[1] ᐁᑳᐃᐧᔭ ᐅᔭᓱᐋᐧᓯᐁᐧᐠ, ᑭᑕ ᐁᑳ ᑭᐢᑕᐋᐧᐤ ᐅᔭᓱᐋᐧᑎᑲᐃᐧᔦᐠ.
[2] ᑫᑲᐧᐩ ᐃᑕᓱᐁᐧᐃᐧᐣ ᑫ ᐃᑕᓱᐋᐧᓯᐁᐧᔦᐠ, ᐁᑯᓯ ᑭᐢᑕᐋᐧᐤ ᑫ ᐃᑕᓱᐋᐧᑎᑲᐃᐧᔦᐠ; ᒥᓇ ᑫᑲᐧᐩ ᑎᐸᐦᐃᑲᐣ ᑫ ᐃᓯ ᑎᐸᐦᐃᑫᔦᐠ, ᐁᑯᓯ ᑭᐢᑕᐋᐧᐤ ᑫ ᐃᓯ ᑎᐸᐦᐊᒫᑲᐃᐧᔦᐠ.
[3] ᑖᓀᑭ ᒥᓇ ᑳ ᐋᐧᐸᐦᑕᒪᐧᐟ ᑭᒋᐋᐧᑦ ᑳ ᐱᓯᓂᐟ, ᐁᑳ ᒫᑲ ᐁ ᒫᒥᑐᓀᔨᑕᒪᐣ ᑳ ᐱᒥᑖᐢᑲᐧᒧᐠ ᑎᐱᔭᐁᐧ ᑭᐢᑭᓯᑯᕽ?
[4] ᐊᐦᐳ ᑖᓂᓯ ᑫ ᑭ ᐃᓯ ᐃᑕᐟ ᑭᒋᐋᐧᑦ, ᒫᐦᑎ ᓂ ᑲ ᐅᑎᓀᐣ ᑳ ᐱᓯᓂᔭᐣ; ᒫᑲ, ᒋᐢᐟ, ᐱᒥᑖᐢᑲᐧᒧᐣ ᑭᔭ ᑭᐢᑭᓯᑯᕽ?
[5] ᑭᔭ ᐅᑕᔭᒥᐦᐁᑳᓱᐢᐠ, ᓂᑳᐣ ᐁᐧᐱᓇ ᑳ ᐱᒥᑖᐢᑲᐧᒧᐠ ᑭᔭ ᑭᐢᑭᓯᑯᕽ; ᐁᑲᐧ ᒫᑲ ᑫ ᓇᐦᐋᐱᔭᐣ ᑭᑕ ᐅᑎᓇᒪᐧᐟ ᑳ ᐱᓯᓂᐟ ᑭᒋᐋᐧᑦ.
[6] ᐁᑳᐃᐧᔭ ᒥᔨᐦᑯᐠ ᑫᓈᑕᓂᔨᐠ ᐊᑎᒪᐧᐠ, ᒥᓇ ᐁᑳᐃᐧᔭ ᐁᐧᐱᓇᒫᐦᑯᐠ ᑭ ᐋᐧᐁᐧᓯᐦᐅᐃᐧᓂᐋᐧᐊᐧ ᐊᓂᑭ ᑯᑯᓴᐠ, ᒫᐢᑯᐨ ᐃᐧᔭ ᑭᑕ ᑕᑕᑯᐢᑳᑕᒪᐧᐠ ᓯᐹ ᐅ ᓯᑎᐋᐧᕽ, ᒥᓇ ᑭᑕ ᐯ ᑫᐧᐢᑭᐊᐧᐠ ᑭᑕ ᐱᓯᐱᑎᑯᔦᑯᐠ.
[7] ᓇᑐᑕᒫᐠ, ᑭ ᑲ ᒥᔨᑲᐃᐧᓈᐋᐧᐤ ᒫᑲ; ᓇᓈᑐᓂᑫᐠ, ᑭ ᑲ ᒥᐢᑫᓈᐋᐧᐤ ᒫᑲ; ᐹᐹᐊᐧᐦᐃᑫᐠ ᑭ ᑲ ᐹᐢᑭᑌᓇᒫᑲᐃᐧᓈᐋᐧᐤ ᒫᑲ;
[8] ᒋᑫᒫ ᑕᐦᑐ ᐊᐃᐧᔭᐠ ᑳ ᓇᑐᑕᒫᐟ ᐅᑎᓇᑦ; ᒥᓇ ᐊᓇ ᑳ ᓇᓈᑐᓂᑫᐟ ᒥᐢᑲᑦ; ᒥᓇ ᐊᓇ ᑳ ᐹᐹᐊᐧᐦᐃᑫᐟ ᑭᑕ ᐹᐢᑭᑌᓇᒪᐋᐧᐤ.
