[1] ᐁᑯᐢᐱ ᒋᓴᐢ ᐁ ᐊᔭᒥᐦᐁᑭᓯᑳᔨᐠ ᑭ ᐊᑎ ᓴᐳᐱᒧᑌᐤ ᑭᐢᑎᑳᓂᕽ; ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᑭ ᓄᑌᑲᑌᔨᐊᐧ, ᐁᑯᓯ ᒫᑲ ᑭ ᒪᒪᓂᐱᑌᔨᐊᐧ ᑭᐢᑎᑲᓇ ᑭᑕ ᒧᐊᐧᔨᐟ.
[2] ᒫᑲ ᐃᐢᐱ ᐸᕒᐊᓯᔭᐠ ᐃᐧᔭᐸᑕᑭᐠ, ᐅᒥᓯ ᐃᑌᐊᐧᐠ, ᐊᐧᐸᒥᐠ, ᑭ ᑭᐢᑭᓄᐦᐊᒪᐋᐧᑲᓇᐠ ᑐᑕᒪᐧᐠ ᐊᓂᒪ ᐁᑳ ᑭᑕ ᑐᒋᑳᑌᐠ ᐁ ᐊᔭᒥᐦᐁᑭᓯᑳᐠ.
[3] ᒫᑲ ᐅᒥᓯ ᑭ ᐃᑌᐤ, ᓇᒪ ᒋ ᐃᐧᑲᐨ ᑭ ᑭ ᐊᔭᒥᐦᑖᓈᐋᐧᐤ ᑫᑲᐧᐩ ᑌᐱᐟ ᑳ ᑭ ᑐᑕᕽ ᐃᐢᐱ ᐁ ᓄᑌᑲᑌᐟ, ᒥᓇ ᐊᓂᐦᐃ ᑳ ᐃᐧᒉᐃᐧᑯᐟ;
[4] ᑖᓂᓯ ᐁ ᑭ ᐃᓯ ᐱᑐᑫᐟ ᑭᓭᒪᓂᑐᐊᐧ ᐅ ᐊᐧᐢᑲᐦᐃᑲᓂᔨᕽ, ᐁᑯᓯ ᐁ ᒧᐋᐧᐟ ᑭᐢᑭᓇᐊᐧᒋᒋᑲᓂ ᐸᑫᐧᓯᑲᓇ, ᐊᓂᒪ ᐁᑳ ᐃᐧᔭ ᑭᑕ ᒧᐊᐧᐸᐣ, ᐊᐦᐳ ᐊᓂᐦᐃ ᑳ ᐃᐧᒉᐃᐧᑯᐟ, ᒫᑲ ᐱᑯ ᐊᔭᒥᐦᐁᐃᐧᔨᓂᐊᐧᐠ?
[5] ᐊᐦᐳ ᓇᒪ ᒋ ᐃᐧᑲᐨ ᑭᐟ ᐊᔭᒥᐦᑖᓈᐋᐧᐤ ᐅᔭᓱᐁᐧᐃᐧᓂᕽ, ᑖᓂᓯ ᐁ ᐊᔭᒥᐦᐁᑭᓯᑳᔨᐠ ᐊᔭᒥᐦᐁᐃᐧᔨᓂᐊᐧᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ ᑳ ᐃᓯ ᐱᑯᓇᑭᐠ ᐊᔭᒥᐦᐁᑭᓯᑲᐤ, ᐁᑯᓯ ᐁᑳ ᐁ ᐊᑭᑕᒪᒋᐠ?
[6] ᒫᑲ ᓂᔭ ᑭᐟ ᐃᑎᓈᐋᐧᐤ, ᐅᑕ ᐊᔮᐤ ᐯᔭᐠ ᐊᐊᐧᓯᒣ ᐁ ᑭᐦᒐᔨᐃᐧᐟ ᐃᐢᐱᐨ ᑭᐦᒋ ᐊᔭᒥᐦᐁᐃᐧᑲᒥᐠ.
