[1] ائسرایئل اؤولادلاری مئصئر تورپاغیندان چیخدیقدان دؤرد یوز هشتاد ائل سونرا، سولیمانین ائسرایئل اوستونده پادشاهلیغینین دؤردونجو ائلئنده، ائکئنجی آی اولان زئو آییندا، سولیمان ربّئن معبدئنی تئکمه‌یه باشلادی.
[2] سولیمان پادشاهین ربّه تئکدئیی معبدئن اوزونلوغو آلتمیش قول‌آچ، اِنی ائیئرمی قول‌آچ، و بویو اوتوز قول‌آچ ائدی.
[3] معبدئن بؤیوک اوتاغینین قاباغیندا اولان اِیوانین اوزونلوغو، معبدئن اِنئنه گؤره، ائیئرمی قول‌آچ و اِنی معبدئن قاباغیندا اون قول‌آچ ائدی.
[4] او، معبد اوچون دارالان موشَبّک پنجره‌لر دوزَلتدی.
[5] معبدئن دووارینا بئتئشئک هر طرفدن آرتیرما تئکدی کی، بؤیوک اوتاغی و ائچ اوتاغی دؤوره‌یه آلیردی. اونون ائچئنده معبدی اَحاطه ادن یان اوتاقلار دوزَلتدی.
[6] آرتیرمانین آلت مرتبه‌سئنئن اِنی بش قول‌آچ، اورتاسینداکینین اِنی آلتی قول‌آچ اوچونجوسونون اِنی ده یدّی قول‌آچ ائدی. معبدئن دووارینین اطرافیندا باییر طرفدن چیخینتی‌لار دوزَ‌لدئلمئشدی کی، آرتیرمانین دئرَکلری معبدئن دووارینا دَیمه‌سئن.
[7] معبدئن تئکئلمه‌سی اوچون کارخانادا یونولموش داشلار ائشله‌دئلمئشدی. معبدئن تئکئنتی زامانی، نه چکوج سَسی، نه ائسکَنه سَسی، نه ده آیری بئر دَمئر آلَت سَسی اشئدئلدی.
[8] آشاغی مرتبه‌‌‌نئن گئرئشی معبدئن جنوب طرفئنده ائدی. دؤنَر پئلّه‌کن اورتا مرتبه‌‌یه، اورتا مرتبه‌دن ده اوچونجو مرتبه‌‌یه چیخیردی.
[9] بله‌جه سولیمان معبدی تئکئب قورتاردی. معبدی سئدر آغاجیندان اولان تئرلر و تاختالارلا اؤرتدو.
[10] بوتون معبده بئتئشئک اولان مرتبه‌لری بش قول‌آچ هوندورلویونده تئکدی و بونلار سئدر دئرَکلرله معبده بَرکئدئلمئشدی.
[11] ربّئن بو سؤزو سولیمانا نازئل اولدو:
[12] «سن معبد تئکئرسن. اگر سن منئم قایدالاریملا گده‌سن، حؤکملرئمه عمل ادئب امرلرئمه موناسئب یاشایاسان، من ده آتان داوودا وردئیئم سؤزو، سنئن واسئطَنله یرئنه یتئره‌رم:
[13] ائسرایئل اؤولادلارینین آراسیندا ساکئن اولارام و خالقیم ائسرایئلی ترک اتمه‌رم.»
[14] بله‌جه سولیمان معبدی تئکئب قورتاردی.
[15] معبدئن دووارلارینا ائچه‌رئدن سئدر تاختالارلا اؤرتوک ووردو؛ معبدئن دؤشَمه‌سئندن تاوانا قدر، اونون دووارلارینی ائچه‌رئدن تاختا ائله اؤرتدو و معبدئن دؤشَمه‌سئنی شام آغاجینین تاختالاری ائله اؤرتدو.
[16] معبدئن آرخا طرفئنده، دؤشَمه‌دن تاوانا قدر، بئر بؤلمه آییردی کی، سئدر تاختالارلا اؤرتولموشدو و اوزونلوغو ائیئرمی قول‌آچ ائدی. ائچه‌رئسئنده لاپ موقدّس یر اوچون بئر ائچ اوتاق حاضیرلادی.
[17] ائچ اوتاغین باییریندا اولان بؤیوک اوتاق، قیرخ قول‌آچ اوزونلوغوندا ائدی.
[18] معبدئن ائچئنده‌کی سئدر آغاجلارینین اوستونده بالقاباق و آچیلمیش گوللرئن تصوئری اویولموشدو. هر شی سئدرله اؤرتولموشدو، داش هچ گؤرونموردو.
