[1] ᐃᐢᐱ ᒫᑲ ᑳ ᓇᑐᒪᐟ ᒥᑖᑕᐦᐟ ᓂᓱᓵᑊ ᐅ ᑭᐢᑭᓄᐦᐊᒪᐋᐧᑲᓇ, ᑭ ᒥᔦᐤ ᑭᑕ ᑲᐢᑭᐦᐁᐃᐧᑐᑕᐊᐧᔨᐟ ᒪᒋ ᐊᐦᒑᐦᑲᐧ, ᑭᑕ ᐊᐧᔭᐃᐧᐁᐧᐱᓈᔨᐟ, ᒥᓇ ᑭᑕ ᐃᔨᓂᑲᐦᐋᔨᐟ ᓇᓇᑐᕽ ᐃᓯ ᐋᑯᓯᐃᐧᐣ ᒥᓇ ᓇᓇᑐᕽ ᑲᐦᑭᔭᐤ ᐃᑕᐢᐱᓀᐃᐧᓇ ᑳ ᐊᔮᔨᐟ.
[2] ᐁᐊᐧᑳᐧᓂ ᒫᑲ ᐅᐦᐃ ᐅᐟ ᐃᓯᔨᐦᑳᓱᐃᐧᓂᐋᐧᐊᐧ ᐊᓂᑭ ᒥᑖᑕᐦᐟ ᓂᓱᓵᑊ ᐃᓯᑎᓴᐋᐧᑲᓇᐠ; ᓂᐢᑕᑦ, ᓴᐃᒪᐣ, ᐱᑕᕒ ᑳ ᐃᓯᔨᐦᑳᓱᐟ, ᒥᓇ ᐅᒋᐋᐧᒪ ᐊᐣᑕᕒᐅ; ᒥᓇ ᒉᒥᐢ ᐅᑯᓯᓴ ᓭᐱᑎ, ᒥᓇ ᐅᒋᐋᐧᒪ ᒐᐣ;
[3] ᐱᓬᐃᑊ, ᒥᓇ ᐸᕒᑕᓬᐊᑦᔪ; ᑕᒪᐢ, ᒥᓇ ᒪᐟᔪ ᑳ ᐸᑊᓬᐃᑲᓂᐃᐧᐟ; ᒉᒥᐢ ᐅᑯᓯᓴ ᐊᓬᐱᐊᐢ, ᒥᓇ, ᑕᑎᐊᐢ;
[4] ᓴᐃᒪᐣ ᑳ ᑫᓇᓇᐃᑎᐃᐧᐟ, ᒥᓇ ᒍᑕᐢ ᐃᐢᑲᕒᐃᔭᐟ, ᐊᓇ ᑳ ᑭ ᒥᓯᐊᐟ.
[5] ᐅᐦᐃ ᒥᑖᑕᐦᐟ ᓂᓱᓵᑊ ᒋᓴᐢ ᑭ ᓯᐯᐧᑎᓴᐁᐧᐤ, ᒥᓇ ᐁ ᑲᑫᐢᑭᒫᐟ, ᐅᒥᓯ ᐁ ᐃᑖᐟ, ᐁᑳᐃᐧᔭ ᐃᑐᐦᑌᐠ ᐊᓂᑌ ᐅ ᒣᐢᑲᓈᐋᐧᕽ ᒉᐣᑕᐃᓬᐊᐠ, ᒥᓇ ᐅᐟ ᐅᑌᓇᐃᐧᐃᐧᓂᐋᐧᕽ ᓴᒪᕒᐃᑕᓇᐠ ᐁᑳᐃᐧᔭ ᐱᐦᑐᑫᐠ;
[6] ᒫᑲ ᔮᔭᐤ ᓇᑎᑯᐠ ᑳ ᐊᐧᓂᐦᐅᒋᐠ ᒫᔭᑎᐦᑲᐧᐠ, ᐊᓂᑌ ᐃᐢᕒᐁᐃᓬ ᐅ ᐊᐧᐢᑲᐦᐃᑲᓂᕽ.
