[1] ᑭ ᐅᑎᐦᒋᐸᔨᐤ ᒫᑲ, ᐃᐢᐱ ᒋᓴᐢ ᑳ ᐳᓂ ᐊᔨᑌᐧᐟ ᐅᐦᐃ ᐃᑌᐧᐃᐧᓇ, ᑲᓬᐊᓬᐃᕽ ᑭ ᐊᑎ ᐅᐦᒋ ᓯᐯᐧᑌᐤ, ᑭ ᐯᒋ ᐃᑐᐦᑌᐤ ᒫᑲ ᒍᑎᐊ ᐊᐢᑭᕽ, ᐊᐊᐧᓯᑌᑫᑲᑦ ᒑᕒᑕᓂᕽ;
[2] ᑭᐦᒋ ᒥᐦᒉᐟ ᒫᑲ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ; ᐁᑯᑌ ᒫᑲ ᑭ ᐃᔨᓂᑲᐦᐁᐤ.
[3] ᐸᕒᐊᓯᔭᐠ ᒫᑲ ᑭ ᐯ ᓈᑌᐊᐧᐠ, ᐁ ᐃᐧ ᑲᑫᐧᒋᐊᒋᐠ, ᐅᒥᓯ ᒫᑲ ᐁ ᐃᑕᒋᐠ, ᑲᐧᔭᐢᐠ ᐃᑌᔨᑕᑲᐧᐣ ᒋ ᐊᔨᓯᔨᓂᐤ ᑭᑕ ᐁᐧᐱᓈᐟ ᐃᐧᐊᐧ, ᐱᑯ ᑫᑲᐧᐩ ᐅᐦᒋ?
[4] ᑭ ᓇᐢᑫᐧᐊᐧᓯᒣᐤ ᒪᑳ ᐅᒥᓯ ᐁ ᑭ ᐃᑖᐟ, ᓇᒪ ᒋ ᑭ ᑭ ᐊᔭᒥᐦᑖᓈᐋᐧᐤ, ᐊᓇ ᓂᐢᑕᑦ ᑳ ᑭ ᐅᓯᐋᐟ, ᐁ ᑭ ᐅᓯᐋᐟ ᓇᐯᐊᔭᐊᐊᐧ ᒥᓇ ᓄᓭᐊᔭᐊᐊᐧ.
[5] ᐅᒥᓯ ᒫᑲ ᑭ ᐃᑌᐧᐤ, ᐁᐊᐧᑯ ᐅᒪ ᐅᐦᒋ ᓈᐯᐤ ᑭᑕ ᓇᑲᑌᐤ ᐅᑖᐃᐧᔭ ᒥᓇ ᐅᑳᐃᐧᔭ, ᐁᑯᓯ ᒫᑲ ᑭᑕ ᐃᐧᒉᐋᐧᐟ ᐃᐧᐊᐧ; ᐁᑯᓯ ᒫᑲ ᐁ ᑭ ᓂᓯᒋᐠ ᐁᑲᐧ ᑭᑕ ᐯᔭᑯ ᐃᐧᔭᓭᒋᐠ?
[6] ᐁᐊᐧᑯ ᒫᑲ ᐅᐦᒋ, ᓇᒪᐃᐧᔭ ᓂᓯᐊᐧᐠ, ᒫᑲ ᐯᔭᐠ ᐃᐧᔭᐢ. ᐁᑯᓯ ᒫᑲ ᐊᓂᒪ ᑭᓭᒪᓂᑐ ᑳ ᑭ ᓂᓱ ᐃᐧᒉᐊᐧᑲᓂᑕᐟ, ᑭᔮᑦ ᐁᑳᐃᐧᔭ ᐊᐃᐧᔭᐠ ᐊᔨᓯᔨᓂᐤ ᑭᑕ ᓇᓇᓂᐢᒋᑖᐤ.
[7] ᐅᒥᓯ ᒫᑲ ᐃᑌᐊᐧᐠ, ᑖᓀᑭ ᒫᑲ ᒧᓯᐢ ᑳ ᑭ ᐃᑎᑯᔮᕽ ᑭᑕ ᒣᑭᔮᕽ ᐁᐧᐱᓂᑐᐃᐧ ᒪᓯᓇᐦᐃᑲᓂᔨᐤ, ᐁᑯᓯ ᒫᑲ ᑭᑕ ᐁᐧᐱᓇᔮᕽ?