[7] ᒫᑲ ᑭᐢᐱᐣ ᑭ ᑭᐢᑫᔨᑕᒧᐁᐧᑯᐸᓀ ᑖᓂᓯ ᐅᒪ ᐁ ᐃᑌᐧᒪᑲᐠ, ᓂ ᓇᑕᐁᐧᔨᑌᐣ ᑭᓭᐊᐧᑎᓯᐃᐧᐣ, ᓇᒪᐃᐧᔭ ᒫᑲ ᐸᑭᑎᓇᓱᐃᐧᐣ, ᓇᒪᐃᐧᔭ ᑭ ᑲ ᓇᓂᐳᒫᐋᐧᐤ ᐊᓇ ᐁᑳ ᑲ ᒪᒋᑐᑕᕽ.
[8] ᒋᑫᒪ ᐃᔨᓂᐃᐧᑯᓯᓵᐣ ᐃᐧᔭ ᒥᓇ ᑎᐯᔨᑕᑦ ᐊᔭᒥᐦᐁᑭᓯᑳᐤ.
[9] ᐃᐢᐱ ᒫᑲ ᐁᑎ ᓯᐯᐧᑌᐟ, ᑭ ᐱᐦᑐᑫᐤ ᐅᐟ ᐊᔭᒥᐦᐁᐃᐧᑲᒥᑯᔨᕽ.
[10] ᒋᐢᐟ ᒫᑲ, ᐁᑯᑕ ᑭ ᐊᔮᐤ ᐊᔨᓯᔨᓂᐤ ᑳ ᓂᐳᒪᑲᓂᔨᐠ ᐅᒋᐦᒋ. ᐁᑯᓯ ᒫᑲ ᑭ ᑲᑫᐧᒋᒣᐊᐧᐠ, ᐅᒥᓯ ᐁ ᐃᑕᒋᐠ, ᑲᐧᔭᐢᐠ ᒋ ᑭᑕ ᐃᔨᓂᑲᐃᐁᐧᕽ ᐁ ᐊᔭᒥᐦᐁᑭᓯᑲᐠ? ᑭᑕ ᐅᐦᒋ ᒥᓯᒪᒋᐠ.
[11] ᐅᒥᓯ ᒫᑲ ᑭ ᐃᑌᐤ, ᑫᑯ ᐊᔨᓯᔨᓂᐤ ᑭᔭᐋᐧᐤ ᐅᒪ ᑳ ᐃᑕᓯᔦᐠ, ᐊᔭᐊᐧᐟ ᐯᔭᐠ ᒫᔭᑎᐦᑲᐧ, ᑭᐢᐱᐣ ᒫᑲ ᐊᐧᑎᑲᓂᕽ ᐸᐦᑭᓯᓂᔨᐟ ᐁ ᐊᔭᒥᐦᐁᑭᓯᑳᔨᐠ, ᓇᒪ ᒋ ᑭᑕ ᐅᑎᐦᑎᓀᐤ, ᐁᑯᓯ ᑭᑕ ᐅᒋᐱᑕᐟ?
[12] ᐊᐧᐃᐧᐢ ᒋ ᒫᑲ ᐃᐧᔭ ᐊᔨᓯᔨᓂᐤ, ᐊᐊᐧᓯᒣ ᐁ ᐃᑌᔨᑖᑯᓯᐟ ᐃᐢᐱᐨ ᒫᔭᑎᐦᑯᐢ? ᐁᑯᓯ ᒫᑲ ᑲᐧᔭᐢᐠ ᑭᑕ ᒥᔪ ᑐᒋᑲᑌᐠ ᐁ ᐊᔭᒥᐦᐁᑭᓯᑲᐠ.
[13] ᐁᑯᐢᐱ ᒫᑲ ᐃᑌᐤ ᐊᓂᐦᐃ ᓈᐯᐊᐧ ᓱᐃᐧᓂᐢᑫᔨ. ᐁᑯᓯ ᒫᑲ ᑭ ᓱᐃᐧᓂᐢᑫᔨᐤ; ᐁᐊᐧᑯ ᒫᑲ ᐅᒋᐦᒋ ᑭ ᒥᔪ ᐊᔮᐤ ᑖᐱᐢᑯᐨ ᑯᑕᐠ.
[14] ᐁᑯᐢᐱ ᒫᑲ ᐸᕒᐊᓯᔭᐠ ᑭ ᐊᐧᔭᐃᐧᐊᐧᐠ, ᒥᓇ ᐁ ᑭ ᒫᐊᐧᒋᐃᑐᒋᐠ ᐁ ᐅᔭᓱᐊᐧᑕᒋᐠ, ᑖᓂᓯ ᑭᑕ ᐃᓯ ᓂᓯᐊᐧᓈᒋᐋᒋᐠ.