[7] ᒣᑳᐧᐨ ᒫᑲ ᐁ ᐊᑎ ᐊᔨᑐᑌᔦᐠ, ᑲᑫᐢᑭᒥᐁᐧᐠ, ᐁ ᐃᑌᐧᔦᐠ, ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᑭᓯᐊᐧᐠ ᐃᐦᑕᑲᐧᐣ.
[8] ᐃᔨᓂᑲᐃᑯᐠ ᐃᔮᑯᓯᒋᐠ, ᐯᑭᐃᑯᐠ ᐊᓂᑭ ᑳ ᒪᒑᐢᐱᓀᒋᐠ, ᐊᐧᓂᐢᑳᓂᑯᐠ ᑳ ᓂᐱᒋᐠ, ᐊᐧᔭᐃᐧᐁᐧᐱᓂᑯᐠ ᒪᒋ ᐊᐦᒑᐦᑲᐧᐠ; ᑭ ᑭ ᒧᐦᒋ ᐅᑎᓀᓈᐋᐧᐤ, ᒧᐦᒋ ᒣᑭᐠ.
[9] ᐁᑳᐃᐧᔭ ᐊᓯᐊᐧᔨᕽ ᐅᓴᐃᐧᓱᓂᔭᐤ, ᐊᐦᐳ ᐋᐧᐱᐢᑭ ᓱᓂᔮᐤ, ᓇᒪᐃᐧᔭ ᒥᓇ ᐅᓴᐊᐧᐱᐢᐠ ᑭ ᓲᓂᔮᐃᐧᐊᓯᐊᐧᒋᑲᓂᐋᐧᕽ.
[10] ᓇᒪᐃᐧᔭ ᒥᓇ ᓂᒫᐃᐧᓂᐊᐧᐟ ᐁ ᐊᑎ ᐱᒧᐦᑌᔦᐠ, ᐊᐦᐳ ᓇᒪᐃᐧᔭ ᓂᓱ ᒥᐢᑯᑕᑲᐃᔭ, ᓇᒪᐃᐧᔭ ᒪᐢᑭᓯᓇ, ᐊᐦᐳ ᓇᒪᐃᐧᔭ ᓴᐢᑲᐅᓇ; ᒋᑫᒪ ᐅᑕᑐᐢᑫᐃᐧᔨᓂᐤ ᑌᐱ ᐃᐢᐱᑌᔨᑖᑯᓯᐢᑕᑦ ᐅ ᒥᒋᐃᐧᐣ.
[11] ᐱᑯ ᒫᑲ ᑖᓂᒪ ᐅᑌᓇᐤ, ᐊᐦᐳ ᑭᐢᑕᐱᐃᐧᐣ ᑫ ᐱᐦᑐᑫᐁᐧᑫᐧ, ᓇᑕᐃᐧ ᑭᐢᑫᔨᑕᒧᐠ ᐊᐁᐧᓇ ᐁᑯᑕ ᐁ ᐊᔮᐟ ᑎᔦᐱ ᐃᐢᐱᑌᔨᑖᑯᓯᐟ; ᐁᑯᑕ ᒫᑲ ᐊᔭᐠ ᐱᔨᐢ ᑭᑕ ᓯᐯᐧᑌᔦᐠ.
[12] ᐃᐢᐱ ᒫᑲ ᐱᔨᑐᑫᔦᑯ ᐋᐧᐢᑲᐃᑲᓂᕽ, ᐊᑕᒥᐢᑲᒧᐠ ᐃᓴ.
[13] ᑭᐢᐱᐣ ᒫᑲ ᐋᐧᐢᑳᐦᐃᑲᐣ ᑌᐱ ᐃᐢᐱᑌᔨᑖᑲᐧᕽ, ᑭᔮᑦ ᑭ ᒥᔭᐧᑭᒋᑫᐃᐧᓂᐋᐧᐤ ᑭᑕ ᐱᐦᑐᑫᒪᑲᐣ, ᒫᑲ ᑭᐢᐱᐣ ᐁᑳ ᑌᐱ ᐃᐢᐱᑌᔨᑕᑲᐧᕽ, ᑭᔮᑦ ᑭ ᒥᔭᐧᑭᒋᑫᐃᐧᓂᐋᐧᐤ ᑭ ᑲ ᑭᐁᐧᑐᑖᑯᓈᐋᐧᐤ.
