[1] رِحوبعام شِکِمه گتدی، چونکی بوتون ائسرایئللی‌لر شِکِمه گلمئشدئلر کی، اونو پادشاه اتسئنلر.
[2] نِباط اوغلو یَروبعام بونو اشئتدئیی زامان، حله مئصئرده ائدی. اورایا سولیمان پادشاهین اَلئندن قاچمیشدی و مئصئرده یاشاییردی.
[3] اونو چاغیرتدیردیلار. یَروبعام گلدی و ائسرایئلئن بوتون جاماعاتی ائله بئرلئکده رِحوبعاملا دانیشیب اونا ددی:
[4] «آتان اوستوموزه آغیر یوغ قویدو. ائندی سن، آتانین چتئن قوللوغونو و اوستوموزه قویدوغو آغیر یوغو یونگوللَشدئر، بئز ده سنه قوللوق اده‌رئک.»
[5] رِحوبعام اونلارا ددی: «ائندی گدئن و اوچ گوندن سونرا گئنه منئم یانیما گلئن.» خالق گتدی.
[6] رِحوبعام پادشاه آتاسی سولیمانین صاغلیغیندا اونا مصلحت ورن آغساقّاللاردان سوروشدو: «بو خالقا جاواب ورمک اوچون منه نه مصلحت ورئرسئنئز؟»
[7] آغساقّاللار اونا ددئلر: «اگر بو گون سن بو خالقا خئدمتچی اولاسان، اونلارا قوللوق اده‌سن و اونلارلا یاخشی دانیشاسان، دائم سنه قول اولاجاقلار.»
[8] لاکئن او، آغساقّاللارین وردئکلری مصلحته محل قویمادی، اونونلا بئرلئکده بؤیوموش و اونا خئدمت ادن جاوان آداملارلا مصلحتلَشدی.
[9] اونلارا ددی: «سئز نه مصلحت ورئرسئنئز؟ منه دیئن بو خالقا کی، ”آتانین اوستوموزه قویدوغو یوغو یونگوللَشدئر“ دیئرلر، نه جاواب ورئم؟»
[10] اونونلا بئرلئکده بؤیوموش جاوان آداملار اونا ددئلر: «سنه ”آتان اوستوموزه آغیر یوغ قویدو، سن اونو یونگوللَشدئر“ دئین بو خالقا بله دِه: ”منئم کئچئک بارماغیم آتامین بِلئندن یوغوندور.
[11] آتام سئزی آغیر یوغلا یوکله‌مئشدی، آمّا من سئزئن یوغونوزو داها دا آرتیراجاغام؛ آتام سئزی قامچیلارلا تَنبِه اتدی، آمّا من سئزی عقربلرله تَنبِه اده‌جیم.“»
[12] یَروبعام بوتون خالقلا بئرلئکده، پادشاهین ددئیی کئمی کی، «اوچ گون سونرا گئنه یانیما گلئن» اوچ گون سونرا رِحوبعامین یانینا گلدئلر.
[13] پادشاه خالقا یاوا جاواب وردی، آغساقّاللارین اونا وردئیی مصلحته محل قویماییب
[14] جاوان آداملارین مصلحتئنه گؤره خالقا ددی: «آتام سئزی آغیر یوغلا یوکله‌مئشدی، آمّا من سئزئن یوغونوزو داها دا آرتیراجاغام؛ آتام سئزی قامچیلارلا تَنبِه ادئردی، آمّا من عقربلرله تَنبِه اده‌جیم.»
[15] بله‌جه پادشاه خالقا قولاق آسمادی، چونکی بو حادئثه رب طرفئندن اولدو کی، او، شئلولو اَخئیا واسئطه‌سی‌ائله نِباط اوغلو یَروبعاما ددئیی سؤزو یرئنه یتئرسئن.
[16] بوتون ائسرایئللی‌لر پادشاهین اونلارا قولاق آسمادیغینی گؤرنده جاواب ورئب ددئلر: «داوودلا بئزئم نه ائشئمئز وار؟ یَسّه‌نئن اوغلوندا ائرثئمئز یوخدور! ای ائسرایئللی‌لر، گدئن اِوئنئزه، ای داوود، ائندی اؤز اِوئنه باخ!» ائسرایئللی‌لر اِولرئنه گتدئلر.
[17] رِحوبعام فقط یهودا شهرلرئنده یاشایان ائسرایئل اؤولادلاری اوستونده پادشاهلیق اتدی.
