[1] خَکَلیا اوغلو نِحِمیانین سؤزلری: من ائیئرمئنجی ائلده کئسلِو آییندا شوشَن قالاسیندا اولارکن
[2] قارداشلاریمدان بئری خَنانی و یهودادان بعضی آداملار گلدئلر. من اونلاردان اسئرلئکدن قاچیب قورتولان یهودئلرله اورشلئم باره‌ده سوروشدوم.
[3] منه بله ددئلر: «اسئرلئکدن قاچیب قورتولانلار اورادا، وئلایتده بؤیوک مشقّت و خجالت ائچئنده یاشاییرلار. اورشلئمئن دوواری وئران اولوب، دروازالاری دا یاندیریلیبدیر.»
[4] بو سؤزلری اشئتدئکده اوتوروب آغلادیم. گونلرله یاس توتدوم؛ گؤیلر تاریسینین حوضوروندا اوروج توتوب دوعا ادئردئم.
[5] ددئم: «یالواریرام، ای گؤیلرئن تاریسی رب! ای بؤیوک و زَهملی تاری کی، سنی سِوَنلرله، امرلرئنه عمل ادنلرله اؤز عهدئنه صادئق قالیب محبّت گؤرسدئرسن!
[6] قوی قولاغین اشئتسئن، گؤزلرئن گؤرسون کی، حوضوروندا ائندی اتدئیئم دوعانی اِشئده‌سن. گجه-گوندوز قوللارین اولان ائسرایئل اؤولادلاری اوچون دوعا ادئب، سنه اتدئیئمئز گوناهلاری اعتئراف ادئرم. من ده آتالاریم دا گوناه اتمئشئک.
[7] سنه چوخ پئسلئک اتمئشئک. قولون موسایا بویوردوغون امرلره، قایدالارا و حؤکملره عمل اتمه‌مئشئک.
[8] قولون موسایا بویوردوغون سؤزو خاطیرلا کی، دِمئشدئن: ”اگر خیانت اده‌سئنئز، سئزی خالقلار آراسینا سَپَلَیه‌جیم.
[9] آمّا اگر منه طرف دؤنه‌سئنئز و امرلرئمی توتوب اونلارا عمل اده‌سئنئز، گؤیلرئن او باشینا قووولسونوز بِله، اورادان سئزی بئر یره ییغاجاغام. او یره گتئره‌جیم کی، آدیمی اورادا ساکئن اتمَیه سچمئشم.“
[10] اونلار سنئن قوللارین و خالقیندیر کی، اونلاری بؤیوک قودرتله و قووّتلی اَلئنله قورتاردین.
[11] یارب، یالواریرام، بو قولونون دوعاسینا و او قوللارینین دوعاسینا کی، سنئن آدینا احتئرام اتمکدن ذؤوق آلیرلار، دئقّتله قولاق آس! بو گون قولونون ائشئنی اوغورلو ات و بو کئشئنئن گؤزونده اونا لوطف قازاندیر.» من او واخت پادشاهین ساقئسی ائدئم.