[14] ᐊᐃᐧᔭᐠ ᒫᑲ ᐁᑳ ᑫ ᐅᑎᓂᑯᔦᐠ ᒥᓇ ᐁᑳ ᑫ ᓇᑐᑕᕽ ᑭᐟ ᐃᑌᐧᐃᐧᓂᐋᐧᐊᐧ, ᐃᐢᐱ ᐁᑯᑕ ᐋᐧᐢᑲᐃᑲᐣ ᐅᐦᒋ ᓯᐯᐧᑌᔦᑯ, ᐊᐦᐳ ᐅᑌᓇᐤ, ᑭᓯᑎᐊᐧᕽ ᐅᐦᒋ ᐸᐃᐧᐸᔨᑖᐠ ᒪᒋᑲᐧᓈᓴ.
[15] ᑖᐯᐧ ᑭᐟ ᐃᑎᓈᐋᐧᐤ, ᓇᐊᐧᐨ ᑭᑕ ᐃᑌᔨᑖᑲᐧᐣ ᓴᑕᑦ ᐊᐢᑭ ᒥᓇ ᑯᒪᕒᐊ ᐃᐢᐱ ᐅᔭᓱᐁᐧᐃᐧᑭᓯᑳᑭ, ᐃᐢᐱᐨ ᐊᓂᒪ ᐅᑌᓇᐤ.
[16] ᒋᐢᐟ, ᑭ ᓯᐯᐧᑎᓴᐅᑎᓈᐋᐧᐤ ᑖᐱᐢᑯᐨ ᒫᔭᑎᐦᑲᐧᐠ ᐊᓂᑕ ᒣᑳᐧᐨ ᒪᐃᑲᓂᐢᑳᕽ: ᐁᐊᐧᑯ ᒫᑲ ᐅᐦᒋ ᐃᔨᓂᓯᐠ ᑖᐱᐢᑯᐨ ᑭᓀᐱᑲᐧᐠ, ᒥᓇ ᔪᐢᑲᑎᓯᐠ ᑖᐱᐢᑯᐨ ᐅᒥᒥᐊᐧᐠ.
[17] ᒫᑲ ᐊᐢᐁᐧᔨᒥᑯᐠ ᐊᔨᓯᔨᓂᐊᐧᐠ: ᒋᑫᒪ ᑭ ᑲ ᐃᑐᑕᐃᑯᐋᐧᐊᐧᐠ ᐅᔭᓱᐁᐧᐃᐧᓂᕽ, ᒥᓇ ᑭ ᑲ ᐸᐸᓴᐢᑌᐅᑯᐋᐧᐊᐧᐠ ᐅᐟ ᐊᔭᒥᐦᐁᐃᐧᑲᒥᑯᐋᐧᕽ;
[18] ᐁᑯᓯ ᒥᓇ ᑭ ᑲ ᐃᑐᑕᐃᑲᐃᐧᓈᐋᐧᐤ ᑭᑕ ᐅᑎᐢᑲᐃᐧᐢᑲᐋᐧᔦᑯᐠ ᐅᔭᓱᐁᐧᐃᐧᑭᒫᐊᐧᐠ ᒥᓇ ᑭᐦᒋ ᐅᑭᒫᐊᐧᐠ ᓂᔭ ᐅᐦᒋ, ᐁᑯᑕ ᑭᑕ ᐅᐦᒋ ᐊᒋᒧᐢᑕᐋᐧᔦᑯᐠ ᒥᓇ ᒉᐣᑕᐃᓬᐊᐠ.
