[1] نِباط اوغلو یَروبعامین پادشاهلیغینین اون سکّئزئنجی ائلئنده، اَبئیا یهودا اوستونده پادشاه اولدو.
[2] او، اورشلئمده اوچ ائل پادشاهلیق اتدی؛ آناسینین آدی اَبئشالوم قیزی مَعَکه ائدی.
[3] اَبئیا آتاسینین اوندان قاباق اتدئیی بوتون گوناهلاری ائله گتدی؛ اونون اوره‌یی آتاسی داووددان فرقلی ائدی؛ تاریسی ربّه کامئل باغلی دیئلدی.
[4] لاکئن تاریسی رب، داوودون خاطئرئنه، اونا اورشلئمده بئر چیراق وردی کی، اؤزوندن سونرا اوغلونو اونون یرئنه اوتورتسون و اورشلئمی مؤحکملَندئرسئن.
[5] چونکی داوود ربّئن گؤزونده دوز اولان ائشلر اتدی و بوتون عؤمرو بویو اونون امر اتدئیی هچ بئر شیدن آزمادی، مگر خئتلی اورئیا ائله اولان ائشده.
[6] رِحوبعاملا یَروبعامین آراسیندا موحارئبه، ابئیانین بوتون عؤمرو بویو داوام وردی.
[7] اَبئیانین قالان ائشلری و اونون اتدئیی هر شی باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟ اَبئیا ائله یَروبعام آراسیندا موحارئبه گدئردی.
[8] اَبئیا اؤلوب آتالاری ائله یاتدی و اونو داوودون شهرئنده باسدیردیلار. اونون یرئنه اوغلو آسا پادشاه اولدو.
[9] ائسرایئل پادشاهی یَروبعامین پادشاهلیغینین ائیئرمئنجی ائلئنده، آسا پادشاه اولوب یهودا اوستونده سلطنت اتدی.
[10] او، اورشلئمده قیرخ بئر ائل پادشاهلیق اتدی. بؤیوک نَنه‌سئنئن آدی اَبئشالوم قیزی مَعَکه ائدی.
[11] آسا آتاسی داوود کئمی ربّئن گؤزونده دوز اولان ائشلر اتدی.
[12] او، کئشی فاحئشه‌لری کی، یالان دئنلرئن موطابئقئنه اؤلکه‌ده وار ائدئلر، اؤلکه‌دن قوودو و آتالارینین دوزَلتدئیی بوتون بوتلری آرادان قالدیردی.
[13] بؤیوک نَنه‌سی مَعَکه‌نی ده ملکه‌لئکدن محروم اتدی، چونکی او، ائلاهه اَشِرا اوچون ائیرنج بئر بوت دوزَلتمئشدی. آسا اونون ائیرنج بوتونو کَسئب قئدرون دره‌سئنده یاندیردی.
[14] پرستئشگاهلار آرادان قالدیریلمادی، لاکئن آسانین اوره‌یی بوتون عؤمرو بویو ربّه کامئل بئر شکئلده باغلی ائدی.
[15] او، آتاسینین و اؤزونون وقف اتدئیی اشیالاری، یعنی قیزیلی، گوموشو و قابلاری ربّئن معبدئنه گتئردی.
[16] آسا ائله ائسرایئل پادشاهی بَعشا آراسیندا بوتون عؤمورلری بویو موحارئبه گدئردی.
[17] ائسرایئل پادشاهی بَعشا یهودایا هوجوم اتدی و راما شهرئنی گوجلَندئردی کی، یهودا پادشاهی آسانین یانینا گلئب-گدنلره مانع اولسون.
[18] آسا ربّئن معبدئنئن و پادشاه سارایینین خزئنه‌لرئندن قالان بوتون قیزیل-گوموشو گؤتوروب اعیانلارینا وردی. پادشاه آسا اونلاری دَمَشقده یاشایان اَرام پادشاهی خِزیون اوغلو طَبرئمّون اوغلو بِن‌‌هَدَده بو خبرله گؤندَ‌ردی:
[19] «سنئن آتانلا منئم آتام آراسیندا سازئش وار ائدی، قوی بئزئم آرامیزدا دا سازئش اولسون. باخ، سنه قیزیل-گوموش هدئیّه گؤندَ‌رمئشم. ائسرایئل پادشاهی بَعشا ائله اولان سازئشئنی پوز کی، مندن گری چکئلسئن.»
