[1] Ke-sṳ̀, yû lióng-ke siên-tî — Ha̍p-kâi lâu Yi̍t-tô ke sûn-é Sat-kâ-li-â — fung Yî-set-lie̍t Song-ti ke miàng hiong he̍t chhai Yù-thai lâu Yâ-lu-sat-lâng ke Yù-thai-ngìn kóng miên-li ke fa.
[2] Sat-lâ-thiet ke lai-é Só-lò-pâ-pak lâu Yok-sat-tha̍t ke lai-é Yâ-sû-â chhiu khôi-sṳ́ chhùng-kien chhai Yâ-lu-sat-lâng Song-ti ke sṳn-thien, Song-ti lióng-vi siên-tî pông-chhu kì-têu.
[3] Chhâ-m̀-tô chhai thùng-sṳ̀, Hò-sî-sén sén-chóng Tha̍t-nâi, Sṳ-thâ-Pô-sṳ̂-nâi lâu kì-têu ke khiung-tóng kón-to Yâ-lu-sat-lâng, chit-phi kì-têu kóng: “Má-ngìn ha-lin ngì-têu chhùng-kien liá-thien, vàn-sṳ̀n liá kûng-chhàng nè?”
[4] Kì-têu yu thó-tó só-yû hí-thien fu-chit ngìn ke miàng-tân.
[5] Chúng-he Song-ti khon-ku Yù-thai-ngìn ke-têu chóng-ló; Pô-sṳ̂ ke-têu kôn-chóng kiet-thin tén-to kì-têu hiong Thai-liù-sṳ fòng-ti sung-song chhong-é, tet-tó fì-sin heu chang chhái-chhí hàng-thung.
[6] Yî-ha he Hò-sî-sén sén-chóng Tha̍t-nâi, Sṳ-thâ-Pô-sṳ̂-nâi lâu kì-têu ke khiung-tóng sung-pûn Thai-liù-sṳ fòng-ti ke chhong-é ke fu-pún:
[7] “Ngien Thai-liù-sṳ fòng-ti fàm-sṳ phìn-ôn!
[8] “Ngài-têu yin-kôi po-ko fòng-ti, ngài-têu hi Yù-thai-sén, khon-tó chṳ-thai Song-ti ke sṳn-thien yung thai sa̍k-thèu lòi-hí, pin yû thai-liòng chhap-ngi̍p chhiòng-nui. Liá-hong kûng-chhàng kì-têu cho-to tông sat-mâng, chin-hàng tông-kiak.
[9] “Ngài-têu ham ngìn-mìn ke-têu chóng-ló lâu ngài-têu kóng, má-ngìn ha-lin kì-têu chhùng-kien liá-thien pin vàn-sṳ̀n liá kûng-chhàng.
[10] Ngài-têu ya thó-tó kì-têu ke miàng-tân, án-ngiòng ngài-têu chhiu nèn po-ko fòng-ti, má-ngìn he liá kûng-chhàng ke liâng-thô ngìn.
[11] “Kì-têu en-kóng: ‘Ngài-têu he thiên-thi ke Chú Song-ti ke phu̍k-ngìn. Ngài-têu liá-ha chhùng-sîn siû-kien ke sṳn-thien he tông-tô ngièn chhièn Yî-set-lie̍t yit-vi thai-nèn ke vòng só kien-chho lâu vàn-sṳ̀n ke.
[12] Yîn-vi ngài-têu ke chú-siên ngiâ thiên-táng ke Song-ti fat-khién, Song-ti chiông kì-têu kâu chhai Kâ-le̍t-tí-ngìn Pâ-pí-lùn fòng-ti Nì-pu-kap-nì-sat ke sú-hâ, kì chhiu chhak-thet liá-thien, yu chiông ngìn-mìn chok-to Pâ-pí-lùn hi.
[13] Heu-lòi, chhai Sai-lû-sṳ-vòng cho Pâ-pí-lùn fòng-ti ke thi-yit ngièn, Sai-lû-sṳ ha min-lin chhùng-kien liá sṳn-thien,
[14] yu kûi-vàn yî-chhièn Nì-pu-kap-nì-sat tui Yâ-lu-sat-lâng sṳn-thien chhióng-hi ke ke-têu piong chhai Pâ-pí-lùn sṳ̀n-meu tú ke kîm-ngiùn yung-phín. Sai-lû-sṳ fòng-ti chiông liá-têu yung-phín kâu-pûn yit-ke miàng ôn-to Sat-pâ-sat ke ngìn; kì he Sai-lû-sṳ fòng-ti chṳ́-phai cho Yù-thai sén-chóng ke.
[15] Fòng-ti fûn-fu kì chiông liá-têu yung-phín tai-chón Yâ-lu-sat-lâng ke sṳn-thien, yu chhai sṳn-thien khiu ke thi-tiám chhùng-sîn hí Song-ti ke sṳn-thien.
[16] Só-yî, Sat-pâ-sat chón-lòi, chhai Yâ-lu-sat-lâng tá-hó Song-ti sṳn-thien ke thi-kî; kûng-chhàng tui ke-sṳ̀ to liá-ha yit-chhṳ̍t chin-hàng, hàn-màng vàn-kûng.’
[17] “Liá-ha, fòng-ti na ngin-vì thó-tong, chhiáng phai-ngìn thiàu-chhà Pâ-pí-lùn ke fòng-sṳt ki-liu̍k, khon Sai-lû-sṳ fòng-ti he m̀-he sṳt ha-lin chhùng-kien Yâ-lu-sat-lâng Song-ti ke sṳn-thien, yèn-heu chhiáng fì-sin chṳ́-sṳ ngài-têu, fòng-ti tui liá-khien sṳ oi ngióng-pân cho.”