[1] بوتون خالق بئر نفر کئمی سو دروازاسینین قاباغیندا میدانا ییغیلدی. خالق شرئعت شوناس عِزرادان سوروشدو کی، ربّئن ائسرایئللی‌لره امر اتدئیی موسانین شرئعت کئتابینی گتئرسئن.
[2] یدّئنجی آیین بئرئنجی گونو کاهئن عِزرا شرئعتی بوتون جاماعاتین حوضورونا، کئشئلرئن، آروادلارین و بوتون اشئدئب آنلایا بئلَن آداملارین حوضورونا گتئردی.
[3] عِزرا سو دروازاسینین قاباغینداکی میداندا کئشئلرئن، آروادلارین و آنلاییب بئلَنلرئن قاباغیندا، سحر آچیلاندان گون‌اورتایا قدر، بو کئتابدان اوخودو. بوتون خالق شرئعت کئتابینا قولاق آسدی.
[4] شرئعت شوناس عِزرا بو ائش اوچون تاختادان دوزَ‌لدئلمئش اوجا کورسونون اوستونده دایاندی. اونون صاغ طرفئنده مَتّئتیا، شِمَع، عَنایا، اورئیا، خئلقئیا و مَعسِیا، سولوندا دا پِدایا، مئشااِل، مَلکئیا، خاشوم، خَشبَدّانا، زِکَرئیّا و مِشولّام دایانمیشدی.
[5] عِزرا بوتون خالقین گؤزو قاباغیندا کئتابی آچدی، چونکی او بوتون خالقدان داها اوجادا دورموشدو. او کئتابی آچاندا، بوتون خالق آیاغا قالخدی.
[6] عِزرا بؤیوک تارییا، ربّه حمد اتدی و بوتون خالق اَللرئنی قالدیراراق «آمئن! آمئن!» دیئب جاواب وردئلر. سونرا باش اَیدئلر و اوزو اوسته یره دوشوب ربّه سجده قیلدیلار.
[7] یوشَع، بانی، شِرِبیا، یامئن، عَقّوب، شَبِتّه‌ی، هودئیا، مَعَسِیا، قِلئطا، عَزَریا، یوزاباد، خانان، پِلایا، و لاوئلی‌لر قانونو خالقا تشرئح اتدئلر. خالق دا یرئنده دایانمیشدی.
[8] اونلار تارینین شرئعت کئتابیندان اوخویوب آیدینلاشدیردیلار و معناسینی جاماعاتا تشرئح اتدئلر کی، اوخونان متن باشا دوشولسون.
[9] والی نِحِمیا، کاهئن و شرئعت شوناس عِزرا و خالقی اؤیرَدن لاوئلی‌لر هامییا ددئلر: «بو گون تارینیز رب اوچون موقدّس گوندور. بونا گؤره ده ماتم توتوب آغلامایین.» چونکی بوتون خالق شرئعتئن سؤزلرئنی اِشئدَرکَن آغلاییردی.
[10] نِحِمیا دا اونلارا ددی: «گدئن، یاغلی یمک ییئن، شئرئن ائچکی ائچئن و حاضیرلیق اتمه‌یَنلره ده پای گؤندَ‌رئن، چونکی بو گون رَبّئمئز اوچون موقدّسدئر. کَدَرلَنمه‌یئن، چونکی ربّئن وردئیی شادلیق سئزئن قووّتئنئزدئر.»
[11] لاوئلی‌لر خالقی ساکئت ادئب دیئردئلر: «ساکئت اولون، چونکی بو گون موقدّسدئر. کَدَرلَنمه‌یئن.»
[12] بوتون خالق یِیئب-ائچمه‌یه، پایلار گؤندَ‌رمَیه و بؤیوک شَنلئک اتمه‌یه گتدی. چونکی خالق اونا دیئلَنلری باشا دوشدو.
[13] ائکئنجی گون بوتون خالقین نسئل باشچیلاری، کاهئنلر و لاوئلی‌لر شرئعت شوناس عِزرا‌نین یانینا ییغیلدیلار کی، شرئعتئن سؤزلری باره‌ده فهم قازانسینلار.
[14] ربّئن موسا واسئطه‌سی‌ائله بویوردوغو قانوندا بو یازییا راست گلدئلر کی، ائسرایئللی‌لر یدّئنجی آیین بایرامیندا چارداقلاردا یاشامالی‌دیرلار.
[15] اونلار بوتون شهرلرده و اورشلئمده بو خبری اعلان ادئب یایدیلار: «تپه‌لره چیخین، یازیلدیغی کئمی چارداق قورماق اوچون زیتون، ائیده، مَرسئن، خورما و سیخ یارپاقلی آغاجلارین بوداقلارینی اورایا آپارین.»
[16] خالق چیخیب بوداق گتئردی، هر کس اؤز اِوئنئن دامیندا، حَیَطئنده، تارینین معبدئنئن حَیَطئنده، سو دروازاسینداکی میداندا و اِفرایئم دروازاسینداکی میداندا اؤزلرئنه چارداق دوزَلتدی.
[17] بوتون اسئرلئکدن گری قاییدان جاماعات چارداقلار قوروب اورادا قالدیلار. اصلئنده نون اوغلو یوشَعئن دؤوروندن بو گونه قدر ائسرایئللی‌لر بله اتمه‌مئشدئلر. اورادا چوخ بؤیوک شادلیق اولدو.
[18] عِزرا بئرئنجی گوندن آخیرینجی گونه قدر، هر گون، تارینین شرئعت کئتابیندان اوخویوردو. اونلار یدّی گون بایرام کچئرتدئلر، سکّئزئنجی گون ده قایدا-قانونا گؤره موقدّس بئر ییغین قورولدو.