[19] معبدئن ائچه‌رئسئنده‌کی ائچ اوتاغی دا او، ربّئن عهد ساندیغینی قویماق اوچون حاضیرلادی.
[20] ائچ اوتاغین اوزونلوغو ائیئرمی، اِنی ائیئرمی و بویو ائیئرمی قول‌آچ ائدی. اورانی خالئص قیزیللا اؤرتدو. سئدر آغاجیندان اولان قوربانگاهین دا اوستونو خالئص قیزیللا اؤرتدو.
[21] سولیمان معبدی ائچه‌رئدن خالئص قیزیللا اؤرتدو، ائچ اوتاغین قاباغیندان قیزیل زنجئرلر کچئرتدی و اونو قیزیللا اؤرتدو.
[22] بله‌جه بوتون معبد آخیرا چاتانا قدر، ائچه‌رئسئنی باشدان-باشا قیزیللا اؤرتدو. ائچ اوتاغا عایید اولان قوربانگاهی دا قیزیللا اؤرتدو.
[23] ائچ اوتاقدا ائیده آغاجیندان ائکی کَرّوب دوزَلتدی کی، هر بئرئنئن بویو اون قول‌آچ ائدی.
[24] کَرّوبون بئر قانادینین اوزونلوغو بش قول‌آچ، او بئری قانادینین دا اوزونلوغو بش قول‌آچ ائدی؛ بئر قانادینین اوجوندان او بئری قانادینین اوجونا قدر اون قول‌آچ ائدی.
[25] او بئری کَرّوبون اؤلچوسو ده اون قول‌آچ ائدی. هر ائکی کَرّوب هَمَن اؤلچوده و هَمَن گؤرکَمده ائدئلر.
[26] ائکئسئنئن ده بویو اون قول‌آچ ائدی.
[27] سولیمان کَرّوبلاری معبدئن ائچ اوتاغینین اورتاسینا قویدو. کَرّوبلارین قانادلاری آچیق ائدی. بئر کَرّوبون قانادی بئر دووارا، او بئرئسئنئن قانادی دا او بئری دووارا توخونوردو. اونلارین او بئری قانادلاری معبدئن اورتاسیندا بئربئرئنه توخونوردو.
[28] او، کَرّوبلاری قیزیللا اؤرتدو.
[29] معبدئن ائچ و باییر اوتاغینداکی بوتون دووارلاریندا کَرّوبلارین، خورما آغاجلارینین و آچیلمیش گوللرئن اویما تصوئرئنی دوزَلتدی.
[30] معبدده ائچ و باییر اوتاغین دؤشَمه‌سئنی قیزیللا اؤرتدو.
[31] ائچ اوتاغین گئرئشی اوچون ائیده آغاجیندان چَرچئوه‌لی قاپیلار دوزَلتدی. چَرچئوه‌لی قاپینین گِنئشلئیی، معبدئن گِنئشلئیئنئن بِشده‌بئری ائدی.
[32] او، ائیده آغاجیندان دوزَ‌لدئلمئش ائکی قاپی اوستونده کَرّوبلارین، خورما آغاجلارینین و آچیلمیش گوللرئن تصوئرئنی اویدو و قاپیلاری قیزیللا اؤرتدو. کَرّوبلارین و خورما آغاجلارینین اوستونه قیزیل چکدی.
[33] اِله‌جه ده بؤیوک اوتاغین گئرئشی اوچون ائیده آغاجیندان چَرچئوه دوزَلتدی کی، دووارین دؤردده بئری ائدی،
[34] هَمچئنئن شام آغاجیندان ائکی قاپی دوزَلتدی. بئر قاپینین هر ائکی تایی قاتلانیردی، او بئری قاپینین دا هر ائکی تایی قاتلانیردی.
[35] اونلارین اوستونده کَرّوبلارین، خورما آغاجلارینین، آچیلمیش گوللرئن تصوئرئنی اویدو و اویما ائشئنئن اوستونو قیزیللا دوزگون بئر شکئلده اؤرتدو.
[36] او، ائچه‌ری حَیَطی اوچ ردئف یونولموش داشلاردان و بئر ردئف سئدر دئرَکلردن تئکدی.
[37] دؤردونجو ائلده، زئو آییندا ربّئن معبدئنئن بونؤوره‌سی قویولدو،
[38] اون‌بئرئنجی ائلده، سکّئزئنجی آی اولان بول آییندا، معبد، بوتون لوازئماتی ائله بئرلئکده، بوتون نقشه‌سئنه موطابئق، تئکئلئب قورتاردی. بله‌جه سولیمان اونو یدّی ائلده تئکدی.