[19] ᒫᑲ ᐃᐢᐱ ᐁᐧᑎᓂᑯᔦᑲᐧᐃᐧ, ᐁᑳᐃᐧᔭ ᒪᒥᑐᓀᔨᑕᒧᐠ ᑖᓂᓯ ᐊᐦᐳ ᑫᑲᐧᐩ ᑫ ᐃᑌᐧᔦᐠ; ᒋᑫᒪ ᑭ ᑲ ᒥᔨᑲᐃᐧᓈᐋᐧᐤ ᐁᐊᐧᑯ ᐁ ᐃᐢᐸᔨᐠ ᑎᐸᐃᐱᓯᒫᐧᐣ ᑫᑲᐧᐩ ᑫ ᐃᑌᐧᔦᐠ.
[20] ᒋᑫᒪ ᓇᒪᐃᐧᔭ ᑭᔭᐋᐧᐤ ᑎᐱᔭᐤᐧ ᑳ ᐱᑭᐢᑫᐧᔦᐠ ᒫᑲ ᐅᐟ ᐊᐦᒑᐦᑲᐧ ᑯᑕᐃᐧᐋᐧᐤ ᐁᐊᐧᑯ ᐊᓇ ᑳ ᐱᑭᐢᑫᐧᐢᑖᒫᑯᔦᐠ.
[21] ᐅᒋᐋᐧᒥᒫᐤ ᑭᑕ ᐃᓯ ᐸᑭᑎᓀᐤ ᐅᒋᐋᐧᒪ ᓂᐳᐃᐧᓂᕽ, ᒥᓇ ᐅᑕᐃᐧᒫᐤ ᐅᐟ ᐊᐋᐧᓯᒥᓴ: ᒥᓇ ᐊᓂᑭ ᐊᐋᐧᓯᓴᐠ ᑭᑕ ᐸᓯᑯᐢᑕᐁᐧᐊᐧᐠ ᐅ ᓂᑭᐃᑯᐋᐧᐊᐧ, ᒥᓇ ᑭᑕ ᐃᑕᓱᐋᐧᑖᒋᐠ ᑭᑕ ᓂᐸᐃᒥᐦᐟ.
[22] ᑲᐦᑭᔭᐤ ᒫᑲ ᐊᔨᓯᔨᓂᐊᐧᐠ ᑭ ᑲ ᐸᑳᐧᑎᑯᐋᐧᐊᐧᐠ ᓂᐟ ᐃᔨᑳᓱᐃᐧᐣ ᐅᐦᒋ; ᒫᑲ ᐊᓇ ᑳ ᒥᓴᑳᒣ ᐊᔮᑳᐧᒥᓯᐟ ᑭᑕ ᐱᒫᒋᐦᐋᐤ.
[23] ᒫᑲ ᐃᐢᐱ ᑫᑲᐧᑕᑭᐃᑯᔦᑲᐧᐃᐧ ᐅᑕ ᐅᒪ ᐅᑌᓇᐤ, ᑯᑕᑭᕽ ᐃᑕᒧᐠ; ᒋᑫᒫ ᑖᐯᐧ ᑭᐟ ᐃᑎᓈᐋᐧᐤ, ᓇᒪᐃᐧᔭ ᑭ ᑲ ᑌᐱ ᐊᔭᑭᓀᐢᑫᓈᐋᐧᐤ ᐅᐟ ᐅᑌᓇᐃᐧᐃᐧᓇ ᐃᐢᕒᐁᐃᓬ, ᐃᔨᑯᕽ ᑫ ᐯ ᑕᑯᓯᕽ ᐃᔨᓂᐃᐧᑯᓯᓵᐣ.
[24] ᑭᐢᑭᓄᐦᐊᒪᐋᐧᑲᐣ ᓇᒪᐃᐧᔭ ᐊᐊᐧᓯᒣ ᐃᐢᐱᑌᔨᑖᑯᓯᐤ ᐃᐢᐱᐨ ᐅᑭᐢᑭᓄᐦᐊᒫᑫᒪ, ᒥᓇ ᓇᒪᐃᐧᔭ ᐊᑐᐢᑫᔮᑲᐣ ᐃᐢᐱᐨ ᐅᐟ ᐅᑭᒫᒪ.
