[1] Ka Esdrasi to Ala delili la k'a jɔ a ka jurumu la, a kasitɔ nana i ɲɔngiri Ala ka so ɲɛ fɛ. Israɛl bɔnsɔn, cɛw ni musow ni denmisɛnw, jamaba nana u lajɛ a kɔrɔ. Mɔgɔw kasira ka ɲɛji caman bɔ.
[2] O tuma la Jehiɛl denkɛ Sekania, ka bɔ Elam bɔnsɔnw na, o y'a fɔ Esdrasi ye ko: «An ye nin jamana musow furu ka jurumu kɛ an ka Ala ɲɛ kɔrɔ, nka halio, jigi bɛ Israɛl bɔnsɔnw fɛ.
[3] Kabini sisan an ka layidu ta an ka Ala ye ko an na nin musow ni u denw bɛɛ bila ka taa ka kɛɲɛ ni ne Matigi ka laadili ni Ala ka ci marabaaw ka laadiliw ye. O ka kɛ ka kɛɲɛ ni sariya ye.
[4] I ka wuli, k'a masɔrɔ o ko ɲɛnabɔbaa ye e de ye. An na fara i kan. I ja gɛlɛya ka o ko ɲɛnabɔ.»
[5] O tuma la Esdrasi wulila ka sarakalasebaa kuntigiw ni Levitew ani Israɛl bɔnsɔnw bɛɛ wele ka u wajibiya ko u ka u kali ko u na o ko fɔlen kɛ. O tuma la u y'u kali.
[6] O kɔ, Esdrasi bɔra Ala ka so kɔnɔ ka taa don Eliasib denkɛ Jokanan ka sibon kɔnɔ. A ma dumuni kɛ, a ma minni kɛ, k'a masɔrɔ a dusu kasilen tun don jɔnyadenw ka jurumu kɛlenw kosɔn.
[7] O tuma la u ye welewele da Juda jamana la ani Jerusalɛm, ko jɔnyadenw bɛɛ ka ɲɔgɔn lajɛ Jerusalɛm,
[8] ko ni mɔgɔ o mɔgɔ ma se yen tile saba kɔnɔ ka kɛɲɛ ni kuntigiw ni cɛkɔrɔbaw ka ci ye, o tigi bolo fɛnw bɛɛ na bɔsi a la k'a gɛn ka bɔ jɔnyadenw cɛma.
[9] Juda bɔnsɔnw ni Benjamɛn bɔnsɔnw bɛɛ ye ɲɔgɔn lajɛ Jerusalɛm tile saba kɔnɔ. O kɛra san kalo kɔnɔntɔnnan tile mugannan don. Jama bɛɛ y'u jɔ Ala ka so dukɛnɛ la. U tun bɛ yɛrɛyɛrɛ o ko kɛlen ani sanji kosɔn.
[10] O kɔ, sarakalasebaa Esdrasi wulila k'i jɔ k'a fɔ mɔgɔw ye ko: «Aw ye jamana wɛrɛ musow furu ka jurumu kɛ ka jalaki bi Israɛl bɔnsɔnw kan.
[11] Nka kabini sisan aw ka jɔ aw ka fililiw la Matigi, aw bɛnbaw ka Ala ɲɛ kɔrɔ ka a sago kɛ k'a dafa. Aw ka fara nin jamana mɔgɔw la ka u ka musow bila.»
[12] Jama bɛɛ ye jaabili kɛ ni kanba ye ko: «Ɔwɔ, i ye min fɔ, an na o kɛ.
[13] Nka mɔgɔw ka ca, sanji ka bon, mɔgɔw tɛ se ka u jɔ kɛnɛma. Ka fara o kan, o ko tɛ se ka ɲɛnabɔ tile kelen wala tile fila kɔnɔ katuguni an la mɔgɔ caman ye jurumu kɛ nin ko la.
[14] An ka kuntigiw ka jɔ ka kuma jama bɛɛ lajɛlen tɔgɔ la. Mɔgɔ o mɔgɔ bɛ an ka duguw kɔnɔ, ni jamana wɛrɛ musow bɛ olu fɛ, olu ni u ka cɛkɔrɔbaw ni u ka kiritigɛlaw ka na ka bɔ duguw bɛɛ kelen-kelen na o waati fɔlen na walisa an ka kisi Ala ka dimiyaba ma, o min wulila an kama o jurumu kosɔn.»