[20] بِن‌هَدَد آسا پادشاها قولاق آسدی و قوشون باشچیلارینی ائسرایئل شهرلرئنئن اوستونه گؤندَ‌ردی. اونون قوشونو بوتون نَفتالی تورپاغیندان علاوه، عئیّونو، دانی، آبِل-بِیت-مَعَکه‌نی و بوتون کئنّروتو دا اَله کچئرتدی.
[21] بَعشا بونو اشئتدئکده رامانی تئکمه‌یی دایاندیردی و تئرصادا قالدی.
[22] آسا پادشاه ائستئثنا اتمه‌دن بوتون یهودالی‌لاری چاغیردی و اونلار رامادا بَعشانین تئکمکده اولدوغو یرلرئن داشلارینی و دئرکلرئنی داشیدیلار. بونلارلا پادشاه آسا بِنیامئن تورپاغینداکی گئبعانی و مئصپا‌نی تئکدی.
[23] آسانین بوتون قالان ائشلری، اونون بوتون قووّتی، اتدئیی هر شی و تئکدئیی شهرلر باره‌ده مگر یهودا پادشاهلارینین سالنامه‌لر کئتابیندا یازیلماییبدیر؟ لاکئن قوجالیق زامانیندا آسانین آیاقلارینا مرض دوشدو.
[24] آسا اؤلوب آتالاری ائله یاتدی و آتاسی داوودون شهرئنده، آتالارینین یانیندا باسدیریلدی. اونون یرئنه اوغلو یِهوشافاط پادشاه اولدو.
[25] یهودا پادشاهی آسانین پادشاهلیغینین ائکئنجی ائلئنده، یَروبعام اوغلو ناداب ائسرایئل اوستونده پادشاه اولدو و ائسرایئل اوستونده ائکی ائل پادشاهلیق اتدی.
[26] او، ربّئن گؤزونده پئس اولان ائشلر اتدی، آتاسینین یولو ائله و ائسرایئله اتدئردئیی گوناهی ائله گتدی.
[27] یئسّاکار قبئله‌سئندن اَخئیا اوغلو بَعشا اونون ضئدّئنه فئتنه قوردو و فئلئسطلی‌لره عایید اولان گئبّتوندا اونو اؤلدوردو. او زامان ناداب و بوتون ائسرایئللی‌لر گئبّتونو موحاصئره‌یه آلمیشدیلار.
[28] یهودا پادشاهی آسانین پادشاهلیغینین اوچونجو ائلئنده، بَعشا نادابی اؤلدوردو و اونون یرئنه پادشاه اولدو.
[29] او، پادشاه اولدوقدا یَروبعامین بوتون نسلئنی قیردی. یَروبعامدان نفس چکن هر کسی محو ادنه قدر، بئر نفری صاغ بوراخمادی. بله‌جه ربّئن اؤز قولو شئلولو اَخئیا واسئطه‌سی‌ائله ددئیی سؤز یرئنه یِتئشدی.
[30] بو یَروبعامین گوناهلارینا گؤره، ائسرایئله اتدئردئیی گوناهلارا گؤره، و ائسرایئلئن تاریسی ربّی قیزدیریب قضبه گتئرمه‌سئنه گؤره باش وردی.
[31] نادابین قالان ائشلری و اونون اتدئیی هر شی باره‌ده مگر ائسرایئل پادشاهلارینین سالنامه‌لر کئتابیندا یازیلماییبدیر؟
[32] آسا ائله ائسرایئل پادشاهی بَعشا آراسیندا بوتون عؤمورلری بویو موحارئبه گدئردی.
[33] یهودا پادشاهی آسانین پادشاهلیغینین اوچونجو ائلئنده، اَخئیا اوغلو بَعشا بوتون ائسرایئل اوستونده پادشاه اولدو و تئرصادا ائیئرمی دؤرد ائل پادشاهلیق اتدی.
[34] او، ربّئن گؤزونده پئس اولان ائشلر اتدی، یَروبعامین یولو و ائسرایئله اتدئردئیی گوناهی ائله گتدی.