[1] Ayiwa, masakɛ ni Haman taara dumuniba la masakɛ muso Esiteri ka so.
[2] A tile filanan la tun ka u to diwɛn minni la, masakɛ y'a fɔ Esiteri ye ko: «E bɛ mun ɲini, masakɛ muso Esiteri? O na kɛ i ye. Mun nege bɛ i la? Hali ni masaya tilancɛ don, o na di i ma.»
[3] O tuma la Esiteri y'a jaabi ko: «E masakɛ, ni ne ko ka di i ye, ni a kɛra ko ɲuman ye masakɛ ɲɛ na, masakɛ ka ne ɲɛnama to, ne ka fɛn delilen filɛ o ye. I ka sɔn ne ka mɔgɔw la, ne hami ko filɛ o ye.
[4] K'a masɔrɔ ne ni ne ka mɔgɔw feerela walisa ka an kan tigɛ ka an si tunun ka an halaki ka an ban. Ni an feerela ka kɛ jɔnkɛw ni jɔnmusow ye, ne tun tɛna foyi fɔ, nka ni a bɛ an faga, an jugu na masakɛ bɔnɛ fɛn dɔ la min tɛ se ka labɛn tun.»
[5] O tuma la masakɛ Asuerus y'a fɔ Esiteri ye ko: «Cɛ min ye a ja gɛlɛya ka o jɛ siri, o ye jɔn ye, a bɛ min?»
[6] Esiteri y'a jaabi ko: «An tɔɔrɔbaa ni an jugu ye nin mɔgɔ jugu Haman ye.» O tuma la Haman siranna masakɛ ni a musoɲɛ kosɛbɛ.
[7] Masakɛ diminnenba bɔra dumuni kɛ yɔrɔ la ka taa a ka nakɔ kɔnɔ a ka masaya du kɔnɔ. Nka Haman sigilen tora yen ka masakɛ muso Esiteri deli ko a ka a ɲɛnama to katuguni a y'a ye ko masakɛ na ko jugu kɛ a la.
[8] Masakɛ bɔra a ka nakɔ la masaya so kɔnɔ ka na dumuniba so kɔnɔ tuma min na, Esiteri tun bɛ dalan min kan, a ye Haman bilen sɔrɔ o kan. Masakɛ pɛrɛnna ko: «A bɛ sɔn ka bi masakɛ muso kan ne yɛrɛ ka so kɔnɔ wa?» O kuma bɔra masakɛ da la minkɛ, u ye Hamanɲɛ datugu.
[9] Harbona min tun ye masakɛ ka so kɔnɔ baarakɛlaw la kelen ye, o y'a fɔ masakɛ ye ko: «Mardose min ye masakɛ kisili ko fɔ, Haman ye jirijan labɛn o kama. A filɛ, o jiri turulen bɛ Haman ka so kɔnɔ, o janya ye nɔnkɔnɲɛ biduuru ye.» O tuma la masakɛ pɛrɛnna ko: «Aw ka Haman dulon o jirijan na.»
[10] Ayiwa, Haman tun ye jirijan min dila Mardose kama, u ye Haman dulon o jiri la. O kɛlen kɔ, masakɛ dusu sumana.