[8] ᐅᒥᓯ ᒫᑲ ᐃᑌᐤ, ᒧᓯᐢ ᒋᑫᒪ ᑭ ᒪᐢᑲᐃᐧᑌᐁᐃᐧᓂᐋᐧᐤ ᑭ ᑭ ᐅᐦᒋ ᐃᑕᓱᐊᐧᑎᑯᐋᐧᐤ ᑭᑕ ᐁᐧᐱᓈᔦᑲᐧᐤ ᑭᐃᐧᐊᐧᐊᐧᐠ: ᒫᑲ ᐃᐧᔭ ᓂᐢᑕᑦ ᐅᐦᒋ ᓇᒪᐃᐧᔭ ᐁᑯᓯ ᑭ ᐃᐦᑭᐣ.
[9] ᓂᔭ ᒫᑲ ᐃᐧᔭ ᑭᐟ ᐃᑎᓈᐋᐧᐤ, ᑭᐢᐱᐣ ᐊᐃᐧᔭᐠ ᑫ ᐁᐧᐱᓇᑫᐧ ᐃᐧᐊᐧ, ᑭᐢᐱᐣ ᓇᒪᐃᐧᔭ ᐱᓯᑲᐧᑎᓯᐃᐧᐣ ᐅᐦᒋ, ᐁᑯᓯ ᒫᑲ ᑯᑕᑲ ᐃᐧᑭᒪᒋ, ᐱᓯᑲᐧᑎᓯᐤ ᐃᓴ; ᑭᐢᐱᐣ ᒫᑲ ᐊᐃᐧᔭᐠ ᑫ ᐃᐧᑭᒪᑫᐧ ᐊᓂᐦᐃ ᑳ ᐁᐧᐱᓂᒥᐟ ᐱᓯᑲᐧᑎᓯᐤ ᐃᓴ.
[10] ᐅ ᑭᐢᑭᓄᐦᐊᒪᐋᐧᑲᓇ ᐅᒥᓯ ᐃᑎᐠ, ᑭᐢᐱᐣ ᐅᒪ ᐁᑭᓄᑫᐧ ᐊᔨᓯᔨᓂᐤ ᐊᓯᒋ ᐃᐧᐊᐧ, ᓇᒪᐃᐧᔭ ᒥᐋᐧᓯᐣ ᑭᑕ ᐃᐧᑭᑐᓇᓂᐊᐧᕽ.
[11] ᒫᑲ ᐅᒥᓯ ᑭ ᐃᑌᐤ, ᓇᒪᐃᐧᔭ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᑭ ᐅᑎᓇᒪᐧᐠ ᐅᒪ ᐊᔭᒥᐃᐧᐣ, ᐱᑯ ᐊᓂᑭ ᑳ ᒥᔨᒋᐠ.
[12] ᒋᑫᒪ ᐊᑎᐟ ᐃᑕᐊᐧᐠ ᐋᔨᐦᑫᐧᐤ ᓈᐯᐊᐧᐠ ᑳ ᑭ ᐃᓯ ᓂᐦᑖᐃᐧᑭᐃᑯᒋᐠ ᐅᑲᐃᐧᐊᐧᐊᐧ: ᒥᓇ ᒫᑲ ᐃᐦᑕᐊᐧᐠ ᐋᔨᐦᑫᐧᐤ ᓈᐯᐊᐧᐠ, ᑳ ᑭ ᐃᓯ ᐅᓯᐃᑯᒋᐠ ᐊᔨᓯᔨᓂᐊᐧ: ᐃᐦᑖᐊᐧᐠ ᒥᓇ ᐋᔨᐦᑫᐧᐤ ᓈᐯᐊᐧᐠ ᑳ ᑭ ᐃᓯᐃᓱᒋᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐅᐦᒋ. ᐊᓇ ᑫᐢᑭᑕᐠ ᑭᑕ ᐅᑎᓇᕽ, ᑭᔮᑦ ᑭᑕ ᐅᑎᓇᑦ.