[15] ᐃᐢᐱ ᒫᑲ ᒋᓴᐢ ᑫᐢᑫᔨᑕᕽ, ᐁᑯᑕ ᑭ ᐅᐦᒋ ᓯᐯᐧᑕᐃᓱ: ᒥᐦᒉᐟ ᒫᑲ ᑭ ᐱᒥᑎᓴᐦᐅᐠ, ᐁᑯᓯ ᑲᐦᑭᔭᐤ ᑭ ᐃᔨᓂᑲᐦᐁᐤ;
[16] ᑭ ᐊᔭᑲᐧᒥᒣᐤ ᒫᑲ ᐁᑳ ᑭᑕ ᑭᐢᑫᔨᑕᑯᐦᐃᑯᐟ;
[17] ᑭᑕ ᑎᐱᐸᔨᐠ ᒫᑲ ᐊᓂᒪ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ ᐊᐩᓵᔭ, ᐅᒥᓯ ᐁ ᑭ ᐃᑌᐧᐟ,
[18] ᐊᐧᐸᒥᕽ ᐊᐊᐧ ᓂᐟ ᐊᑐᐢᑫᔭᑲᐣ, ᑲ ᑭ ᐊᐧᐁᐧᔦᔨᒪᐠ; ᑳ ᓵᑭᐦᐊᐠ, ᑳ ᒥᔪᔭᐁᐧᐃᑯᐟ ᓂᐟ ᐊᐦᒐᕽ; ᓂ ᑲ ᑭᑭᐢᑲᒧᑎᔮᐤ ᓂᐟ ᐊᒐᐦᑲᐧ, ᐁᑯᓯ ᒫᑲ ᑭᑕ ᐊᐧᐸᑎᔦᐤ ᐅᔭᓱᐋᐧᓯᐁᐧᐃᐧᓂᔨᐤ ᒉᐣᑕᐃᓬᐊ.
[19] ᓇᒪᐃᐧᔭ ᑭᑕ ᐃᐧ ᓴᑯᒋᒥᐁᐧᐤ, ᒥᓇ ᓇᒪᐃᐧᔭ ᑭᑕ ᑕᑌᐯᐧᐤ; ᐊᐦᐳ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᐯᐦᑕᒣᐧᐤ ᐅ ᐯᐦᑖᑯᓯᐃᐧᐣ ᐱᒧᐦᑌᐢᑲᓇᕽ.
[20] ᐊᓂᒪ ᑳ ᐋᔨᑕᐃᑳᑌᐠ ᐊᓂᐢᑲᐊᐧᐢᐠ ᓇᒪᐃᐧᔭ ᑭᑕ ᐱᑯᓇᑦ, ᒥᓇ ᐊᓂᒪ ᑳ ᐊᒋᐢᑕᐊᐧᑯᔦᐠ ᐃᐢᑯᑌᐤ ᓇᒪᐃᐧᔭ ᑭᑕ ᐊᐢᑌᐁᐧᐊᑦ, ᐃᔨᑯᕽ ᑫ ᐯ ᐃᓯᑎᓴᐊᕽ ᐅᔭᓱᐊᐧᓯᐁᐧᐃᐧᐣ ᓴᑯᑕᐧᐃᐧᓂᕽ.
[21] ᒥᓇ ᒫᑲ ᐅᐟ ᐃᓯᔨᐦᑳᓱᐃᐧᐣ ᑭᑕ ᒪᒥᓯᑐᑕᒥᔨᐊᐧ ᒉᐣᑕᐃᓬᐊ.
[22] ᐁᑯᐢᐱ ᒫᑲ ᑳ ᐯᑕᒪᐦᐟ ᐯᔭᐠ ᐁ ᐅᐃᐧᔭᐃᐧᐢᑲᑯᔨᐟ ᒪᒋ ᐊᐦᒐᐦᑲᐧ, ᐁᑳ ᐁ ᐋᐧᐱᐟ, ᒥᓇ ᐁᑳ ᐁ ᓂᑕᐁᐧᐟ; ᐁᑯᓯ ᒫᑲ ᑭ ᐃᔨᓂᑲᐦᐁᐤ, ᐊᓇ ᒫᑲ ᐁᑳ ᑳ ᑭ ᐋᐧᐱᐟ ᒥᓇ ᐁᑳ ᑳ ᑭ ᓂᐦᑖᐁᐧᐟ, ᑭ ᐊᔭᒥᐤ ᒥᓇ ᑭ ᐊᐧᐱᐤ.
