kì ke-têu hiûng-thi ke chûng-chhu̍k: Mâ-sî-ngâ, Yî-li-yî-chhia, Ngâ-li̍p, Kî-thai-li.
[19] Kì-têu tap-yin lâu kì-têu ke pû-ngiòng lì-fûn, hien yit-chak mièn-yòng-kú cho sên-ngì lòi su̍k-chhui.
[20] Yîm-ma̍k chûng-chhu̍k: Ha̍p-nâ-nì, Sî-pâ-thi-ngâ.
[21] Ha̍p-lìm chûng-chhu̍k: Mâ-sî-ngâ, Yî-li-ngâ, Sṳ-mâ-ngâ, Yâ-hiet, Vû-sî-ngâ.
[22] Pâ-sṳ̂-fu-ngí chûng-chhu̍k: Yî-li-yok-nâi, Mâ-sî-ngâ, Yî-sṳ̍t-mâ-li, Nâ-thán-ngia̍p, Yok-sat-pha̍t, Yî-li-â-sat.
[23] Li-vi-ngìn: Yok-sat-pha̍t, Sṳ-mî, Kî-lâ-ngâ (yu ôn-to Kî-li-thâ), hàn-yû Pí-thâ-hî-ngâ, Yù-thai, Yî-li-yî-chhia.
[24] Kô-sú: Yî-li-â-sṳ̍t. Sṳn-thien sú-ví: Sâ-liùng, Thì-lièn, Vû-li.
[25] Khì-thâ ke Yî-set-lie̍t-ngìn: Pâ-liu̍k chûng-chhu̍k: Lâ-mí, Yâ-sî-ngâ, Mâ-kî-ngâ, Mí-ngâ-mìn, Yî-li-â-sat, Mâ-kî-ngâ, Pí-nâ-ngâ.
[26] Yî-làn chûng-chhu̍k: Mâ-thâ-nì, Sat-kâ-li-â, Yâ-hiet, Ap-tí, Yâ-li-ma̍t, Yî-li-ngâ.
[27] Sat-thú chûng-chhu̍k: Yî-li-yok-nâi, Yî-li-â-sṳ̍t, Mâ-thâ-nì, Yâ-li-ma̍t, Sat-pha̍t, Â-sî-sat.
[28] Pí-pai chûng-chhu̍k: Yok-ha̍p-nàn, Ha̍p-nâ-nì-ngâ, Sat-pai, Â-le̍t.
[29] Pâ-nì chûng-chhu̍k: Mí-sû-làn, Mâ-lu̍k, Â-thai-ngâ, Ngâ-sut, Sṳ-ap, Yâ-li-ma̍t.
[30] Pâ-ha̍p-Mô-ap chûng-chhu̍k: Â-tí-nâ, Kî-lâ, Pí-nâ-ngâ, Mâ-sî-ngâ, Mâ-thâ-nì, Pí-sat-lie̍t, Pîn-nui, Mâ-nâ-sî.
[31] Ha̍p-lìm chûng-chhu̍k: Yî-li-yî-chhia, Yî-sṳ-ngâ, Mâ-kî-ngâ, Sṳ-mâ-ngâ, Sî-mién, Phien-ngâ-mén, Mâ-lu̍k, Sṳ-mâ-li-ngâ.
[33] Ha̍p-sun chûng-chhu̍k: Mâ-thi̍t-nâi, Mâ-tha̍t-thâ, Sat-pha̍t, Yî-li-fap-lie̍t, Yâ-li-mâi, Mâ-nâ-sî, Sṳ-mî.
[34] Pâ-nì chûng-chhu̍k: Mâ-thoi, Am-làn, Vû-yit, Pí-nâ-ngâ, Pí-tí-ngâ, Kî-luk, Ngá-nì-ngâ, Mí-li-ma̍t, Yî-li-â-sṳ̍t, Mâ-thâ-nì, Mâ-thi̍t-nâi, Ngâ-so.
[38] Pîn-nui chûng-chhu̍k: Sṳ-mî, Sṳ-li-mí-ngâ, Nâ-tân, Â-thai-ngâ, Mâ-nâ-tí-pai, Sâ-soi, Sâ-lai, Â-sat-li, Sṳ-li-mí-ngâ, Sṳ-mâ-li-ngâ, Sâ-liùng, Â-mâ-li-ngâ, Yok-sit.
[43] Nì-pô chûng-chhu̍k: Yâ-li, Mâ-thâ-thì-ngâ, Sat-pha̍t, Sî-pí-nâ, Ngâ-thoi, Yok-ngí, Pí-nâ-ngâ.
[44] Yî-song liá-têu ngìn chhiòn-phu yû thó ngoi-chhu̍k ke se-moi-é. Kì-têu lûng-chúng chiông pû-ngiòng lâu chṳ́-ńg sung-chéu.