[9] ᐊᐦᐳ ᑫᑯ ᐊᔨᓯᔨᓂᐤ ᑭᔭᐋᐧᐤ ᑭᐢᐱᐣ ᐅᑯᓯᓴ ᐸᑫᐧᓯᑲᓇ ᓇᑐᑕᒫᑯᐟ, ᐊᓯᓂᔭ ᒋ ᑭᑕ ᒥᔦᐤ?
[10] ᐊᐦᐳ ᑭᓄᓭᐊᐧ ᓇᑐᑕᒫᑯᐟ, ᑭᓀᐱᑲᐧ ᒋ ᑭᑕ ᒥᔦᐤ?
[11] ᑭᐢᐱᐣ ᒫᑲ ᑭᔭᐋᐧᐤ ᐁ ᐋᑕ ᒪᒑᔨᐃᐧᔦᐠ, ᑫᐢᑫᔨᑕᒧᐁᐧᑫᐧ ᑫ ᐃᓯ ᒥᔪ ᒥᔭᔦᑳᐧᐤ ᑭᐟ ᐊᐋᐧᓯᒥᓯᐋᐧᐊᐧᐠ, ᑖᓂᔨᑯᕽ ᒫᑲ ᐃᐧᔭ ᐊᐊᐧᓯᒣ, ᑯᑖᐃᐧᐋᐧᐤ ᑭᐦᒋ ᑭᓯᑯᕽ ᑳ ᐊᔮᐟ ᑫ ᒥᔮᐟ ᒥᔪ ᑫᑲᐧᔭ ᐊᓂᐦᐃ ᑳ ᓇᑐᑕᒫᑯᐟ?
[12] ᐁᐊᐧᑯ ᒫᑲ ᐅᐦᒋ ᑲᐦᑭᔭᐤ ᑫᑲᐧᔭ ᑫ ᐃᓯ ᓇᑕᐁᐧᔨᑕᒪᐋᐧᔦᑳᐧᐤ ᐊᔨᓯᔨᓂᐊᐧᐠ ᑭᑕ ᑐᑖᑯᔦᑯᐠ, ᒣᐧᐦᒋ ᐁᑯᓯ ᑭᐢᑕᐋᐧᐤ ᑐᑖᐦᑯᐠ; ᒋᑫᒫ ᐁᐊᐧᑯ ᐅᒪ ᐅᔭᓱᐁᐧᐃᐧᐣ ᒥᓇ ᐅᑭᐢᑭᐁᐧᐦᐃᑫᐃᐧᔨᓂᐊᐧᐠ.
[13] ᐱᐦᑐᑫᐠ ᐊᓂᒪ ᑳ ᓵᑳᐋᐧᐠ ᐃᐢᑳᐧᑌᑦ; ᒋᑫᒫ ᐊᔭᑲᐢᑳᐤ ᐃᐢᑳᐧᑌᑦ, ᒥᓇ ᐊᔭᑲᐢᑲᑕᒧᐣ ᒣᐢᑲᓇᐤ, ᓂᓯᐊᐧᓈᑎᓯᐃᐧᓂᕽ ᑳ ᐃᑕᒧᐠ, ᒥᐦᒉᑎᐊᐧᐠ ᒫᑲ ᐁᑯᑕ ᐁ ᐱᐦᑐᑫᒋᐠ:
[14] ᒋᑫᒫ ᓵᑳᐋᐧᐤ ᐃᐢᑳᐧᑌᑦ, ᒥᓇ ᓵᑲᐊᐧᒧᐣ ᒣᐢᑲᓇᐤ ᐱᒫᑎᓯᐃᐧᓂᕽ ᑳ ᐃᑕᒧᐠ, ᒐᑲᐋᐧᓯᓯᐊᐧᐠ ᒫᑲ ᑳ ᒥᐢᑲᐦᑭᐠ.