[23] ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᒫᒪᐢᑳᑕᒪᐧᐠ, ᐅᒥᓯ ᐁ ᑭ ᐃᑌᐧᒋᐠ, ᓇᒪ ᒋ ᐊᐊᐧ ᑌᐱᐟ ᐅ ᑯᓯᓴ?
[24] ᒫᑲ ᐃᐢᐱ ᐸᕒᐊᓯᔭᐠ ᐱᔦᐦᑕᐦᑭᐠ, ᐅᒥᓯ ᑭ ᐃᑌᐧᐊᐧᐠ, ᐊᐊᐧ ᓇᒪᐃᐧᔭ ᐊᐧᔭᐃᐧᐁᐧᐱᓀᐤ ᒪᒋ ᐊᐦᒐᐦᑲᐧ, ᐁᐃᐧᒋᐦᐃᑯᐟ ᐱᑯ ᐯᓬᓯᐸᑊ ᐅᐟ ᐅᑭᒪᒥᐊᐧᐊᐧ ᒪᒋ ᐊᐦᒐᐦᑲᐧᐠ.
[25] ᒋᓴᐢ ᒫᑲ ᑭ ᑭᐢᑫᔨᑕᒣᐧᐤ ᐅ ᒪᒥᑐᓀᔨᒋᑲᓂᔨᐊᐧ, ᐅᒥᓯ ᒫᑲ ᑭ ᐃᑌᐤ, ᑳ ᐃᑕᑎᕽ ᐅᑌᓇᐤ ᑳ ᓇᓈᓂᐢᒋᐦᐃᓱᒪᑲᕽ ᓂᓯᐊᐧᓈᑕᐣ; ᒥᓇ ᑳ ᐃᑕᑎᕽ ᐅᑌᓇᐤ ᐊᐦᐳ ᐊᐧᐢᑲᐦᐃᑲᐣ ᑳ ᓇᓈᓂᐢᒋᐦᐃᓱᒪᑲᕽ ᓇᒪᐃᐧᔭ ᑭᑕ ᓂᐸᐃᐧᒪᑲᐣ;
[26] ᑭᐢᐱᐣ ᒫᑲ ᓭᑕᐣ ᐊᐧᔭᐃᐧᐁᐧᐱᓈᒋ ᓭᑕᓇ, ᓇᓈᓂᐢᒋᐦᐃᓱ; ᑖᓂᓯ ᒫᑲ ᑫ ᑭ ᐃᓯ ᓂᐸᐃᐧᒪᑲᓂᔨᐠ ᐅᐟ ᐅᑌᓇᐃᐧᐃᐧᐣ?
[27] ᑭᐢᐱᐣ ᒫᑲ ᐯᓬᓯᐸᑊ ᐅᐦᒋ ᓂᔭ ᐁ ᐊᐧᔭᐃᐧᐁᐧᐱᓇᑭᐠ ᒪᒋ ᐊᐦᒐᐦᑲᕽ, ᐊᐁᐧᔨᐊᐧ ᒫᑲ ᐃᐧᔭ ᑭᐟ ᐊᐋᐧᓯᒥᓯᐊᐧᐊᐧᐠ ᐁᐧᒋ ᐊᐧᔭᐃᐧᐁᐧᐱᓈᒋᐠ? ᐁᐊᐧᑯ ᒫᑲ ᐅᐦᒋ ᑫ ᐃᐧᔭᓱᐊᐧᑎᑯᔦᑳᐧᐤ.
[28] ᒫᑲ ᑭᐢᐱᐣ ᑭᓭᒪᓂᑐ ᐅᐟ ᐊᐦᒐᐦᑲᐧ ᐅᐦᒋ ᐊᐧᔭᐃᐧᐁᐧᐱᓇᑭᐠ ᒪᒋ ᐊᐦᒐᐦᑲᕽ, ᐁᑯᓯ ᐁᓴᓂ ᐁᐧᑎᑎᑯᔦᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ.
