[1] ᐃᐢᐱ ᒫᑲ ᑳ ᐳᓂ ᓂᑯᑖᐧᓱ ᑭᓯᑳᔨᐠ ᒋᓴᐢ ᑭ ᐅᑎᓀᐤ ᐱᑕᕒ, ᒉᒥᐢ, ᒥᓇ ᒐᐣ ᐅᒋᐋᐧᒪ, ᐁ ᑭ ᐃᑐᐦᑕᐦᐋᐟ ᒫᑲ ᐁ ᐃᐢᐸᔨᐠ ᐊᐧᒋᕽ.
[2] ᐁᑯᓯ ᒫᑲ ᐁ ᑭ ᑫᐧᐢᑭᓇᑯᓯᐟ ᐁ ᑲᓇᐊᐧᐸᒥᑯᐟ; ᐱᓯᒧᕽ ᐁ ᑭ ᐃᓯ ᐊᐧᓯᑫᐧᓱᐟ, ᒥᓇ ᐅᐟ ᐊᔪᐃᐧᓂᓴ ᑭ ᐊᐧᐱᐢᑲᔨᐊᐧ ᑖᐱᐢᑯᐨ ᐊᐧᓭᔭᓯᐃᐧᐣ.
[3] ᒋᐢᐟ ᒫᑲ, ᐁᑯᑕ ᑭ ᓄᑯᐦᐃᓱᐢᑕᑲᐧᐠ ᒧᓯᐢ ᒥᓇ ᐃᓬᐊᔭᐢ, ᐁ ᑭ ᐃᐧᒋ ᐊᔭᒥᒥᑯᐟ.
[4] ᐁᑯᐢᐱ ᒫᑲ ᐱᑕᕒ ᑭ ᓇᐢᑫᐧᐊᐧᓯᒥᐁᐧᐤ, ᐅᒥᓯ ᐁ ᑭ ᐃᑖᐟ ᒋᓴᓴ, ᑌᐯᔨᐦᒋᑫᔭᐣ, ᑖᐯᐧ ᒥᐋᐧᓯᐣ ᐅᑕ ᑭᑕ ᐊᔮᔭᕽ; ᑭᐢᐱᐣ ᐃᑌᔨᑕᒪᓂ, ᒪᐦᑎ ᑭᔮᑦ ᓂᐢᑐ ᒥᑭᐋᐧᐦᐸ ᓂ ᑲ ᐅᓯᐦᑕᓈᐣ; ᑭᔭ ᐯᔭᐠ ᑭᑕ ᐊᔮᔭᐣ, ᒥᓇ ᐯᔭᐠ ᒧᓯᐢ, ᒥᓇ ᐯᔭᐠ ᐃᓬᐊᔭᐢ.
[5] ᒣᑳᐧᐨ ᒫᑲ ᑫᔮᐱᐨ ᐁ ᐊᔭᒥᐟ, ᒋᐢᐟ, ᐁ ᐋᐧᓭᔮᐠ ᐊᐧᐢᑯ ᑭ ᐊᑲᐧᓂᐊᐧᓭᐢᑳᑲᐧᐠ: ᐁᑯᑕ ᒫᑲ ᐊᐧᐢᑯᕽ ᑭ ᐯ ᐅᐦᒋᐸᔨᐤ ᐃᑌᐧᐃᐧᐣ, ᐅᒥᓯ ᐁ ᐃᑌᐧᒪᑲᕽ, ᐁᐊᐧᑯ ᐊᐊᐧ ᑳ ᓵᑭᐦᐊᐠ ᓂ ᑯᓯᐢ, ᓇᐢᐱᐨ ᑳ ᓇᐦᐃᔭᐁᐧᐦᐃᐟ; ᓇᑐᐦᑖᐧᕽ.
[6] ᐃᐢᐱ ᒫᑲ ᑭᐢᑭᓄᐦᐊᒪᐋᐧᑲᓇᐠ ᐱᔦᐦᑕᐦᑭᐠ, ᑭ ᐸᐸᑭᓯᓇᐧᐠ ᐅᑲᐧᑲᓂᐋᐧᐠ, ᒥᓇ ᓇᐢᐱᐨ ᐁ ᑭ ᑭᐦᒋ ᓭᑭᓯᒋᐠ.