[15] ᐊᔮᑳᐧᒥᓯᐢᑖᑯᐠ ᑭᔮᐢᑭᐃᐧ ᐅᑭᐢᑭᐁᐧᐦᐃᑫᐊᐧᐠ, ᑳ ᐯ ᓈᑎᑯᔦᑯᐠ ᐁ ᒫᔭᑎᐦᑯᐃᐧᔮᑕᐦᑭᐠ, ᒫᑲ ᐱᒋᔭᐤ ᐁ ᐅᑳᓯᑭᒥ ᒪᐦᐃᐦᑲᓂᐃᐧᒋᐠ.
[16] ᐅᑎᑖᑎᓯᐃᐧᓂᐋᐧᐊᐧ ᑭ ᑲ ᐅᐦᒋ ᑭᐢᑫᔨᒫᐋᐧᐊᐧᐠ. ᐊᔨᓯᔨᓂᐊᐧᐠ ᒋ ᒪᐃᐧᓵᐧᑌᐊᐧᐠ ᓲᒥᓇ ᐅᑳᐃᐧᒥᓇᑲᓯᔮᑎᑯᕽ ᐅᐦᒋ, ᐊᐦᐳ ᒥᓂᓴ ᒪᒑᓇᐢᑭᕽ ᐅᐦᒋ?
[17] ᐁᑯᓯ ᒣᐧᐦᒋ ᑳ ᑕᐦᑐ ᒥᔪᐋᐧᑎᑯᐃᐧᐟ ᒥᐢᑎᐠ ᒥᔪ ᒥᓂᓯᐃᐧᐤ; ᒫᑲ ᐃᐧᔭ ᒪᒑᐦᑎᐠ ᒪᒋ ᒥᓂᓯᐃᐧᐤ.
[18] ᓇᒪᐃᐧᔭ ᒥᐋᐧᐦᑎᐠ ᑭᑕ ᑭ ᒪᒋ ᒥᓂᓯᐃᐧᐤ, ᒥᓇ ᓇᒪᐃᐧᔭ ᒪᒑᑎᐠ ᑭᑕ ᑭ ᒥᔪ ᒥᓂᓯᐃᐧᐤ.
[19] ᑕᐦᑐ ᒥᐢᑎᐠ ᐁᑳ ᑳ ᒥᔪ ᒥᓂᓯᐃᐧᐟ ᑭᐢᑲᑕᐋᐧᐤ, ᐁ ᒪᒍᐢᑌᐦᐅᐟ ᒫᑲ.
[20] ᑫ ᐃᓯ ᒥᓂᓯᐃᐧᒋᐠ ᑭ ᑲ ᐅᐦᒋ ᑭᐢᑫᔨᒫᐋᐧᐊᐧᐠ.
[21] ᓇᒪᐃᐧᔭ ᑕᐦᑐ ᐊᓂᑭ ᑳ ᐃᓯᒋᐠ, ᑌᐯᔨᐦᒋᑫᔭᐣ, ᑌᐯᔨᐦᒋᑫᔭᐣ, ᑭᑕ ᐱᐦᑐᑫᐊᐧᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ; ᒫᑲ ᐊᓇ ᑳ ᑐᑕᕽ ᐁᑌᔨᑕᒥᔨᐟ ᓄᑖᐃᐧᔭ ᑭᐦᒋ ᑭᓯᑯᕽ ᑳ ᐊᔮᔨᐟ.
[22] ᒥᐦᒉᐟ ᓂ ᑲ ᐃᑎᑲᐧᐠ ᐁᐊᐧᑯ ᑭᓯᑳᑭ, ᑌᐯᔨᐦᒋᑫᔭᐣ, ᑌᐯᔨᐦᒋᑫᔭᐣ, ᓇᒪ ᒋ ᓂ ᑭ ᑭᐢᑭᐁᐧᐦᐃᑳᓈᐣ ᑭ ᐃᐧᔪᐃᐧᓂᕽ? ᒥᓇ ᑭ ᐃᐧᔪᐃᐧᓂᕽ ᓂ ᑭ ᐅᐦᒋ ᐊᐧᔭᐃᐧ ᐁᐧᐱᓈᓈᓇᐠ ᒪᒋ ᐊᐦᒑᐦᑲᐧᐠ? ᒥᓇ ᑭ ᐃᐧᔪᐃᐧᓂᕽ ᓂ ᑭ ᐅᐦᒋ ᑐᑌᓈᐣ ᒥᐦᒉᐟ ᒫᒪᐢᑳᒋ ᐊᑐᐢᑫᐃᐧᓇ?
