[1] داوود پادشاه قوجالیب یاشلانمیشدی؛ اونون اوستونو اؤرتوکلرله نه قدر اؤرتوردولر، گئنه ده قیزیشمیردی.
[2] بونا گؤره اعیانلاری اونا ددئلر: «قوی آغامیز پادشاه اوچون جاوان باکئره بئر قیز آختارسینلار. قوی او، پادشاهین یانیندا قالیب اوندان پرستارلیق اتسئن. و قوینوندا یاتسین کی، آغامیز پادشاه قیزیشسین.»
[3] اونلار ائسرایئلئن بوتون اراضئسئنده گؤزل بئر قیز آختاردیلار و شونِملی اَبئشَگی تاپیب پادشاهین یانینا گتئردئلر.
[4] قیز چوخ گؤزل ائدی. او، پادشاهین پرستاری اولوب اونا خئدمت اتدی، آمّا پادشاه اونونلا یاخینلیق اتمه‌دی.
[5] داوودون خَگّئتدن اولان اوغلو اَدونئیا «من پادشاه اولاجاغام» دیئب اؤزونو اوجالتدی. او اؤزو اوچون دؤیوش عارابالاری، آتلی‌لار و اَلّی نفر حاضیرلادی کی، قاباغیندا قاچسینلار.
[6] آتاسی هچ واخت اونا آجیقلانیب دمه‌مئشدی کی، «نئیه بله ادئبسن؟» اَدونئیا چوخ یاراشیقلی ائدی. او، اَبشالومدان سونرا دونیایا گلمئشدی.
[7] اَدونئیا صِرویا اوغلو یوآب و کاهئن اِبیاتارلا اَل‌بئر اولدو، اونلار دا اَدونئیایا کؤمک اتدئلر.
[8] آمّا کاهئن صادوق، یِهویاداع اوغلو بِنایا، پیغمبر ناتان، شئمعی، رِیعی و داوودون جنگاورلری اَدونئیانین طرفئنده دیئلدئلر.
[9] اَدونئیا عِین‌روگِلئن یاخینلیغینداکی زوخِلِت قایاسیندا قویون، اؤکوز و بَسلَنمئش حیوانلار قوربان کسدی. بوتون قارداشلارینی، یعنی پادشاهین اوغوللارینی و پادشاها قوللوق ادن بوتون یهودالی‌لاری چاغیردی،
[10] آمّا پیغمبر ناتانی، بِنایانی، جنگاورلری و قارداشی سولیمانی چاغیرمادی.
[11] او واخت ناتان سولیمانین آناسی بَتشِبَعدن سوروشدو: «مگر اشئتمه‌یئبسن کی، خَگّئت اوغلو اَدونئیا آغامیز داوودون خبری اولمادان پادشاه اولوب؟
[12] ائندی گل، قوی سنه مصلحت ورئب هم سنئن هم ده اوغلون سولیمانین جا‌نینی حئفظ ادئم:
[13] فورَن داوود پادشاهین یانینا گت و اونا دِه: ”ای آغام پادشاه! مگر بو کنئزئنه آند ائچئب دِمه‌دئن کی، مندن سونرا اوغلون سولیمان قطعن پادشاه اولاجاق و تختئمده او اوتوراجاق؟ بس اوندا نه اوچون اَدونئیا پادشاه اولوب؟“
[14] باخ، سن اورادا پادشاهلا دانیشارکَن من سندن سونرا گلئب، سؤزلرئنی تصدئق اده‌جیم.»
[15] بَتشِبَع اوتاغا، پادشاهین یانینا گتدی. پادشاه چوخ قوجالمیشدی و شونِملی اَبئشَگ اونا خئدمت ادئردی.
[16] بَتشِبَع پادشاهین قاباغیندا دئزه دوشوب تعظئم اتدی. پادشاه ددی: «نه ائسته‌یئرسن؟»
[17] بَتشِبَع اونا ددی: «منئم آغام! بو کنئزئنه تارین ربّئن حاقّی اوچون آند ائچئب ددئن کی، ”مندن سونرا اوغلون سولیمان قطعن پادشاه اولاجاق و تختئمده او اوتوراجاق.“
[18] ائندی باخ، آغام پادشاه، اَدونئیا پادشاه اولوب و سنئن بوندان خبرئن یوخدور.