[29] ᐊᐦᐳ ᑖᓂᓯ ᐯᔭᐠ ᑫ ᑭ ᐃᓯ ᐃᑐᑫᐟ ᐅ ᐊᐧᐢᑲᐦᐃᑲᓂᔨᕽ ᐊᓂᐦᐃ ᒣᐢᑲᐃᐧᓯᔨᐟ ᐊᔨᓯᔨᓂᐊᐧ, ᐁᑯᓯ ᑭᑕ ᓂᓯᐊᐧᓈᒋᑕᐊᐧᐟ ᐅᐟ ᐊᔮᓂᔨᐊᐧ, ᑭᐢᐱᐣ ᐁᑳ ᓂᑳᐣ ᑭ ᒪᒪᐦᒋᑲᐧᐱᑕᒋ ᒣᐢᑲᐃᐧᓯᔨᐟ ᐊᔨᓯᔨᓂᐊᐧ? ᐁᑲᐧ ᒫᑲ ᑫ ᓂᓯᐊᐧᓈᒋᑕᐊᐧᐟ ᐅ ᐊᐧᐢᑲᔨᑲᓂᔨᐤ.
[30] ᐊᓇ ᐃᓴ ᐁᑳ ᐃᐧᔨᒉᐃᐧᐟ, ᓂᒫᔦᔨᒥᐠ; ᐊᓇ ᒥᓇ ᐁᑳ ᑳ ᐃᐧᒋ ᒫᐊᐧᒋᐦᒋᑫᒥᐟ, ᐊᐧᓴᐢᐁᐧᐱᓂᑫᐤ.
[31] ᐁᐊᐧᑯ ᒫᑲ ᐅᐦᒋ ᑭᐟ ᐃᑎᓈᐋᐧᐤ, ᑲᐦᑭᔭᐤ ᓇᓇᑐᕽ ᒪᒋᐃᑎᐃᐧᐣ, ᒥᓇ ᐸᐢᑕᒧᐃᐧᐣ ᑭᑕ ᐳᓀᔨᑕᒪᐊᐧᐊᐧᐠ ᐊᔨᓯᔨᓂᐊᐧᐠ; ᒫᑲ ᐊᓂᒪ ᐁ ᐸᐢᑕᒧᐃ ᐃᑎᐦᐟ ᑳ ᑲᓈᑎᓯᐟ ᐊᐦᒐᕽ ᓇᒪ ᐃᐧᔭ ᑭᑕ ᐳᓀᔨᑕᒪᐊᐧᐊᐧᐠ.
[32] ᐊᐃᐧᔭᐠ ᒫᑲ ᓈᓂᑕᐤ ᑫ ᐃᓯ ᒪᒋ ᐊᔨᑕᑫᐧ ᐃᔨᓂᐃᐧᑯᓯᓵᓇ, ᑭᑕ ᐳᓀᔨᑕᒪᐋᐧᐤ; ᒫᑲ ᐃᐧᔭ ᐊᐃᐧᔭᐠ ᓈᓂᑕᐤ ᑫ ᐃᑕᑫᐧ ᑲᓇᒋ ᐊᐦᒐᐦᑲᐧ, ᓇᒪᐃᐧᔭ ᑭᑕ ᐳᓀᔨᑕᒪᐋᐧᐤ, ᓇᒪᐃᐧᔭ ᐅᑕ ᐊᐢᑭᕽ, ᓇᒪᐃᐧᔭ ᒥᓇ ᐊᐢᑭ ᑫ ᐯ ᑕᑯᓯᓄᒪᑲᕽ.
[33] ᓂᑯᑖᐧ ᒥᔪ ᐅᓯᐃᕽ ᒥᐢᑎᐠ, ᒥᓇ ᐅ ᒥᓂᓯᐃᐧᐃᐧᐣ ᒥᔪᑕᐋᐧᕽ; ᐊᐦᐳ ᒪᔨ ᐅᓯᐃᕽ ᒥᐢᑎᐠ, ᒥᓇ ᐅ ᒥᓂᓯᐃᐧᐃᐧᐣ ᒪᔨ ᐅᓯᑕᐋᐧᕽ; ᒋᑫᒪ ᒥᐢᑎᐠ ᐅ ᒥᓂᓯᐃᐧᐃᐧᓂᕽ ᐅᐦᒋ ᑭᐢᑫᔨᑖᑯᓯᐤ.
