[1] باش کاهئن اِلیاشئبله قارداشلاری قالخیب قویون دروازاسینی تئکدئلر. اونو تقدئس ادئب قاپی تایلارینی یرئنه قویدولار. اونلار دوواری یوز بورجونه و خَنه‌نِل بورجونه قدر تقدئس اتدئلر.
[2] اِلیاشئبئن یانینداکی حئصّه‌نی ده اَرئحا ساکئنلری تئکدئلر. اونلارین یانیندا ائمری اوغلو زَکّور تئکدی.
[3] بالیقلار دروازاسینی هَسّنوعا اوغوللاری تئکدئلر. اونلار تئرلری یرئنه قویدولار، قاپی تایلارینی، رَزه‌لرئنی و چفته‌لرئنی یرئنه تاخدیلار.
[4] اونلارین یانیندا دا حَقّوص اوغلو اورئیا اوغلو مِرِموت تعمئر ائشلرئنی گؤردو. مِرِموتون یانیندا مِشِزه‌بِل اوغلو بِرِکیا اوغلو مِشولّام تعمئر ائشلرئنی گؤردو. اونلارین یانیندا دا بَعَنا اوغلو صادوق تعمئر ائشلرئنی گؤردو.
[5] صادوقون یانیندا تِقوعه ساکئنلری تعمئر ائشلرئنی گؤردولر، لاکئن اورانین اصئل‌زاده‌لری نظارتچئلرئن وردئیی ائشلره بویون اَیمه‌دئلر.
[6] کؤهنه دروازاسینی پاسِه‌اَخ اوغلو یویاداع و بِسودیا اوغلو مِشولّام تعمئر اتدئلر. اونلار تئرلری یرئنه قویوب قاپی تایلارینی، رَزه‌لری و چفته‌لری تاخدیلار.
[7] اونلارین یانیندا گئبعونلو مِلَطیا، مِرونوتلو یادون، گئبعون و مئصپا ساکئنلری تعمئر ائشلرئنی گؤردولر. مئصپا فَرات چایینین قربئنده‌کی تورپاقلارین والئسئنئن والئلئک مکانی ائدی.
[8] اونلارین یانیندا دا زرگرلردن خَرهَیا اوغلو اوزّی‌اِل تعمئر ائشلرئنی گؤردو. اوزّی‌اِلئن یانیندا عطرئیّاتچی‌لاردان بئری اولان خَنَنیا تعمئر ائشلرئنی گؤردو. اونلار اورشلئمی گِنئش دووارا قدر تزه‌دن تئکدئلر.
[9] اونلارین یانینداکی دوواری خور اوغلو رِفایا تعمئر اتدی کی، اورشلئم شهرئنئن یاری حئصّه‌سئنئن مأمورو ائدی.
[10] خَرومَف اوغلو یِدایا دا اونون یانیندا اؤز اِوئنئن موقابئلئنده تعمئر ائشلرئنی گؤردو. اونونلا یاناشی خَشَبنِیا اوغلو خَطّوش تعمئر اتدی.
[11] خارئم اوغلو مَلکئیا و پَخَت‌موآب اوغلو خَشّوب آیری بئر ساحه‌نی و تندئرلر بورجونو برپا اتدئلر.
[12] مَلکئیانین و خَشّوبون یانیندا هَلّوخِش اوغلو شَلّوم کی، اورشلئم شهرئنئن او بئری یاریسینین مأمورو ائدی، قیزلاری ائله بئرلئکده تعمئر اتدی.
[13] وادی دروازاسینی خانون و زانواَخ ساکئنلری تعمئر اتدئلر. اونلار دروازانی تئکئب قاپی تایلارینی، رَزه‌لرئنی و چفته‌لرئنی یرئنه تاخدیلار. پِیئن دروازاسینا قدر مئن قول‌آچ مسافه‌یه دوواری تعمئر اتدئلر.
[14] پِیئن دروازاسینی بِیت‌هَکّرِم وئلایتئنئن مأمورو رِکاب اوغلو مَلکئیا برپا اتدی. اورانی تئکئب قاپی تایلارینی، رَزه‌لرئنی و چفته‌لرئنی یرئنه تاخدی.
[15] چشمه دروازاسینی مئصپا وئلایتئنئن مأمورو کول‌خوزه اوغلو شَلّون برپا اتدی. اورانی تئکئب اوستونو اؤرتدو و قاپی تایلارینی، رَزه‌لرئنی، و چفته‌لرئنی یرئنه تاخدی. او، پادشاه باغچاسینین یانیندا شِلَخ حوووضونون دووارینی دا داوودون شهرئندن اِنَن پئلّه‌کنه قدر تئکدی.