[19] او، چوخلو اؤکوز، بَسلَنمئش حیوان و قویون-کچی قوربان کسئب و پادشاهین بوتون اوغوللارینی، کاهئن اِبیاتاری و قوشون باشچیسی یوآبی چاغیریب، آمّا قولون سولیمانی چاغیرماییب.
[20] آغام پادشاه، بوتون ائسرایئلئن گؤزو سنده‌دئر؛ سن اونلارا بئلدئرمه‌لی‌سن کی، آغام پادشاهدان سونرا تختئنده کئم اوتوراجاق.
[21] یوخسا آغام پادشاه اؤلوب آتالاری ائله یاتدیقدا، من و اوغلوم سولیمان موقَصّئر ساییلاجاغیق.»
[22] بَتشِبَع حله پادشاهلا دانیشیردی کی، پیغمبر ناتان گلدی.
[23] پادشاها خبر وردئلر: «پیغمبر ناتان بورادادیر.» ناتان پادشاهین حوضورونا گلدی و اوزو اوسته اَیئلئب تعظئم اتدی.
[24] ناتان ددی: «آغام پادشاه! آیا دیئبسن کی، ”مندن سونرا اَدونئیا پادشاه اولاجاق و تختئمده او اوتوراجاق؟“
[25] اَدونئیا بو گون گدئب چوخلو اؤکوز، بَسلَنمئش حیوان و قویون قوربان کسئب و پادشاهین بوتون اوغوللارینی، قوشون باشچیلارینی و کاهئن اِبیاتاری چاغیریب. باخ، اونلار اونون حوضوروندا یِیئب ائچئرلر و ”یاشاسین پادشاه اَدونئیا!“ دیئرلر.
[26] آمّا من قولونو، کاهئن صادوقو، یِهویاداع اوغلو بِنایا و قولون سولیمانی چاغیرماییبدیر.
[27] آیا بو ائش آغام پادشاهین امری ائله اولوب؟ و سن قوللارینا بئلدئرمه‌یئبسن کی، آغام پادشاهدان سونرا تختئنده کئم اوتوراجاق؟»
[28] او واخت داوود پادشاه ددی: «بَتشِبَعی یانیما چاغیرین!» بَتشِبَع پادشاهین حوضورونا گلئب قاباغیندا دوردو.
[29] پادشاه آند ائچئب ددی: «وار اولان ربّه کی، جانیمی بوتون دارلیقلاردان قورتاریب، آند اولسون،
[30] نجه سنئن اوچون ائسرایئلئن تاریسی ربّه آند ائچئب ددئم کی، ”مندن سونرا اوغلون سولیمان پادشاه اولاجاق و منئم یرئمده تختئمده او، اوتوراجاق.“ بونو بو گون حقئقتن یرئنه یتئره‌جیم.»
[31] بَتشِبَع پادشاهین قاباغیندا اوزو اوسته یره اَیئلئب تعظئم اتدی و ددی: «آغام داوود پادشاه ابده‌جک یاشاسین!»
[32] سونرا داوود پادشاه ددی: «کاهئن صادوقو، پیغمبر ناتانی و یِهویاداع اوغلو بِنایانی منئم یانیما چاغیرین.» اونلارین هامیسی پادشاهین حوضورونا گلدئلر.
[33] پادشاه اونلارا ددی: «آغانیزین اعیانلارینی یانینیزا آلین و اوغلوم سولیمانی منئم قاطیریما مئندئرئب گئخون بولاغینا اِندئرئن.
[34] اورادا کاهئن صادوق و پیغمبر ناتان اونو ائسرایئلئن پادشاهی آدیندا مسح اتسئنلر. کَره‌نای چالیب دیئن: ”یاشاسین پادشاه سولیمان!“
[35] سونرا اونون دالینجا قالخین، او دا گلئب تختئمده اوتورسون، چونکی منئم یرئمه پادشاه اولاجاق. اونو ائسرایئل و یهودایا حؤکمدار تعیئن اتمئشم.»
[36] یِهویاداع اوغلو بِنایا پادشاها جاواب ورئب ددی: «آمئن! آغام پادشاهین تاریسی رب بله دیئر.