[34] ᐅ ᑭᔭᐋᐧᐤ ᐅ ᓂᐦᑖᐃᐧᑭᐋᑲᓂᐋᐊ ᑭᓀᐱᑲᐧᐠ, ᑖᓂᓯ ᑭᔭᐋᐧᐤ, ᐁ ᒪᒐᔨᐃᐧᔦᐠ, ᑫ ᑭ ᐃᓯ ᐱᑭᐢᑲᐧᑕᒣᐠ ᑳ ᒥᐋᐧᓯᑭ? ᒋᑫᒪ ᐁ ᐃᑕᐢᑌᐠ ᒥᑌᐃᕽ ᐃᓯ ᐊᔭᒥᒪᑲᐣ ᒥᑐᐣ.
[35] ᒥᔪ ᐊᔨᓯᔨᓂᐤ ᐁ ᐃᓯ ᒥᔪ ᐊᐢᑕᐧᐟ ᐅᑌᐃᕽ ᐯ ᐅᐦᒋ ᐊᐧᔭᐃᐧᑕᑕᐤ ᒣᐊᐧᓯᓂᔨᑭ; ᒥᓇ ᒫᑲ ᒪᒋ ᐊᔨᓯᔨᓂᐤ ᐁ ᐃᓯ ᒪᒋ ᐊᐢᑕᐧᐟ ᐯ ᐅᐦᒋ ᐊᐧᔭᐃᐧᑕᑕᐤ ᒣᒐᔨᐊᐧᓂᔨᑭ.
[36] ᒫᑲ ᓂᔭ ᑭᐟ ᐃᑎᓈᐋᐧᐤ, ᑲᐦᑭᔭᐤ ᐸᑲᐧᓂᑕ ᐊᔭᒥᐃᐧᓂᔨᐤ ᐊᔨᓯᔨᓂᐊᐧᐠ ᑫ ᐊᔨᑌᐧᒋᐠ, ᑭᑕ ᐊᑐᑕᒪᐧᐠ ᐃᐢᐱ ᐅᔭᓱᐁᐧᐃᐧᑭᓯᑲᔨᑭ:
[37] ᒋᑫᒪ ᑭᐟ ᐊᔭᒥᐃᐧᓇ ᑭ ᑲ ᐅᐦᒋ ᑲᐧᔭᐢᑳᐧᑎᓯᐊᐧᑫᔨᒥᑲᐃᐧᐣ ᒥᓇ ᑭᐟ ᐊᔭᒥᐃᐧᓇ ᑭ ᑲ ᐅᐦᒋ ᓇᓂᐳᒥᑲᐃᐧᐣ.
[38] ᐁᑯᓯ ᒫᑲ ᐊᑎᐦᐟ ᐅᒪᓯᓇᐃᑫᐃᐧᔨᓂᐊᐧᐠ, ᒥᓇ ᐸᕒᐊᓯᔭᐠ, ᑭ ᓇᐢᑫᐧᐊᐧᓯᒣᐊᐧᐠ, ᐅᒥᓯ ᐁ ᐃᑕᒋᐠ, ᑫᐢᑭᓄᐊᒪᑫᔭᐣ, ᑭ ᐸᑯᓭᔨᒥᑎᓇᐣ ᑭᐢᑭᓇᐊᐧᒋᒋᑲᐣ ᑭᑕ ᐋᐧᐸᐦᑕᐃᔭᕽ.
[39] ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᑳ ᒪᒐᔨᐃᐧᒋᐠ ᒥᓇ ᑳ ᐱᓯᑲᐧᑎᓯᐢᑭᒋᐠ ᐅᑯ ᐯᒪᑎᓯᒋᐠ ᑳ ᓇᓇᑐᓇᑲᐧᐤ ᑭᐢᑭᓇᐊᐧᒋᒋᑲᐣ; ᐁᑯᓯ ᒫᑲ ᓇᒪᐃᐧᔭ ᑫᑲᐧᐩ ᑭᐢᑭᓇᐊᐧᒋᒋᑲᐣ ᑭᑕ ᐸᑭᑎᓇᒪᐊᐧᐊᐧᐠ, ᐱᑯ ᐊᓂᒪ ᐅ ᑭᐢᑭᓇᐊᐧᒋᒋᑲᐣ ᐅᑭᐢᑭᐁᐧᐦᐃᑫᐤ ᒍᓇᐢ:
[40] ᒋᑫᒪ ᒣᐧᐦᒋ ᒍᓇᐢ ᑳ ᑭ ᐃᓯ ᐊᔭᐟ ᓂᐢᑐ ᑭᓯᑳᐊᐧ. ᒥᓇ ᓂᐢᑐ ᑎᐱᐢᑲᐊᐧ ᐊᐧᐸᒣᑲᐧ ᐊᐧᑕᔨᕽ: ᐁᑯᓯ ᒣᐧᐦᒋ ᐃᔨᓂᐃᐧᑯᓯᓵᐣ ᓂᐢᑐ ᑭᓯᑳᐊᐧ ᒥᓇ ᓂᐢᑐ ᑎᐱᐢᑲᐊᐧ ᑫ ᐃᓯ ᐊᔭᐟ ᐊᓂᑕ ᐊᑕᒥᕽ ᐊᐢᑭᕽ.
