[1] سولیمان ربّئن معبدئنی، پادشاه سارایینی و تئکمک ائسته‌دئیی بوتون شیلری تاماملاییب قورتاراندان سونرا،
[2] رب گئبعوندا گؤروندویو کئمی ائکئنجی دفه اونا گؤروندو.
[3] رب سولیمانا ددی: «من حوضورومدا اتدئیئن دوعا و یالواریشینی اشئتدئم. آدیمی ابدئلئک اورایا قویماق اوچون تئکدئیئن بو معبدی تقدئس اتدئم. منئم نظرئم و اوره‌یئم دائم اورادا اولاجاق.
[4] اگر منئم سنه امر اتدئکلرئمی یرئنه یتئرئب آتان داوودون یِرئدئیی کئمی اورَک صداقتلئیی و دوغرولوقلا حوضورومدا یِرئیه‌سن، منئم قایدالاریما و حؤکملرئمه عمل اده‌سن،
[5] سنئن پادشاهلیق تختئنی ائسرایئل اوستونده ابده‌جک پایدار اده‌جیم. نجه کی، بونو آتان داوودا دا وعده ورئب دمئشدئم: ”ائسرایئل تختئنده سنئن نسلئندن بئر کئشی اَسکئک اولمایاجاق.“
[6] آمّا اگر سئز و اؤولادلارینیز دالیمجا گتمکدن دؤنوب، قاباغینیزا قویدوغوم امرلرئمه و قایدالاریما عمل اتمیه‌سئنئز، گدئب آیری آللاهلارا قوللوق ادئب اونلارا پرستئش اده‌سئنئز،
[7] او واخت من ائسرایئلی اونلارا وردئیئم تورپاقدان کَسه‌جیم و اؤز آدیما تقدئس اتدئیئم بو معبدی حوضورومدان آتاجاغام. بله‌جه ائسرایئل باره‌ده بوتون خالقلار آراسیندا مَثَل و کئنایه دیئله‌جک.
[8] اوجا اولان بو معبدئن یانیندان کِچَن هر کس مات قالیب دئیه‌جک: ”نه اوچون رب بو تورپاغا و بو معبده بونو اتدی؟“
[9] و دئیه‌جکلر: ”اونا گؤره کی، بو خالق اؤزلرئنئن رب تاریلارینی ترک اتدئلر، او تاری کی، آتالارینی مئصئر تورپاغیندان چیخارتدی و اونلار آیری آللاهلاردان یاپیشیب اونلارا پرستئش و قوللوق اتدئلر. بونا گؤره ده رب بوتون بو بلانی اونلارین اوستونه گؤندَ‌ردی.“»
[10] سولیمان ائکی اِوی یعنی ربّئن معبدئنی و پادشاه سارایینی ائیئرمی ائلده تئکئب قورتاردیقدان سونرا،
[11] صور پادشاهی خئراما گالئل دئیاریندا ائیئرمی شهر وردی، چونکی خئرام سولیمانا اونون بوتون آرزوسونا گؤره سئدر و شام آغاجلاری و قیزیل گؤندَرمئشدی.
[12] خئرام صوردان چیخدی کی، سولیمانین اونا وردئیی شهرلره باخسین. اونلار خئرامین خوشونا گلمه‌دی.
[13] او ددی: «قارداشیم، بو نه شهرلردئر کی، منه ورئبسن؟» بونا گؤره ده اونلار بو گونه قدر کابول تورپاغی چاغیریلیر.
[14] خئرام پادشاها یوز ائیئرمی تالانت قیزیل گؤندَ‌ردی.
[15] سولیمان پادشاه ائجباری فَحله‌لر قویوب بو ائشلری گؤردو: ربّئن معبدئنی، اؤز سارایینی، قالا یاماجینی، اورشلئم دووارینی، خاصورو، مِگئدّونو و گِزِری تئکدی.
[16] چونکی مئصئر پادشاهی فئرعون گلئب گِزِری توتموشدو و اورانی اوددا یاندیرمیشدی. شهرده یاشایان کَنَعانلی‌لاری قیرمیشدی و بو شهری سولیمانین آروادی اولان قیزینا جِهئز ورمئشدی.
[17] سولیمان تزه‌دن گِزِری و او آشاغی بِیت-خورونو تئکدی.
[18] بَعَلاتی، اؤلکه‌ده‌کی صحرالیقدا اولان تَماری،
[19] اؤزونون بوتون آنبار شهرلرئنی، دؤیوش عارابالارینین اولدوغو شهرلری، آتلی‌لارین اولدوغو شهرلری، اورشلئمده، لوبناندا و اونون حؤکمرانلیغی آلتیندا اولان بوتون یِرلرده تئکمک ائسته‌دئیی هر شیی تئکدی.
[20] اؤلکه‌ده ائسرایئل اؤولادلاریندان اولمایان آیری خالقلار یعنی اِمورلولار، خئتلی‌لر، پِرئزلئلر، خئولی‌لر و یِبوسلولار قالمیشدی،
[21] چونکی ائسرایئللی‌لر اونلاردان سونراکی نسئل‌لرئنی کی، اؤلکه‌ده بوراخیلمیشدیلار، محو اده بئلمه‌مئشدئلر. سولیمان اونلاری ائجباری فَحله‌لر اتدی و بو گونه قدر بله‌دئر.
[22] لاکئن ائسرایئل اؤولادلارینی قول اتمه‌دی؛ چونکی دؤیوشچو، اعیانلار، ریئسلر، سرکرده‌لر، اونون دؤیوش عارابالارینین و آتلی‌لارینین باشچیلاری ائدئلر.
[23] بونلار سولیمانین ائشئنه نظارت ادن باش ریئسلر ائدئلر. ائش گؤرَن خالقا ریئسلئک ادن بو آداملار بش یوز اَلّی نفر ائدئلر.
[24] فئرعونون قیزی داوودون شهرئندن سولیمانین اونون اوچون تئکدئیی اِوئنه کؤچدویونده، سولیمان قالا یاماجینی تئکدی.
[25] سولیمان ربّه تئکدئیی قوربانگاهین اوستونده ائلده اوچ دفه یاندیرما و باریش قوربانلاری گتئرئردی، بونونلا برابر ربّئن حوضوروندا بوخور یاندیریردی. بله‌جه او، معبدئن ائشئنی باشا چاتدیردی.
[26] سولیمان پادشاه همچئنئن اِدوم اؤلکه‌سئنده، قیرمیزی دهنزئن کناریندا، اِلوتون یانیندا اولان عِصیون-گِبِرده گَمئلر دوزَلتدی.
[27] خئرام دهنزه بَلَد اولان اؤز گَمئچئلرئنی سولیمانین آداملاری ائله بئرلئکده گَمئلرله گؤندَ‌ردی.
[28] اونلار اوفئره گلدئلر و اورادان دؤرد یوز ائیئرمی تالانت قیزیل گؤتوروب، سولیمان پادشاها گتئردئلر.