[13] ᐁᑯᐢᐱ ᒫᑲ ᐁᑯᑕ ᑭ ᐯᑕᒪᐋᐧᐤ ᐊᐊᐧᓯᓴ, ᑭᑕ ᓴᒥᓈᐟ, ᒥᓇ ᑭᑕ ᐊᔭᒥᐦᐋᐟ; ᑭᐢᑭᓄᐦᐊᒪᐋᐧᑲᓇᐠ ᒫᑲ ᑭ ᑭᑕᐦᐊᒪᐁᐧᐊᐧᐠ.
[14] ᒫᑲ ᒋᓴᐢ ᐅᒥᓯ ᑭ ᐃᑌᐧᐤ, ᑭᔮᑦ ᓂ ᑲ ᐯ ᓇᑎᑲᐧᐠ ᐊᐊᐧᓯᓴᐠ, ᐁᑳᐃᐧᔭ ᒫᑲ ᑭᑕᐦᐊᒪᑯᐠ, ᑭᑕ ᐯ ᓇᓯᒋᐠ; ᒋᑫᒪ ᐁᐅᑯᓂᐠ ᑫ ᐊᔮᒋᐠ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ
[15] ᐁᑯᓯ ᒫᑲ ᑭ ᓵᓵᒥᓀᐤ, ᒥᓇ ᐁ ᑭ ᐊᑎ ᐃᓯ ᓯᐯᐧᑌᐟ.
[16] ᒋᐢᐟ ᒫᑲ, ᐯᔭᐠ ᑭ ᐯᓇᑌᐤ, ᐅᒥᓯ ᒫᑲ ᐁ ᑭ ᐃᑖᐟ, ᒣᔮᐧᑎᓯᔭᐣ ᐅᑭᒫᐤ, ᑫᑲᐧᐩ ᐁ ᒥᐋᐧᓯᐠ ᑫ ᑐᑕᒫᐣ, ᑭᑕ ᐊᔮᔮᐣ ᑲᑭᑫ ᐱᒫᑎᓯᐃᐧᐣ?
[17] ᐅᒥᓯ ᒫᑲ ᑭ ᐃᑌᐤ, ᑖᓀᑭ ᒥᔪᐊᐧᑎᐢ ᑳ ᐃᓯᔨᐦᑳᓯᔭᐣ? ᓇᒪᐃᐧᔭ ᐊᐃᐧᔭᐠ ᒥᔮᐧᑎᓯᐤ ᐱᑯ ᐯᔭᐠ, ᐁᐊᐧᑯ ᑭᓭᒪᓂᑐ; ᒫᑲ ᑭᐢᐱᐣ ᐁᑌᔨᑕᒧᐊᐧᓀ ᑭᑕ ᐱᐦᑐᑫᔭᐣ ᐱᒫᑎᓯᐃᐧᓂᕽ, ᑲᓇᐁᐧᔨᑕ ᐅᔭᓱᐁᐧᐃᐧᓇ
[18] ᐅᒥᓯ ᒫᑲ ᐃᑌᐤ, ᑕᓂᐃ? ᒋᓴᐢ ᑭ ᐃᑌᐤ, ᓇᒪᐃᐧᔭ ᑭ ᑲ ᓂᐸᑖᑳᐣ, ᓇᒪᐃᐧᔭ ᑭ ᑲ ᐱᓯᑲᐧᑎᓯᐣ, ᓇᒪᐃᐧᔭ ᑭ ᑲ ᑭᒧᑎᐣ, ᓇᒪᐃᐧᔭ ᑭ ᑲ ᑭᔭᐢᑭᐤ ᐊᒋᒧᐣ,
[19] ᑭᐢᑌᔨᑦ ᑯᑕᐃᐧ ᒥᓇ ᑭᑲᐃᐧ; ᒥᓇ, ᑭ ᑲ ᓴᑭᐋᐤ ᑭᐦᒋ ᐊᔨᓯᔨᓂᐤ ᑖᐱᐢᑯᐨ ᑳ ᐃᓯ ᓴᑭᐃᓱᔭᐣ.