[16] شَلّوندان سونرا عَزبوق اوغلو نِحِمیا کی، بِیت‌صور وئلایتئنئن یاری حئصّه‌سئنئن مأمورو ائدی، دوواری داوودون عایئله قَبئرلرئنئن قاباغینا، حوووضا و ائگئدلر اِوئنه قدر تئکدی.
[17] اوندان سونرا دا لاوئلی‌لر بانی اوغلو رِخومون رهبرلئیی آلتیندا تعمئر اتدئلر. رِخومون یانیندا قِعئلا وئلایتئنئن یاری حئصّه مأمورو خَشَبیا اؤز ایالتی اوچون تعمئر ائشلرئنی گؤردو.
[18] خَشَبیادان سونرا اونلارین قارداشلاری خِناداد اوغلو بَوّه‌یئن نظارتی آلتیندا کی، قِعئلا وئلایتئنئن یاری حئصّه مأمورو ائدی، تعمئر ائشلرئنی گؤردولر.
[19] اونون یانیندا یوشَع اوغلو عِزِر کی، مئصپا وئلایتئنئن مأمورو ائدی، سئلاح آنبارینا چیخان یولون قاباغیندان دووارین کونجونه قدر باشقا ساحه‌نی تعمئر اتدی.
[20] اونون یانیندا زَبّه‌ی اوغلو باروک دووارین کونجوندن باش کاهئن اِلیاشئبئن اِوئنئن گئرئشئنه قدر اولان باشقا بئر ساحه‌نی قیرتله تعمئر اتدی.
[21] اوندان سونرا حَقّوص اوغلو اورئیا اوغلو مِرِموت، اِلیاشئبئن اِوئنئن گئرئشئندن آخیرینا قدر تعمئر اتدی.
[22] اوندان سونرا دا، او اطرافلاردا یاشایان کاهئنلر تعمئر ائشلرئنی گؤردولر.
[23] اونلاردان سونرا بِنیامئن و خَشّوب اؤز اِولرئنئن یانینداکی ساحه‌نی تعمئر اتدئلر. اونلاردان سونرا عَنانیا اوغلو مَعَسِیا اوغلو عَزَریا اؤز اِوئنئن یانینداکی ساحه‌نی تعمئر اتدی.
[24] عَزَریادان سونرا خِناداد اوغلو بئنّوی، عَزَریانین اِوئندن دووارین کونج-بوجاغینا قدر اولان ساحه‌نی تعمئر اتدی.
[25] اوزای اوغلو پالال دووارین کونجوندن و پادشاهین یوخاری ساراییندان ائره‌لی چیخان کشئکچی حَیَطئنئن یانیندا اولان گؤزَتچی بورجوندن باشلاییب تعمئر ائشلرئنی گؤردو. اوندان سونرا پَرعوش اوغلو پِدایا ائله تعمئر اتدئلر.
[26] عوفِلده یاشایان معبد قوللوقچولاری شرقه طرف سو دروازاسینین قاباغینا و گؤزَتچی بورجونه قدر ساحه‌نی تعمئر اتدئلر.
[27] اونلارین یانیندا تِقوعه ساکئنلری بؤیوک گؤزَتچی بورجوندن عوفِل دووارینا قدر آیری بئر ساحه‌نی تعمئر اتدئلر.
[28] آت دروازاسینین یوخاری حئصّه‌سئنده کاهئنلردن هر بئری اؤز اِوئنئن قاباغینی برپا اتدی.
[29] کاهئنلردن سونرا ائمّر اوغلو صادوق اؤز اِوئنئن قاباغینی تعمئر اتدی. اوندان سونرا شرق قاپیسینین گؤزَتچئسی شِکَنیا اوغلو شِمَعیا تعمئر ائشلرئنی گؤردو.
[30] اوندان سونرا شِلِمیا اوغلو خَنَنیا و صالافین آلتینجی اوغلو خانون باشقا بئر ساحه‌نی برپا اتدئلر. خَنَنیا و خانوندان سونرا بِرِکیا اوغلو مِشولّام اؤز اِوئنئن قاباغینی تعمئر اتدی.
[31] اوندان سونرا مَلکئیا آدلی بئر زرگر معبد قوللوقچولارینین و تاجئرلرئن نظارت دروازاسینین موقابئلئنده‌کی بئناسینا قدر و دووارین کونج طرفده‌کی یوخاری اوتاغا قدر ساحه‌نی تعمئر اتدی.
[32] دووارین کونج طرفده‌کی یوخاری اوتاغی ائله قویون دروازاسینین آراسینی زرگرلر و تاجئرلر تعمئر اتدئلر.