[7] ᐁᑯᓯ ᒫᑲ ᒋᓴᐢ ᑭ ᐯ ᐃᑐᐦᑌᐤ ᐁ ᑭ ᓴᓵᒥᓈᐟ, ᐅᒥᓯ ᒫᑲ ᐁ ᑭ ᐃᑌᐧᐟ, ᐸᓯᑯᐠ, ᐁᑳᐃᐧᔭ ᒫᑲ ᓭᑭᓯᐠ.
[8] ᐃᐢᐱ ᒫᑲ ᑳ ᐊᔨᐢᐸᑫᐃᑕᐱᒋᐠ, ᓇᒪᐃᐧᔭ ᐊᐃᐧᔭ ᐊᔨᓯᔨᓂᐊᐧ ᐊᐧᐸᒣᐊᐧᐠ, ᐱᑯ ᒋᓴᓴ.
[9] ᒣᑳᐧᐨ ᒫᑲ ᐁ ᐯ ᓂᓴᒋᐁᐧᒋᐠ ᐊᐧᒋᕽ ᐅᐦᒋ, ᒋᓴᐢ ᑭ ᐊᔭᑲᐧᒥᒣᐤ, ᐅᒥᓯ ᐁ ᐃᑖᐟ, ᐁᑳᐃᐧᔭ ᐃᐧᐦᑕᒫᕽ ᐊᐃᐧᔭᐠ ᐊᔨᓯᔨᓂᐤ ᐅᒪ ᑳ ᑭ ᐃᓯᓇᒣᐠ, ᐹᑎᒪ ᐱᑯ ᐃᔨᑯᕽ ᑭ ᐊᐧᓂᐢᑳᒋ ᐃᔨᓂᐃᐧᑯᓯᓵᐣ ᓂᐳᐃᐧᓂᕽ ᐅᐦᒋ.
[10] ᐅ ᑭᐢᑭᓄᐦᐊᒪᐋᐧᑲᓇ ᒫᑲ ᑭ ᑲᑫᐧᒋᒥᐠ, ᐅᒥᓯ ᐁ ᐃᑎᑯᐟ, ᑕᓀᐦᑭ ᒫᑲ ᑳ ᐃᑌᐧᒋᐠ ᒪᓯᓇᐦᐃᑫᐃᐧᔨᓂᐊᐧᐠ ᐃᓬᐊᔭᐢ ᓂᐢᑕᑦ ᑭᑕ ᑕᑯᓯᕽ?
[11] ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᐃᓬᐊᔭᐢ ᑖᐯᐧ ᓂᐢᑕᑦ ᑭᑕ ᑕᑯᓯᐣ, ᑭᑕ ᒥᓇᐃᐧᑖᐟ ᒫᑲ ᑲᐦᑭᔭᐤ ᑫᑲᐧᔭ.
[12] ᒫᑲ ᓂᔭ ᑭᐟ ᐃᑎᓈᐋᐧᐤ, ᐃᓬᐊᔭᐢ ᓵᓴᐩ ᑭ ᑕᑯᓯᐣ, ᐁᑯᓯ ᒫᑲ ᓇᒪᐃᐧᔭ ᑭ ᑭᐢᑫᔨᒣᐊᐧᐠ, ᒫᑲ ᐱᑯ ᐁ ᐊᔨᑌᔨᑕᐦᑭᐠ ᑭ ᑐᑕᐁᐧᐊᐧᐠ. ᐁᑯᓯ ᒫᑲ ᒣᐧᐦᒋ ᐃᔨᓂᐃᐧᑯᓯᓵᓇ ᑫ ᐃᓯ ᑲᑲᐧᑕᑭᐋᒋᐠ.
[13] ᐁᑲᐧ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑭ ᓂᓯᑐᐦᑕᐁᐧᐊᐧᐠ ᒐᐣ ᐸᑊᑎᐢᐟ ᐁ ᑭ ᐋᔨᒧᒪᔨᐟ.
[14] ᐃᐢᐱ ᒫᑲ ᑳ ᐅᑎᐦᑕᒋᐠ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᐁᑯᑕ ᑭ ᓇᑎᐠ ᐯᔭᐠ ᐊᔨᓯᔨᓂᐊᐧ, ᐁ ᐅᒋᐦᒋᐦᑲᐧᓇᐱᐢᑖᑯᐟ, ᐅᒥᓯ ᐁ ᐃᑎᑯᐟ,
[15] ᑌᐯᔨᐦᒋᑫᔭᐣ, ᑭᑎᒫᑭᓇᐤ ᓂᑯᓯᐢ; ᒋᑫᒪ ᐱᓯᑦ ᐃᑕᐢᐱᓀᐃᐧᐣ ᐊᔮᐤ, ᒥᓇ ᓇᐢᐱᐨ ᐃᐧᓴᑲᐱᓀᐤ; ᒋᑫᒪ ᒥᒉᑖᐧᐤ ᒪᒍᐢᑌᐸᔨᐤ ᒥᓇ ᒥᒉᑖᐧᐤ ᐸᑲᐢᑕᐁᐧᐸᔨᐤ.