[20] ᐊᓇ ᒫᑲ ᐅᐢᑭᓃᑭᐤ ᐅᒥᓯ ᐃᑌᐤ, ᑲᐦᑭᔭᐤ ᐅᐦᐃ ᐁ ᐅᐢᑭᓂᑭᔭᐣ ᓂ ᑭ ᐯ ᐅᐦᒋ ᑲᓇᐁᐧᔨᑌᐣ; ᑫᑲᐧᐩ ᒫᑲ ᑫᔮᐱᐨ ᒣᓀᓯᔮᐣ?
[21] ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑭᐢᐱᐣ ᐊᐧ ᑭᓯᐃᑯᐃᐧᓯᐊᐧᓀ, ᓯᐯᐧᐦᑌ ᓇᑕᐃᐧ ᐊᑕᐊᐧᑫ ᑲᐦᑭᔭᐤ ᐊᓂᒪ ᑳ ᐊᔮᔭᐣ, ᒥᓇ ᒥᔨᐠ ᑫᑎᒪᑭᓯᒋᐠ, ᐁᑯᓯ ᒫᑲ ᑭ ᑲ ᐊᐢᑕᐧᑲᓂᑲᓱᐣ ᑭᐦᒋ ᑭᓯᑯᕽ; ᒥᓇ ᐯ ᐃᑐᐦᑌ ᑭᑕ ᐱᒥᑎᓴᐅᔭᐣ.
[22] ᒫᑲ ᐃᐢᐱ ᐅᐢᑭᓂᑭᐤ ᐱᔦᐦᑕᕽ ᐁᐊᐧᑯ ᐃᑌᐧᐃᐧᐣ, ᑭ ᐊᑎ ᓯᐯᐧᑌᐤ ᐁ ᒥᒋᔭᐁᐧᓯᐟ; ᒋᑫᒪ ᑭᐦᒋ ᐁᐧᔪᑎᓯᐃᐧᓇ ᐁ ᐊᔭᐟ.
[23] ᐁᑲᐧ ᒫᑲ ᒋᓴᐢ ᐅᒥᓯ ᑭ ᐃᑌᐤ ᐅ ᑭᐢᑭᓄᐦᐊᒪᐋᐧᑲᓇ, ᑖᐯᐧ ᑭᐟ ᐃᑎᓈᐋᐧᐤ, ᐅᐁᐧᔪᑎᓯᐃᐧᔨᓂᐤ ᐊᑲᐊᐧᐨ ᑭᑕ ᐱᐦᑐᑫᐤ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᓂᕽ.
[24] ᒥᓇ ᒫᑲ ᐅᒥᓯ ᑭᐟ ᐃᑎᓈᐋᐧᐤ, ᓇᐊᐧᐨ ᐁᐧᐦᑕᐣ ᐱᐢᑲᐧᐃᐧᑲᓀᐃᐧᐱᓯᐢᑭᐤ ᑭᑕ ᓴᐳᑌᐟ ᐁ ᐸᑯᓀᔭᔨᐠ ᓴᐳᓂᑲᓂᔨᐤ, ᐃᐢᐱᐨ ᐃᐧᔭ ᐁᐧᔪᑎᓯᐃᐧᔨᓂᐤ ᑭᑕ ᐱᐦᑐᑫᐟ ᑭᓭᒪᓂᑐᐊᐧ ᐅᐟ ᐅᑌᓇᐃᐧᐃᐧᓂᔨᕽ.
[25] ᐃᐢᐱ ᒫᑲ ᐅ ᑭᐢᑭᓄᐦᐊᒪᐋᐧᑲᓇ ᐱᔦᑕᒥᔨᐟ, ᓇᐢᐱᐨ ᑭ ᒫᒪᐢᑳᑕᒥᔨᐊᐧ, ᐅᒥᓯ ᐁ ᐃᑌᐧᔨᐟ, ᐊᐁᐧᓇ ᒫᑲ ᑫ ᑭ ᐱᒪᒋᐅᐟ?