[15] Asahɛl denkɛ Jonatan ni Tikva denkɛ Jakazia dama ma sɔn o miirili ma. Mesulam ni Levite Sabetia ye olu dɛmɛ.
[16] Ayiwa ko min latigɛra, jɔnyadenw ye o kɛ. U ye sarakalasebaa Esdrasi ni gwatigi dɔw ɲɛnatɔmɔ ka kɛɲɛ ni u bɛnbaw bɔnsɔnw ye. Olu bɛɛ tɔgɔw fɔra. U ye o ko ɲɛnabɔli daminɛ san kalo tannan tile fɔlɔ don.
[17] San kalo fɔlɔ tile fɔlɔ don, cɛ minw tun ye jamana wɛrɛ musow furu, u tilara olu ka kow ɲɛnabɔli la.
[18] U y'a sɔrɔ sarakalasebaaw denkɛ dɔw tun ye siya wɛrɛ musow furu. U tɔgɔw filɛ ninw ye. Jozadak denkɛ Josue denkɛw ani a balimakɛw Maseja ni Eliezɛr ni Jarib ani Gedalia.
[19] U ye u tɛgɛ don ɲɔgɔn bolo ko u na u musow bila ka sagajigi bɔ jalaki yafa saraka ye, katuguni u jalaki don.
[20] Imer bɔnsɔnw na, Hanani ni Zebadia.
[21] Harim bɔnsɔnw na, Maseja ni Eli ni Semaɛja ni Jehiɛl ani Oziasi.
[22] Pashur bɔnsɔnw na, Eljoenai ni Maseja ni Isumaɛl ni Netaneɛl ni Jozabad ani Eleasa.
[23] Levitew la, Jozabad ni Simei ani Kelaja, o ye Kelita ye, ani Petakja ni Juda ani Eliezɛr.
[24] Dɔnkili dalaw la, Eliasib. Dakɔlɔsibaaw la, Salum ni Telɛm ani Uri.
[25] Israɛl la, Pareos bɔnsɔnw na, Ramia ni Jizija ni Malkija ni Mijamɛn ni Eleazar ni Malkija ani Benaja.
[26] Elam bɔnsɔnw na, Matania ni Zakari ni Jehiɛl ni Abdi ni Jeremɔt ani Eli.
[27] Zatu bɔnsɔnw na, Eljoenai ni Eliasib ni Matania ni Jeremɔt ni Zabad ani Aziza.
[28] Bebai bɔnsɔnw na, Jokanan ni Hanania ni Zabai ani Atilai.
[29] Bani bɔnsɔnw na, Mesulam ni Maluk ni Adaja ni Jasub ni Seal ani Ramɔt.
[30] Pakat-Moab bɔnsɔnw na, Adna ni Kelal ni Benaja ni Maseja ni Matania ni Bezaleɛl ni Binui ani Manase.
[31] Harim bɔnsɔnw na, Eliezɛr ni Jisija ni Malkija ni Semaɛja ni Simeɔn
[32] ani Benjamɛn ni Maluk ani Semaria.
[33] Hasum bɔnsɔnw na, Matinai ni Matata ni Zabad ni Elifelɛt ni Jeremai ni Manase ani Simei.
[34] Bani bɔnsɔnw na, Madai ni Amram ni Uɛl
[35] ani Benaja ni Bedia ni Keluhu
[36] ani Vania ni Meremɔt ni Eliasib
[37] ani Matania ni Matnai ni Jasai
[38] ani Bani ni Binui ni Simei
[39] ani Selemia ni Natan ni Adaja
[40] ani Maknadibai ni Sasai ni Sarai
[41] ani Azareɛl ni Selemia ni Semaria
[42] ani Salum ni Amaria ani Josɛf.
[43] Nebɔ bɔnsɔnw na, Jeiɛl ni Matitia ni Zabad ni Zebina ni Jadai ni Joɛl ani Benaja.
[44] Olu bɛɛ tun ye siya wɛrɛ musow furu. U dɔw tun ye denw sɔrɔ o musow fɛ.