[16] ᐁᑯᓯ ᒫᑲ ᓂ ᑭ ᐯᑕᒪᐊᐧᐊᐧᐠ ᑭ ᑭᐢᑭᓄᐦᐊᒪᐋᐧᑲᓇᐠ, ᒫᑲ ᓇᒪᐃᐧᔭ ᑭ ᐃᔨᓂᑲᐁᐊᐧᐠ.
[17] ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑌᐧᐟ, ᐅ ᑭᔭᐋᐧᐤ ᐁᑳ ᑳ ᐅ ᑖᐯᐧᑕᒧᐃᐧᓂᔦᐠ, ᒥᓇ ᓀᔦᑖᐋᐧᑎᓯᔦᐠ, ᑕᓂᔨᑯᕽ ᑫ ᐃᐧᒉᐃᐧᑕᑯᐠ? ᑕᓂᔨᑯᕽ ᑫ ᓯᑐᐃᐧᔨᑕᑯᐠ? ᐯᑕᐧᐃᐧᐠ ᒪᐦᑎ ᓂᔭ.
[18] ᒋᓴᐢ ᒫᑲ ᑭ ᑭᑐᑌᐤ ᒪᒋ ᐊᐦᒑᐦᑲᐧ; ᐁᑯᓯ ᒫᑲ ᑭ ᐊᐧᔭᐃᐧᐤ ᐃᐧᔭᐃᐧᔨᕽ ᐅᐦᒋ: ᐊᓇ ᒫᑲ ᐊᐊᐧᓯᐢ ᑭ ᐃᔨᓂᑲᐦᐋᐤ ᐁᐊᐧᑯ ᒣᐧᐦᒋ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ.
[19] ᐁᑯᓯ ᒫᑲ ᑭᐢᑭᓄᐦᐊᒪᐋᐧᑲᓇᐠ ᓂᓯᑫ ᑭ ᐯ ᓈᑌᐊᐧᐠ ᒋᓴᓴ, ᐅᒥᓯ ᐁ ᐃᑖᒋᐠ, ᑖᓀᑭ ᐁᑳ ᑳ ᑭ ᑲᐢᑭᐦᑖᔮᕽ ᑭᑕ ᐊᐧᔭᐃᐧᐁᐧᐱᓈᔭᕽ?
[20] ᒋᓴᐢ ᒫᑲ ᐅᒥᓯ ᑭ ᐃᑌᐤ, ᒋᑫᒪ ᐁᑳ ᐁ ᑖᐯᐧᑕᒣᐠ; ᑖᐯᐧ ᐅᒪ ᑭᐟ ᐃᑎᓈᐋᐧᐤ, ᑭᐢᐱᐣ ᐊᔮᔦᐠ ᑖᐯᐧᑕᒧᐃᐧᐣ ᑖᐱᐢᑯᐨ ᐊᓂᒪ ᐊᐢᐸᒋᑲᓂᑭᐢᑎᑲᒋᑲᓂᐢ, ᐅᒥᓯ ᑭ ᑲ ᐃᑌᓈᐋᐧᐤ ᐅᒪ ᐊᐧᒋ, ᐊᒋᐸᔨ ᐃᓴ ᐊᐧᔭᐤ ᐃᓯ, ᐁᑯᓯ ᒫᑲ ᑭᑕ ᐊᒋᐸᔨᐸᐣ; ᓇᒪ ᑫᑲᐧᐩ ᑭ ᑲ ᐊᐧᐊᐧᓀᔨᑕᒥᐃᑯᓈᐋᐧᐤ.
[21] ᒫᑲ ᐅᒪ ᑐᐃᐧ ᓇᒪᐃᐧᔭ ᓭᑫ ᐊᐧᔭᐃᐧᒪᑲᐣ, ᐱᑯ ᐊᔭᒥᐦᐋᐃᐧᐣ ᒥᓇ ᐃᔨᐊᐧᓂᓯᐃᓱᐃᐧᐣ ᐅᐦᒋ.