[25] ᐁᑯᔨᑯᕽ ᐃᓯ ᐃᐧᔭ ᑭᐢᑭᓄᐦᐊᒪᐋᐧᑲᐣ ᑭᑕ ᐃᓯ ᐊᔮᐟ ᑖᐱᐢᑯᐨ ᐅᑭᐢᑭᓄᐦᐊᒫᑫᒪ, ᒥᓇ ᐊᑐᐢᑫᔮᑲᐣ ᑖᐱᐢᑯᐨ ᐅᐟ ᐅᑭᒫᒪ. ᑭᐢᐱᐣ ᑳ ᐃᓯᔨᐦᑳᑖᐋᐧᑫᐧ ᑳ ᐅᑭᒫᑲᑕᒥᔨᐟ ᐋᐧᐢᑳᐃᑲᐣ ᐱᐁᓬᓯᐸᑊ, ᐊᐧᐃᐧᐢ ᐊᐊᐧᓯᒣ ᑭᑕ ᐃᓯᔨᐦᑳᑌᐊᐧᐠ ᑳ ᐃᐦᑕᓯᔨᐟ ᐃᐧᑭᔨᕽ?
[26] ᐁᐊᐧᑯ ᒫᑲ ᐅᐦᒋ ᐁᑳᐃᐧᔭ ᑯᐢᑎᑯᐠ: ᒋᑫᒪ ᓇᒪᐃᐧᔭ ᑫᑲᐧᐩ ᐊᑲᐧᓇᐦᐃᑳᑌᐤ, ᐁᑳ ᑫ ᓄᑯᐦᑖᕽ; ᒥᓇ ᓇᒪ ᑫᑲᐧᐩ ᑳᒋᑲᑌᐤ, ᐁᑳ ᑫ ᑭᐢᑫᔨᑖᑲᐧᕽ.
[27] ᑫᑲᐧᐩ ᑳ ᐃᐧᐦᑕᒫᑕᑯᐠ ᐊᐧᓂᑎᐱᐢᑳᕽ, ᐁᐊᐧᑯ ᐃᐧᑕᒧᐠ ᐊᐧᓭᔭᕽ; ᒥᓇ ᑳ ᐯᐦᑕᒣᐠ ᑭᑕᐊᐧᑳᐋᐧᕽ, ᐁᐊᐧᑯ ᑌᐹᐧᑕᒧᐠ ᑕᑯᒋ ᐋᐧᐢᑳᐦᐃᑲᓂᕽ.
[28] ᐁᑳᐃᐧᔭ ᒫᑲ ᑯᐢᑎᑯᐠ ᐊᓂᑭ ᑳ ᓂᐸᑖᒋᐠ ᒥᔭᐃᐧᔨᐤ, ᒫᑲ ᐁᑳ ᑳ ᑲᐢᑭᑖᒋᐠ ᑭᑕ ᓂᐸᐦᐋᒋᐠ ᐊᒑᐦᑲᐧ; ᒫᑲ ᔭᔭᐤ ᐊᔨᐊᐧᐠ ᑯᐢᑎᕽ ᐊᓇ ᑳ ᑲᐢᑭᑕᐟ ᑭᑕ ᓂᓯᐊᐧᓈᒋᐦᐋᐟ ᐊᐦᒑᐦᑲᐧ ᒥᓇ ᒥᔭᐤ ᑳᑭᑫ ᐃᐢᑯᑌᕽ.
[29] ᓇᒪ ᒋ ᓂᓱ ᐱᔦᓯᓴᐠ ᐯᔭᐠ ᐅᓵᐋᐧᐱᐢᑯᐢ ᐃᑕᑭᒫᐊᐧᐠ? ᓇᒪᐋᐧᐨ ᒫᑲ ᐯᔭᐠ ᐁᐅᑯᓂᐠ ᑭᑕ ᐸᐦᑭᓯᐣ ᐊᐢᑭᕽ ᑭᐢᐱᐣ ᐁᑳ ᑯᑕᐃᐧᐋᐧᐤ ᐃᑌᔨᑕᑭ.