[37] رب آغام پادشاها یار اولدوغو کئمی، سولیمانا دا یار اولسون و اونون تختئنی آغام داوود پادشاهین تختئندن داها بؤیوک اتسئن.»
[38] کاهئن صادوق، پیغمبر ناتان، یِهویاداع اوغلو بِنایا، کِرِتلی‌لر و پِلِتلی‌لر آشاغی اِنئب سولیمانی داوود پادشاهین قاطیرینا مئندئردئلر و اونو گئخونا قدر آپاردیلار.
[39] کاهئن صادوق عئبادت چادیریندان یاغ بوینوزونو گؤتوروب سولیمانی مسح اتدی. کَره‌نایی چالدیلار و بوتون جاماعات ددی: «یاشاسین پادشاه سولیمان!»
[40] بوتون جاماعات اونون دالینجا قالخیب گتدئلر. اونلار نِی چالاراق اِله سِوئنئردئلر کی، سَسلرئندن یر تئتره‌یئردی.
[41] اَدونئیا و اونونلا اولان بوتون قوناقلار یمکلرئنی قورتاراندا بو سَسی اشئتدئلر. یوآب کَره‌نای سَسئنی اشئدنده ددی: «شهردن نئیه بله گورولتو گلئر؟»
[42] او، سؤزونو قورتارمامیش، بئردن کاهئن اِبیاتارین اوغلو یوناتان گلدی. اَدونئیا اوندان سوروشدو: «گل، سن ائگئد آدامسان، یاخشی خبر گتئرَرسن.»
[43] یوناتان اَدونئیایا جاواب ورئب ددی: «یوخ، اله دیئل. آغامیز داوود پادشاه، سولیمانی پادشاه ادئب.
[44] پادشاه کاهئن صادوقو، پیغمبر ناتانی، یِهویاداع اوغلو بِنایانی، کِرِتلی‌لری و پِلِتلی‌لری ده سولیمانلا بئرلئکده گؤندَ‌رئب. اونلار دا اونو پادشاهین قاطیرینا مئندئرئبلر.
[45] کاهئن صادوق و پیغمبر ناتان گئخوندا اونو پادشاه آدیندا مسح ادئبلر و اورادان شادلیقلا گدئبلر. بونا گؤره ده شهرده بله گورولتو وار. اشئتدئیئنئز سَس بودور.
[46] سولیمان حتّا پادشاهلیق تختئنده اوتوروب.
[47] اوسته‌لئک پادشاهین اعیانلاری آغامیز داوود پادشاهین یانینا تبرئک اتمیه گلئب ددئلر: ”سنئن تارین سولیمانین آدینی سنئن آدیندان داها بؤیوک، تختئنی سنئن تختئندن داها اوجا اتسئن!“ پادشاه دا یاتاغینین اوستونده اَیئلئب.
[48] پادشاه بونو دا دیئب: ”ائسرایئلئن تاریسی رب موبارک اولسون کی، بو گون حله گؤزلرئم گؤرَرکَن، تختئمده اوتوران بئر نفر ورئب!“»
[49] اَدونئیانین بوتون قوناقلاری تشوئشه دوشوب قالخدیلار و هر کس اؤز یولو ائله گتدی.
[50] اَدونئیا سولیماندان قورخوردو. قالخیب گتدی و قوربانگاهین بوینوزلاریندان یاپیشدی.
[51] بونو سولیمانا بئلدئرئب ددئلر: «اَدونئیا سولیمان پادشاهدان قورخور و قوربانگاهین بوینوزلاریندان یاپیشیب دیئر ”قوی سولیمان پادشاه اوّلجه منه آند ائچسئن کی، بو قولونو قیلینج آغزینا ورمه‌یه‌جک.“»
[52] سولیمان ددی: «اگر او، دَیَرلی آدام اولسا، باشیندان بئر توک بله، یره دوشمَز، لاکئن اگر اوندا بئر پئسلئک تاپیلسا، اؤله‌جکدئر.»
[53] سولیمان پادشاه آدام گؤندَ‌رئب اَدونئیانی قوربانگاهدان دوشورتدو. او دا گلئب سولیمان پادشاها تعظئم اتدی. سولیمان اونا ددی: «اِوئنه گت!»