[23] ᐁᑲᐧ ᒫᑲ ᑫ ᐃᑕᑭᐠ, ᓇᒪᐃᐧᑳᐨ ᑭ ᑭ ᑭᐢᑫᔨᒥᑎᓈᐋᐧᐤ; ᐊᐊᐧᓯᑎᐠ ᑭᔭᐋᐧᐤ ᑳ ᐊᑐᐢᑳᑕᒣᐠ ᒪᒋᑐᑕᒧᐃᐧᐣ.
[24] ᐁᐊᐧᑯ ᒫᑲ ᐅᐦᒋ ᐊᐃᐧᔭᐠ ᐯᐦᑕᐦᑭ ᐅᐦᐃ ᓂᐟ ᐃᑌᐧᐃᐧᓇ, ᒥᓇ ᐃᑐᑕᐦᑭ, ᑫ ᐃᓯ ᐋᐁᐧᐊᐠ ᐃᔨᓂᓯᐃᐧ ᐊᔨᓯᔨᓂᐤ, ᑳ ᑭ ᐅᓯᑖᐟ ᐅ ᐋᐧᐢᑳᐦᐃᑲᐣ ᑕᑰᐨ ᑭᐢᑖᐱᐢᑯᕽ:
[25] ᑭ ᑭᒥᐊᐧᐣ ᒫᑲ, ᒥᓇ ᑭ ᔨᐢᑭᐯᐤ, ᑭ ᔪᑎᐣ ᒫᑲ, ᒥᓇ ᑭ ᐸᑲᒥᐸᔨᐤ ᐁᑯᑕ ᐋᐧᐢᑳᐦᐃᑲᓂᕽ; ᓇᒪᐃᐧᔭ ᒫᑲ ᑭ ᐸᐦᑭᐦᑎᐣ; ᒋᑫᒫ ᐁ ᑭ ᐅᓯᐦᑖᓂᐃᐧᐠ ᑕᐦᑯᐨ ᑭᐢᑖᐱᐢᑯᕽ.
[26] ᒥᓇ ᑕᐦᑐ ᐊᐃᐧᔭᐠ ᐯᐦᑕᐦᑭ ᐅᐦᐃ ᓂᐟ ᐃᑌᐧᐃᐧᓇ, ᐁᑳ ᒫᑲ ᐁ ᑐᑕᕽ, ᑭᑕ ᐃᓯ ᐋᐁᐧᐋᐤ ᑳ ᑲᑫᐹᑎᓯᐟ ᐊᔨᓯᔨᓂᐤ ᑳ ᐋᐧᐢᑳᐦᐃᑲᓂᑫᐟ ᔦᑲᐃᐧᐢᑳᕽ;
[27] ᑭ ᑭᒥᐊᐧᐣ ᒫᑲ, ᒥᓇ ᑭ ᔨᐢᑭᐯᐤ, ᑭ ᔪᑎᐣ ᒫᑲ, ᒥᓇ ᑭ ᐸᑲᒥᐸᔨᐤ ᐁᑯᑕ ᐋᐧᐢᑳᐦᐃᑲᓂᕽ; ᑭ ᐸᐦᑭᐦᑎᐣ ᒫᑲ; ᒥᐢᑕᐦᐃ ᒫᑲ ᑭ ᓂᓯᐊᐧᓈᒋᐦᒋᑫᐸᔨᐤ.
[28] ᐁᑯᓯ ᑭ ᐃᐦᑭᐣ, ᐃᐢᐱ ᒋᓴᐢ ᑳ ᐳᓂ ᐊᔨᑌᐧᐟ ᐅᐦᐃ ᐃᑌᐧᐃᐧᓇ. ᐊᔨᓯᔨᓂᐊᐧᐠ ᑭ ᒫᒪᐢᑳᓯᑕᒣᐧᐊᐧᐠ ᐅ ᑭᐢᑭᓄᐦᐊᒫᑫᐃᐧᓂᔨᐤ;
[29] ᒋᑫᒫ ᑭ ᐃᓯ ᑭᐢᑭᓄᐦᐊᒫᐁᐧᐤ ᑖᐱᐢᑯᐨ ᐁ ᐊᔮᐟ ᑲᐢᑭᐦᐁᐃᐧᓯᐃᐧᐣ, ᓇᒪᐃᐧᔭ ᑖᐱᐢᑯᐨ ᒪᓯᓇᐦᐃᑫᐃᐧᔨᓂᐊᐧᐠ.