[30] ᒥᓇ ᐊᓂᐦᐃ ᑫᐢᑕᑳᐋᐧᐊᐧ ᑭᐢᑎᑳᐧᓂᐋᐧᕽ ᑲᐦᑭᔭᐤ ᑌᐸᑭᒋᑳᑌᐊᐧ.
[31] ᐁᐊᐧᑯ ᒫᑲ ᐅᐦᒋ ᐁᑳᐃᐧᔭ ᐊᐢᑖᓯᐠ, ᐊᐊᐧᓯᒣ ᑭᔭᐋᐧᐤ ᑭᐟ ᐃᑌᔨᑖᑯᓯᓈᐋᐧᐤ ᐃᐢᐱᐨ ᒥᐦᒉᐟ ᐱᔦᓯᓴᐠ.
[32] ᐁᑯᓯ ᒫᑲ ᑭᐢᐱᐣ ᐊᐃᐧᔭᐠ ᑫ ᐊᐧᐃᐧᔨᐟ ᐅᐟ ᐋᐢᑕᒥᐃᐧᓂᔨᕽ ᐊᔨᓯᔨᓂᐊᐧ, ᐁᐊᐧᑯ ᐃᓴ ᓂᐢᑕ ᑫ ᐊᐧᐃᐧᔭᐠ ᐅᐟ ᐋᐢᑕᒥᐃᐧᓂᕽ ᓄᐦᑕᐃᐧ ᑭᐦᒋᑭᓯᑯᕽ ᑳ ᐊᔮᐟ.
[33] ᒫᑲ ᑭᐢᐱᐣ ᐊᐃᐧᔭᐠ ᑫ ᐋᓀᐧᑕᐃᐧᑫᐧ ᐅᐟ ᐋᐢᑕᒥᐃᐧᓂᔨᕽ ᐊᔨᓯᔨᓂᐊᐧ, ᐁᐊᐧᑯ ᐃᓴ ᓂᐢᑕ ᑫ ᐊᓀᐧᑕᐊᐧᐠ ᐅᐟ ᐋᐢᑕᒥᐃᐧᓂᕽ ᓄᑖᐃᐧ ᑭᐦᒋᑭᓯᑯᕽ ᑳ ᐊᔮᐟ.
[34] ᐁᑳᐃᐧᔭ ᐃᑌᔨᑕᒧᐠ ᐁ ᑭ ᐯ ᐃᑐᐦᑌᔮᐣ ᑭᑕ ᐯ ᐃᓯᑎᓴᐊᒫᐣ ᐃᐧᑕᐢᑭᐃᐧᐣ ᐅᑕ ᐊᐢᑭᕽ; ᓇᒪᐃᐧᔭ ᓂ ᐯ ᐃᑐᐦᑖᐣ ᑭᑕ ᐃᓯᑎᓴᐊᒫᐣ ᐃᐧᑕᐢᑭᐃᐧᐣ, ᒫᑲ ᐃᓴᐁᐧᐢᐠ.
[35] ᒋᑫᒪ ᓂ ᐯ ᐃᑐᐦᑖᐣ ᑭᑕ ᐃᓯ ᐊᔭᐠ ᐊᔨᓯᔨᓂᐤ ᑭᑕ ᐋᓀᐧᑕᐋᐧᐟ ᐅᑖᐃᐧᔭ, ᒥᓇ ᐅᑖᓂᓯᒪᐤ ᐅᑳᐃᐧᔭ, ᒥᓇ ᐅᐢᑎᒥᒪᐤ ᐅᓯᑯᓴ.
[36] ᐊᓇ ᒫᑲ ᐊᔨᓯᔨᓂᐤ ᐅ ᓄᑎᓈᑲᓇ ᑭᑕ ᐊᔮᔨᐊᐧ ᐊᓂᑕ ᑎᐱᔭᐁᐧ ᐃᐧᑭᕽ.