[22] ᒣᑳᐧᐨ ᒫᑲ ᑲᓬᐊᓬᐃᕽ ᐁ ᐊᔮᒋᐠ, ᒋᓴᐢ ᐅᒥᓯ ᑭ ᐃᑌᐤ: ᐃᔨᓂᐃᐧᑯᓯᓵᐣ ᑭᑕ ᐸᑭᑎᓇᐤ ᐅ ᒋᐦᒋᔨᕽ ᐊᔨᓯᔨᓂᐊᐧ:
[23] ᐁᑯᓯ ᒫᑲ ᑭᑕ ᓂᐸᐁᐊᐧᐠ, ᑭ ᓂᐢᑐ ᑭᓯᑳᑭ ᒫᑲ ᒥᓇ ᑭᑕ ᐊᐧᓂᐢᑳᐤ. ᐁᑯᓯ ᒫᑲ ᓇᐢᐱᐨ ᑭ ᑭᐦᒋ ᒥᒋᔭᐁᐧᓯᐊᐧᐠ.
[24] ᐃᐢᐱ ᒫᑲ ᑳ ᑕᑯᓯᐦᑭᐠ ᑫᐸᕒᓀᐊᒥᕽ, ᐊᓂᑭ ᑳ ᐅᑎᓈᒋᐠ ᑎᐸᐊᒪᑐᐃᐧ ᓱᓂᔮᐊᐧ ᑭ ᐯ ᓈᑌᐊᐧᐠ ᐱᑕᕒ, ᐅᒥᓯ ᐁ ᑭ ᐃᑌᐧᒋᐠ, ᓇᒪ ᒋ ᑭᐟ ᐅᑭᒪᒥᐋᐧᐤ ᑎᐸᐊᑦ ᑎᐸᐊᒪᑐᐃᐧᓂᔨᐤ?
[25] ᐅᒥᓯ ᒫᑲ ᐃᑌᐤ, ᐁᐦᐁ, ᐃᐢᐱ ᒫᑲ ᑳ ᐱᐦᑐᑫᐟ ᐊᐧᐢᑲᐦᐃᑲᓂᕽ, ᒋᓴᐢ ᑭ ᑭᑐᑌᐤ, ᐁ ᐃᑌᐧᐟ, ᑖᓂᓯ ᑭᔭ ᐁᑌᔨᐦᑕᒪᐣ, ᓴᐃᒪᐣ? ᐊᐁᐧᓂᐃ ᑭᐦᒋ ᐅᑭᒫᐊᐧᐠ ᐅᑕ ᐊᐢᑭᕽ ᐁᐧᑎᓇᒪᐊᐧᒋᐠ ᐅᒪ ᐃᓯᑕᐧᐃᐧᐣ, ᐊᐦᐳ ᑎᐸᐦᐊᒪᑐᐃᐧᐣ? ᐅᐟ ᐊᐋᐧᓯᒥᓯᐊᐧᐊᐧ ᒋ, ᐊᐦᐳ ᒪᓂᑌᐊᐧ?
[26] ᐱᑕᕒ ᐅᒥᓯ ᐃᑌᐤ, ᒪᓂᑌᐊᐧ ᐅᐦᒋ. ᒋᓴᐢ ᒫᑲ ᐅᒥᓯ ᐃᑌᐤ, ᐁᑯᓯ ᒫᑲ ᐊᐊᐧᓯᓴᐠ ᑎᐯᔨᒥᓱᐊᐧᐠ.
[27] ᒫᑲ ᐁᔨᐁᐧᕽ, ᐁᑳ ᑭᑕ ᓇᔦᑕᐃᐧᔭᐁᐧᐊᑯᐠ, ᐃᑐᐦᑌ ᐊᓂᑌ ᓵᑲᐦᐃᑲᓂᕽ, ᐸᑲᐢᑕᐁᐧᐊ ᒫᑲ ᑲᐧᐢᑫᐧᐱᒋᑲᐣ, ᐅᑎᐣ ᒫᑲ ᑭᓄᓭᐤ ᓂᐢᑕᑦ ᑫ ᑲᐧᐢᑫᐧᐱᓱᐟ; ᐃᐢᐱ ᒫᑲ ᑭ ᐸᐢᑭᑌᓇᒪᐧᒋ ᐅᑐᐣ, ᑭ ᑲ ᒥᐢᑲᐋᐧᐤ ᓱᓂᔮᐤ; ᐁᐊᐧᑯ ᐅᑎᐣ, ᐁᑯᓯ ᒫᑲ ᒥᔨᐠ, ᓂᔭ ᒥᓇ ᑭᔭ ᐅᐦᒋ.