[1] Matigi Ala ye min jira ne la, o filɛ nin ye. Ne ye segi falen ye jiriden mɔlen la.
[2] Matigi y'a fɔ ne ye ko: «Amos, i ɲɛ bɛ mun na?» Ne y'a jaabi ko: «Segi ɲɛ kelen jiriden mɔlen.» Matigi ko: «Ne ka mɔgɔw Israɛl laban tuma sera. Ne tɛna yafa u ma fewu.
[3] O don na masaya so na nwunankan bɔ. Mɔgɔ su caman na ye fan bɛɛ. Mɔgɔ makunnen na suw fili sununkun kan.»
[4] Aw minw bɛ faantanw cɔngɔ jamana kɔnɔ, ka kɔlibaatɔw halaki, aw ka nin kuma lamɛn.
[5] Aw b'a fɔ ko: «Kalo kura seli na ban tuma jumɛn, walisa an ka alikama feere? Ko lafiɲɛ don ka tɛmɛn, walisa an ka an ka suman feere yɔrɔw da yɛlɛ ka sumanikɛ mure dɔgɔya ka fɛnw sɔngɔ bonya ka an ka jaw kɛ nanbara jaw ye ka mɔgɔw lafili.
[6] An na dɛsɛbaatɔw san wari la ka faantanw falen sabara la. An na an ka suman ni a ɲagaw feere.»
[7] Matigi ye i kali Yakuba nɔorɔ la ko: «Ne tɛnaɲinɛ u ka kɛwalew si kɔ abada.
[8] O de kosɔn dugukolo na yɛrɛyɛrɛ. A kan mɔgɔw bɛɛ na kasi. Jamana fan bɛɛ na wuli i ko Nil baji. A na wuli ka jigin i ko Misira baji.
[9] Ne, Matigi Ala na ci di tile ma tile gwan fɛ ko tile ka bi. Ne na dugukolo yɔrɔ bɛɛ kɛ dibi ye tile gwan fɛ.
[10] Ne na aw ka seli kow yɛlɛma ka kɛɲɛnasisi ye, ka aw ka dɔnkiliw yɛlɛma ka kɛ maɲumatɔkan ye. Ne na cafu fini kɛ ka aw bɛɛ cɛ siri, ka aw bɛɛ kun di. Ne naɲɛnasisiba bila jamana kɔnɔ i ko denkɛ kelenpe sa don selen. A laban na kɛ don kunaman ye.»
[11] Matigi Ala ko: «Donw bɛ na, ne na kɔngɔba lase jamana ma, dumuni dɛsɛ ko tɛ, ji dɛsɛ ko tɛ, nka Matigi ka kuma lamɛnni kɔngɔ ni a minnɔgɔ ko don.
[12] U na yaalayaala kɔgɔjiw niɲɔgɔn cɛ ka bɔ saheli yanfan fɛ ka taa kɔrɔn yanfan fɛ i ko mɔgɔ tununnenw. U bɛ taa yan fɛ ni yen fɛ ka Matigi ka kuma ɲini, nka u tɛna a sɔrɔ.
[13] O don na npogotigiɲumanw ni kamalenw barika na ban minnɔgɔ fɛ.
[14] Mɔgɔ minw bɛ u kali Samari nɔgɔlenya ko la k'a fɔ ko: ‹Dan ka bato fɛnɲɛnama ka to, ko Beɛr-Seba siraɲɛnama ka to.› Olu bɛɛ na bi, u si tɛna se ka wuli tun.»