[37] ᐊᓇ ᐃᐧᔭ ᓯᔮᑭᐋᐟ ᐅᑖᐃᐧᔭ, ᐊᐦᐳ ᐅᑳᐃᐧᔭ, ᐊᐊᐧᓯᒣ ᐃᐢᐱᐨ ᓂᔭ ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ; ᒥᓇ ᐊᓇ ᓯᔮᑭᐋᐟ ᐅᑯᓯᓴ ᒥᓇ ᐅᑖᓂᓴ ᐊᐊᐧᓯᒣ ᐃᐢᐱᐨ ᓂᔭ, ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ.
[38] ᐊᓇ ᒫᑲ ᐁᑳ ᑳ ᐅᑎᓇᕽ ᐅᐟ ᐋᓯᑌᔮᑎᑯᑦ, ᐁᑯᓯ ᒫᑲ ᑳ ᐱᒥᑎᓴᐅᐟ, ᓇᒪᐃᐧᔭ ᑌᐱ ᐃᐢᐱᑌᔨᑖᑯᓯᐤ ᓂᔭ ᑭᑕ ᐊᔮᐊᐧᐠ.
[39] ᐊᓇ ᑳ ᒥᐢᑲᕽ ᐅ ᐱᒫᑎᓯᐃᐧᐣ ᑭᑕ ᐊᐧᓂᑖᐤ, ᐊᓇ ᒫᑲ ᑳ ᐊᐧᓂᑖᐟ ᐅ ᐱᒫᑎᓯᐃᐧᐣ ᓂᔭ ᐅᐦᒋ, ᑭᑕ ᒥᐢᑲᑦ.
[40] ᐊᓇ ᑳ ᐅᑎᓂᑯᔦᐠ ᓂᔭ ᐃᓴ ᓂᐟ ᐅᑎᓂᐠ; ᐊᓇ ᒫᑲ ᑳ ᐅᑎᓂᐟ, ᐅᑎᓀᐤ ᑳ ᐯ ᐃᓯᑎᓴᐅᔨᐟ.
[41] ᐊᓇ ᑳ ᐅᑎᓈᐟ ᐅᑭᐢᑭᐁᐧᐦᐃᑫᐊᐧ ᐅᐟ ᐃᓯᔨᐦᑳᓱᐃᐧᓂᔨᕽ ᐅᑭᐢᑭᐁᐧᐦᐃᑫᐊᐧ, ᑭᑕ ᐅᑎᓇᑦ ᐅᑭᐢᑭᐁᐧᐦᐃᑫᐊᐧ ᐅ ᑎᐸᐊᒪᑯᐃᐧᓂᔨᐤ; ᐊᓇ ᒫᑲ ᑳ ᐅᑎᓈᐟ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ ᐅᐟ ᐃᓯᔨᐦᑳᓱᐃᐧᓂᔨᕽ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ, ᑭᑕ ᐅᑎᓇᑦ ᑲᐧᔭᐢᐠ ᐃᑖᑎᓯᐃᐧ ᐊᔨᓯᔨᓂᐊᐧ ᐅ ᑎᐸᐦᐊᒫᑯᐃᐧᓂᔨᐤ.
[42] ᐊᐃᐧᔭᐠ ᒫᑲ ᑫ ᒥᔮᑫᐧ ᑭᑕ ᒥᓂᑫᐧᔨᐟ ᐯᔭᐠ ᐅᐦᐃ ᑳ ᐊᐱᐢᑌᔨᑖᑯᓯᔨᐟ ᒥᓂᑳᐧᑲᓂᓯᕽ ᐊᑕ ᐱᑯ ᑕᑭᐱᔨᐤ, ᐅᐟ ᐃᓯᔨᐦᑳᓱᐃᐧᓂᕽ ᑭᐢᑭᓄᐦᐊᒪᐋᐧᑲᐣ, ᑖᐯᐧ ᑭᐟ ᐃᑎᓈᐋᐧᐤ, ᓇᒪ ᓈᓂᑕᐤ ᑭᑕ ᐃᓯ ᐊᐧᓂᑕᐤ ᐅ ᑎᐸᐦᐊᒫᑯᐃᐧᐣ.