[26] ᒫᑲ ᒋᓴᐢ ᑭ ᑲᓇᐊᐧᐸᒣᐤ, ᐅᒥᓯ ᒫᑲ ᐁ ᐃᑖᐟ, ᐊᔨᓯᔨᓂᐊᐧᐠ ᐃᐧᔭ ᐅᒪ ᓇᒪᐃᐧᔭ ᑭᑕ ᑭ ᐃᑭᓂᔨᐤ, ᒫᑲ ᐃᐧᔭ ᑭᓭᒪᓂᑐ ᑲᐦᑭᔭᐤ ᑫᑲᐧᐩ ᐁᐧᑕᓂᔨᐤ.
[27] ᐁᑯᓯ ᒫᑲ ᐱᑕᕒ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑖᐟ, ᒋᐢᐟ, ᑲᐦᑭᔭᐤ ᓂ ᑭ ᓇᑲᑌᓇᐣ, ᐁᑯᓯ ᒫᑲ ᐁ ᑭ ᐱᒥᑎᓴᐅᑖᕽ; ᑫᑲᐧᐩ ᒫᑲ ᐁᑲᐧ ᑫ ᐊᔮᔮᕽ?
[28] ᒋᓴᐢ ᒫᑲ ᐅᒥᓯ ᑭ ᐃᑌᐤ, ᑖᐯᐧ ᑭᐟ ᐃᑎᓈᐋᐧᐤ, ᑭᔭᐋᐧᐤ ᑲ ᑭ ᐱᒥᑎᓴᐅᔦᐠ, ᐊᓂᑕ ᐅᐢᑭ ᐊᔭᐃᐧᓂᕽ, ᐃᐢᐱ ᐃᔨᓂᐃᐧᑯᓯᓵᐣ ᐊᐱᒋ ᐅᐟ ᐅᑭᒫᐊᐧᐱᐃᐧᓂᕽ ᒪᒪᐦᑖᑯᓯᐃᐧᓂᕽ, ᑭᔭᐋᐧᐤ ᒥᓇ ᑭ ᑲ ᐊᐱᓈᐋᐧᐤ ᒥᑖᑕᐦᐟ ᓂᓱᓵᑊ ᐅᑭᒫᐊᐧᐱᐃᐧᓇ, ᑭᑕ ᐅᔭᓱᐋᐧᑕᔦᑯᐠ ᒥᑖᑕᐦᐟ ᓂᓱᓵᑊ ᐅᐟ ᐊᐊᐧᓯᒥᓴ ᐃᐢᕒᐁᐃᓬ.
[29] ᑕᐦᑐ ᒫᑲ ᐊᓂᑭ ᑳ ᑭ ᓇᑲᑕᐦᑭᐠ ᐃᐧᑭᐊᐧᐊᐧ, ᐊᐦᐳ ᐃᐧᒋᓴᓂᐋᐧᐊᐧ, ᐊᐦᐳ ᐅᑕᐁᐧᒪᐊᐧᐊᐧ, ᐊᐦᐳ ᐅᐦᑕᐃᐧᐋᐧᐊᐧ, ᐊᐦᐳ ᐅᑲᐃᐧᐋᐧᐊᐧ, ᐊᐦᐳ ᐃᐧᐃᐧᐋᐧᐊᐧ, ᐊᐦᐳ ᐅᐟ ᐊᐋᐧᓯᒥᓯᐋᐧᐊᐧ, ᐊᐦᐳ ᐅᐟ ᐊᐢᑭᐋᐧᐤ, ᓂ ᐃᐧᔪᐃᐧᐣ ᐅᐦᒋ, ᑭᑕ ᐅᑎᓇᒪᐠ ᒥᑖᑐᒥᑕᓇᐤ ᐊᔨᐊᐧᐠ ᐃᔨᑯᕽ, ᒥᓇ ᒫᑲ ᑭᑕ ᐊᔭᐊᐧᐠ ᑲᑭᑫ ᐱᒫᑎᓯᐃᐧᐣ.
[30] ᒫᑲ ᒥᐦᒉᑎᐊᐧᐠ ᑳ ᓂᑳᓂᒋᐠ ᐁᑯᓯ ᒫᑲ ᑭᑕ ᐅᑕᓇᑫᒋᐠ; ᐊᓂᑭ ᒥᓇ ᑳ ᐅᑕᓇᑫᒋᐠ ᑭᑕ ᓂᑲᓂᐊᐧᐠ.