[18] رِحوبعام پادشاه ائجباری فَحله‌لر اوستونده نظارتچی اولان اَدورامی گؤندَ‌ردی، بوتون ائسرایئللی‌لر اونو داشا باسیب اؤلدوردولر. رحوبعام پادشاه تَلَسئک اؤز دؤیوش عاراباسینا مئندی و اورشلئمه قاچدی.
[19] بله‌جه ائسرایئل داوود سولاله‌سئنئن ضئدّئنه قالخدی و بو گونه قدر بله‌دئر.
[20] بوتون ائسرایئللی‌لر یَروبعامین قاییتدیغینی اشئدنده، اونو اؤز ائجلاسینا چاغیرتدیردیلار و بوتون ائسرایئل اوستونده اونو پادشاه اتدئلر. یهودا قبئله‌سئندن ساوایی، داوود سولاله‌سئنئن دالیسیجا گِدن اولمادی.
[21] رِحوبعام اورشلئمه گلدئکده، بوتون یهودا اِوی ائله بِنیامئن قبئله‌سئنی بئر یره ییغدی کی، ائسرایئل اِوی ائله موحارئبه ادئب پادشاهلیغی سولیمان اوغلو رِحوبعاما قایتارسین: او یوز هشتاد مئن سچمه دؤیوشچوسونو ییغدی.
[22] لاکئن تارینین بو سؤزو تاری آدامی شَمَعیایا نازئل اولدو:
[23] «یهودا پادشاهی سولیمان اوغلو رِحوبعاما، بوتون یهودا و بِنیامئن اِوئنه، قالان خالقا دِه کی،
[24] رب بله دیئر: ”سئز گرک گتمه‌یه‌سئنئز و اؤز هموطنلرئنئز ائسرایئل اؤولادلاری ائله موحارئبه اتمه‌یه‌سئنئز. هر کس اؤز اِوئنه قاییتسین، چونکی بو ائش منئم طرفئمدن اولوب.“» بله‌جه اونلار ربّئن سؤزونه قولاق آسدیلار و ربّئن سؤزونه گؤره گری قاییتدیلار.
[25] یَروبعام اِفرایئمئن داغلیق بؤلگه‌سئنده شِکِمی تئکدی و اورادا یاشادی. اورادان چیخیب پِنواِلی تئکدی.
[26] یَروبعام اوره‌یئنده دوشوندو: «پادشاهلیق گئنه داوود سولاله‌سئنه قاییداجاق.
[27] اگر بو خالق ربّئن معبدئنه قوربان گتئرمک اوچون اورشلئمه گده‌لر، بو خالقین اوره‌یی آغالارینا، یعنی یهودا پادشاهی رِحوبعاما طرف دؤنه‌جک. اونلار دا منی اؤلدوروب یهودا پادشاهی رِحوبعامین طرفئنه کچه‌جکلر.»
[28] پادشاه مصلحتله‌شئب، ائکی قیزیل دانا دوزَلتدی و خالقا ددی: «سئزه اورشلئمه گتمک چوخ آغیر زحمتدئر. ای ائسرایئللی‌لر، باخین، بو دا سئزی مئصئر تورپاغیندان چیخاردان آللاهلارینیز!»
[29] او، دانالاردان بئرئنی بِیت ائلده، او بئرئنی ده داندا قویدو.
[30] بو ائش گوناه اولدو. چونکی خالق اونلاردان بئرئنه پرستئش اتمک اوچون دانا قدر گدئردی.
[31] یَروبعام پرستئشگاهلاردا معبدلر تئکدی و خالقین آراسیندان لاوئلی‌لردن اولمایان کاهئنلر تعیئن اتدی.
[32] یَروبعام سکّئزئنجی آیین اون بشئنجی گونو، یهودادا کچئردئلَن بایرام کئمی، بئر بایرام باشلاتدی و بِیت ائلده دوزَلتدئیی دانالارا قوربان گتئرمک اوچون قوربانگاها قالخدی و تئکدئیی پرستئشگاهلارین کاهئنلرئنی بِیت ائلده وظئفه‌یه قویدو.
[33] او سکّئزئنجی آیین اون بشئنجی گونو، حتّا اؤزوندن ائختئراع اتدئیی آی، ائسرایئل اؤولادلاری اوچون بایرام کچئرتدی و بوخور یاندیرماق اوچون بِیت ائلده دوزَلتدئیی قوربانگاها قالخدی.