[41] ᓂᓂᐱ ᐊᔨᓯᔨᓂᐊᐧᐠ ᑭᑕ ᐊᐧᓂᐢᑳᐊᐧᐠ ᐅᔭᓱᐁᐧᐃᐧᓂᕽ ᐊᓯᒋ ᐅᐦᐃ ᑳ ᐱᒫᑎᓯᔨᐟ, ᐁᑯᓯ ᒫᑲ ᑭᑕ ᓇᓂᐳᒣᐊᐧᐠ; ᒋᑫᒪ ᑭ ᑫᐧᐢᑲᑎᓯᐊᐧᐠ ᐁ ᑲᑫᐢᑭᒥᐁᐧᔨᐟ ᒍᓇᓴ; ᒋᐢᐟ ᒫᑲ, ᐊᐊᐧᓯᒣ ᑫᐦᒐᔨᐃᐧᐟ ᐃᐢᐱᐨ ᒍᓇᐢ, ᐅᑕ ᐊᔮᐤ.
[42] ᑭᐦᒋ ᐅᑭᒪᐢᑫᐧᐤ ᓴᐊᐧᓄᕽ ᑳ ᐅᐦᒋᐟ ᑭᑕ ᐊᐧᓂᐢᑳᐤ ᐅᔭᓱᐁᐧᐃᐧᑭᓯᑲᑭ ᐊᓯᒋ ᐅᐦᐃ ᑳ ᐱᒫᑎᓯᔨᐟ, ᐁᑯᓯ ᒫᑲ ᑭᑕ ᓇᓂᐳᒣᐤ: ᒋᑫᒪ ᓇᐢᐱᐨ ᐊᐧᔭᐤ ᐊᐢᑭᕽ ᑭ ᐯ ᐅᐦᑐᐦᑌᐤ ᑭᑕ ᐯᐦᑕᕽ ᐅᐟ ᐊᔨᓂᓯᐃᐧᓂᔨᐤ ᓴᓬᐅᒪᓇ; ᒋᐢᐟ ᒫᑲ, ᐊᐊᐧᓯᒣ ᑫᐦᒐᔨᐃᐧᐟ, ᐃᐢᐱᐨ ᓴᓬᐅᒪᐣ ᐅᑕ ᐊᔮᐤ.
[43] ᐃᐢᐱ ᒪᒋ ᐊᐦᒐᕽ ᐁᐧᔭᐃᐧᐢᑲᐊᐧᒋ ᐊᔨᓯᔨᓂᐊᐧ, ᐱᒧᐦᑌᐤ ᐃᑕ ᐁ ᐸᐢᑌᔨᐠ, ᐁ ᓇᓇᑐᓇᕽ ᐊᔦᐧᐱᐃᐧᐣ, ᒫᑲ ᐁᑳ ᐁ ᒥᐢᑲᕽ.
[44] ᐁᑯᓯ ᒫᑲ ᐃᑌᐧᐤ, ᓂᑭᕽ ᓂ ᑲ ᐃᓯ ᑭᐊᐧᐣ ᐃᑌ ᑳ ᑭ ᐯ ᐅᐦᒋ ᐊᐧᔭᐃᐧᔮᐣ; ᐃᐢᐱ ᒫᑲ ᐁ ᑕᑯᓯᕽ, ᒥᐢᑲᑦ ᐁ ᐱᓯᓯᑲᐧᐢᑌᔨᐠ, ᐁ ᑭ ᐁᐧᐸᐃᑫᐃᐧᐦᐟ, ᒥᓇ ᐁ ᑲᐧᔭᒋᒋᑲᑌᔨᐠ.
[45] ᐁᑯᓯ ᒫᑲ ᐃᑐᐦᑌᐤ ᐁ ᑭ ᐅᑎᓇᒪᓱᐟ ᒫᑲ ᑯᑕᑲ ᑌᐸᑯᑊ ᒪᒋ ᐊᐦᒐᐦᑲᐧ, ᐊᐊᐧᓯᒣ ᐁ ᒪᒐᑎᓯᔨᐟ ᐃᐢᐱᐨ ᐃᐧᔭ, ᐁᑯᓯ ᒫᑲ ᐱᐦᑐᑫᐊᐧᐠ ᐁᑯᑕ ᐁ ᐃᐧᑭᒋᐠ; ᐊᓂᒪ ᒫᑲ ᐃᐢᑲᐧᔮᐨ ᐅᐟ ᐃᓯ ᐊᔭᐃᐧᐣ ᐊᐊᐧ ᐊᔨᓯᔨᓂᐤ ᐊᐊᐧᓯᒣ ᒪᒐᔨᐊᐧᓂᔨᐤ ᐃᐢᐱᐨ ᓂᐢᑕᑦ. ᐁᑯᓯ ᒫᑲ ᒥᓇ ᑫ ᐃᐦᑎᒋᐠ ᐅᑯ ᑳ ᐱᒫᑎᓯᒋᐠ ᑳ ᒪᒐᔨᐃᐧᒋᐠ.
[46] ᒣᑳᐧᐨ ᒫᑲ ᑫᔮᐱᐨ ᐁ ᐊᔭᒥᐊᐟ ᐅᐦᐃ ᐊᔨᓯᔨᓂᐊᐧ, ᒋᐢᐟ, ᐅᑳᐃᐧᔭ ᒥᓇ ᐃᐧᒋᓴᓇ ᐊᐧᔭᐃᐧᑎᒥᕽ ᑭ ᓂᐸᐃᐧᔨᐊᐧ, ᐁ ᐸᑯᓭᔨᒧᔨᐟ ᑭᑕ ᐃᐧᒋ ᐊᔭᒥᒥᑯᐟ.
[47] ᐁᑯᓯ ᐯᔭᐠ ᐅᒥᓯ ᑭ ᐃᑎᐠ, ᒋᐢᐟ, ᑭᑲᐃᐧ ᒥᓇ ᑭᒋᓴᓇᐠ ᐊᐧᔭᐃᐧᑎᒥᕽ ᓂᐸᐃᐧᐊᐧᐠ, ᐁ ᐸᑯᓭᔨᒧᒋᐠ ᑭᑕ ᐊᔭᒥᐃᐢᑭᐠ.
[48] ᒫᑲ ᑭ ᓇᐢᑫᐧᐊᐧᓯᒣᐤ ᐊᓂᐦᐃ ᑳ ᐃᐧᐦᑕᒪᑯᐟ ᐅᒥᓯ ᐁ ᑭ ᐃᑕᐟ, ᐊᐁᐧᓇ ᓂᑲᐃᐧ? ᒥᓇ ᐊᐁᐧᓂᑭ ᓂᒋᓴᓇᐠ?
[49] ᐁᑯᓯ ᒫᑲ ᑭ ᓱᐃᐧᓂᐢᑫᐢᑕᐁᐧᐤ ᐊᓂᐦᐃ ᐅ ᑭᐢᑭᓄᐦᐊᒪᐋᐧᑲᓇ, ᐅᒥᓯ ᐁ ᑭ ᐃᑕᐟ, ᒋᐢᐟ ᓂᑲᐃᐧ, ᒥᓇ ᓂᒋᓴᓇᐠ!
[50] ᒋᑫᒪ ᑭᐢᐱᐣ ᐊᐃᐧᔭᐠ ᑫ ᑐᑕᒧᑫᐧ ᐅᐟ ᐃᑌᔨᑕᒧᐃᐧᐣ ᓄᑖᐃᐧ ᑭᐦᒋ ᑭᓯᑯᕽ ᑳ ᐊᔭᐟ, ᐁᐊᐧᑯ ᓂᒋᐋᐧᑦ, ᒥᓇ ᓂᑕᐁᐧᒪᐤ, ᒥᓇ ᓂᑲᐃᐧ.